piggychicki's Profile

呢間位置喺上環嘅平民泰國嘢舖頭細細，原來連平日夜晚都幾多人排隊！🔺越式香茅蔥油豬扒煎蛋飯 $63看似普通嘅嘢但要做得好食都有難度！香茅豬扒醃得啱啱好外脆內嫩。配埋自家製嘅甜豉油唔會過咸。另外仲有薑蔥做配搭，連埋流心蛋食就唔會油膩。🔺冬陰功炸雞脾湯河 $68新鮮炸，熱辣辣而且有肉汁。連個冬陰功湯都超級濃郁，酸辣味突出開胃。加配嘅泰式豬肉串燒都有驚喜，食落似蜜汁豬肉乾唔會乾爭爭，味道同出邊嘅泰國串燒有啲分別。…Read More

之前去大阪經過過呢間拉麵舖，最尾冇時間入去食～估唔到香港喺中環開咗分店🔺激辛原條豬軟骨拉麵 $150嚟到一定係試佢嘅招牌原條豬軟骨拉麵！另外湯底可以揀辣度，鍾意食辣嘅我就嗌咗中辣。條豬軟骨炆到超腍唔使點咬。秘製嘅豚骨醬油湯底有蒜香味，加咗辣之後更加開胃😋啲細面都掛汁！而糖心蛋都好食🔺叉燒魚介豚骨沾麵 $128餐廳除咗拉麵仲出咗新嘅沾麵系列～沾麵底係粗麵，口感比較煙靭彈牙！魚介豚骨湯濃郁，加埋大量嘅蔥絲去油膩又增加口感。叉燒炙燒過幾香口～整體都唔錯…Read More

成日坐車都會經過見到北角匯依間靚影西餐。咁靚景以為佢價錢會好進取，但其實性價比幾高，而且馬灣都有分店！烤美國殼飼牛側腹（12安士）$288墨魚汁海鮮意粉 $188依2個價錢都係weekend set lunch黎～包前菜同甜品幾抵食嫁！牛扒嗌咗7成熟，牛味濃郁唔使沾醬汁已經好夠味，配埋烤得啱啱好嘅蒜粒好食海鮮汁意粉配新鮮嘅澳洲藍青口，鮮味十足！而海鮮份量都多！有蜆蝦魷魚。意粉彈牙又吸墨魚汁，食到啲牙變啲黑。隨餐送嘅甜品cheese cake都唔馬虎。入口滑順濃郁！食哂都唔會覺得膩…Read More

銅鑼灣登龍街呢間雞白湯粉麵，麵底係採用香港製造嘅永樂同雙喜製麵廠。招牌櫻花蝦雲吞拼牛腩$65第一碗就揀左大地魚雞白湯招牌櫻花蝦雲吞拼牛腩，櫻花蝦雲吞好大嚿，咬落多汁啖啖肉。大地魚雞白湯同雞白湯相比，多左層魚味，飲落鮮甜。枱面仲有菜脯任加。火辣紫薯咖喱三拼撈麵$106另外揀左佢嘅限定紫薯咖喱撈麵，呢個撈麵咖喱汁同出面嘅好唔同，混合咗紫薯喺入邊。食落甜中帶香辣。搭配埋牛味濃郁嘅牛腩、牛筋同牛丸。而蝦子麵係用本地永樂粉麵廠！撈麵唔乾，推薦大家可以揀蝦子麵。撈麵仲會送埋雞白湯，仲可以添飲，充滿骨膠原。…Read More

麻辣鬼椒雞腿芝士蛋吐司配炸甜不辣 $98依到嘅招牌爆餡芝士吐司 ，麵包烤到香脆，再加埋流心蛋同埋嫩滑嘅雞扒，加咗啲辣椒粉增加咗風味。炸到香口但又保留煙韌口感，同平時食開嘅甜不辣唔同紅燒台式牛肉麵 $80牛肉麵可以加配蝦米辣椒油同埋酸菜，令到成碗麵嘅層次提升咗。牛肉份量都幾多，滷得都入味！而且紅燒湯底飲完唔會口渴。芋頭椰汁三色圓(凍) $46依款新甜品打碎晒嘅芋頭融入咗個椰汁，令到芋圓除咗煙韌口感之外，本身嘅芋頭味加倍。…Read More

