Siuming321's Profile

呢家韓式餐廳真是一個讓人回味無窮的地方。他們的招牌菜辣炖雞實在太過癮了！辣炖雞湯內有雞件、薯仔、年糕和大量的蒜頭，一碗湯下肚，辣味十足，還有濃郁的雞湯味道，令人垂涎欲滴。雞肉鮮嫩多汁，搭配著軟糯的年糕和爽脆的土豆，口感豐富多樣，讓人欲罷不能。除了辣炖雞，這家餐廳還有其他美味的韓式菜餚。像是烤肉、石鍋拌飯、炒年糕等等，樣樣都係經典。烤肉肥瘦相間，肉質鮮美，入口即化。石鍋拌飯燙手的熱氣腾腾，飯底部的鍋巴酥脆，搭配各種配料，味道香濃可口。炒年糕則是辣味十足，年糕炒得Q彈有嚼勁，搭配蔬菜和肉類，一口下去，辣味四溢。這家韓式餐廳的服務也非常周到，服務員大部分都是韓國人，態度親切，餐桌整潔乾淨，餐點上桌迅速。價格方面也相當實惠，物超所值。總括來說，這家韓式餐廳以其招牌菜辣炖雞和豐富的韓式菜餚吸引著人們。食物美味，環境舒適，服務一流。…Read More

位於佐敦廟街既呢間越萊成日都經過，尤其係門口既餐牌講明佢地係有越式法包食👍🏻自從去完越南都好想再食返，見今日想食越南野就即刻諗起呢到，咁就去試吓啦～餐廳既裝修充滿越式風格，令人好似去左越南咁～而今次就揀左坐卡位，細心既係佢會提供埋個勾勾比你掛袋，呢樣係相當之細心既～而今次去到都係晚餐時段，佢提供既越南菜都有好多，有得比你自選想食咩餸配咩湯同粉，咁樣就可以揀選自己鍾意既組合👍🏻而今次就嗌左一碗豬軟骨蘿蔔配雞湯檬粉，另一碗就要生牛河，仲加多左份無骨鳳爪👍🏻兩餸麵（$46）佢既份量好多，絕對夠你食得飽👍🏻👍🏻而豬軟骨既質感咬落十分腍滑，唔會話太韌，蘿蔔亦十分甜同無渣，口感唔會話太硬👍🏻至於檬粉都做得唔錯，同係越南食得到既都好似👍🏻👍🏻👍🏻生牛河（$42）同樣地佢牛河既份量都係好多，牛肉上到枱時唔會話太生或太熟，依然做到令個湯浸熟啲生牛肉，個溫度方面都幾考功夫，而呢度都做得唔錯👍🏻👍🏻而生牛河最重要既個人認為就係湯底，飲落個湯底十分清甜，感覺上係用左大量既牛骨熬製而成，味道唔會太濃，保持到濃而不膩，算係高水平既湯底，至於佢既河粉都好滑，同埋唔會痴埋一舊，食落十分順口👍🏻👍🏻算係水準之上👍🏻酸辣無骨鳳爪（$38）酸酸甜甜既鳳爪係夏天食一流，開胃得嚟又會令人不斷想食，而呢度既鳳爪份量好多，令人一食就停唔到🤤同埋呢度加咸檸七都只係$6，價錢相當抵👍🏻總結呢間餐廳既性價比真係十分高，今次因為太飽既關係就無叫到份法包，下次都要再嚟食下試埋佢個法包既味道👍🏻👍🏻…Read More

位於旺角既呢間吉列牛上網睇都有好多人食過，咁啱又經過附近，咁就一於上去試下啦～餐廳既位置位於17樓，地方都算大，而當日都比較早去食，所以人流未算太多，而餐廳都係以韓式風格為主，而今次就揀左一份吉列牛定食，同埋一份咖哩忌廉烏冬～份吉列牛定食會包埋麵豉湯，前菜同飯，佢會提供埋類似石板既爐比你去燒啲吉列牛，但當擺左幾舊上去都一直唔熟，一開頭都知唔會咁快就熟到，但斷斷續續都等左差唔多一個鐘都唔算係太熟，即使職員幫我地換左塊石板都係咁😅😅😅等待熟既時間真係有啲太耐😅😅而味道就無想像中咁特別，都係似炸過既牛肉而咖哩忌廉烏冬就比較特別，佢表面有一層好厚既忌廉，係直頭睇唔到烏冬既，而忌廉同烏冬又出奇地夾，食落都無乜違和感，反而味道都幾好食～總結嚟講呢間食吉列牛只屬一般，未算話太過特別，價錢亦唔算平～…Read More

