hkc2020's Profile

日本Omakase就食過，鐵板燒既Omakase真係身一次試，等埋朋友收工就一齊去佐敦龍亭食好野！一入到去環境情調即時拉滿，室內環境唔算太大，麻雀雖小但五臟俱全，目測位置大概25至30人左右，都好適合收工之後同同事去食餐飯飲兩杯。今日選擇咗$588套餐，前菜有煙燻三文魚沙律，整體配搭良好，亦有小生果作開胃之用。第二道菜就係黃瓜拌帶子+蒜香鮑魚值得一提佢嘅分子料理係用蝶豆花調配出嚟嘅泡沫，可觀性好高，亦都可以當醬汁一同食用，很新穎！主菜方面，我同友人都分別叫左牛同雞，牛嘅方面就係Medium 熟度，配搭埋蒜片一同食用，好惹味！雞肉方面，值得介紹吓嘅係佢調配嘅兩款汁，一般係美奶滋另一款係黑醋，一雞兩味，兩種唔同風格嘅碰撞突出一個好好嘅味道！食完主食，尾聲時間會有一個海鮮炒飯，特別在店舖幫我哋upgrade咗好多三文魚子！撈勻去食成個鮮到提升咗10倍！好enjoy三文魚子每一粒喺個口入邊爆出嚟嘅感覺，加上個炒飯加入海膽等配料，真係好惹味！最後用一個柚子雪芭 配 紅豆爆珠呢個就真係冇乜挑剔，食完之後幾清新，幾滿意呢個鋪排！由於成餐飯我哋都好沉醉喺咁好食嘅食物上面，其實每道菜職員都好用心咁介紹，只不過重點我記唔到太多，唯有用文字去反映出我嘅反應！食完之後朋友都好滿意，大家又不妨可以嚟試吓！…Read More

久唔久都再去幫襯一次姚姚酸菜魚，自從上次試過佢個香鍋之後返唔到轉頭，所以今次帶埋老友去試下，希望可以令到佢入坑！之前去咗順德，所以頭盤揀咗炸牛奶，外層好脆好鬆化，口感好特別，初頭睇賣相以為會好油好漏，但入口一啲都唔覺得漏，當咬完之後就就好似溶化左咁，值得一試。香鍋配料揀左豬頸肉、魚片頭、豬腩肉、蝦等等，呢個鍋辣味適中，食材都夠香，其中最正最驚喜係蝦，超級香口，蝦殼都脆卜卜，超級邪惡。臨走嗰陣見到Menu上邊原來有多人套餐，下次都可以帶埋屋企人嚟食，就咁睇落都好抵，值得下次再黎食！@yaoyaohongkong …Read More

最近阿媽話我聽青衣城開咗間酸菜魚，隻色你好鍾意，上網搵吓原來佢就係姚姚，決定星期日做野前帶阿媽去食下。鋪頭好乾淨，裝修都好新淨，我嗱嗱聲拎咗份Menu睇，個店員不斷介紹麻辣香鍋，不過第一次食，聽下人介紹都好，選擇困難症。話說疫情之前我都好鍾意一個人返大陸食辣嘢，貪佢哋個味道好濃郁夠風味，直到疫情就無機會食，慢慢我都唔記得咗呢個味道，點知竟然喺姚姚酸菜魚搵得返！麻辣香鍋 （腩肉/魚片頭/牛柏葉/雞軟骨/魷魚）重點推介雞軟骨！炸過嘅雞軟骨零舍香脆可口，另外配料都好多，吸收晒啲辣味，啱晒我呢啲鍾意食麻辣嘅人。頭盤叫咗兩個，麻辣牛腱同埋蒜泥白肉，蒜泥白肉簡直係焦點，用腩肉去捲着啲青瓜，麻得黎帶點清爽！總括黎講，第一次食姚姚酸菜魚已經可以列入我既飯堂，大家不紡一試。…Read More

