ShadowzChung的個人專頁

上網睇過好多食評，都話呢間中菜十分出色，今日一於同男朋友黎試過究竟！一入黎，張公子既裝修都非常好靚，坐位寬敞，坐得非常舒服！侍應姐姐服務態度好好，值得一讚！膏蟹清蒸肉餅 ($298) 我想請呢道菜，真係好無敵黎形容！隻蟹係勁大隻，非常多蟹膏，同超級好味！！蟹汁融合落D肉餅到，係令肉餅既鮮味更得到提升！同埋成隻蟹都係超多肉，勁多蟹膏，超好味！！公子特色凍豆腐係呢度特色既冷盤，專有冷盤～一粒的骰嘅豆腐，好開胃，個味道類似豬腳薑汁加豆腐。秋霧鹵醉蝦醉蝦係煙霧中飄出，視覺效果好似隻仙蝦咁，蝦好新鮮彈牙，就算直接除殼食都非常夠味，好好味！張公子牛肋骨牛肋骨連著一整條骨，超有氣勢，食完條骨好岩再打包翻去狗狗咬ＸＤ肉炆得非常之林，醬汁好夠味。另外特別推介，飯後甜品 張公子龜靈膏！ 係我超中意既之一，平時夜訓好熱氣，飯後食一個真係岩哂，配上花果蜂蜜，又甜又甘香！正！…查看更多

呢間Cafe位於長沙灣喺我公司嘅附近，今日一於同同事嚟試吓呢個靚靚打卡Cafe，平時都已經成日上網見到，好多人都讚呢間Cafe好高質，今日一於試一試！我同同事一人叫咗一杯咖啡，同事飲嘅係Cappuccino，而我飲嘅係黑糖伯爵latte，呢度嘅拉花真係超級靚！！lunch都覺得非常chill！舖頭個環境勁好，裝修都勁靚，有非常多嘅打卡位，好啱鍾意影相嘅朋友仔。我哋叫咗兩個set，一個係美國特級專梅扒，豬梅扒平時食都勁驚會煮到勁勁乾，但係呢度都完全唔會，除咗有煎香左嘅肉味之外，肉質都勁嫩完全唔會韌！另外我哋叫咗個辣肉腸意粉，成個意粉勁香，嗰浸香油味唔識得點形容，成個意粉嘅軟硬度非常適中，值得一讚！…查看更多

呢間薯條喺旺角一路都好出名，我都唔係第一次食，雖然佢嘅價錢比較高，但係落嘅份量係非常足。地址位於旺角好景中心，呢間係專做外賣冇得喺堂食，薯條基本上都係每兜係新鮮炸，每兜薯條都會耍勁多粉！好正呀🤤今次試咗BBQ味同芝士味， BBQ味非常濃郁，我自己就好鍾意食BBQ味。朋友試咗個芝士味，朋友比較鍾意芝士，我就覺得芝士味有啲偏鹹，鍾意食鹹嘅朋友就好啱可以試吓！鍾意食薯條嘅朋友仔一定要嚟試吓，試吓唔同地方嘅薯條。…查看更多

之前上網見到，一直都想嚟試吓，今次終於可以試吓。一坐低環境都唔錯，男朋友即刻叫個生醃醬油蟹，懷念吓喺韓國嘅感覺。以花蟹醃製成醬油蟹，蟹肉鮮甜味美，鮮 味完全無被醬油味蓋過，非常好食！另外我哋叫咗烤牛排骨套餐，真係非常啱鍾意啖啖肉嘅我地！肉汁勁鮮美！大大條牛骨🤤我哋仲叫咗雞蛋羹同大醬湯，都非常之還原咗喺韓國食嘅味道！讚！最後嚟咗個韓式煎餅，濺到外脆內軟，勁香口！配上個醬汁，簡直係一流！有機會，我都係會再嚟食㗎…查看更多

我就本身係好鍾意食中式菜，特別係烤魚啊雞煲啊川菜。之前一路都有聽過小魚兒啲烤魚幾好食，今日收工一於同男朋友嚟尖沙咀試一試，探探究竟！我哋叫咗一個毛血旺湯底，兩個人去食一個烤魚加一個毛血旺湯底分量啱啱好。烤魚係即叫即整嘅，皮烤到勁香口同好脆皮，但係依舊可以保持到肉質鮮滑😍毛血旺入面有好多鍾意食嘅鴨血！真係好正呀！😍不過略嫌薯粉得三四條，如果可以再多少少就更好，薯粉用既係寬粉，勁Q彈非常有咬口！勁中意！…查看更多