位於北角海逸既呢間咖啡廳位置都算方便，係北角站一出就到，附近都有啲商場行吓，都算四通八達，而今次去都係試一試佢既自助晚餐啦～佢既自助晚餐係分開左兩個時段既，而今次就揀由8點開始食，直至到10點，而自助餐既食物分佈係分開左兩邊的，由門口一入去就係食冷盤、飲品同甜品區，而另一邊就係熟食區，而兩邊既距離都比較遠，所以就無話坐係邊度會比較近拎野食既地方啦～而熟食方面，少不得既就係牛扒啦，佢地用既牛肉係安格斯既牛肉，肉質相當腍滑，而牛味相當濃郁，算係一塊相當高質既牛肉，所以都encore左幾次😋😋而熟食區仲有滷水食，有滷牛展，滷蛋、紅腸等等，味道都算唔錯，而重點回本區就當然係煎鴨肝啦，而佢地既煎鴨肝都係會不斷咁提供，而鴨肝既厚度都唔錯，底下果塊麵包正好就要嚟吸哂啲油，令到個口感無咁油膩，而味道都幾好食😋至於其他熟食都正正常常，中西式都有啲咁～而冷盤區方面，佢地提供既海鮮有龍蝦，麵包蟹、蝦、青口、白蜆同螺，而今次就揀左龍蝦同麵包蟹黎食，龍蝦既肉質尚算彈牙，味道亦幾鮮甜，而麵包蟹都有幾多膏，但就無乜肉食，而整體冷盤區既海鮮屬正常水準，但夜晚就無提供生蠔同長腳蟹，呢樣就好睇個人喜好喇～最後就係甜品區，佢既蛋糕選擇未算係太多，有提供芝士蛋糕果啲既，而比較特別既係佢個雪糕櫃，佢係一個圓形既櫃，而且係會不斷旋轉既，感覺上好吸引啲小朋友，但實際上就唔係太方便啦，因為如果想要兩款唔同既口味既話，就要等要轉到果款先可以舀，變相要等好耐先有得要哂兩款，呢樣就要再諗諗啦，而雪糕既味道有好多種，相信都係酒店自家製嘅，味道都做得唔錯，唔會話太甜，算係比較出色之選👍🏻總結嚟講呢間既自助晚餐款式屬正常水準，未算太有驚喜，食物質素不過不失，如果有時間同優惠既話都可以過去試下～…Read More

位於加拿芬道既呢間泰國菜對正係K11商場對面，位置十分方便，而每次經過都唔知有間咁既泰國菜，係無意中先知，同埋今日見無咩人排隊，咁就入去試試啦～佢既餐廳係要落一層到地下先係食野既地方，而一落去先知佢既餐廳面積都幾大下，咁岩當日係比較早去到，所以都可以揀下位坐，但有啲枱就一早已經比人book左了～而餐牌都係以泰菜為主～椰青（$45）個人認為飲椰青最重要就係溫度要夠凍，而呢間都做得到，椰青既size都大，而椰汁亦好清甜，不過呢度mark up 椰青既價錢就比其他高左小小，不過都係可接受既範圍內～冬蔭海鮮炒飯（$88）整體份量正常，不過可能佢既炒法係將冬蔭功湯不斷收汁炒落啲炒飯度，炒飯就比較黏身，唔夠乾爽，感覺上比較係濕炒既做法。但炒飯既味道唔錯，飯粒係入哂冬蔭功湯既味道，味道酸辣皆有，而海鮮既配料都係蝦，魷魚同青口，配合埋炒飯食的確唔錯👍🏻泰式明爐魚（$188）今次就揀左鱸魚，味道個人認為比烏頭好，而佢都係原條連鍋上，而呢道菜坊間既泰國菜好多都有得食，而呢間都唔錯，魚肉都滲哂味，唯獨個人認為湯汁未夠青檸既酸，未必可以提出魚肉既鮮味～總結嚟講呢間泰國菜係屬於中上價位既餐廳黎，而味道都算正宗，係可以再黎試下既一間餐廳👍🏻…Read More

