Monchhichi919's Profile

之前食過假日下午茶，百幾數一位性價比高。今次就食環球海鮮、美國極黑牛鐵板燒自助晚餐，時間比平時更早，係由17:00-19:00 2小時用餐：1. 冷盤食了美國生蠔，肉質鮮甜，清洗乾淨又冇嗰陣過濾水味，龍蝦如果冇見佢放上枱就要有禮貌地問職員拎2. 刺身只食了三文魚，肉質滑嫩，油脂分佈平均，其他3款唔特別唔想食3. 飲品有果茶、餐前酒、紅白酒，咖啡奶茶等4. 冷盤有各種不同沙津，薯仔蛋沙津、南瓜沙津、凱撒沙津不妨一試，沙津菜好新鮮5. 熱盤食過口水雞，肉質滑嫩、紅油炒手翻兜再翻兜、關東煮不過不失、豬腳薑夠淋薑夠入味，籠仔蒸蝦爽口彈牙，卡邦尼白汁意粉夠juisy，羊鞍好冧好食，芝士牛肉漢堡(鐵板上) 一般6. 甜品有心意圖案設計心太軟，流心部份是特濃朱古力醬好好食唔甜、豆腐花豆味重口感唔錯、tiramisù 唔好食口感怪、芒果慕士蛋糕、鮮果忌廉蛋糕、藍莓批、啫喱糖、林明頓都唔錯，款式好多，淺嚐亦很滿足7. 雪糕：Mövenpick 口味有雲尼拿、士多啤梨、香蕉、椰子、檸檬青檸雪葩、蜂蜜杏仁，個人都係鐘意雲呢拿服務幾好有禮，人手雖然唔多，但收碟&補給速度很快，個人建議食17:00-19:00 時段，冇咁多人又唔使同人爭，係個唔錯體驗。…Read More

週末到Airside 揾食唔容易，幸好都揾到間餐廳即時入座，叫左以下食物：1. MAX拉麵(粗) 配菜材料有薄切叉燒X3，鵪鶉蛋X1、溏心蛋X1、紫菜X3、海帶適量，1碗加了蒜泥，蒜泥好重蒜味，齋食佢係會頂唔住，要放湯才令湯味更濃。2. MAX拉麵(幼 )配菜同上，只是由蒜泥轉了味荀，感覺冇特別。3. 章魚小丸子：配搭酸薑、柴魚片、沙津醬齊齊食又熱辣辣，搭酸薑特別好食。 服務幾好，上菜都好快手，基本上一個鐘之內可以完餐及結帳。…Read More

今次慶祝生日，友人揀選一間蒸海鮮，套餐以每位計，分別點了尊貴海鮮及刁鑽海鮮套餐(加粥底)，點餐過程職員會因應顧客喜好，作出適當的推介及建議，同時烹煮過程都是係由職員代勞。基本上「尊貴」有嘅選項「刁鑽」都會有，因為刁鑽高一級，第一轉先上冰鎮龍蝦刺身及赤蝦海老，前者口感厚味道鮮甜，可以唔使沾豉油芥末，亦試過熟食鮮味更出，後者冇乜特別。蟹黃青瓜個蟹黃醬話係自家制，蟹黃味平平，好似食海膽咁。一連串蒸海鮮：翡翠螺-> 韓國蠔-> 大元貝配蟹黃醬-> 野生青口-> 南非鮑魚-> 琵琶龍蝦-> 虎蝦-> 鰻魚-> 綠膏蟹-> 膏仔蟹。海鮮係好新鮮，過程唔使沾任何醬油，有幾樣特別深刻提一提； 青口好似隻蠔咁大，海水味極重。琵琶龍蝦細細隻、綠膏蟹＆膏仔蟹肉質同樣鮮嫩鮮甜，仲有糖水送，感謝餐廳送上2個壽桃，暖心位加曬分。服務幾好，間中會主動介紹餐廳海鮮來源，職員表示餐廳老闆每日直去碼頭取貨，海鮮是野生不是養殖，唔怪得知青口咁大隻。…Read More

自從上次難食左，都一段時間冇黎，今日又突然想食過口癮，貪佢唔使等位，用Apps 點了以下食物： 1. 4隻原味雞翼：香口好食，保持到肉質嫩滑。 2. 香焗白汁菠菜：白汁芝士醬夠多，燶燶地烘得幾香，可以飲汁咁濟。3. 野菌雞肉多利亞：鐘意白汁撈飯，個汁反而少左，搞到有點乾。 4. 明太子海鮮意粉：魷魚好腥唔入味，頂唔順吐返出黎，蝦都係好乾，剩係個明太子汁撈意粉好食。 5. 香蒜辣汁野菌西蘭花：辣汁唔多，西蘭花野菌夠熱幾好食。 見到多左人手，服務又做返好點，希望...keep到啦。…Read More

