com7683's Profile

今晚去左間好chill 嘅餐廳 起旺角嘅Yolo Cafe & Bar餐廳都係行cafe打卡路線 簡約 燈光偏暗 夜晚好有feel 餐牌就Web ordering 唔使揭黎揭去 不過都有紙本比大家睇 幾好 但就唔係全部都有圖 如果有埋簡介會更好 由其飲品佢有兩人set 不過我地冇叫 就咁叫咗兩個主食 自家製青醬大蝦意粉同香煎雞胸意大利蕃茄飯另外飲品就叫咗 青檸梳打同Orange kiss首先黎嘅咗飲品 青檸梳打好夠氣唔係七喜扮嘅 幾好喝另外orange kiss係焗茶 好香 不過喝唔太出係由咩組合而成 之後黎嘅係自家製青醬大蝦意粉 好香 好夠味 蝦都好鮮爽 值得推介最後係香煎雞胸意大利蕃茄飯食完個意粉咁濃味 有啲酸酸地嘅嘢中和下係幾好 好彩佢冇加茄汁 因會加茄汁去痕火果啲實好甜 佢就唔會 雞胸有啲overcooked就有少少失色 比下去 但係飯做得唔錯 整體都ok 價錢方面又唔係太貴 同一般文青cafe差不多 如果中意文青打卡同chill下佢係一個唔錯選擇…Read More

今晚去咗深水埗食一間叫古早牛肉麵嘅台式餐廳。黎到鋪頭前，有兩張大menu，不過冇咩睇就入去坐低再睇。入到去見到好多好有特色嘅掛畫，全部都好有教育性質，畫風好Old school好懷舊，好得意。餐廳啲枱好大，好闊落，幾好坐，唔會好逼。叫野食方面都係好似一般台式餐廳咁寫落張膠menu度。一面係食物，一面係飲品，簡單易睇。我就叫咗鹽酥大雞扒，牛肉香蔥手抓捲餅同輕芝士岩鹽奶蓋烏龍茶。另外佢哋好似啲餃子店咁樣，有啲辣菜圃比客人食，我試過都幾辣，如果食湯麵加啲落去都幾惹味，不過我食飯。嘢食好快嚟到，首先試吓杯嘢飲，因為係輕芝士，所以唔會好似其他台式飲品店咁濃，芝士清味淡淡地又有少少鹹，幾好飲，因為嗌咗少甜，所以茶味好突出。跟住到鹽酥雞扒飯，除咗雞扒仲有少少配菜，好似滷蛋，肉燥，同埋醃蘿蔔。佢哋啲味道唔似其他台式舖頭咁重口味，偏向淡一啲，肉燥都係，食到尾先見到啲汁喺晒個飯底到，如果一開始知道嘅話就會撈勻佢黎食，特別一提嘅就係佢啲飯好有咬口，粒粒分明咁，我好中意。我見到頭頂有塊寫住三好米嘅招牌，唔知係咪三好米呢。手抓餅方面，有一塊牛展捲住啲椰菜，幾清新，雖然唔太食得出有香蔥，但係入面個醬汁有少少辣，又甜甜地咁樣，好夾呢個食法。整體黎講佢價錢以台式餐廳黎講都算係低，味道都ok, 而且環境闊落，唔似其他餐廳咁一路食一路要左閃右避咁，食都唔安落。因為中午食過麵冇叫到牛肉麵，下次再黎試下佢招牌嘅牛肉麵啦…Read More