呢間以粉紅色做主色既口麻天辣其實一直都想試，今日因為工作原因黎到南昌V Walk , 估唔到無黎一排成個感覺唔同曬。黎到餐廳，馬不停蹄地落單試下個前菜「麻辣牛𦟌」同「香辣土豆絲」。「麻辣牛𦟌」份量雖然唔多，但係紅色既辣油好吸引，岩岩好既厚度，一口一塊都無難度！味道果然麻得黎唔搶喉，麻感後勁凌厲！「香辣土豆絲」講真呢個我麻麻地，因爲對薯仔除咖哩外都無太大興趣，不過估唔到切成絲，口感又幾過癮，好開胃。「天花頂酸菜魚」主軸當然係呢個酸菜魚，份量唔少夠兩個人食，魚香撲鼻，肉質鮮嫩，湯都值得試，酸辣帶清新，魚肉無泥味無腥味，叫小辣辣度岩岩好，酸菜味道搭魚肉一齊食，份外好食。「紅糖糍粑」傳統小食，外脆內軟，但稍微偏甜，個人黎講唔太鍾意，鍾意甜食既朋友應該覺得唔錯。總結黎講，餐廳環境唔錯，坐吧檯食酸菜雨感覺幾Chill ，唯一唔好就係鋪頭通道比較窄，但食物份量足夠，店員友善，值得一試口麻天辣深水埗深旺道28號V Walk 2樓127-128號舖 #hkfoodie #酸菜魚 #口麻天辣 #motamala #麻辣燙 #香港旅遊 #南昌 #深水埗 #粉紅色 …Read More

終於都捱到收工時間，當然要搵嘢食，啱啱見完客，附近有一間炸雞，咁岩今晚維搵對最聯，緊係一路食炸雞肉可樂一路睇波！狂熱炸雞套餐 跟 魷魚圈 另加薯條薯條叫咗紫菜風味，好食過麥__奴既紫菜，起碼冇咁鹹，又惹味！炸魷魚圈有驚喜，煙煙韌韌，魷魚好彈牙！最後最後最後最有驚喜係呢個炸雞！好脆口，唔柴，仲好Juicy!食到一半仲俾我發現一樣嘢！呢個味道同熱浪薯片好似，平時我都好鍾意食熱浪！岩曬！除咗狂熱炸雞之外，其他味道我都好想試吓，大家嚟到又不妨可以試試！…Read More

最近放工都唔知食咩好，咁啱工作需要就去青衣城兼且收工，順理成章就喺青衣城搵吓有啲咩好食啦。無意之中發現到呢一間麵屋武藏（其實我知道呢間餐廳已經開咗好耐，只係一直都冇行到去呢個位置haha)，順便問埋朋友佢有啲咩想食。我同朋友都叫沾麵，不過佢揀嘅係白虎湯，我揀嘅係黑虎湯。一打開個面超級豐富，有流心蛋，蔥花同竹筍，配合埋沾麵汁，成個畫面都係濃濃既日本風味。唔講唔知，原來黑虎汁係洋蔥大蒜麻油味，白虎係豬骨濃湯配合魚湯，兩隻顏色同香味都好吸引！除左沾麵之外，我哋仲叫咗個蔬菜拼盤，同埋唐揚炸雞，好Juicy好入味，特別係佢哋個蔬菜拼盤，啲菜好新鮮同埋好大盆！又夠味又可以食下菜！雖然而家疫情期間冇得搭飛機返日本，但係都可以嚟試吓麵屋武藏，尋找已忘卻的日本風味！…Read More

難得有一日同屋企人差唔多時間收工，就去咗新都會廣場搵吓有咩食。屋企人本身鍾意食辣，所以第一時間都會諗起食川菜，而今次我哋去咗嘅就係—稻成。夜晚七點，人流唔多，值得一讚嘅係位置舒適，坐得好舒服。而且呢類型嘅餐廳都好鍾意一坐低就會有一壺熱茶，比客人清下味蕾。冷盤口水雞，夠辣夠麻，但略嫌多骨。炸子雞係我最愛，腰果香，炸子雞香！少少麻，辣度一流！京蔥爆牛肉，京蔥既香完全滲入曬牛肉入邊，一條京蔥配一啖牛肉，兩種感覺互相輝映，汁水比較似好食既乾炒牛河小籠包 中規中矩高力豆沙，做甜點係幾好食，不過空氣包，略嫌唔抵食總結：下次再過嚟食，可以試吓呢度酸菜魚！…Read More

