PET_BABE's Profile

早前母親節因為工作嘅關係只係屋企簡單食飯最近多番空餘時間，就同媽咪補食豐富嘅晚餐媽咪想食蟹嘅關係，就book咗間專門食蟹嘅店舖-翠林辣蟹舫一入門口，有隻可愛既翠林蟹公仔歡迎你，而且店舖設有卡位令客人坐得舒服睇Menu蟹同龍蝦都做緊8折優惠，而且有小菜都做緊優惠蟹係好生猛嘅大肉蟹，一入門口見到隻隻大肉蟹好生猛，放係枱面個盤度郁而且蟹有五種煮法避風塘炒蟹、黃金流沙蟹、蟹油醬香辣蟹、薑蔥乾煏蟹、黑白胡椒蟹黃金流沙大肉蟹 $ 688 （再有八折優惠）整個黃金流沙佈滿肉蟹，令每啖蟹肉融入鹹蛋黃味，而且鹹蛋黃炒過，所以特別帶有香味蟹肉質鮮甜，意料之內，畢竟係新鮮嘅食材，自然食到新鮮嘅味道上海醬鴨 $ 148 （半隻）鴨肉經油炸至金黃，再放薑蔥煸香，再將香料用紗布包好，加入黃酒，再加上鹽及糖煮大約半小時再加入調味料 （傳統上海醬鴨做法）醬鴨醬油味煮得入味，而且鴨既處理方法很好，無鴨騷味蜂蜜醬燒黑毛豬排 $ 168採用黑毛豬，黑毛豬排肉質嫩，加上蜂蜜醬燒汁甜蜜既味道潮式酸菜魚 $ 168用上無骨龍躉魚片，魚肉更有咬口，而且酸菜湯味道做得相當出色話梅涼瓜 $ 68 涼瓜加入冰糖及話梅，煮好再放入雪櫃過夜，便成為這道餐前小菜味道甘甜早古味紅糕 $ 48內有紅棗整成既發糕，食落比較口感鬆軟，而且發糕整得好有彈性整體感覺很好，員工有禮貌，而且會跟客人介紹菜單，感覺很親切…Read More

今日難得地可以放鬆一下，湊B生活實在忙碌，難得地有人幫忙照顧小朋友，於是同先生黎快閃二人世界等先生收工時候遊V city，再去景峰一帶覓食，搵到一間坐得舒服，而且環境乾淨既黃店-木玥巷今次好幸運地可以坐窗口位，安靜地享用今晚嘅晚餐，完全可以享受二人世界餐前小食琥珀合桃 （增送）該店其中店主之一，曾經是嘉麟樓擔任廚師，曾做過該小食，如今作為餐前小食贈送於客人，口感脆而帶甜主食木玥招牌牛肉麵 $96材料相當豐富，有牛展、牛筋、牛肚、蘿白、炸豆乾（另外配有酸菜及炸蒜可自行添加）湯底以大量牛骨、蔬菜和水果熬製，湯底清甜，牛肉味濃而且炆得入味而麵條較為粗身，店方是經元朗老字號麵廠吳碧記特別訂製，麵條的質感較煙韌有口感蟹肉明太子炒新竹米粉 $88新竹米粉幼身，炒得乾身，再加入蟹肉混明太子，很有創意小食鹽酥雞 $42份量多，而且鹽酥雞粒炸得脆口，再配酸甜柚子汁，可以平衡炸雞油膩感飲品木玥招牌水果茶 $34西柚、鳳梨粒、香梨粒、青檸、百香果茶水果粒都是新鮮切粒，配上令人驚喜重量級高身杯，性價比高木玥黃金水果茶 $34鳳梨、百香果、鳳梨粒、香梨粒、青檸鳳梨加百香果這個酸甜組合，鍾意飲酸甜味既Fans 就不要錯過啦，此飲品已令我迷上…Read More