平安夜前夕book咗今日去類沙咀嘅 Nara Thai Cuisine 預祝聖誕 去到門口已經多人到停派籌 不過好彩book咗 有位唔使等佢係兩間鋪二合一經營 左邊泰式 右邊西餐而今次我就食泰式佢啲位好闊落好好坐 燈光都好有情調 一坐低 面頭已經咗碟蝦餅 問過職員係要收錢的 $15 一個 我地唔食 叫佢幫手收走職員好有禮貌咁收走咗好喇 事不宜遲睇完餐牌叫咗野食先佢menu圖文並茂而且好多野選擇首先黎係野飲 我叫咗鮮芒果沙冰 朋友叫鮮椰子沙冰 好靚好大杯 好香芒果味 需然唔記得叫少甜 但係都唔會over 好好飲跟住黎係黃咖哩大蝦 我地加多個飯同印度薄餅試下佢啲咖哩好特別 唔同出面食開果啲咁 似炒滑蛋唔辣 甜甜地 要黎配飯都唔錯而隻蝦都幾鮮味 需然走過油 但都有蝦味印度薄餅幾特別 可能攤平太大個會‘牙’位 所以抓到成個帳幕咁 好脆 而且好香 好好食跟住係泰式蝦醬炒河粉河粉唔係一般一條條果啲河粉 而係一塊塊 應該係陳村粉 一塊塊都幾難炒 而且有大有細 不過師父都炒得好均勻 大大塊好易夾 好惹味 另外有啲青芒絲比你食完油膩野清爽下 唔錯 另外有半隻咸蛋都係拌碟 不過我地唔好 都冇試喇跟住係少不了嘅菜 叫咗泰式炒雜菜 表現正常一路食職員都會一路收走野同幫你加水咁 好好服務 而且佢地都好好禮貌 咁忙都見到笑容 起飲食業係好難得 睇得出係訓練有素 食哂之後職員問我地夠唔夠飽 洗唔洗叫多個甜品試下 我地叫芒果糯米飯呢個泰國名物試下芒果濃香而甜 唔酸 好好食而糯米飯熱辣辣 好煙靭配埋椰汁好好食 一直都唔明呢個甜品係咩一回事 但係又好好食 整體黎講價錢唔算太貴 海港城黎講算平 其實同出面啲泰國菜館差唔多用料都幾dum本 食得出係海蝦 而唔係大頭蝦…Read More

星期日搭車唔使錢 去咗遠D嘅荔枝角睇戲兼食飯間餐廳起D2對面工廈嘅一間宮廷風嘅餐廳去到門口 睇緊食咩嘅同時 一路有人入去 於是我地都入去再睇入到去都差唔多full house咁滯 唔book都可能要等位餐廳裝潢典雅 夜晚燈光偏暗 幾有氣氛唔講咁多 我就叫咗炸魚薯條 兩樣都做到外脆內軟 幾好食 重有啲沙律菜點綴下都幾有心思之後到日式味噌豬鞍本身想都叫牛扒 不過呢排食得牛扒多 轉下豬 呢個十分有驚喜呢道菜拌碟都幾豐富 首先有樣應該叫千層薯仔蛋 ? 唔識叫 因為係一層薯仔一層蛋再面頭係芝士去焗 跟住係甘荀泥 兩樣都好好食 同埋幾特別豬鞍啱啱熟 火後控制得好 肉質好爽 唔會鞋十十 味噌味反而唔係好覺 但有少少甜 面頭啲鰹魚花 受熱郁郁下 好睇又好食 好值得叫跟住係香辣先蜆全蛋闊麵 呢個又係驚喜蜆就煮到開口拎開用蜆嘅湯水加入麵去煮都算幾辣 但係辣得黎過癮 啲辣唔會係口停留好耐 而且啲麵好掛汁 條條都味道鮮濃 越食越想食 如果多啲就好喇蜆就反而變咗配角 因為啲味去哂汁度 蜆味就薄咗好多 但都好食最後係榛子朱古力pan cake 好有心機嘅擺枱 pan cake夾住啲香蕉 榛子朱古力醬唔會好甜 唔係好好甜嘅我都幾中意食呢個pan cake最後要讚下職員 佢地好勤力 樓面成日幫人加水 廚房水吧都好似心機砌靚啲食物先拎出黎 又睇得又食得 啱哂中意打卡嘅女士們提外話 隔離左右都幾多係姊妹們一班人 同情侶黎食 因為都真係幾啱打卡同埋好有情調…Read More