好多年前已經食過呢間韓式燒肉，如果講香港韓式燒肉嚟講依家應該可以用元組嚟形容！我想講，呢間小店一入去就已經好有韓國燒肉店嘅氣氛，香港呢排啲經濟咁低迷，經歷過疫情，小點依然屹立不倒一定有佢嘅實力所在。我哋今日叫咗和牛拼盤，價錢非常均真同實惠，三百幾蚊就有個盤！啱晒鍾意啖啖肉嘅朋友，黃牛入口即溶，油脂均勻，加上燒汁，真係一級棒！另外我哋都叫咗個牛骨湯，大大條牛骨喺湯入邊，除咗條牛骨之外，連啲肉都係大大嚿，非常之濃郁，湯煲到奶白色，料非常足，真係必試！仲有白菜豆芽小菜無限添加！啱晒好鍾意食泡菜嘅我！超級健康🤭…查看更多

收工最緊要要同好姊妹嚟chill下💕呢間位於旺角嘅居酒屋，地段非常之方便，今日收工又要約話好姊妹嚟傾吓偈，放鬆吓，釋放下大家都咁忙咁抑壓嘅心情。我哋叫咗一個A4和牛壽喜燒配野茶豆腐，和牛油脂分布得非常好，入口即溶，不過壽喜燒味道都好濃，越煲越甜，豆腐都真係超級滑，基本上夾唔到嚟食🤣另外叫咗個清酒煮蜆，蜆肉大大隻，每隻蜆肉都非常肥美，配搭清酒去煮，非常突顯到蜆肉嘅鮮甜！另外我同好姊妹不停咁encore咗四杯巨峰梳打，然後知你就知都真係幾好飲🤭…查看更多

今日同同事LUNCH黎食台灣麵, 第一次食阿木, 好彩, 黎到都唔洗等位。叫左2個麵, 3個小菜, 2杯野飲。 個人飲左奶蓋烏龍茶少甜, 我對奶蓋有個執著, 呢度既奶蓋係不錯的, 茶底都清清地, 幾好!叫左個蕃茄湯底牛肉米粉, 同埋麻辣牛肉牛根麵。個人係比較中意蕃茄湯底牛肉米粉, 酸酸甜甜好好味!另外叫左栗米芝士蛋餅、炸大腸、蚵仔酥。全部都係新鮮炸! 好香口好味, 炸大腸都非常鬆脆！同埋話外一提，呢度既牛肉係同牛展，而且非常厚砌！真係啖啖肉！總結呢度係非常抵食，份量非常足料！！…查看更多

之前都一路未試過韓式嘅刀削麵，今次收工同朋友仔嚟試，舖頭位於山林道，其實而家香港啲餐廳生意都唔係特別好，估唔到呢間細細嘅舖頭居然都仲客似雲來，坐爆咗個場仲要排隊等位。我諗都真係好多人好欣賞呢間舖頭。我之前係從來都冇食過嘅，今次同朋友仔叫咗一個花蛤刀削麵，我想講嘅係呢個花甲麵湯底係出乎意料之外地鮮甜！佢嘅鮮甜係一啲都唔膩，亦都唔鹹，清得來都好夠味！另外我哋叫咗個牛骨湯刀削麵，如果鍾意清清地嘅朋友好適合叫呢隻味，另外又有覺得意外嘅地方就係估唔到牛骨湯係比花甲味更清，感覺超健康！好啱我哋啲鍾意清清地唔好太Heavy嘅朋友仔嚟食💕呢度嘅餃子勁大粒，同埋都非常之好味，好值得叫嚟試！同埋我最鍾意嘅泡菜係任食無限添加！😍真係非常之正！…查看更多

估唔到係荔枝角都有間吸引使咁高質嘅食西餐飲咖啡嘅地方💕呢間餐廳位於荔枝角地鐵站附近，喺工廠區入邊，雖然開設咗喺工廠區，但係入邊環境同裝修係非常之靚同優美。咁靚嘅餐廳，食嘢嘅心情都特別好！今次試咗個2個lunch set💕英式炸魚薯條，炸魚非常鬆脆可口💕同埋食物份量都非常足夠！大大份！配上啲他他牆！口感豐富，非常滿足到味蕾！平時出邊食嘅豬扒，一係好乾身，一係就好嚡濕濕。但呢間嘅豬扒非常之皮脆肉嫩！食落去啲肉質係軟綿綿，口感好好！我本人係唔鍾意食玉桂味嘅嘢，但係呢度配上肉眼扒係完全冇違和感！非常好味！另外值得一提嘅就係呢度跟set嘅餐湯，今日係食蕃茄湯，蕃茄湯非常之新鮮！好Juice嘅鮮蕃茄味！🤣成個環境氣氛好好，食飯有一個好好嘅體驗💕…查看更多

