heyagnes's Profile

年年等到頸都長，終於等到佢地爆膏嘅季節啦 🤤出面買一隻都唔平，幾百蚊食到放題，真係話咁易回本！雖然任食，蟹嘅質素好掂+隻隻爆膏！！價錢由 $479起，包任食大閘蟹+任食大閘蟹小食+雞煲+蒸海鮮盤真係太爽了吧 🤩🤩🤩 如果鐘意食蟹，千奇唔好錯過！前菜等蟹嘅同時，前菜涼拌皮蛋、墨魚餅、沙律已經超快到幫個胃warm up定 😎大閘蟹 🦀原味清蒸蟹公/蟹乸係任叫嘅，至於特別口味玫瑰露花雕、秘製鹽焗、麻辣每人限量一隻！我就最鐘意食清蒸硬膏嘅蟹乸同鹽焗隻隻都勁肥美，一隻又一隻咁拆不停咁啜膏食蟹肉，真係食得好爽 🥹💕任食大閘蟹小食選擇都唔少，蟹粉粥、蟹粉水餃、蟹粉糯米飯、蟹粉時菜、蟹油多春魚、蟹粉牛丸、蟹粉蔬菜丸、蟹粉蝦丸… 全部熱辣辣新鮮整好上枱，蟹味大爆發呀！香辣蟹油雞煲 🐥今餐嘅 protein intake get!!! ✅叫左小辣，份量唔細，雞肉夠嫩夠入味連埋啲豆卜紫洋蔥芫荽，真係好香口 😋時令海鮮拼盤 🦐🦑嘆完個雞煲有職員黎幫手換個蒸海鮮盤用料好新鮮好闊綽！包括扇貝、蟶子、鮑魚、大蝦、魷魚、烏冬、粉絲，放係荷葉上面蒸，有海鮮嘅鮮甜之餘又有淡淡荷葉香，呢個好出色👍🏼👍🏼自家製飲品 🍶🍹大閘蟹放題包埋自家薑茶同梅子花雕酒，送蟹食一流 🤤 自助飲品櫃仲有自家製嘅竹蔗茅根、檸檬薏米水、紅棗黑糖薑茶等等，健康好味過罐裝飲品！最鐘意佢地嘅竹蔗茅根，好清甜下火💕…Read More

呢到裝修以韓國機舖為主題，餐廳入面有好多 Y2K 霓虹燈光裝飾，超有 90 年代氛圍，係香港真係好少見！加上鋪面超大，好適合一班朋友黎一齊打卡食野！個晚餐廳個 playlist 有好多 Big Bang 少時 2PM 真係好有回憶 🤣🤣 黑松露芝士炸醬拉麵 配 煎蛋 🧀🍳呢到其中一樣招牌菜式！估唔到炸醬麵同埋黑松露可以咁夾！每一啖都充滿黑松露味仲加埋芝士一齊撈埋食！真係超級正！BUTTER X GARLIC 炸雞配脆脆薯格 🧈🧄真係一定要讚下呢到嘅炸雞，即叫即炸，上到枱熱辣辣！呢次叫左蒜蓉牛油味，一上枱已經聞到勁香加上個調味真係冇得輸，咬一啖啲肉汁流晒出嚟，真係好食到停唔到手！釜山燒烤 - 國民烤五花肉 🐷呢個烤五花肉真係同係韓國食嘅一樣味！烤得啱啱好嘅五花肉，加生菜包住蒜頭一齊食，真係😋😋😋！無得輸！不得不提係呢到嘅特色飲品 🍺 荔枝味 BBB 刨冰啤酒 ！荔枝味嘅刨冰配上凍冰冰嘅啤酒真係岩晒出面咁熱嘅天氣！簡直係透心涼！整體黎講，鋪頭氣氛好好，裝修有心思！係尖沙咀同朋友Reu係一個好地方，食物質素亦抵讚😁👍🏼 有下次！…Read More