魷魚熱潮加上好耐冇食過韓式野, 起官觀行完街, 聽講附近有間叫小火焰韓式餐廳嘅服務係一流而且野食唔錯, 於是慕名去試下 去到都要排4 5台 不過唔使等好耐 因為佢間鋪都幾大 鋪入面D坐位同走廊都好闊 唔會好逼 坐得幾舒服 一大本menu 五花八門咩都有 由於肚仔餓 叫啲飽肚野食 先黎係酥脆磨菇雞翼 熱辣辣 無骨嘅雞翼入面包住啲cream mushroom 甜甜地咁 雞翼都好滑身 不錯 然後黎嘅係牛肉石鍋飯 黎嘅時候, 靚仔哥哥問我地使唔使幫手撈埋 我地緊係二話不白要啦 靚仔哥哥撈嘅時候都會講解下點食法之類 好細心 呢樣第度真係未必食到 撈完之後哥哥仔話要等佢幾分鐘 等啲牛肉熟再食 個石鍋飯啲料都好豐富 有青瓜絲 有蘿蔔絲 同雞脾菇等等 同平時食嘅九小碟有啲似 等食嘅同時野菜炒粉絲都黎埋 又係色彩繽紛嘅野菜 同石鍋飯嘅野菜種類有些少唔同 但都差不多 主要多咗椰菜 椰菜炒粉麵真係好夾 粉絲唔會太硬或太甜 啱啱好 好好食 撈埋啲辣醬食一流 雖然本身係要黎撈飯食 但隻辣醬係百搭咁用 撈咩都加分 最後我叫咗個蜜糖朱古力窩夫 其實係見隔離叫 賣相好吸引 所以我地都忍唔住叫咗個 冇令人失望 好好似 窩夫好脆 而中間個朱古力雪糕好香濃而且唔甜 好啱我 開頭睇本menu都睇到頭都暈 因為真係好多選擇如果下次黎 我會選返套揀 sort 走一堆chooses 先 冇咁苦惱…Read More

呢期成日去長沙灣通常都係食餃子多，食到悶悶地，今次去咗明愛出面一間新開嘅文青小店，返咗成個星期，獎勵下自己。佢鋪頭裝修簡約日系，可能因為閑日夜晚，比較少人，我哋可以任坐。我估主廚同waitress係兩夫婦，精心打理自己嘅鋪頭，所以野食等都好用心整，下面講返。首先叫咗芒果蟹籽蟹肉沙律同炸薯條配黑松露同朋友share。等咗一陣，首先黎係沙律，七彩繽紛，砌得好靚。佢啲醬汁係芒果肉打碎淋上面，唔係一般餐廳用醋。沙律同蟹肉都好新鮮，配埋啲芒果醬，甜甜地，而蟹籽就提供少少咸味。令外芒果係鮮芒果，而且好甜，好好食。之後薯條。滿滿嘅黑松露醬，香得黎又唔太搶，外面食開果啲黑松露醬陣煤油味太重，呢度就平衡得好好。炸野油溫控制好緊要，要夠高先可炸得靚，之後先係控制時間，唔好炸過龍，佢兩樣都做到，好好食，十分推介。主菜有魚同肉，之前睇openrice餐牌有肉眼，不過現場轉咗封門牛柳，正合我意，少啲脂肪，冇咁大罪惡咁。如果係扒或者我會叫全熟，不過係牛柳，所以叫七成。汁係燒汁，開頭倒少少黎試覺得有啲太甜，不過點牛柳食嘅話，意外地夾。牛柳表面燒得好夠火候，有啲高溫加熱先有嘅牛肉焦香味，而入面都幾淋。雖然冇脂肪，但都唔會好似香口膠咁咬唔爛。好好食。另外叫咗碟阿根廷紅蝦扁意粉，阿根廷紅蝦其實好想試好耐，不過餐廳咁常見，自己買黎煮又唔知好無食，於是叫咗黎試下。可以揀全熟或半熟，我揀咗半熟，用火槍烤表面。意粉汁應該係用蝦頭去煮出黎再用洋蔥大蔥炒，大蔥幾搶味，好在蝦味都夠香濃唔會搶過哂。紅蝦質感有啲似牧丹蝦，不過就有啲蝦嘅鮮味，幾好食。意粉啱啱好夠硬身。另外encore咗甜品，非常值得叫，每樣都好精美。而我叫咗月球，係榛子朱古力。細細個而絕無戲場，用料十足，好結實。表而係厚實嘅朱古力，包住入面係一層好似泡芙外層嘅皮包住榛子，好有層次感。最後見隔離枱叫咗杯熱飲好靚，我都忍唔住叫咗杯matcha latte ，因為夜晚，冇叫coffe，咁啱又有無咖啡類又可以打卡嘅飲品。又係用料足，好有心機嘅飲品，綠茶好香濃，唔會比牛奶蓋過哂，飲到尾重見到少少溶唔哂嘅綠茶粉。好好飲。朋友叫咗杯蝶豆花玫瑰荔枝梳打，好靚，好啱打卡。我試咗一啖，好甜，唔係我心水，如果糖另上就更好。好滿足嘅一餐，遲啲會再黎encore試下其他野。呢間小店十分值得黎打卡，打卡之餘又可以食到好野。…Read More