日本福岡直送81 kg 藍鰭吞拿魚估唔到香港都可以食到由日本空運過嚟嘅原條藍鰭吞拿魚，而且透過店舖嘅玻璃窗口，可以直接目擊劏魚嘅過程，保證新鮮即切即食，有時途經尖沙咀嘅我，望到都好有興趣試，今日難得放假又約咗朋友行尖沙咀，梗係帶朋友嚟試吓佢嘅新鮮吞拿魚我今次就係16:30呢個時間，去到首都廣場地舖嘅鐵火堂，店舖已經人頭湧湧，大家都好期待一條81 kg重嘅新鮮吞拿魚已經放喺窗口，師傅好有手勢，因為條魚都好重，而且切口都唔容易，師傅快而準咁將吞拿魚每個部位細分出嚟，並且每切一個部位部位，都會向窗口及店舖嘅客人展示，令在場每一位客人都清楚師傅切緊嘅位置係邊個部位，並且有專人講解位置，而且會解說每個部位嘅肉質口感講到尾已經有唔少客人，開始order吞拿魚嘅部位，而天腦同埋吞拿魚頸拖羅部位，識食嘅人，都好似拍賣咁好快就俾人掃哂，因為部位比較少所以顯得份外珍貴至於我哋睇完成個過程，對藍鰭吞拿魚嘅部位都有唔少嘅認知，我哋都order左大拖羅及赤身刺身、另外再加個四色吞拿魚壽司赤身吞拿魚-即是部位比較瘦嘅位置，脂肪含量都比較少，所以肉質相對會比較實，但因為即切即食，所以咬落都好嫩中拖羅-係赤身與大拖羅嘅中間位，脂肪含量剛剛好，啱晒唔想食太油脂嘅人大拖羅-魚腩位，入口即溶嘅感覺，全魚既油脂精華都喺晒度，而且食落好有魚油脂既甘香如果大家想知店舖幾時有吞拿魚空運到香港，可以透過鐵火堂社交平台，定時有更新資訊，日期、時間可以俾大家捕捉到即劏即食嘅美味過程同埋大家記住鐵火堂嘅首都廣場係立食店，如果想坐得舒服啲，可以去旺角登打士街分店、尖沙咀厚福街分店以上呢兩間分店都有即切嘅藍鰭吞拿魚送去該分店比食客享用…Read More

今日去荃灣經過之前我住既地方附近發現有間好搶眼紅噹噹既店舖，係一間外賣漢堡包店，細睇介紹，原來係知名漢堡店Burger Joys既副線我係中環食過Burger Joys,對佢既漢堡有一定既質數保證，而且佢既漢堡相對都比Burger Joys 平，呢點係好吸引立即order 二份漢堡加一份薯條芝士牛肉漢堡 $58呢個份量岩哂女仔食，有芝士、蕃茄、配菜，而且見到現場師傅不斷用人手整漢堡扒，確保新鮮，同埋自家製，有品質嘅保證，最吸引係廚房開放式，可以睇晒師傅成個整包嘅過程，確保衛生雙層芝士漢堡 $78Double既芝士漢堡扒，呢份岩哂男仔，大大份真材實料，而且漢堡扒係安格斯牛肉，食落既滿足感真係，有種幸福滿瀉嘅感覺，而配菜亦都可以中和芝士漢堡扒嘅油膩感炸薯條 $18薯條即叫即炸，咬落好脆口，令人忍唔住一條接一條咁食晒佢…Read More