又到左星期日，終於可以出黎透透氣，平日做野太忙，處理屋企裝修又忙，難得尚有少少喘息空間當然要捉緊，一於就去朋友介紹銅鑼灣新開張既 壽司櫻 Sushi Sakura.餐廳裝修樸實，瞬間令人置身於日本，伴隨住日本音樂創作歌手山下達郎輕快既音樂，真係可以令人忘卻疫情下種種不快，盡情享受美食。鑑於今日陽光普照，酷熱之下難免眉濕額汗，所以一到餐廳即時Order冰凍既啤酒，爽快！餐廳午餐定食選擇豐富，除左壽司或刺身外，仲有和牛定食同湯烏冬等等選擇，而今日決定食Lunch Menu既壽司12点，因為食壽司先可以了解一間餐廳既用心、服務同埋細節！七色芝麻菠菜 with 沙律，一個好好既開胃菜，酸酸甜甜，菠菜外型好靚又吸睛！日式燉蛋柔滑，味道平均，口感Q彈。面豉湯味道回甘，目的是為了品嚐即將出現既主菜前清一清口腔，好好感受食材。主菜終於出現！肥美！新鮮！就係我眼前美食既代名詞！伴碟裝飾精美，以及店員都好清晰咁指導我應該係邊度開始食，同埋每一件最佳食法，店員既用心，店員既服務為我帶黎香港少有既溫暖感覺！輪到壓軸出場既根室海膽壽司 同埋我最鍾意既 蔥吞拿魚腩手卷！！唔講唔知，原來呢個吞拿魚腩手卷入邊嘅壽司飯，係用壽司飯同吞拿魚油撈勻製成，唔怪得食起來上黎特別香口，特別滿足！甜品時間係一個時令水果果凍，清香又涼快！（由於太心急所以無影相🙏🙏）——————————超級超級超級值得去既一間餐廳，除左Lunch menu外，呢度仲會有Omakase menu，同埋好特別既「上門Omakase」服務，令你足不出戶都可以試到Omakase既享受！有興趣既飯友都可以聯絡壽司櫻查詢。…Read More

終於食到鬼金棒，周邊朋友久唔久都會有人去呢度打卡食拉麵，我都唔執輸趁mood到就去試下啦!我揀左特製辣麻味噌拉麵，唔洗一陣師傅已經將麵奉上。呢度餐廳好細心，佢會有圍裙可以比客人使用，因為拉麵嘅湯都比較龍，顏色嘅比較深，所以唔想整污糟客人嘅衣着，所以就有圍裙提供。你碗麵賣相一百分，亦都有我最鍾意嘅糖心蛋，通常食拉麵我都會先試下佢個湯底，幾香幾濃，叉燒亦都好厚，肥瘦適中，口感嫩滑而不膩。一路食一路食，食到尾聲先發現，點解我碗麵又唔太辣，又唔太麻呢？哈哈Anyway, 呢碗拉麵麵唔差，下次可以試下佢個叉燒飯！（我係飯控！）…Read More

收工時間，又係無飯家庭出黎搵野食既時間，今日去左如心廣場行下，發現荃灣未來應該會好好行，如果今日食嘅係呢一間饞台式幸福食堂。喺香港台式餐廳多的是，但係唔係全部都好友台灣風味呢？當然唔係啦！所以我一直搵緊一間好「對味」既台灣野，結果比我搵到了。⭐️鹽酥雞 + 台灣蓬萊米 + 開胃菜米用咗台灣嘅蓬萊米，食落去軟綿綿，佢哋嘅鹽酥雞係精粹！又香口又脆，完全唔會好似街邊外賣嗰啲咁油膩！開胃菜估唔到都仲有驚喜，望落去好似韓式泡菜，原來佢係蒜泥白菜😍😍我最鍾意食蒜泥白肉，所以好啱我食!甚至我用埋嚟撈飯..⭐️台灣腸佢將台灣腸切到一片片，同我喺台灣淡水食嘅味道係一模一樣，超級好食而且仲好Juicy!..⭐️ 甜不辣平時喺台灣食到嘅甜不辣佢嘅魚肉味都唔係好出，直情係比較粉，但係呢度嘅甜不辣個餡好實在，陣陣魚肉香味。..因為太好食嘅關係，所以我買單嗰陣都捉咗老闆坐喺度傾左15分鐘偈，原來呢度嘅老闆係台灣人，佢哋呢一間舖頭用嘅材料九成都係台灣運過黎香港嘅，包括豉油都係台灣，而且老闆堅持要健康，所以都唔會落太多多餘嘅調味料，而且舖頭裝修簡單，坐落去好舒服好清新。希望大家去開荃灣嘅話，都可以嚟試一試下，因為老闆嘅堅持同埋用心，係可以完完全全係食物上反映到出嚟！支持…Read More

好耐都無黎尖沙咀，今日係為左公事而黎，屋企人各自有著落，我只好自己一個人尖沙咀覓食。突然間好想食小炒，但夏天真係無辦法係大排檔滴住汗咁食飯，只好上樓試下呢間六合小廚。六合小廚食既野款款應有盡有，車仔麵，小炒，常餐以至早餐都有，當然最吸引我眼既當然係蜜椒土豆牛柳粒啦，加多個白飯，已經好滿足。眼未看見，個鼻已經聞到牛柳粒既香味，未食晚餐既我已經食指大動！雖然賣相唔係花巧，但係牛柳粒真係好香，咬落去啖啖肉，薯仔雖然無炸過，但無每一粒都掛住甜甜地既汗，中和番牛柳粒油膩感，一流！歡樂既時光太快，勁餓既我唔洗三兩下就KO曬，認真滿足，而家晚市仲會有7折，認真抵食，下次一定要有埋朋友過黎試多幾道菜！…Read More