好日唔打食講平都忍唔住要補打返篇黎泄下氣當晚起北角附近搵食，搵openrice同行路搵都唔覺有咩好食。橫風又橫雨，成八點幾九點，都放棄再去搵驚再行要食杯麵收科。於是求其入咗間叫無邊嘅cafe 。我估臨收鋪/落雨天啦，就冇人咁滯，不過事後我估無咩人都係不意外嘅事。咁好快就叫咗個煙鴨胸蒜香炒意粉同菠蘿汁啡菇意大利飯同兩杯野飲啦。開頭唔知有送餐湯，應該係忌廉南瓜湯。兩個字形容哂，甜同‘漏’，飲唔到一半放棄咗。無耐黎埋主食，首先講菠菜汁啡菇意大利飯，重忌廉，淡，無落鹽？好‘漏’，飯好硬，得隻菇正常。兩個字，難食。跟住係煙鴨胸蒜香炒意粉，睇落無野，食落嚇死。極甜，燒汁炒。完全癲覆咗我對蒜香炒意粉嘅印象。鴨胸都完全食哂隻甜到極嘅燒汁，完全食唔到。兩碟主菜都食唔到一半就放棄，真係頂唔順。至於Oreo朱古力，上面pad creamy係唔知咩事，完全冇必要一郁就跌咗落黎，而且係甜到嘔兩個人成四舊水食餐咁嘅野，真心後悔…Read More

今晚喺紅磡唔知食咩好，到最後都係揀咗1仔原本睇OpenRice見到有炒龍躉球嘅餐牌，就想試吓。入到去望吓個晚巿Menu，冇咗炒龍躉球，但係有清蒸龍躉仔。雖然有啲失望，但係又有個快閃推介，蒜蓉籠仔蒸海蝦飯，原價$78，快閃價$68。我都快閃唔諗啦一於叫佢，配熱奶茶。等咗一陣有得食啦。一陣陣嘅蒜蓉香味。配埋啲炒過嘅飯連鮮蝦一齊蒸。好鮮味，好香。飯係炒過再擺埋去一齊蒸，但係都唔會過太淋。好香好好食，好耐都冇試過，籠仔蒸蝦飯喇。我三扒兩撥，就食晒。有啲唔夠喉添，但係由於夜晚，費事再食，會食濟。呢個飯$68真係超抵食。而且杯奶茶都好濃郁，好過唔少茶記。夜晚大家就唔好叫啦，如果唔係分分鐘飲完瞓唔着。雖然今日食唔到龍躉球，但係都食到好嘢。惟有下次再嚟先試龍躉球啦。…Read More

