逍遙食家's Profile

早排在內地超受歡迎的喜茶在各處插旗，一時間喜茶的排隊熱在香港迅速形成。避過早期的熱鬧後，今日經過見人龍終於正常番好多就立即買了杯香港限定的奶茶波波。奶茶的味道確實唔錯，珍珠的口感又幾好，而且份量頗足，難怪喜茶在中港兩地咁受歡迎。…Read More

朋友結婚，送了張Godiva $50券當餅卡給我，經過屯門Godiva見有夏日限定的白朱古力雪糕，便點了一支與女友試下。一食落口就明白點解要$50支咁貴，雪糕果真又滑又香，令人食唔停口，下次如有優惠真係可以再食下其他口味。…Read More

陪朋友到尖沙咀食下午茶，揀了這間沾麵店，叫了龍蝦沾麵和芝士石鍋飯，兩樣都幾好食。龍蝦的肉質夠彈夠甜，而且沾麵湯底熱辣辣，掛上沾麵好好食。芝士石鍋飯，雖然無任何配料，但熱力將芝味咸香融入飯中，加上焦香的飯感，味道一流。這間沾麵店可以再來食。…Read More

之前在上海食過特長炸薯條覺得好好食，於是返到香港找一找就發現了旺角這間店有在賣，就同女友過來品嚐一下。由於這店位置有點偏，沒有大多人在光顧。我地點菜後，店主就立即開爐去炸，炸得非常熱辣辣好好食，而且份量頗多，配上的黑松露沙律都幾夾幾好食，我覺得下次經過可以再來食多次。…Read More

今次真係好有驚喜，女友帶我去澳門食緬甸菜。女友知我一向食得濃味，而這間雅馨的椰汁雞麵甚出名，香港的網絡上都有介紹。雖然深入民生的區域，落巴士後都要走一段長長的路才可以到達，但都無阻我地進發的決心。餐廳的位置頗入，不易找，基本上是陷入一座大廈內，要定位才找到。一進入店內，已經滿滿是人，於是走上樓上閣樓就座就點了椰汁雞麵和魚湯粉。天氣極熱，又點了冰凍的菊蜜和凍緬甸奶茶。椰汁雞麵果然無令人失望，似葡國雞汁做的湯底，有點辣味好吸引，越食越愛上。魚湯粉則湯底超好飲，我幾乎飲到乾乾淨淨。而兩杯飲品都屬於正正常常，無大驚喜，不過我比較喜歡港式奶茶多於緬甸奶茶。總括而言，每款食物都好好味。…Read More

好耐無去澳門，朋友介紹先知現在好味的豬扒包不再是大利X記，而是來自世記。中午來到了也街已經見世記排了一條長隊，由排隊落單到等豬扒包其實都係半小時的事，以排美食隊來說已經是好順暢。講一講豬扒包，肉質炸得好香又好冧，而且好大塊，麵包亦有烘干至少少脆身，配合起來就好好食。另外，我亦叫了杯冰凍的炭燒咖啡，其實係店鋪門口已經可以見到佢地認真地用炭爐製作這杯咖啡，而飲落亦覺得好順口有一股好香的味道，係名符其實的炭燒咖啡，盛讚!…Read More

大約5-6年前食過名廚都匯，當時價錢比現在便宜少少，但食物種類真係多好多，特別係海鮮方面，我記得有長腳蟹，麵包蟹，琵琶蟹，生蠔，龍蝦等，款款好食又大件。反觀現在，只有長腳蟹，生蠔，細細隻的青花龍蝦(而且收起來，要問才會提供)，其他的都是普通的中西菜，例如北京填鴨，燒味，燒牛扒，燒羊扒，喇沙車仔麵，麵包，炒飯，只有海鮮泡飯真心好食，令人感覺真係性價比差了極多。以$5xx/人的晚餐價錢，以後我會選舉食其他自助餐。…Read More

見最近團購有優惠就買咗一張$79二人餐在屋企附近食，個套餐非常實惠有蜜桃批，炸雞，蘑菇飯和汽水。快樂蜂的炸雞比KFC做得更出色，皮脆肉嫩之餘內裡仲有好多汁，而且即做即炸即送上，拎上手仍然出煙，這種質素的炸雞絕對對得起價錢，難怪日日經過都見餐廳人流不絕。…Read More

好耐之前已經知道這間拉麵店係荃灣頗出名，見屋企附近開咗一間就帶屋企人去試下。分別點了黑蒜油味和特濃豬骨湯底，配上幼麵和粗麵各一款，我比較喜歡幼麵食落有九州系的風味，相反我媽比較喜歡粗麵食落較有口味，其實兩者各有風味各有支持客。我媽點的特濃豬骨湯底拉麵味夠香夠濃，食落好好食，可惜我點的黑蒜油味湯底拉麵實在有d苦澀味，有點受不了。相比以前食過嘅豚王拉麵真係相差太遠，對這碗麵有點失望...…Read More

最近宜家傢俬鬧到滿城風雨就係因為一個豆腐雪糕，但我卻真係好想食下佢個豆腐有幾好味，懶理外間無聊的自我對號入座，一於去試下。一支豆腐雪糕$5有找，味道非常特別，好似飲緊豆漿，而且口感唔似平時軟雪糕盤軟，帶點硬嘅質感，頗喜歡這種感覺和味道，宜家傢俬嘅豆腐確實好味又抵食!!…Read More

這間芝士撻以前非常多人排隊，但最近路過發現已經今非昔比，無人排隊嚕。剛好女友以前無食過就買咗一件試下，發覺已經唔似以前須要等待出爐，所有芝士撻都放在櫥窗，服務員好隨便就拎到一件俾我。買咗原味，芝士味確實很濃，可惜應該放了一段時間已經唔夠熱，影響咗味道，或者呢個現象就係熱潮不再的結果。…Read More

最近Sogo特價，有朋友話我知這間雪糕店的蜜瓜雪糕亦同步特價，而且由$60減到$29超抵食，於是就同女友去咗排隊試下。真係好彩，當日人唔算多，排咗5分鐘就買到啦，杯雪糕拎上手又靚，食落口又好好味，特別係蜜瓜好清甜，牛奶雪糕仲要超純滑，非常好食。下次做特價都會再來試下!!…Read More

今日係最後一日理工大學上堂，想同同學吹多陣水至離開，就去咗學校內唯一的Starbucks坐下，發現原來環境都幾舒適，而且價錢實惠，味道同服務都好好。點了一杯伯爵紅茶啫哩星冰樂，與外面Starbucks所製作的無異甚至更好，但價錢比外面的平1/3，真係非常扺!…Read More