🔺慢煮牛陰柳酸種多士 $138牛陰柳軟嫩多汁～慢煮保留鮮味，酸種多士香脆，搭配醬料酸甜平衡，仲加埋啲薯蓉喺底。🔺慢煮黑毛豬叉燒卡邦尼手工幼麵 $168黑毛豬叉燒肥瘦適中，煙熏味道超濃郁！配埋勁Creamy嘅卡邦尼醬汁好夾～手工幼面吸晒啲醬汁！🔺手工松露丸子 $88呢個小食份量好多，仲啖啖肉。松露香氣濃郁，肉丸外脆內嫩，口感彈牙用料十足！▫️Apple Americano $44蘋果咖啡苦甜平衡，帶果香尾韻，勁fresh啱晒夏天飲！▫️Cream brûlée $46焦糖粒好香脆，甜度適中～咖啡味相對冇咁重！…Read More

第一次試北海道湯咖喱，湯底清爽又帶有蔬菜嘅鮮甜。比起傳統嘅日式咖喱更易入口，仲帶點異國風情嘅辛口滋味。可以額外加辣椒粉增加辣度🔺雞髀湯咖哩 $128🔺牛舌湯咖哩 $138牛舌勁厚身份量唔少。而雞髀湯咖哩飯係招牌菜之一，每日限定數量。雞髀炆得勁腍身一夾就散，2款肉質都好嫩滑。湯底有鰹魚同昆布嘅甜味，配埋南瓜、秋葵同西蘭花等雜菜～雜菜煮得鮮甜，口感豐富🔺炸雞（北海道炸雞ZANGI）小食炸雞相比出面炸得更加外酥內嫩，咬落去啲汁咇哂出嚟…Read More

Bivacco環境唔錯坐得舒服，而且價錢都唔算貴🔺青醬雞薄餅 $155青醬配pizza好夾！餅底唔算薄又唔乾身，咬落煙靭又唔油膩～成塊pizza都喺羅勒嘅香味，加埋芝士同埋雞肉簡單嘅配料已經好味，唔會好似蕃茄底咁令人食到好厭🔺蛤蜊黑麪線 $145黑面線即係黑意粉。蛤蜊大大粒幾多汁，平時食開Creamy啲嘅意粉，依一道意粉醬汁鮮味濃郁，清爽得嚟又好食🔺招牌雞翼 $88味道就係水牛城雞翼，微辣酸甜開胃！雞翼皮都炸得好香脆…Read More

✨中環飲酒𝘊𝘩𝘪𝘭𝘭嘅好地方ღ 𝑨𝑶𝑨𝑶餐廳主打西日𝘍𝘶𝘴𝘪𝘰𝘯菜式，有戶外室內嘅位。⍢𝘏𝘢𝘮𝘢𝘤𝘩𝘪 $148⍢𝘊𝘢𝘳𝘢𝘮𝘦𝘭𝘪𝘻𝘦𝘥 𝘗𝘶𝘮𝘱𝘬𝘪𝘯 $88⍢𝘗𝘪𝘤𝘬𝘭𝘦𝘥 𝘛𝘰𝘮𝘢𝘵𝘰 𝘚𝘢𝘭𝘢𝘥 $78油甘魚刺身配搭青椒，洋蔥片同鮮橙粒一啖食味道豐富好開胃。焦糖南瓜雖然好似好簡單。但烤得表面香脆內裏軟熟。蕃茄配淡淡地嘅𝘊𝘳𝘦𝘢𝘮 𝘤𝘩𝘦𝘦𝘴𝘦好清新！⍢𝘛𝘰𝘯𝘬𝘢𝘵𝘴𝘶 $238豬扒厚得嚟炸皮薄又𝘑𝘶𝘪𝘤𝘺，自家製嘅豬扒沾醬同出邊嘅唔同冇咁漏同咸～⍢𝘏𝘢𝘪𝘳𝘺 𝘊𝘳𝘢𝘣 𝘉𝘶𝘵𝘵𝘦𝘳 𝘜𝘥𝘰𝘯 $278蟹肉同蟹膏汁濃郁，連埋隻蛋一齊撈，啲醬汁吸晒落啲烏冬到！另外加咗啲蔥絲增加口感同解膩～…Read More

呢間燒肉店有唔同嘅套餐，平平哋每人$288就可以食到A5蕯摩牛同黑毛和牛。肉類新鮮又有專人幫你燒埋🔸𝐊𝐮𝐫𝐚𝐬𝐡𝐢𝐭𝐚 𝐂𝐨𝐮𝐫𝐬𝐞 $𝟐𝟖𝟖/𝟏位套餐包咗好多唔同稀有嘅牛部位，豚肉雞肉同埋牛腸。最愛4％の奇跡霜降肉。油脂豐富入口即溶。另外辛口味噌牛腸，店員燒得啱啱好，絕對唔會咬唔到！最驚喜嘅係鑄鐵燒A5挽肉配蘭王蛋。甜甜地嘅肉加埋日本蛋一齊炒，食落好濃牛味再加蛋香味。單食又得另外加多$99配埋蒜香A5和牛炊飯本身套餐包嘅嘢都夠食，但可以再額外加$99任食豚肉雞肉牛腸仲有生啤任飲。抹茶雪糕任食～…Read More