位於海港城入邊既呢間西班牙菜餐廳都係以食下小食，飲下咖啡為主，但佢亦都有主菜提供，而價錢方面都合理，畢竟係海港城入邊既餐廳，呢個價錢都還可以接受，而今次就入去試下啦～餐牌上都有啲小食例如芝士拼盤果啲，而今次就叫左一份西班牙式下午茶，咖啡同一碗西班牙國寶湯麵試試佢～首先份西班牙式下午茶有啲芝士粒，果仁，風乾火腿等等，每款食落都唔錯，配合埋咖啡飲都係一份寫意既下午茶，打卡一流👍🏻百份百橡果餵飼黑毛豬湯麵（$168）呢碗湯麵感覺上有小小似日式拉麵😅湯底十分濃郁，而黑毛豬既味道好軟滑，接近唔洗點咬都可以吞落肚，味道做得幾出色，但整體而言呢碗麵就未有太大驚喜，以呢個價錢嚟講，比起想像中既就失望左小小啦～整體來講呢間西班牙餐廳可以嚟食個下午茶chill下，但主食就可以有更多選擇啦～…Read More

位於尖沙咀海港城既呢間溫野菜長期都有好多人排隊，但由於真係想試吓既關係，都要排左一陣先入到座～而店內既裝修充滿日式風格，感覺上十分舒適，而海港城既呢間溫野菜係以散嗌為主，逐項嗌逐項收錢，而價錢都係定於中高價水平，比較好小小肉質既平均都要約$150起一碟，價錢都唔算太平，但味道要試試先啦～而今次叫既肉都係以長崎同鹿兒島既牛為主，而部位都係肉眼，西冷同肩脊肉為主，而佢每一份肉上黎果時油脂分布相當平均，算得上係雪花和牛，而每一碟大約有4-5片左右，而每片都幾大塊下～但味道真係入口即溶🤤🤤塊牛肉既油脂入口好似牛油咁即溶，而牛味亦都好濃郁，係會令人食完一塊再食多塊既，牛肉既質素係十分高質👍🏻👍🏻👍🏻而佢仲有一款叫玉子雜炊既野食，將飯倒落湯度再加蛋漿，最後灑上紫菜就食得，呢款就有啲似湯飯既食法，但味道依然唔錯，因為個湯底已經入哂啲牛味，再加埋落個飯度真係十分出色👍🏻整體黎講溫野菜既水準十分高質，亦都解釋得到點解佢會長期都要等位既～…Read More

位於西九龍中心既呢間pizza hut地方算大，位置亦多，而見呢間係有午市套餐揀，咁就入左去試下～印象中以前既Pizza hut午餐價錢都係大概$60左右，但而家普遍都要$70幾起跳，價錢感覺上就加左小小價啦，而以前汽水係可以任加既，但而家就只可以refill一次，雖然都唔會飲得太多，但又cut左小小野咁～而今次就嗌左一份白松露野菌烤雞薄餅，批底就揀左薄批～白松露野菌烤雞薄餅（$79）首先份量方面佢係超級迷你批黎😂食完都唔會覺得話係好飽果類，而薄餅上既雞肉都算正常份量，而其他配料都係唔算太多，而食落雞肉同菇類都算配合，唔會話過份唔夾，而白松露既味道就唔係幾食得出，只係有小小白松露既香係氣，味道同質素係同平時叫外賣果類差唔多，但價錢就真係貴左小小啦～總結嚟講，個人認為係餐廳堂食pizza既話份量唔算太多，有啲食唔得太飽既感覺，而叫外賣套餐既話反而會更飽更滿足，所以下次再食就要諗諗啦～…Read More