親戚聚會，最方便最開心當然係圍埋一齊打邊爐，不過今次特別少少，去左食燒肉！荃灣校長燒肉係我番工放工都會經過既一個地方，岩岩好做緊5-7燒肉優惠，所以真係好抵食。..校長燒肉一入去已經feel到好勁既冷氣，燒肉最怕冷氣唔夠勁，一路食一路出汗，好在一入黎都無呢個顧慮。..自助形式，食物種類都好多，肉類蔬菜甜品任均選擇，飲品種類都好多，特別最鍾意台灣品牌罐裝碧螺春，清清地又唔甜，最岩燒肉清清熱氣。..除此之外仲有一張刺身通行卷，可以去壽司吧任點刺身，無限量供應。..校長燒，經濟又實惠，雖然醃肉味道唔算出眾，但勝在選擇好多，更加可以打埋邊爐添，一雞幾味，總有一款岩食！…Read More

尋日路經太子，見到一間新開嘅車仔麵檔叫何車車仔麵，一時興起就入咗去食返個面。入到門口先知道原來呢一間車仔麵啱啱開張，但最吸引我嘅係面前既推介板上有炸腐皮角。未食嘅時候覺得炸腐皮角應該係冇味嘅，但係結果令我驚訝🤤🤤，我叫左幾個小食同一碗車仔麵。..🔸老何車仔麵我對食車仔麵啲要求好簡單，要試一試舖頭用既油麵，煮完出黎既質感唔可以太淋，一定要有啲咬口同質感，呢度既麵處理得岩岩好，夠入味兼唔淋。由於試業關係部份材料已沽清 ，所以麵既材料即時變左「廚師發辦」，入邊有蘿蔔，超入味又軟淋淋🤤，雞翼雞翼尖，豬紅等等唔同配料，特別要講講嘅嘢係個湯底，佢哋嘅湯底落左少少藥材，鮮甜之間既藥材味令到成個湯底都升華晒！..🔸炸腐皮角以為無乜味，點知入邊加左粟米同少少蝦膠？（好似係）令到成件炸腐皮角啲味好出🤪呢個真係可以一邊飲酒一邊係咁食佢！..🔸炸豬腸呢個真係要趁熱食，因為你唔趁熱食就會冇咁脆身，風味大減..🔸吉烈蠔其實我唔鍾意食蠔，不過見老闆力推我就即管試下，外邊鬆脆，入邊Juicy，鐘意食蠔既人一定會好鍾意！..總括來講，其實呢一間車仔麵舖試業黎講，真係非常之高水準，色香味俱全，小食搶眼，主食高水準，唯獨係無紙巾供應（我食辣會每兩啖抹一次咀🤤），如果大定黎開一定要黎試下！..…Read More

當下是我家樓下的一間餐廳，開業都有一段時間了，但是從來沒試過他們的早餐，加上最近玩了新的工作，在公司附近的餐廳早餐十分沒有新意，因此也要試試當下的早餐。沒記錯他們的餐牌有五至六款早餐的種類去提供選擇，但是我通常也會吃雞扒公仔麵，除了主要麵食之外，其他配菜也十分重要，例如多士，炒蛋，腸仔，午餐肉等等配搭都十分重要。湯麵十分濃味，雞扒煎得不會太油膩和乾身，多士是現烤的，加上牛油很香口，滿足了肚子，就可以開始一天新的工作了!…Read More

還記得當初要在光輝圍附近租用studio的時候，首先要了解光輝圍周邊的食店有什麼選擇，喜歡尋求刺激新奇的我，當然要捐窿捐罅尋找美食來源！這次來到的是金來越南粉，真的有點頂不住，因為整家電都彌漫着一陣好像豬的氣味，而且環境燈光不是很明亮，帶點陰暗，人氣也不多，只有老闆一位在處理廚房和樓面。我點了一個生牛肉湯河，但是有一個疑問，為什麼湯是暖的，並不是熱的？這是一個很大的問題，看不見，是暖的，究竟這碗湯在這裏放了多久呢？味道是可以的，份量也很足夠，只是湯不夠熱，會令整碗河粉遜色不少，很抱歉，我只能給Ok.…Read More