經親奧海城一定會衝去買既 Cinnabon 😋好記得人生第一次食肉桂卷係中四暑假去福岡遊學既時候。每次放 break 都會同同學9秒9咪去超市 bakery 買 ¥110 肉桂卷同禁自動販賣機買咖啡。食既時候沿住圈圈撕落黎，一塊一塊擺入口，連埋面頭個層閃令令既icing，送一啖咖啡中和下個甜度，真係正到癲😍😍 係香港搵左好耐邊度有好味既 Cinnamon Roll，去過唔少 cafe 食，乾爭爭都唔係個種 chewy gooey 既口感。直到當時美國品牌 @cinnabonhk 登陸香港，我專登去左排隊買黎試。就！係！呢！個！味！！超推薦，真係好好食🤤今次黎到試左店員推介既 Lemonade Coffee 有驚喜！如果買完唔係即刻食，記得同店員講！因為即食同翻熱既 Cinnabon 處理方法唔一樣嫁！即食既 Cinnabon 全部都係新鮮焗出黎，翻熱用既會有更多 Icing 係面，所以翻熱後都可以保留口感唔會變乾！…Read More

小小店面好可愛 😍 要留意返西關老祖係一間外賣店，堂食就得張高椅/立食，呢種酷熱天氣底下係街邊食熱湯粉真係好需要勇氣 😂😂自家製西關瀨粉 $15佢同我心目中嘅瀨粉好唔同，佢好似平時食嘅粉仔。不過湯底頗濃郁同好香蝦米嘅鮮味，$15 絕對值得一試。唯一食落無咁爽嘅係無得狂落辣菜甫同辣椒油… 我永遠都係鐘意食枱面啲配料多過主食 🤣 佢呢個就無得 refill炸·黑毛豬肉糭 $45呢個真係必！食！！！佢係我人生中食過最好食嘅糭！望住佢係我面前炸，熱辣辣擺到面前，重點係要勁落砂糖，又甜又咸停唔到口 😍 原來糯米炸完之後質感有啲似薯餅，but better！！好香脆，唔會令立立好油膩，帶有少少黏性但唔痴牙。而中間嘅黑毛豬係入口即融，軟糯糯再襯埋極脆嘅糯米真係好正 🤤🤤🤤 我最怕好油好大舊肥肉 + 糭入面啲綠豆，佢份量恰到好處超岩我口味！！一定會返去食 🥴極上·生蛋醬油拌飯 $28同平時屋企食嘅日本蛋撈飯分別唔大，一隻蛋加好多飯真心唔夠撈飯。不過我驚爆卡，呢個係相對比較低卡嘅充碳選擇 🏋🏽 不過下次黎就唔會再嗌呢款…Read More

𝕊𝕦𝕟𝕤𝕙𝕚𝕟𝕖 + 𝕒𝕝𝕔𝕠𝕙𝕠𝕝 + 𝕤𝕖𝕒𝕧𝕚𝕖𝕨 + 𝕗𝕠𝕠𝕕 = 𝕞𝕪 𝕡𝕖𝕣𝕗𝕖𝕔𝕥 𝕕𝕒𝕪 😚😚😚 極極極推薦藍花蟹扁條麵 Blue Swimmer Crab Linguine $170 🦀 一上枱已經勁爆炸香，食落口個浸鹹香味加埋微微嘅辣椒香，完美 al dente 意粉，入口真係滋味大爆發！！！我打緊呢段野已經流哂口水…對住海傍呢個景真係無敵，不枉我大西北搭車入將軍澳食呢個brunch🤣…Read More

健身 / 減脂人士黎到見到 menu 應該很興奮 Brunch Set 可以自由配搭唔同嘅 sides當中有唔少高蛋白 / 低脂之選！我叫左 Torched Hamachi, Sakura Shrimp and Crab Fat Scrambled Eggs & Poached Egg with Lemon Yoghurt （無特別低卡低脂但蛋控表示很高興 🤤）🐟 油甘魚同 🦐 櫻花蝦蛋蛋有驚喜！Yoghurt 送飯堅係怪 🤭 但想食無計 下次配包先！埋單時有個可愛開朗嘅女店員聊我地傾左陣計 仲話呢個位睇日落一流！呢個採光度 呢個景 呢個食物質素 呢個服務態度下次日落時分再黎！…Read More