位於東薈城既呢間泰國菜都算大間，座位之間都好闊落，而餐廳既裝修都十分有格調，都算係比較高級小小既餐廳之一👍🏻係價錢方面算係中級，野食都係以泰式小菜為主，而今次就揀左咖啡黃金炒大蝦，冬蔭功湯、半隻海南雞、雞肉牛肉串燒同芒果三文魚炒飯。飲品就揀左椰青～首先椰青既溫度夠凍，而椰汁都十分清甜，而佢亦有比匙羹你可以刮啲椰肉嚟食，味道亦唔錯👍🏻👍🏻而冬蔭功就揀左大既size，但份量依然唔多，雖然佢話大既size係夠2-3人飲，但每人都係飲得一碗多啲，份量就的確係小左啲啦，而材料亦唔算豐富，連菇類果啲都偏少，感覺試就有小小唔抵啦😅而主菜方面，海南雞係有起到骨既，而起骨都起得好乾淨，食唔到有碎骨，而雞既size都大隻，配合埋泰式酸辣醬食都幾惹味，而串燒就還好，略嫌佢有小小乾，而芒果三文魚炒飯反而有啲驚喜，本身會覺得芒果同三文魚唔會太夾，但食落味道反而唔錯，三文魚既油脂配合芒果既酸甜，兩者加埋幾好食👍🏻係比想像中好食既👍🏻而個咖喱黃金大蝦佢就建議配合埋酥餅一齊食，個咖喱汁配合埋個酥餅食的確係一絕，酥餅做得十分酥脆，而咖喱汁就做得夠香，係會令人食到停唔到口果種，不過大蝦就得兩隻，而蝦肉亦唔會十分彈牙，唔算特別抵食～整體來講呢間餐廳既食物算係不俗，但價錢比較貴，而份量亦少，今餐平均每人都食左$250，但亦唔算話有好飽既感覺，整體來講性價比就一般般喇～…Read More

位於九龍灣既大渣哥位於商場地鋪，附近都係工廠區比較多，而門口都係長期有人排隊既，而今次都排左接近20分鐘先可以入座～而係九龍灣既呢間分店位置相當多，店鋪亦大，而餐牌上既選擇同茶記既差唔多，都係以碟頭飯為主，但每款食物都會改左做唔同既名，感覺上都幾新鮮👍🏻而今次就叫左一份大渣哥炒飯試吓佢啦～大渣哥炒飯（$73）呢個價錢係比起一般既茶餐廳黎講係比較貴既，但份量都算正常水平，其實大渣哥炒飯就係類似揚州炒飯果類，有蝦仁，叉燒，火腿等等。而食落個味道都算唔錯，調味方面都幾好，而炒飯最忌啲飯痴埋一舊，但呢度就做到飯粒顆顆分明，炒得亦夠乾身👍🏻面頭既瑤柱碎亦可以為個飯調一調味，做得相當唔錯👍🏻總結嚟講呢度價錢雖然比較貴左小小，但食物既質素都算高質，係可以過嚟一試既店舖👍🏻👍🏻…Read More

位於歌賦街既呢間座銀一直都有聽講過，而由於歌賦街既野食都好多，所以一直都無去試過，而今次咁岩見到座銀竟然唔洗排隊，咁就一於入去試下啦～店舖既位置分開兩邊，能夠坐到既位置都算多，而佢亦有bar枱坐，而店鋪既裝修充滿日式風格，而牆身亦有大螢幕播住日式風格既片，絕對係營造到日式既風格～而餐牌上既選擇亦有幾款，只有拉麵同沾麵揀，而湯底同樣係雞白湯，而今次就揀左雞沾麵～雞沾麵（$148）依個價錢係香港食沾麵係絕對唔平既，但佢地既雞湯據聞係用咖啡打泡既方式做出黎既，而呢樣都係佢地既出名菜之一，而一上果時好明顯見到雞湯係十分濃郁既，而麵底係粗麵黎，掛湯力十足😋😋而叉燒既顏色好粉嫩，食落的確十分腍滑👍🏻👍🏻至於重頭戲雞湯沾麵，個沾湯汁飲落十分濃厚，果種濃郁唔會令你覺得係張住個喉嚨既，係食得出佢係用好多既雞件攪拌混合而成，感覺上有小小似飲緊忌廉雞湯，但味道絕對勝於忌廉雞湯👍🏻而沾麵汁入邊有筍同雞肉粒，而筍同雞肉粒能夠吸哂個雞白湯既味道，令人食完係會想再食既😋😋😋整體來講呢碗雞白湯沾麵絕對係上乘用心之作，以味道黎講的確絕佳，雖然價錢較貴，但係呢碗沾麵係絕對可以過黎一試既👍🏻👍🏻…Read More