今日周圍掃街食到飽飽濟濟，當然要飲番杯茶幫助消化下啦。咁就去咗試吓啲小店，位於柴灣嘅響茶。由於今日1010 ，有減$5優惠，而我叫咗杯碳燒烏龍茶，由原本嘅$16減到去$11。唔知係咪因為減價嘅原因，都幾多人。不過就應該好少人好似我咁叫淨茶飲。因為政策可以飲到茶嘅天然香味唔會有其他味道夾雜着。等咗一陣，終於有得飲。杯茶好香烏龍茶味，佢冇天仁913茶王咁甘苦味，係濃烏龍茶香更濃。由於我飲開走甜嘅關係，所以茶味更更更濃。呢杯烏龍茶只係$11，分分鐘去七仔買支樽裝飲品都唔止呢個價，但係就可以飲到好香濃嘅新鮮茶。呢杯茶正價都只係$16 ，我都肯定會買來飲，既可以消滯之餘又可以減下脂。可惜佢冇分店，只可以間唔時走過來時買黎飲。如果開到好似其他連鎖店咁樣，就真係不得了。…Read More

1010帶家母幫襯活一鮮 由於冇卜位關係早早去 六點幾去到 啱啱開門冇耐 唔使等但佢就問我地七點半交枱得唔得 應該好多人卜咗佢鋪頭細細但座位之間唔會太逼一入去員工就幫我地斟茶遞水，而且送咗枝蘋果汁過我地，可能今日先有佢有三張頁menu加本特色推介並drink menu由小食，壽司，刺身，炸物以及熟食等，咩都有，睇到花多眼亂，都唔知揀咩好好彩大menu有兩個壽司拼盤，啱哂有選擇困難症嘅我一於叫其中一個啦，有十二款壽司，$148。海膽同蟹膏好鮮甜，其他都好好。另外叫咗個魚生丼，軟殼蟹卷，牛肉烏冬，鹽燒鯖魚。壽司飯暖暖地甜甜地好好食，魚生好鮮甜除咗壽司，佢炸軟殼蟹卷同炸蝦卷都好好食，值得推介。燒鯖魚唔會太咸，好juicy，幾好。不過牛肉烏冬就爭啲，可以唔試。而且唔叫佢都夠飽整體黎講係好高性價比，圍返都係百幾蚊人頭咁 食元氣都唔止呢個價啦 而且佢員工好nice 好勤力 成日經常幫我地斟茶最後雖然位置幾偏 但都好full 過去食記得Book位喇，咁就唔使排隊，又食到高質平價壽司喇…Read More

呢排有好多壽司鋪開張，我都打返編食壽司嘅食評啦。今次去咗尖沙咀一間叫「鮨見」，食Omakase 嘅高級日式料理嘅餐廳。去之前記得要預約，因為佢鋪仔細細同埋係食Omakase嘅關係，預約先去會好啲。我就約咗七點半食夜晚，夜晚有兩個set，春同見。兩個最大嘅分別應該係見會有大拖羅食到同海膽杯。前菜有幾樣，首係漬物，墨魚仔麵根同青瓜配上少少胡麻醬同酸汁，甜甜酸酸幾開胃。跟住係鮟鱇魚肝都係配酸汁，初嚐試，唔油唔腥，鵝肝嘅質感咁。唔知點解通常有得食鮟鱇魚肝，都會有白子。無錯，之後係白子，但佢就配埋海膽一齊。白子本身冇咩味，但好滑好creamy，兩樣加埋個質感好濃厚，冇咁寡。海膽都好新甜。跟住食茶碗蒸，就好似蒸滑蛋咁，但配料有雞肉同茶樹菇，好滑好味。之後到刺身，有鰆魚，姐係馬鮫、鯛魚、池魚、鮑魚，鮑魚刺身佢係擺係一隻烏龜仔嘅碟度，配上隻裝着鮑魚醬嘅烏龜仔碟，好得意。食完刺身仲有啲醬，師傅會初一舊飯俾我哋食埋啲醬佢，好滿足。之後重有兩樣係特製嘅，其中一樣係由北海道帆立貝做底然後擺啲吞拿魚碎加飛魚子起中間然後面頭鋪上一條甜蝦，相當豐富。之後大拖羅都唔係咁單一嘅食法，佢個底都係有一舊吞拿魚好似粒骰仔咁樣跟住中間鋪住海膽，然後係火炙着咗嘅大拖羅捲着佢地，非常甘甜同埋充滿魚油嘅香味。跟住到壽司，有池魚、油甘魚、赤貝、牡丹蝦、北海道帆立貝+大拖羅，同埋淨大拖羅壽司。壽司我覺得最好食嘅係佢嘅飯，暖暖地配埋佢特製嘅醬汁甜甜地好好食。師傅除咗一邊整就會一邊介紹係咩啊，當然佢都會表演佢嘅「工㗎」啦 。食完壽司跟住就食海膽杯，海膽杯有四樣嘢組成，底層係壽司飯，跟住係魚子，海膽，同埋面頭有一隻甜蝦。海膽一如之前咁好甜，甜蝦都係，魚子都係有少少甜，同埋好有海鮮味。如果鍾意食海膽嘅，呢個將會係你哋嘅最愛。跟住係吸物，姐係湯。好濃香嘅金目鯛魚湯，非常鮮甜，好好飲。之後係甜品，係新鮮嘅北海道哈密瓜，佢係即開即切俾我哋嘅，非常甜好香好好食。師傅佢會留意我哋食嘢嘅速度已準備下一道菜色，每食完一道，佢先會上另外一樣，都好貼心。另外值得一提嘅係佢杯茶，好香嘅玄米茶，好好飲。我覺得食壽司刺身等配玄米茶會好過綠茶。 今晚呢餐好豐富，由於唔知道自己會食咩，所以食咗好多未試過嘅野，好滿足。…Read More