餐廳係台灣人主理，餐單內嘅款式都好多同埋價錢好親民🔺炸全雞 $198就咁嗌原味椒鹽都已經醃得好入味～一撕開就勁多雞汁滴落嚟，個皮炸粉好薄同勁脆，d肉滑到唔使用力撕，連雞胸嘅部份都嫩滑多汁。呢隻雞平日2:30後先有得嗌，假日就全日供應。🔺阿嬤牌魯肉便當 $58滷肉充滿五香味，而且連埋豬皮同肥肉唔會過碎，連隻糖心蛋都好入味。咁嘅價錢真係好抵食🔺滷香犇三寶 $58三寶一邊最驚喜嘅係牛筋入口即溶～佢啲滷味唔會滷到死鹹，反而仲保留住食物嘅味道。…Read More

呢間阿叔泰麵終於開到嚟港島區，d嘢食都幾抵食！-阿叔牛肉船面$88阿叔牛肉船面以佢濃郁嘅牛骨湯底而出名，湯底經過長時間熬煮，味道醇厚，仲帶有淡淡的藥材香。今次就揀左金邊粉作為搭配，滑嫩又嚼勁，d麵索哂d湯汁。-蛋炒咖哩蟹肉飯$88一直都覺得咖喱配蟹肉係非常之夾。咖哩連埋啲蛋，蟹肉同白飯一齊食口感順滑又濃郁-炭燒豬頸肉$78炭燒豬頸肉喺呢度必試，豬頸肉厚切且炭香四溢，外焦內嫩，搭配特製醬汁，酸辣開胃…Read More

🔺茶漬飯（和牛）$328嚟到呢到一定要試下佢其中一個招牌 - 和牛茶漬飯🫖啲和牛肉質細膩，入口即溶，搭配上清淡嘅茶湯，加埋葱粒同紫菜絲，口感仲豐富~🔺吉列千層芝士豚肉卷 $238鍾意食肉同埋芝士嘅愛好者絕對唔可以錯過! 呢道菜口外層酥脆，內層多汁，豚肉層層分明，搭配濃郁嘅芝士，口感豐富且層次分明。每一啖都感受到豚肉的鮮嫩和芝士的香濃🔺蓬鬆玉子 $108蓬鬆玉子外層睇落金黃蓬鬆，切開之後蛋汁同芝士同時流出，聞落有好濃郁嘅蛋香同芝士香，食落口感柔嫩滑順，推薦！…Read More

雞白湯湯底奶白色非常濃郁。每碗附送嘅炸牛蒡畫龍點睛！店舖座位唔多，每碗拉麵都親手製作，所以等位都要等一陣。🥢W雙湯頭拉麵 $95湯底以雞白湯同櫻花蝦鰹魚混合～入邊有基本嘅叉燒再加廣島蠔同蜆肉。海鮮勁新鮮！沖底入口先食到濃郁嘅雞湯味，之後再食到海鮮嘅鮮甜回甘。個湯濃郁到會將住個嘴。麵底係小麥麵，彈牙。🥢雞白湯慢煮雞胸叉燒糖心蛋拉麵 $90呢個係呢度嘅招牌。原味嘅雞白湯香濃順滑！麵底揀咗柚子麵，會額外提供柚子皮醬。柚子嘅清香令到個層次提升咗唔會食膩～慢煮嘅雞胸同叉燒都嫩滑。連粒糖心蛋都高質。煮到啱啱好勁流心又入味！…Read More

呢間西餐專食牛扒而家推出半自助午餐 。人均唔使$200，包一個主菜仲可以任食前菜沙律同炸物。本身嘅午餐$98包餐湯嘢飲同任食前菜 。然後可以另加錢嗌貴d嘅主菜。呢度嘅沙律款式幾多。仲有新鮮炸嘅粗薯條同雞粒。▫️𝘔𝘶𝘴𝘩𝘳𝘰𝘰𝘮 𝘙𝘪𝘴𝘰𝘵𝘵𝘰 另加$58▪️𝘖𝘺𝘴𝘵𝘦𝘳 𝘉𝘭𝘢𝘥𝘦 𝘚𝘵𝘦𝘢𝘬 另加$158𝘙𝘪𝘴𝘰𝘵𝘵𝘰濃郁，米粒保留咗口感。牛板腱嗌咗七成熟，牛味重肉質嫩。底部嘅南瓜蓉好清甜。…Read More