好值得去食！！又易去今次去超幸運，因為唔使排隊一黎就入得 🤩Coco Chanel $50好多餐廳招牌野都係 for 打卡但味道一般點知呢個超有驚喜！一上枱已經覺得好靚佢入面有 matcha, coconut, milk 同 espresso，估唔到咁夾！抹茶好濃所以有啲結結地，近乎 paste 嘅質地，唔係全流質 🍵襯埋咖啡飲，好有口感又甘甘甜甜咁，超正 🤤千奇唔好一黎就攪勻哂佢 唔係就無口感嫁啦真係好正！！！會突登再去飲 🤤Garlic Cream Cheese Bun $42呢個簡直痴左線！！！超級好食超岩我口味！！Star of the day!!! 🌟🌟🧄超超超香濃嘅蒜香味加打到好滑嘅 cream cheese！我而家打緊食評諗返啲口水都爆緊出黎睇下張相個橫切面 🤤🤤 好正！！大家經過一定要買黎試！！！！！！Smoked Bacon and Cheese Croissant $38千層酥皮好香好脆口，好食！下次試下佢第二款 croissant 🤗Tomato and Mozzarella Panini $78呢個被其他野比下去 無乜特別純粹想叫個健康啲同低卡啲嘅選擇 唔會再叫…Read More

熟食中心搵到真愛米線！！朋友都知我一個禮拜唔食米線會生癬作為米線關注組嘅榮譽會員一定9衝去試新野！！！去之前見到唔少 cm 都講佢地嘅衛生環境所以唔好預超級乾淨 就係一般熟食中心 setting去到出奇地少人 成個場勁空 勁夠 social distance 😂超級空曠所以我覺得都食得舒服 最緊要好食！！今次叫左腩肉炸醬酸辣米線中小辣少米多酸多青男朋友叫左豬潤豬紅蕃茄辣湯拉麵小辣（打緊都流哂口水……💦💦）豬潤同豬紅必嗌！！食得出好新鮮，好滑而且有天然甜味米線都唔會好淋而佢係我好鐘意個種「混濁」嘅米線湯底夠哂重口味🤣 下次要試埋佢地嘅麻辣！而且佢真係每碗都即刻用大火 her her 聲咁煮出黎 🔥老闆娘同伙記都超有禮貌超 nice！！！加分❤️榮升我最近嘅至愛米線，勁想即刻啪返碗！！！咁好食無理由無人討論！！但另一方面又驚比人瘋狂介紹完之後keep 唔到水準米線控即刻衝去試 plz 🏃🏼‍♀️🏃🏼‍♀️🏃🏼‍♀️…Read More

每次都想一次過食哂個區我 bookmark 好嘅野，呢日去 cafe 前試試呢間車仔麵店先 ☺️☺️招牌鮮煎韭菜餃8隻 $40大家都知深水埗有幾多間出名嘅餃子店，但呢間鋪嘅韭菜餃完全唔輸蝕！！咬落去個刻有驚喜，好juicy！！💦💦而且個餃子皮嘅厚度啱啱好，煎得超香脆！個餡又唔會太鹹，夠哂韭味 😋 絕對值得就咁入嚟食個餃子 🤤 爆漿阿華田西多士 $33其實我係為左呢個多士而黎！！幾年前係澳門馬慶康食完佢地個阿華田西多脆脆之後一直念念不忘，好記得佢個甜西多中間係芝士夾心但味道超夾！！！超級想食多次但又遲遲都未去到 😭而聚來呢款雖然賣相不錯又係熱辣辣整出嚟但面頭牛油都無舊 🥲爆漿個汁略嫌有啲淡麵包唔夠厚同鬆軟。整體上都好淡。下次黎唔會再叫真係好掛住馬慶康 😭😭😭3餸車仔麵 $44叫左豬頸肉 豬紅 手打魚肉，不覺不失，無話特別驚艷食車仔麵最爽就係可以瘋狂落辣菜甫配料同埋辣椒油呢度枱面就無得比你自由落。…Read More