最近朋友生日，係左諗右諗之下，經過outback門口,見到Menu做緊美國頂級斧頭扒，而且匯豐信用卡仲有折扣優惠，所以壽星女決定去outback食一坐低叫完嘢食之後，侍應奉上暖暖嘅黑糖餐包，個黑糖餐包係每次去outback必食既，次次都起碼同班朋友order三至四條先夠喉，人哋唔知以為我哋好餓，但實情佢個包同埋牛油真係好吸引，而且黑糖餐包外賣收費只係$10，買返屋企當早餐食都抵美國頂級斧頭扒套餐 $1620（適合四至五個食）是日餐湯粟米忌廉湯，忌廉配粟米令到個湯好甜，好滑好好飲公司沙律沙律好新鮮，配上醬汁好吸引燒美國帶子煙肉燴飯燒帶子好大粒，有三大粒，而且燴飯整得好入味，食落仲有輕微嘅辣味，好開胃，而且佢個白汁唔會整得好膩35oz燒美國頂級斧頭扒 （1kg)成晚嘅主角，黎到嘅時候我哋都嘩一聲，好大份，職員用車仔上，然後即場喺我哋面前切斧頭扒，我哋斧頭扒order左五成熟，切開之後真係五成熟，切完見到斧頭扒入邊有粉嫩既顏色，肉質好鬆軟，而且食落好Juice燒肋骨雞鎚芝士薯條拼盤燒豬肋骨好惹味，雞鎚炸得好脆，唔會好粉既感覺，薯條炸得香脆可口燒雞肉芝士夾餅夾餅都夾雜住唔少既雞肉連芝士，再加埋個甜甜地嘅醬汁，內裏嘅餡好豐富，但味道我認為一般，唔係我喜歡嘅味道飲品七折芒果沙冰，沙冰打得夠碎，而且芒果漿都落得夠多，所以令到沙冰好重芒果味唔會好淡，係好有誠意嘅…Read More

住屯門市嘅人，都知道屯門市嘅黃店其實唔係好多間，耐唔耐都有去幫襯下佢地既外賣佢哋依然係六點後停堂食，只做外賣今次去到，試吓佢嘅胡椒豬肚雞湯飯，朋友就叫肉燥鰻魚飯，另外再叫多碟口水雞胡椒豬肚雞湯湯飯 胡椒味唔會太濃烈，而且飲得出湯底好清甜，胡椒豬肚大大件，雞件好滑，再配芫荽香菜，令湯底更清香肉燥鰻魚飯肉燥好入味，而且唔會太咸而且價錢唔貴有埋鰻魚真係好吸引口水雞（例牌）佢嘅口水雞醬簡直係我鍾意嗰隻味道而且份量都唔少…Read More

今日行去兆麟苑嘅時候，咁啱經過一間食川菜雞煲酸菜魚嘅地方，叫巴辣仔烤魚雞煲，午市發現佢有啊川辣口水雞叫，而且價錢好親民，都只係$48，飲品就另外加$8口水雞嚟到嘅時候賣相都好吸引，而且用嚟裝白飯嘅碗，都係用返巴辣仔既公仔口水雞可以選擇辣度，我個人唔太食得辣野，所以就叫咗小辣，唯一美中不足嘅係，佢嘅醬汁比較少，但你有需要可以叫佢多川辣口水汁，用嚟送哂成碗白飯非常開胃另外我Order左杯凍奶茶，奶茶夠茶味，而且奶同茶比例合格…Read More

今日去荃灣睇傢俬，行完傢俬舖再去英皇大鴻輝中心，食預先book位嘅牛大人（荃灣分店），我哋午市時間先去食，可以食90分鐘一入座，店員送咗一杯生啤俾我哋，易入口，唔會苦，唔飲酒嘅我都忍唔住飲咗一半Order左個鳳梨雞湯底，依家興台灣鳳梨，緊係打邊爐都唔好錯過咁特別嘅湯底而且呢度仲有其他小食可以order我個人最鍾意就係佢嘅台灣腸同鹽酥雞，火鍋配料就最鍾意麻辣鴨血，佢嘅麻辣鴨血真係食咗成五轉，可以無限order鴨血真係好讚落單留意番係用QR code，可以任食，肉類有M5和牛，好有牛味，而且牛脂分布得好靚豬豚肉係薄切，入口唔會有雪味醉雞醃得好入味，我本人好鍾意食醉雞所以都叫咗幾轉，最鍾意呢度唔係普通嘅雞件，而係醉雞而且出邊既肉丸都有好多選擇，有唔同種類嘅蔬菜而且我好鍾意佢有寬粉，我個人好喜歡寬粉，會吸晒湯嘅精華，令到寬粉好入味至於飲品可以喺大堂嘅雪櫃任飲，有自家製嘅茶，同埋汽水罐裝飲品我本人最鍾意佢嘅白桃烏龍茶，好清香嘅白桃味，而且茶味適中當我我哋食飽之後原來仲有個甜品跟埋俾我哋，有芋圓、珍珠、仙草同埋西米，配料足，而且入口冰涼，為呢一餐作為最豐富嘅結尾…Read More