尋日行到腳都跛，所以今日就休休閒閒咁，休息返夠佢。於是我哋就搵咗間開起工廠大廈嘅樓上Cafe，短暫離開一下都市嘅繁囂。門口望入去，佢就好似屋企咁樣，擺咗五、六張枱，同埋有吧枱，又有書櫃擺咗啲board game比人玩。唔講咁多叫咗嘢食先，佢都有幾多款式，有burger，意粉，小食，甜品等等，如果平時嘅話我當然會第一時間間burger啦，但係呢排食得太多，所以都係唔叫burger，叫咗D餐 意大利黑松露雜菌意粉。首先嚟咗個湯先，我冇問佢不過放飲落去同你睇顏色都應該係羅宋湯，不過就冇碴，得湯，酸酸甜甜幾開胃。個黑松露雜菌意粉就十分之香，一擺落嚟就有陣陣嘅香味飄上嚟。個意粉都煮得夠硬，啱晒我胃口，而且好creamy。飲品方面，上得來cafe當然要飲番杯coffee啦，咁我就叫咗杯House coffee。咖啡都冇令人失望，好香濃。係呢個咁靚嘅環境，咁休閒嘅下午，再配埋杯咖啡，當堂覺得自己文青咗。如果早啲嚟嘅話，可以約埋三五知己一齊上來玩同敘舊，吹水都幾好。咁就可以輕鬆hea一個下午。…Read More