最近去左間位於銅鑼灣嘅日本居酒屋風格嘅熊本燒肉店，食物高質，位置方便，好想推介比大家去試試😍燒肉放題最緊要當然係肉嘅質素！呢到主打澳洲同日本和牛放題。一上到枱真係嘩一聲，不論係澳洲定日本和牛，肉嘅雪花分布好靚。可以一次過食到唔同國家唔同特別部位嘅肉，一落到燒肉pan，啲肉味真係香到食指大動！！肉嘅脂肪恰到好處，每啖都入口即溶！滋味大爆發！岩晒我呢個食肉獸🥩🥩 而且呢到食放題嘅食物類別又多又高汁！我數過一共有多達60幾種食物，當中有牛三角、牛肩、牛舌、牛小排、牛五花、豬護心肉、豬頸肉、豚肩、豬五花肉、豬肋排，雞軟骨、雞腎、雞翼、雞扒、三文魚、多春魚、鯖魚、魷魚、蝦、清酒煮蜆、不同嘅新鮮熱辣炸物、地獄湯烏冬(真係好辣🌶😂)，連好小見嘅牛大小腸、牛胃呢到都有得食！性價比超高！真係見返啲相都想再去食過🤤🤤除咗食物質素高之外，作為環保L嘅我要大大力讚佢地嘅茶係用可重用嘅玻璃jar裝，雪櫃有好多jar任拎。而唔係一般放題店全部用樽裝即棄茶/全部鋁罐+紙包飲品，每晚啲客咁樣輪流轉，真係可以減少好多飲品包裝嘅垃圾！！加上周圍張貼嘅「惜食」告示提大家食得晒先好嗌，減少廚餘唔好曬野！我未開始食已經對呢間鋪有滿滿好感💕 唔係好多餐廳都會花心思做呢啲，一定會回頭再黎食！！而且呢到嘅環境都係一大賣點，我一入到去已經俾周圍嘅裝修吸引住，睇得出老闆好鍾意日本文化！(我都係🥰)，全間舖都充滿日本動漫氣氛加埋每枱客散發住濃香嘅燒肉味，真係視覺味覺嘅大享受 …Read More

永興街係一個遠離銅鑼灣市中心嘅地方，你平時可能都未必會專登行入呢條街。今次去坐落去呢條街，一間我 bookmark 左好耐、超高採光度嘅靚靚 Cafe — ESC CAFE！一入到鋪，已經好鍾意佢嘅超高樓底+裝修，環境真係好舒服！兩層高嘅佢行工業風設計，地下有超大落地玻璃採光，令到呢到嘅光線好充足，一入到黎真係心情大好！對住維園北亭嘅一角，係耍廢/做電腦野/約客/約 frd 係到傾計都好適合嘅地方 😚 坐低睇睇 Menu 就發現呢到係食 Fushion 菜式同甜品，真係好多選擇花多眼亂，樣樣都想試，樣樣都想食！Truffle Braised Pork Orzo台灣滷肉飯嘅變奏版！煮到好軟好入味嘅豬腩肉配上好似飯粒嘅意粉加埋黑松露，食個一刻再篤爆隻半熟蛋一齊食！一啖有齊所有元素！加入西式嘅元素，一樣咁夾 😚Brioche French Toast呢到嘅招牌法式西多士，新鮮即叫即整！一上到枱已經聞到超級香嘅蛋味！焦糖加上吉士醬再配以煎到金黃色嘅西多士，就咁已經好好食！點知！試加埋佢嘅開心果醬，好滑好 creamy，同煎到焦香嘅 toast 簡直係絕配！好食到停唔到口 😋呢到除左食物高質，咖啡一樣出色同為人熟識。咖啡豆係店主逢兩星期定期挑選出黎嘅手沖咖啡豆，今次我就叫咗一杯店主特別推薦 佢地嘅 Signature Dirty。真係我係香港飲過最順口最好飲嘅 Dirty，唔係誇張 ☕️ 第一啖入口，同其他店嘅 dirty 有明顯分別。好奇一問之下，鋪頭話佢地係用分離奶去整。我開頭都黑人問號，原來分離奶係解將牛奶冰凍至少廿四小時，再自然解凍，咁製成嘅分離奶牛奶味會濃好多 👏🏼🥛 大家真係要黎試試佢有幾講究，咁你就知飲落同平時嘅分別 😁🫶🏼 大家下次去到銅鑼灣想搵個好地方坐下飲杯靚咖啡嘅人，真係一定唔可以錯過！💓…Read More