好多人都好鍾意足球，我男人都唔例外，男人既浪慢上次聽朋友講，油麻地既譽發廣場8樓有一間阿仙奴足球主題餐廳，今日帶我男人黎潮聖下一入到餐廳，佈置紅色為主，襯托返阿仙奴嘅logo顏色，掛滿唔同顏色既球衣同珍藏品，好似去左阿仙奴既展覽咁精彩晚市平日已經滿坐，想食既朋友仔記得要book 定位晚市有主餐牌或套餐套餐（沙律、西湯、主菜、飲品）沙律沙律菜好新鮮，食落好清甜，而且最特別有粒粒既爆珠，食落更有口感而且店舖會提供黑醋可伴入沙律酸酸甜甜令人好開胃南瓜湯食到有南瓜蓉，湯底好香滑充滿甜甜既南瓜味波士頓活龍蝦（半隻）配白松露忌廉扁意$168波士頓龍蝦配上芝士依然食得出肉質鮮甜，而且有滿滿嘅蝦膏，而且店舖好貼心將龍蝦鉗鉗碎放便客人食用白松露配上忌廉汁味濃厚，令扁意粉好掛汁香燒美國Creekstone 牛肉眼扒拼法國鵝肝$238店舖用上天然無激素黑安格斯肉眼，肉眼煎出來係粉嫩既五成熟法國鵝肝外層煎得香脆，內層口入即化飲品凍水果茶 （鋪差價）茶底剛好，唔會太濃太淡而且有粒粒既水果粒…Read More

最近比較忙，皆因屋企裝修途經深水埗睇電器，深水埗區實在太大，行到好攰就入咗一間以綠色植物做主題嘅cafe一入到店內，已經留意到樓底好高，令到餐廳嘅視野更加擴闊，而且店舖裝潢佈滿植物更增添文青風格中午時段Lunch （12:00-17:30）餐牌有A-O總共15款set而且跟沙律或當日指定西湯再跟餐配一杯飲品特飲加$18是日西湯：甘筍湯湯好濃郁，味道唔會好鹹烤大啡菇芝士自家製牛肉麥漢堡配薯條 $98店員送此餐過嚟嘅時候，我同有人不禁嘩！了一聲，眼前嘅漢堡好巨大，好有層次一層層呈現在眼前，而且有人咬落去，牛肉好Juice，漢堡的包有烘過，所以很脆口，而且下層配搭了不少沙律菜，沙律菜很新鮮薯條炸成金黃色香脆可口，令人忍唔住一口接一口吃下去海苔明太子鮮蝦意大利麵 $88鮮蝦每隻都好大粒，明太子份量足，令我食每一啖意粉都充滿明太子，而且令到意粉好入味，而且海苔都比得好大方，佈滿個意粉飲品熱咖啡即磨咖啡，味道偏酸草莓奶昔草莓味濃，好飲…Read More

好耐無食韓國炸雞特登去尖沙咀食，貪佢成條街都係食韓國菜，可以有好多選擇黎到一間可以坐喺窗口望住出邊大街嘅韓國餐廳除咗可以坐窗口邊之外，第二個吸引我入去嘅原因係佢嘅熔岩芝士炒飯，好吸引入到餐廳，電視播住介紹店舖特色食品嘅廣告原味無骨炸雞 （大）$218配上兩種醬汁+醃蘿蔔無骨炸雞係採用雞柳條，就咁食冇咩味所以點醬會好味啲而且炸雞仲會有配埋薯條薯條炸得香脆可口火腿蛋漿熔岩炒飯 $158差不多每台都有叫呢款熔岩炒飯因為侍應會係你面前即場表演火槍燒芝士一碗嘅芝士倒落炒飯，再用火槍燒一段時間，芝士好似火山嘅熔岩咁，熔晒落啲炒飯度，再將熔芝士同炒飯攪拌，然後再係你面前拉絲，未食都覺得好吸引，好邪惡再食落啖啖既拉絲芝士炒飯，有種嚟呢度食飯無憾嘅感覺韓式蒸餃子$110我好鍾意食韓式嘅餃子，每次去韓國或者食韓國菜都必點餃子五隻，分量十足，咬落去有滿滿既菜肉餡，菜肉餡比例啱啱好，而且點埋個醬汁會更顯滋味…Read More