每次早餐首選都係佢，主要都係服務態度及食物質素唔錯、價格經濟，今次點了吉列魚柳配薯餅、茄汁豆、炒蛋、奶油豬，魚柳好大塊又夠熱夠脆，薯餅都唔差，跟魚柳一樣夠熱夠脆，炒蛋有點乾唔夠滑，味道都差點點，如果加返啲鹽就好，搞到味道都差點點，炒奶油豬又牛油又煉奶(多醬)，變相外脆內juicy，加$8要埋個火腿通粉及即磨咖啡好飽。另一個係雜菌煎蛋麵，麵硬度合乎「爽」，煎蛋係太陽蛋，味道&口感唔錯，熱飲係熱檸水。…Read More

食下午茶都可以好豐富，今次跟友人去左好耐冇食嘅沙嗲王，等齊人先order就由午餐變左下午茶，我地都各自點了白咖哩豬扒飯，茶餐比午餐平$8，還升級加個酥皮濃蝦湯，個湯層酥皮係即叫即焗，酥皮變左主角，湯冇特別，食完好飽，搞到個飯食唔曬。白咖哩豬扒飯係皇牌，味道跟以前冇分別，都係咁好食，豬扒熱辣辣又夠大塊，每次去必點，凍荔枝紅茶配寒天波波，小食選擇冇以前咁多。…Read More

今早係銅鑼灣想食早餐，記得世貿對面好似有，去到幾旺幸好有位，點咗蕃茄雞肉通粉，配炒蛋餐包(酸種)熱檸水，個包幾鬆軟口感幾好食，炒蛋香滑食完好開胃，好耐冇食過喱種質感，至於個蕃茄通粉，雞肉爽滑湯又夠濃，幾好....下次再去。…Read More

原本想帶朋友食酸菜魚，點知去到發現已轉左另一間店舖，加上行埋整個商場都冇咩食慾，最後就照食喱間已轉手的食店。餐牌有日式、中式、邊爐式選擇，本身仲有酸菜魚，但冇貨，可惜!!!於是改叫吉列豬扒拉麵，跟其他拉麵店賣相、配菜冇異，麵的份量幾多，豬扒即叫即製幾大塊，食量大的我食唔曬，冷盤薯仔絲口感麻麻。另2位友人就點了咖哩豬扒飯配味噌湯，咖哩汁調味唔錯，白飯份量多。麻辣肥牛烏冬(小辣)，辣度可分大/中/小，整體上幾好食。…Read More

這間餐廳幫襯多次，每次都係光顧晚餐，餐牌上有3款2人餐，薑蔥霸王雞/清蒸蒼魚(可轉豉汁)配一款小菜或者兩者都有+兩款小菜，每個套餐附送例湯&清湯時蔬，仲有野飲添。1. 薑蔥霸王雞(半隻)：連雞胸都好滑嫩幾好食，個豉油汁仲可以撈飯。2. 枝竹火腩煲：枝竹有8塊，火腩都有咁多，汁就稍濃，要送飯。3. 清湯時蔬：通常都係菜心，遇過一次係唐生菜。4. 餐湯：有2款...中(老火湯) / 西(羅宋湯含有牛肉)送熱飲，凍飲要加錢。服務生主要為老人家，感覺有點似銀杏館，服務態度很好，只收現金，不收任何電子支付。…Read More

好驚喜星期六日百幾蚊就食到Tea buffet，雖然冇刺身，酒店亦提供好豐富的款式&誠意搭夠，主要有冷盤、熱盤、甜品。冷盤：不同種類芝士&火腿、沙津菜，日式海草、秋葵、水牛芝士蕃茄、羽衣甘藍等熱盤：燒牛肉、叉燒瀨粉、揚洲炒飯、炒腸粉、煎釀三寶、咖哩三寶、白汁蘑菇意粉、章魚小丸子等甜品：各式蛋糕、泡芙、生果、蘋果撻、雪糕(阿菠蘿)、心太軟(限定)等飲品：各式各樣咖啡奶茶以上提過都係好食。甜品第一轉就要拎左先，大部份refill 多1-2次就冇。甜品幕士見到賣相唔敢食，蒸燒賣太硬唔好食(夠熱)、好多老友記去食，因為佢地係免加一，唔book位冇得食，只有星期六日及公眾假期提供。**見到有一枱拎完一大碟炒飯，食2啖就唔要，好過份，非常浪費食物，建議餐廳就有關情況提出收取附加費**…Read More