黎親觀塘都好鐘意入駱駝漆大廈冠窿捐罅搵好嘢食！今次就俾我搵到一間高質嘅低碳同生酮飲食餐廳 🍴Day One Cafe 位於駱駝漆大廈第三座6樓（姐係最多人排長龍個座…以前有客教過我一個捷徑，開心 share 個小貼士比大家～就係行樓梯上一層搭貨 liftss，咁就唔洗係下面排客 lift 🤟🏽)。一入到餐廳，就留意到佢地裝修嘅簡約風格，乾淨又明亮！同出面工廠大廈嘅環境真係好大對比今次我地唔想諗直接點左個二人餐，前菜揀左燒汁豬肉千島醬墨西哥卷同氣炸黑松露薯條，主菜就揀左其中兩樣呢到最出名嘅日式胡椒柚子醬豚肉扁意粉同香濃蝦汁鮮蝦椰菜花飯！啲野食黎到第一個感覺係好！大！碟！真係大份到我見到份前菜已經驚食唔晒😂！不過唔好以為大碟味道就一定會打折扣，呢到係做到份量同食物質素都一樣咁高汁！日式胡椒柚子醬豚肉 🐷見親柚子乜乜乜我都一定會叫，因為我好鐘意食柚子 🍊 所以呢個意粉真係啱晒我！先食到嘅係日式胡椒嘅微辣味之後配上淡淡嘅柚子味再加上煮得啱啱好嘅豚肉片！真係每啖都咁滿足！香濃蝦汁鮮蝦椰菜花飯 🦐蝦汁超級濃郁！配落椰菜花飯到真係完全唔會有草青味！加上鮮蝦份量好多！基本上係每一啖都係蝦，飽肚得黎又健康！卡路里仲好低添！所以呢個椰菜花飯真係生酮飲食人仕嘅福音！除咗主菜之外佢嘅前菜同甜品都同樣出色！特別係甜品！我去個晚嘅精選甜品係玄米茶甜品，淡淡嘅口感有啲似蛋糕仔配上淡淡嘅玄米茶味，又唔會太甜，簡直係為我呢一餐豐盛嘅晚餐畫上完美嘅句號！大家如果驚自己食唔晒，順口叫餐廳份量少啲，千祈唔好亂咁浪費食物呀！今次我地太飽食唔哂，要打包拎走個墨西哥卷🤣…Read More

因為疫情已經三年無黎過澳門，今次終於都可以過大海搵好嘢食！😚今次重回澳門嘅第一餐揀左位於花城區嘅LAXCAFE～LAXCAFE 係一間澳式咖啡廳，除左有好多唔同嘅西式食物選擇外，呢到最特別嘅係佢地獨有嘅澳式 Fusion食物！由香港突登過黎，一定要問下佢地 staff 有咩招牌菜推介，等我試過～～蝦醬炸雞排三文治 🐤🥪估唔到蝦醬同炸雞原來係咁夾！第一次食到呢個 combo，可以再戰 😍 雞扒炸得啱啱好！一咬落去超級Juicy肉汁爆晒出黎！連埋新鮮蕃茄生菜一齊食，唔會好膩，黎到必試！！聚點龍蝦卷 🦞龍蝦肉份量超多！每咬一啖都係滿滿嘅龍蝦肉，加上醬汁調味做得好好，唔會搶走龍蝦本身嘅鮮味，加埋清新嘅田園沙律伴碟，好滿足 😚水牛城雞翼 見到 blue cheese 已經一定要叫黎試，果然無失望 😋 雞翼好入味又唔會太辣太重口味，醬料岩岩好，上枱個炸皮仲係卜卜脆，加埋濃濃嘅藍芝士dipping sauce，真係好食又過癮！Freak Shake 🍩🥤哇哇哇 卡路里嘅大炸彈！Star of this meal 😍😍😍 個外表已經贏哂，好靚又好飲～雜莓味嘅奶昔配上一大一細嘅冬甩，杯邊仲有啲又甜又脆嘅小星星，偶爾飲一杯真係滿足晒想食甜野嘅心！加上顏色超豐富！立即少女心大爆發！😚😚💓…Read More