今日去哈佬喂，出發之前就餐勁嘅，費事入到去被人”湯”。於是去咗新都會果度搵食，行咗一輪就比新麻蒲BBQ吸引咗去，佢門口menu大大塊好容易睇。等咗一陣就入咗去，門口望落好似有啲細，不過入到去都幾大，而且啲位好闊落，全部都係卡位，有梳化，唔使坐木板凳/鐵皮凳咁逼澀。本身諗住叫個午餐就算，但係諗住放棄今晚果餐食飽啲，所以就叫咗個二人餐，牛餐套餐1。未叫之前其實店完已經送咗啲前菜來，所以一路食一路睇。叫完個餐無耐開始上送，先來嘅係套餐前菜。哈哈，又有前菜食，呢餐唔飽都幾難，店員重問我地要唔要添前菜...講返前菜，一開始有泡菜，海帶同生洋蔥，每樣都好好食，清而不淡，泡菜唔係太辣，我諗係譚仔嘅11辣，係一個對食得辣嘅人黎講唔存在嘅級數，對我黎講數接受到。之後set爐，因為個餐送爐邊蛋，set爐果陣set埋同上餐前前菜。同一開始果啲大有不同，又係啲似，有沙律，生菜同辣醬大豆芽。沙律隻汁好似溶咗嘅芝麻雪糕咁，好香甜，好新鮮嘅配搭。 大豆芽撈辣醬好似食泡菜咁好爽口，開胃。生菜最後我地拎咗去烤嘅... 食前菜期間已經上埋肉果啲同部隊鍋，太多野了，無遐兼顧啲肉，就開中火將佢地圍起爐邊慢慢烤，再食其他野。佢個部隊鍋幾好，冇落泡菜落去，唔會整到好似辛辣麵咁。有厚切午餐肉，司華力腸，韓式年糕，菜類，重有腩肉片同肥牛，好豐富，而且個湯好清甜，好好食。食完個麵同前菜都飽咗九成，重有一堆烤肉要處理，惟有慢慢食。另外我地叫咗兩杯飲品，青檸柚子梳同埋藍天檸檬汽水。我果杯係柚子，幾好飲，不過多啲檸檬就更好，因為柚子汁本身都甜，飲野我中意酸啲。放杯野一陣啲柚子會容易啲搞勻，一開始可能雪櫃拎出黎加入去，會硬會啲。虎蝦好鮮甜，好有海蝦嘅鮮味，兩條唔夠喉。牛肋排望落似豬頸肉咁，大火烤完好爽脆，不過醃果隻汁太甜。牛肋骨同霜降牛肉就好啱我食，少少鹽同調味料，唔使醬汁都已經好好食，因為燒完啲脂肪會逼哂香味出黎，一食落去好香牛油味，肉又爽脆，好好食。食完肉就食最上層啲菜類，同埋有係糕同豬肉腸，條腸中間有啲黃色嘅野，唔似芝士，燒完溶咗好似肉汁咁，令條腸唔會好齋，好好食。菇同翠玉瓜都好新鮮好多水份，燒完都唔會乾。另外年糕燒完好脆同結實，食味。爐邊蛋好似壓軸咁，有兩款，一款係有少少泡菜底，一款原味。泡菜底果啲就熟啲，好似打邊日爐咁，辣底通常快啲滾咁。原味就冇咁熟透，第一次食唔知道，中途搞一搞佢應該會好啲。可能我燒啲斯文，費事陣間去玩成陣味，所以之後再加大火去整熟佢幾新鮮嘅煮法，好似蛋餅咁幾得意。整體黎講，食物質素都好好，而且坐得舒服，價錢唔太貴，人多就更抵食，最重要係唔限時，聚舊都唔使趕頭趕命咁食，下次會再同朋友來試下其他餐。…Read More

又到週末好去處嘅時候喇今日第一站就去咗馬鞍山先之後就去西貢咁呢馬鞍山呢就比較少去咁就周圍行啦，咁就見到有一間新開嘅西餐廳叫WM Cafe，佢萬聖節裝飾佈置得幾靚又唔太貴，於是就入咗去坐啦。入到去啲燈光有啲暗好似啲酒吧咁樣，都幾有氣氛。其實喺門口已經睇咗要食咩所以我哋都好快就叫啦，咁佢個lunch就由11:30就做到五點嘅都包埋下午茶。於是我哋一行二人就叫左鹿兒島黑豚西冷配北海道檸檬海鹽烤雞再配薯菜。另外就叫咗個安格斯牛肉芝士漢堡。咁佢有餐湯嘅，今日嘅餐湯就係羅宋湯同埋龍蝦湯，咁我哋就叫咗龍蝦湯啦。雖然係星期六，但係我哋嚟嗰陣，都差唔多已經坐滿晒人，好彩咁岩有一張枱比我地所以就唔使等。等左一陣，龍蝦湯同埋餐咁就嚟咗先我哋就叫咗凍檸茶。龍蝦湯好香，唔會濃或者太鹹個味道啱啱好。餐飲方面，基本上我每次食西餐廳或者Cafe都會叫凍檸茶，因為佢哋嘅茶底會清啲，好似西式嘅紅茶咁樣，唔會好似茶餐廳嗰啲咁濃會苦澀。呢杯冇令我失望，啱啱好，好好飲。跟住主菜都嚟咗啦，我就叫咗牛肉芝士漢堡，朋友就叫咗豬扒同雞扒，大家都係配薯條。咁我就試咗自己嗰個先啦，個burger面頭鋪滿晒芝麻。我個口比較大，當然係一啖咬落去啦，好在啱啱都咬得晒，唔會食到揦手唔成勢，佢塊牛肉唔會太乾，會見到有少少牛筋喺度，所以會有少少咬口，都幾好食，唔知係咪因為啲菜嘅影響關係，塊芝士就唔係好溶，我諗如果整熱少少啲菜，咁塊芝士可以完全溶晒咁樣就更加好味。而薯條呢都係即炸嘅，所以都係好香脆，點埋番茄汁就更加好味。朋友個餐都好快到埋豬扒同雞扒都10分好食，佢啲豬扒有少少粉紅色嘅質地，因為係靚嘅肉先至會白裏透紅，而且好有肉汁，唔會一味只係乾爭爭，好好食。而雞扒都係有少少粉紅色咁樣好嫩滑，有肉汁好好食。整體來講都幾抵食，而且氣氛環境都幾好。朋友話喺馬鞍山呢個美食沙漠有間咁唔錯嘅餐廳，住喺附近嘅朋友真係要嚟試吓。而且佢嚟緊仲有萬聖節嘅套餐望落都好吸引，有機會會黎試下。…Read More

