Windy_day's Profile

會搭車Encore 光顧的火鍋放題店！食物質素好，牛肉唔會好似其他放題店咁愈食愈差。食足全程都保持好質素。而且上菜速度快，唔怕食唔飽！推薦食ABD餐個200日牛！好味😋飲品好正，可以任飲指定手搖！推介黑糖珍珠牛乳、牛乳冬瓜茶、百香果三重奏。屋企人話我飲野飲回本🫣😋😜如果想抵食啲，可以食lunchtime （午市價）或者早dinner, 即7點前離座（5點半入座食90分鐘）或者9點後，會平$50/每位。…Read More

咁啱係尖沙咀唔知食咩好，行過見到呢間餐廳閒日都咁多人幫襯，於是決定試吓佢！啲野食樣樣都好正（偷睇隔籬枱🫣），最後Order 左 鐵板辣魷魚蓋飯，同埋炆牛肋骨。真係好好好味！呢間餐廳offer到好地道的韓國味，好食到我已經諗定下次食咩！…Read More

係文化中心睇完演奏音樂會，到附近覓食。唔知係咪早黎，walk in 直接入座。一心想食泰國菜，但失望而回。多個菜式都不是泰國口味，只有入座放枱上的價值$15的蝦片算得上好食。咖哩一丁丁辣都無，又無香料味。無層次，無文味，最差。補充，蝦無蝦味我預左。Roti 太油又太淋。雖然叫左一份2件3人分，都只係勉強每人食少少，清大半就算，不合格。菠蘿炒飯賣相好靚，但係米太濕，燴飯質地。真係好難做到咁唔好食。軟殼蟹米紙卷同蝦餅只係一般般，隨便都食到嘅水準。埋單$680，貴又唔好食，感覺餐廳更適合打卡。…Read More

同屋企人食飯，想食潮州/打冷野，所以一試。餐廳裝修有心思有特色，木板枱凳，「武林秘笈」餐牌。地方唔算大，滿座後不寬敞，但氣氛熱鬧，而且乾淨舒適。鹹魚青菜，各有所好。食物中上水平，性價比高，值得再來。下次會點乳鴿、卜卜蜆和蟹粥。…Read More

食物選擇不少，平日午市亦算多人幫襯，唔使排隊但滿座。食物質素中規中矩，主要調味問題。熱炒偏咸、尚可接受。炸物正常好食，款式亦多，有芋頭魚等。糕點一般，綠豆沙偏甜。…Read More

餐廳提供6款100分鐘放題供食客選擇。今次食左C套餐。同大多餐廳一樣，食客要用手機點餐。有趣的係，系統set左每次只能order 8項食物，而且每次order要相隔3分鐘。雖然有限制，但要讚下佢哋嘅上菜速度好快。頭幾轉order 有刻意留意吓時間，大約一分鐘就上齊。而且，店員亦做到頻頻收碟，令食客有舒適的枱面空間食嘢！👍🏻👍🏻👍🏻至於食物，總括不過不失。💁🏻‍♀🥬🥩🍤 🙅🏻‍♀⚪️🔘蔬菜肉類滑都好食，但丸類就好一般。豬肉丸、魚旦都幾難食。飲品就有好多選擇。甜品可惜無雪糕，只有雪櫃任拎的糕、mobile order 的紅豆芋圓仙草和豆腐花 (當日sold out)。試左仙草，唔甜，比較一般，因為份量細，所以食下無妨😃…Read More

今日出開旺角，買到2點新鮮出爐的布丁麵包今日有4個口味，原味、伯爵茶、焙茶、同楊枝甘露布丁麵包。因為之前食過原味布丁麵包，所以今次買咗另外3個口味各2個！味道：好味好味好好味！！個人中意焙茶多過伯爵茶。楊枝甘露都好有驚喜。價錢：$15一個，超級抵食。正常胃口嘅話，食一個都已經好飽。只係我貪心，咩味都想試……其他：今日係星期日，我1點57分去到店舖，只有3、4個人排緊隊，好易買。唔知平時係咪都咁易買呢？…Read More

環境方面：裝修好靚，係夢幻藍色。因為預訂咗傍晚6:30食晚餐，所以去到未算好多人。店員仲問我地想坐中間定邊邊位。服務方面：餐廳店員好細心。首先，點餐時會推薦食物，又可以解釋到食物的詳情。另外，可能係book 枱時寫左慶生，店員比咗個驚喜我地，同我地講生日快樂，上甜品時仲插左生日牌同蠟燭🕯️。除此以外，店員會不時來問下我地食物覺得點，非常貼心。食物方面：因為兩個人用餐，所以最後只係點左兩味前菜，一味主食同一份甜品。1. Spinach Sambusek睇落類似麵粉皮嘅炸餃，食落好脆唔油。入面係波菜 。2. Makanek in pomegranate sauce 細細條，好有質感嘅肉腸（應該有牛同羊）。但啲汁先係重點！由石榴汁煮成的，酸酸地好開胃，同啲腸好夾。3. Lamb shank羊肉肉質好林又唔羶，味道層次豐富。薯蓉配菜味道同份量都啱啱好。4. Rice pudding呢個係一個忌廉同米（唔肯定）組合而成嘅凍甜品。口感軟糯，配上隨碟而來合桃脆身嘅質感，相映成趣。甜度則由蜜糖調整，除咗甜，仲有香味。喺一個絕對有驚喜嘅甜品！…Read More