位於元州街既呢間梨興園係新開既韓國菜，位置上並唔算太近地鐵站，而黎食既都係學生同附近做野既人，而咁岩經過附近，咁就一於入去試下啦～一入到去佢會先遞上泡菜同芽菜比你食，而泡菜既味道都算入味，芽菜亦幾清爽，唯獨是個人認為份量少左啲，若然多返啲就更加好喇～而餐牌上都幾多選擇，午市亦有套餐提供，而今次就揀左人參雞湯，佢標榜係有半隻雞的～人參雞湯（$58）首先佢係成個熱鍋上的，溫度十分夠熱，而雞亦有足半隻的，雖然雞既size唔算太大隻，但絕對足夠飽，而入面就釀左糯米等等既配料，而味道亦做得唔錯，而個人認為雞湯係成道菜既靈魂之一，而佢既雞湯亦有濃厚既人參湯，配合埋飯食算係幾好👍🏻整體嚟講呢間鋪既食物價錢唔算太貴，而質素就中規中矩，如果想食下韓國野既情況下，都可以解下口癮既～…Read More

位於尖沙咀既呢間東京食堂，位置唔算太方便，但通常呢啲小店位置都會比較遠，不過個人認為只要好食，再遠都無乜所謂嘅～而店內既位置唔多，餐牌上既選擇都係以大路日本野為主，價錢亦唔算太貴，而今次就叫左一份鰻魚飯，同一份雞親子丼鰻魚飯（$88）首先佢鰻魚既份量都好大條，而鰻魚既魚身亦夠厚，唯獨係略嫌燒得未係太香脆，而食落亦有濃厚既鰻魚味，而味道亦較得剛好，而隨餐仲有跟麵豉湯同飯，而飯上面有灑左小小飯素，味道都算唔錯～親子丼（$54）雞肉既份量都好多，而調味亦都唔錯，但個人認為蛋既份量就唔多夠，唔能夠覆蓋到所有飯，而呢樣都係親子丼幾重要既事，蛋汁最好係比較多能夠撈到落啲飯到，但呢碗個人認為就唔多夠啦～總結呢間餐廳以味道同價錢取勝，性價比都唔差，係可以嚟食既一間餐廳👍🏻…Read More

係沙田新城市廣場嚟講韓國菜既選擇並唔算太多，而呢間馬場洞烤肉係其中一間食韓國嘢既～而今次算係比較早去食，所以都唔洗點等位～而呢間除左食烤肉之外，都有其他韓國菜食，而今次都無食烤肉，而係食牛骨鍋，另外亦加左一份水冷麵～首先餐廳既冷氣就唔算太大，尤其係食呢啲烤肉同鍋既話，冷氣既溫度都比較重要，而呢間餐廳一坐落已經有啲熱，而佢係中央冷氣又唔開大啲，雖然有同職員反映但佢地都無計，只有建議我地調位，最後就嫌麻煩就無調位算啦～而上菜之前店員都會拎啲泡菜等等既前菜比客人食，而份量同質素都唔錯，係令人開胃既前菜～而牛骨鍋既份量都好大份，佢會先上一個gas爐，再有一個十分大既熱鍋擺上去 ，入面有大概十幾舊牛骨同湯底，湯底就似大醬湯底果類，帶有啲啲辣，而每舊牛骨都有肉既，而份量真係好多，雖然價錢唔算特別平，但以呢個份量黎講都要兩至三人share先搞得掂😂而個水冷麵都做得唔錯，個味道都好正，麵既質地因為夠凍所以十分彈牙，食落亦都好爽，配合埋黃芥辣食亦加上小小辛辣更佳👍🏻總結呢間韓國菜既價錢並唔算十分平，但食物既份量就好多下，味道就正常韓國菜啦～…Read More

稻香接近每年都會推出一蚊雞系列，記得以往係可以無限任叫一蚊雞的，但由近年開始就有人數限制，每2人先可以嗌一隻，雖然個玩法轉左，但都係要去食下既～今次係平日晚上去，原本以為有好多人去食，但實際人流唔多，亦唔需要book枱，而佢晚市亦有套餐，但由於想嗌下唔同野食，所以就無叫套餐散嗌小菜啦，而今次就叫左豉椒炒蜆同兩隻雞～豉椒炒蜆既份量算多，但係得返啲殼，蜆肉既份量實在太少😂而味道亦欠缺係大排檔既鑊氣，感覺上只係普普通通，唔叫亦唔會蝕底。而一蚊雞係以燒雞形式煮，而佢係以原隻雞上，如果要斬件就要加錢，佢會提供埋較剪同手套比你食，而雞既味道都唔錯，size亦算大隻，係食得耐左就會有啲滯～總結嚟講自從無左$1任叫之後，黎稻香食野既吸引力大大降低，而小菜亦唔見得十分出色，如果去大排檔食飯相信會更有風味～…Read More