今日同男友到觀塘巴巴串黎室內燒野食! 之前我地係未試過呢類台上轉轉串,成日係社交平台見到, 一直都覺得食自轉串燒好得意同埋好方便，由得啲串燒自己轉吓轉吓就食得,今日終於有機會黎體驗下喇! 巴巴串裝修有格調, 工業風，而且座位闊落,啲位好大好好坐！餐B 放題，呢個價錢係限時兩小時嘅 120分鐘，更有C套餐D 牛更靚!!更加多好野!!無火串燒燒肉設備安全又舒服，啲串燒放落機度自己轉，好岩我呢D懶人燒, 又唔怕燒得唔靚!!燒雞翼真係一流，啱晒冇耐性又成日易燒窿野嘅我~野食任食, 嘢飲方面都係任飲，但就冇酒飲~ 中意飲酒既朋友場內有無酒精版嘉士白。…查看更多

小妹本人同屋企人就非常中意食川菜, 因為真係好中意辣辣地又香口既感覺。今次同屋企人黎老壇子酸菜魚食晚飯, 男朋友心心念念酸菜魚終於可以食到! 老壇子酸菜魚就不嬲都好出名! 我地叫左酸菜鱸魚, 魚肉鮮嫩滑口, 酸菜酸味岩岩好!非常開胃~ 酸酸MEIMEI讓整道菜品充滿層次感~而且湯底清爽 帶有微微辣味~酸蘿蔔炒牛肚都係第一次食, 酸蘿蔔炒牛肚意外地好味! 酸蘿蔔嘅酸味與口感彈牙既牛肚, 真係非常開胃!雙椒童子雞,鮮香麻辣!!新鮮肥嫩的童子雞，鐘意食雞既朋友一定要叫!!爆炒雪花牛肉鮮香味充分釋放, 顏色焦香誘人! 岩哂中意食牛既朋友仔!點左小炒花菜完全油膩，小小辣椒吊味，搭配蒜蓉和辣椒炒一齊食，蒜香味十足，微辣嘅辣椒提升左成道菜嘅風味, 炒的都好有鑊氣!…查看更多

嚟到試是特色炸醬麵！秘製炸醬勁濃郁又好味，面口感都非常之好，加入清爽嘅青瓜同蘿蔔絲，非常之好味！蔥油拌麵嘅蔥油炸得勁香，菠蘿啲面度簡直係非常邪惡！呢度啲餃子仲有好多出邊都食唔到嘅口。今次我哋食咗洋蔥鮮肉餃拼尖椒鮮肉餃，尖椒鮮肉餃食落一啲都唔辣，就算食唔到辣嘅朋友都可以食，感覺比較似青椒鮮肉餃多啲🤣而洋蔥鮮肉嘅洋蔥都一啲唔攻鼻。呢度啲餃子隻隻都非常大粒！好足料！另外試咗呢度個王牌麥芽菜湯餃，就比較清，麥芽菜做涵我都係第一次見，就算湯餃一樣係大大粒，個人比較鍾意食煎餃，因為香啲😙…查看更多

呢間鋪岩哂中意食日本野既香港人！我男朋友就係日本料理忠實FANS,成日係網上都見到好多呢間鋪美食靚靚相, 今日收工時, 一於決定同男友黎CHILL下!呢間居酒屋位於尖沙咀棉登徑8號, 離地鐵站都好近非常方便, 場內環境幹淨整潔。我地叫左雞肉大蔥串, 份量超級多，食落又滿足嘅口感, 食落好JUICY, 一D都唔干身, 好味男朋友同雞過唔去, 所以我地又叫左個燒雞翼同雞骨豬肉腸, 燒雞翼~我中意食~ 啖啖肉既感覺, 大滿足!!係MEUM到見到梅子茶泡飯, 出於好奇, 叫左個黎試, 酸酸地, 幾開胃, 味道幾得意!最後我地再試左呢度既燒白鱔, 燒到外脆內軟, 魚皮香噴噴, 非常YUMMY!…查看更多

老闆非常非常Nice！勁好人！性格好正！ 真係好值得支持嘅小店🤩場內勁多board game 供玩用😍 一入到場已經非常爆場，估唔到咁細細間小店居然咁旺檔！今次試咗牛肋條飯，老闆整得好有心思，飯團套入咗小貓模蓋，非常可愛！10分推介瑞士雞翼🩷非常好食！勁入味！去到基本上已經差唔多賣晒。另外試咗個煙鴨胸意大利螺絲粉，擺盤都非常好睇💕整體嚟講，係一個收工又好放學又好一個好好坐嘅好去處，但係淨係接受電話預約🤣老闆超級好人! 呢間大廈嘅入口有少少難搵，俾個指示俾大家🤣今日都分享到呢度🤓…查看更多