話說我好鍾意葵芳行街之後，有時間就慢慢散步行返去荃灣，路途對於我呢種鍾意行路嘅人士來講一啲都唔算遠今日下午茶時段途經葵涌，見到一間黃店排晒長龍，店舖名叫做嘉寶漢堡見到下午茶時段都大排長龍，而且地點唔係熱門行街嘅地段，就知質素相當唔錯芝士牛堡 $31漢堡扒好Juice，配搭芝士，永遠都咁好味而且漢堡包皮烘過好脆，而且菜亦都好新鮮日式芥辣雞堡 $27雞扒啖啖肉好嫩滑，配芥辣醬汁甜甜地有少許辣，好開胃，而且呢個價錢對得着住漢堡質素套餐可以加$13升級小食+飲品我哋叫咗薯條小食，薯條炸得香脆可口，而且有我鍾意呢種長條扁身嘅薯條，令到薯條加晒分…Read More

經過觀塘區，諗起之前有朋友喺度返工介紹我嚟呢度食台灣菜，佢推介呢度嘅牛肉麵，等我試吓佢有幾好味哈豆喺觀塘工業區有兩間分店，我就去返近我行街附近嘅分店入到餐廳，發覺佢嘅裝修好地道特色，牆壁佈滿台灣嘅名勝地點，全部都係台灣值得到此一遊嘅打卡勝地，全部畫成壁畫，客人坐喺旁邊，好似望出窗外見到台灣明勝嘅地方我哋叫咗一碗牛肉麵，一碟鹽酥豬扒滷肉飯但食物質素令我認為好失色鹽酥豬扒滷肉飯滷肉飯太鹹，鹽酥豬扒炸得太乾，比較難咬牛肉麵牛肉麵嘅湯底唔錯，只可惜牛肉質素未如理想…Read More

今日行尖沙咀經過林山道附近，有好多特色既小店我地被室內既裝修吸引，入面好多打卡位又可以食飯，又可以影下靚相打卡（歲月不饒人，趁着青春影多啲靚相）令我決定晚飯既落腳點係佢啦！🤩佢有落場時間，要等到六點先開門門口有啲位可以提供比客人坐住等入到室內，趁我地係第一批客人立即周圍打卡影相先，人多就無咁方便影完就坐低叫餐MK鰻魚蛋包飯 $118必叫食品，厚身既鰻魚再配香滑既蛋，份量十足黑松露牛肝菌卡邦尼意粉 $98有好重芝士味，有啲蓋過黑松露牛肝菌嘅味道，我認為呢個意粉一般炸薯條 $40份量都好多，而且炸得好脆味可口炸雞翼 $40炸雞翼普通，無咩驚喜…Read More

逸東酒店LG樓層係一個美食廣場有間Superdon 既日式丼飯有刺身及熟食既丼飯選擇全部丼飯都配有沙律菜及麵豉湯而我比佢三文魚蟹籽丼飯既圖片吸引我去食叫餐後會比個儀器你，等餐做好就會響提示你出去取餐三文魚蟹籽丼飯 $88沙律菜新鮮麵豉湯略為鹹咗啲三文魚蟹籽丼飯既三文魚食落無鮮味但就咁睇又唔覺得唔新鮮，都keep到色澤蟹籽正常，份量都唔少，而且咬落好有口感但飯唔夠醋味，好普通有啲失望，勝在店舖既丼飯定價唔算貴當日人流唔係好多，比較靜員工有禮貌，但食物質素就普通希望下次再黎啲丼飯會改善呢個美食廣場有個特點係會有DJ 即場喺度捽碟播音樂，令廣場變得好有氣氛，用餐時會比較輕鬆愉快…Read More