細個已經好鐘意蠟筆小新 到而家做野做到心累耐唔時都會開住小新黎食住飯睇 📺無諗過可以比小新同其他角色圍住黎食飯間鋪真係得意到喊 🥺💓💓 小新迷必去呀！！坐低即刻比「雪糕咖喱炸豬扒飯」吸引左眼球甜品加正餐擺埋一齊食 我無睇錯呀嘛？！一陣咪可以慳返餐飯後甜品 🤭而呢個套餐跟埋麵豉湯 、腐皮壽司 🍣 同一款飲品雖然間餐廳好童心咁 但份量絕對係大人細路都會食得好飽 🤰🏼 揀飲品都勁選擇困難 因為有「動感超人芒果特飲」🥭 同「露屁股怪獸草莓特飲」🍓兩個都超 cute 但最後都係揀左動感超人 哇嚇嚇嚇（小新笑而咖喱飯黎到 第一時間試吓個雪糕佢堅係平時食個種甜雪糕 🤭 個心仲諗緊撈埋一齊會唔會好怪夾埋一齊食 多一種獨有嘅甜味+creaminess 亦都會中和左咖喱嘅辛辣 早知辣度揀大辛！🌶雪糕嘅奶香味同日式咖喱出奇地夾 冰火口感 值得試 🫶🏽呢間鋪睇過唔少介紹知道各式魚生丼飯都好受歡迎但當日落雨濕濕又凍 想食啲熱騰騰嘅野佢呢到都有唔少款式嘅すきやき鍋物提供 🍲 叫左個西班牙豚肉壽喜燒 🐷自己開個爐 shabu shabu 六款野菜煮到好入味凍天滾滾下真係無得頂 😌配埋個甜甜嘅湯底同生蛋 碗白飯好快就見底 😋但舖頭員工嘅服務態度有待改善 行入舖頭嘅時候完全冇人理店面又冇人 搵左一陣先見到有職員喺角落頭 但都一臉呆濟 好似唔知發生緊咩事咁😂😂明明無落場時間 我入去時都一頭霧水不過見到小新即刻興奮返哂🤣 真係小新迷必黎！…Read More

經過山林道成日都見到呢間 cafe 裝修好靚終於有機會試！！佢唔係一般嘅 cafe 咁簡單佢啲 fusion 菜式真係超有新意 仲有好多款嘅特色意粉。蜜汁叉燒漢堡 $128 中西合璧嘅 burger 原來都唔係咁夾…味道好特別，但舊叉燒好乾好韌咬唔開..唔知係咪當日廚房煮得over咗芝士明太子蟹肉焗長通粉 $128作為明太子嘅榮譽fans 見親都一定會點🤣啲芝士係表面焗到脆卜卜 連埋啲木魚絲同海苔絲日式風味大爆發 🇯🇵 切成一條條嘅蟹肉加埋明太子醬芝士拉絲 長通粉掛住 creamy 嘅醬汁呢款真係勁香口 一啖接一啖停唔到！！維也納綠茶 $46之前試過維也納咖啡覺得好好飲第一次見到綠茶版 一定要試試！！ 🍵表面滑溜甜甜地嘅忌廉襯埋日本抹茶嘅甘香味豐富又無敵嘅忌廉奶蓋 matcha latte 屈機 🤤🤤🤤…Read More