今日奧海城有高達展，咁去之前呢就食咗嘢先啦，於是就開OpenRice睇吓附近有咩食。有間叫Burgerman食嘅漢堡包嘅餐廳好高評價，一般我淨係食過Mos Burger， burger king，麥當勞等等嘅漢堡包都未試過啲真係做漢堡包嘅鋪頭，於是就去試吓。間餐廳嘅裝修都有啲似美式風格，又有啲似酒吧，有一張吧枱，同埋比張圓枱。於是我哋就攞咗張Menu係枱度睇睇完之後就去買啦，我哋就揀咗飛驒牛漢堡，燒大菇漢堡，兩個都跟咗餐，跟餐加廿蚊，加咗薯條同埋薯格仲有汽水。 另外意粉係暫停嘅。由於佢係即叫即整同埋都坐滿晒人，重有外國人都黎食，所以都等左一陣。佢係burger加埋薯條咁一齊嚟，而且係用個紙碟仔裝住，比較衛生，而且佢仲好貼心咁樣有膠手套俾你，唔怕整到成手油淋淋。個burger好巨型，芝士已經用到好似落雨咁，我拎起上手一啖咬落去，係咬唔哂嘅，當然係好滿足啦因為成口都係。除咗飛驒牛之外，佢仲有蘑菇仲有彈夾住一齊，仲有加咗啲胡麻醬，同個burger都好夾。喺日本試過飛驒牛都知道飛驒牛嗰啲牛肉味冇同其他和牛咁重牛味，但佢嘅肉汁會重啲，所以就唔會好dry。快扒佢都唔會整到好似免治牛肉咁樣散修修，而且你仲會食到有少少牛筋，所以都幾煙韌，好好食。而薯條係即炸嘅，好乾身而且好結實，點埋啲茄汁好好味，另外佢個千島醬汁呢唔知係咪加咗啲辣椒粉logo有少少辣辣地，兩隻汁加埋一齊點就更加惹味。食burger指定飲品當然係汽水啦，咁我就給多啲少糖嘅時間，雖然小但係都好似同平時嘅冇咩太大分別，但係就會感覺到係冇咁甜嘅但係都係咁多汽同埋會感覺到更加算啲可能因為少咗糖。以朋友嘅大菇漢堡我都試咗一啖，個菇都好juicy ，好好味。依家就跟咗暑假，薯格都係食炸雞都好好味，我就比較鍾意暑假所以我就同佢掉轉咗黎食。呢次係初試一般連所快餐店以外嘅漢堡，雖然係貴啲，但係都值得一試再試。下次會嚟試吓其他漢堡。…Read More