想食放題都會諗到呢間，大喜屋品質高款式多，今次選擇假日16:30入座的時段，人流會冇咁多。由於已食過好多次，唔會一次過落好多，按人頭落，刺身保鮮程度更佳。刺身：三文魚、油甘魚、帶子平均都鮮甜&夠凍，除左赤蝦、甜蝦比較腥之外，其餘刺身係有翻叫。壽司 & 卷物：推薦海膽手卷，海膽唔苦幾鮮甜，仲有花之戀、三文魚腩、鹽燒左口魚邊好食。熱盤：瑤柱扒豆苗、乳鴿夠熱，皮夠脆。炸物/ 天婦羅：芝麻雞賢翼肉質唔乾，天婦羅蝦即叫即炸，皮薄熱辣辣好食。燒物：羊鞍即叫即燒，等左接近20分鐘先到，夠腍唔硬，食一舊就夠，至於蒲燒鰻魚要小心有碎骨。燒菠蘿今次第一轉就叫好快就有，燒榴槤一般，有機會唔係當做而有所影響。其他：自助區有飲品、甜品、部份熱盤，如需落單的甜品有半個木爪桃膠燉奶，甜度適中幾好食。…Read More

今次友人生日，挑選了平日中午任食點心套餐，剛好是2人的關係，2選1的選項均可以全部試曬，所有點心全部試均。前菜：蜜餞黑豚叉燒 配 四季春煙燻上素卷 - 叉燒腍滑有肉汁味道足熱度剛好，煙燻味輕輕帶過，驚喜素卷係凍點，令到濃味慢慢變淡。點心只講特別好食：- 蝦餃：真真真皮薄餡靚，大隻蝦係入面，正價都要$80/籠(3件)，encore 2次。- 蜂巢荔芋角：好耐冇係酒樓食，食完唔覺得滯&膩，口感幼滑。- 黑松露野菌餃：又係皮薄餡靚，料多夾起唔穿。- 魚米雞粒鹹水角：唔癡牙，外皮脆、內餡份量適中。- 頭抽香煎白腸粉：腸粉煎得黎冇焦，腸粉收汁處理很好，手工功不可抹，值得贊賞。瑤柱蛋白炒飯：白飯粒粒香，夠鑊氣。四川椒麻擔擔麵：湯底味道、麵柔靭度、份量恰到好處，唔會太多或過少。另加$60 老火湯 (蟲草花煲烏雞)：淡如飲水，失望。甜點：- 紅桑子凍糕 & 楊枝甘露：酸甜開胃，令到整體上冇咁飽。- 蛋白杏仁茶湯丸：湯丸皮太厚，杏仁茶味再濃會更好。服務員上菜模式、擺位有心思，而且態度良好有禮。…Read More

由試業開始幫襯水準都能保持，早、午、晚3個時段都已經食過，個人喜歡早及午餐，因為脆口的燒味到夜晚就keep唔到啦，同埋會凍冰冰。今次係食午餐，燒肉拼油雞配米粉及燒肉拼貴妃雞配河粉套餐+老火湯+雜菌時蔬+餐飲，燒肉皮相當脆口，油雞肉質滑嫩味道足，米粉模樣&口感與其他餐廳唔同，感覺上比較好食，雜菌時蔬要另加$22，菜的款式&量度都合乎價格，老火湯不過不失，所有食物都係熱，燒味保持有輕熱度。唯一需要改進係個別員工服務態度，有位員工執枱時不慎倒瀉湯汁到另一客人身上，可以一句唔好意思/對唔住都冇講，係一粒聲都冇行左去拎紙餐巾抹完就走，一句野都冇同客人講，真係唔得!!…Read More

最近出左新湯底「魷嘻蝦-蝦湯米線」就一於試下，揀左魷魚+脆卷+竹笙+10小辣，個湯濃到難入口，成個口都好鹹，每一啖米線都好鹹，魷魚&脆卷係好食，唯獨個湯底，喱間搞到唔好食囉，最後等朋友食完，轉過去用蕃茄湯繼續食，就冇問題。所以新野唔一定係好，除左睇本身個款式之餘，更要睇本身間舖的手法有冇over，有機會都想去第二間試多次新湯底，睇下係咪只係個別分店問題。友人叫過橋米線，蕃茄湯底，不過不失，而且蕃茄湯除了清湯外都是一個好選擇，酸酸甜甜幾開胃。蒜泥白肉，鐘意食一定要多蒜，夾埋白肉超級正。…Read More

今次4人入座點了一個3人餐及半份炸雞套餐肉類分佈有牛、豬、雞黑毛豬梅花肉：邊位稍為冇咁乾之外，其他都好乾。雪花五花肉：油脂分佈適中，保持肉汁，幾好食。蘋果梨汁雞肉：有蘋果夾住食，酸酸甜甜幾開胃。友人表示牛肋骨、牛前胸肉：入口即溶。牛舌：普通冇特別。海鮮煎蔥餅：幾大份，上枱時己分好9塊，夠熱&香口。原味炸雞(薯條托底)：薯條好好食，兩樣夠熱，炸雞大大舊。爐邊伴菜：泡菜玉子燒&芝士粟米。服務殷勤有禮，主動推介套餐外，又幫忙代燒。由於友人生日，帶蛋糕去切，感謝店舖豁免切餅費。…Read More