siuming326050 のプロフィール

本身以為淺水灣啲餐廳都偏貴，但入到黎發現價錢合理，叫左牛油果煙三文魚酸種麵包，超多牛油果同三文魚，係出面嘅一倍，而且味道相當唔錯，可以食晒啲包都仲有剩牛油果。加上有唔同蕃茄生果做配搭，仲好新鮮添！另外叫左咖啡兩杯，一杯mocha，一杯Americano，兩杯咖啡味都好香濃。而且環境舒服好坐，店員又非常親切，食完餐仲會主動送上水，又會同客人傾兩句，好sweet! 淺水灣入面好值得再黎呀，平均一個人叫埋野飲都唔使二百蚊，而且無加一！…さらに見る

呢間車仔麵好多餸揀，而且均一價錢，抵食！佢既餃子真係值得推介～老板又好禮貌，入去坐低到有麵食麵係5分鐘既事，好做得野而且好少車仔麵有銀針粉食，麵好多選擇，仲有3種汁揀，真心推介！另外，都要讚下個環境雖然地方唔算好大但老板執枱都算快，所以幾乾淨牆上面係好多game個日食飯仲聽到老板同d客交換game心得，好親切呀加上又播住電台既歌，氣氛唔錯又唔會嘈，都幾岩同fd一齊食住麵傾計臨走時老板叫我地小心d，多謝老板，香港人加油！…さらに見る