averiepang's Profile

啱晒想減肥嘅人 🙂‍↕️有低糖低碳menu真係好方便 😭唔好以為低糖低碳就唔好食 🙂‍↔️其實味道真係很可以 😋上面幅圖係香茅冬陰功豬扒配椰菜花飯 🐖豬扒整得好香 不過有少少偏乾 🥺但係個椰菜花飯好好食 🥦其實佢係椰菜花 不過切成碎 好似飯咁 🍚但係幾香口 同埋都好有飽腹感 😍下邊幅圖係黃薑煎雞扒配蕃茄洋蔥湯翠玉瓜麵 🍅雞扒都算嫩滑同埋入味 🐓翠玉瓜麵係翠玉瓜刨成條狀 🍜湯底都幾香濃 🥣價錢方面都合理 大概$100一個餐 💰仲可以免費同貓貓玩 🐈🐈‍⬛想出去食但又減緊肥嘅人士要嚟試吓啦❣️…Read More

嗰度地方好細 要去嘅話記住要早啲book位‼️雖然地方唔大 但係好有氣氛 🥳場內有好多秘魯嘅裝飾 例如草泥馬公仔 同埋秘魯音樂 🎵但係氣氛都係其次 重點係嘢食 😋鍾意食大嚿肉嘅朋友千祈唔好錯過‼️因為佢啲雞真係烤得好香好嫩滑 牛扒又好juicy 🍗🥩包你一試難忘 🙂‍↕️小食方面 我自己好鍾意食蘑菇脆片配牛油果蓉 🥑脆卜卜又香口嘅脆片 配上creamy嘅牛油果 真係冇得頂 令人食唔停口 👍🏻不過甜品方面就唔係好推薦啦 🥺Churros偏硬 同埋原本諗住係配雪糕 點知原來只係醬汁 鍾意食churros嘅朋友都係去返葵廣食 @bunnychurros 啦 價錢方面 可能因為香港比較少類似嘅菜式 咁都係比較貴嘅我哋琴晚9個人食 人均大概$230（唔計切餅費） 💸💸不過個人都係覺得值得一試嘅 👍🏻如果你都鍾意試吓其他國家嘅食物 🤤不妨嚟試吓啦❣️…Read More

真係樣樣餸都超水準！！作為pizza愛好者 佢哋嘅pizza依然驚豔到我 🍕個餅底同埋邊真係烤得又香又卜卜脆 🤤上面嘅toppings都好入味 🙂‍↕️重點係！超級拉絲！🧀 另外想特別推薦嘅係甜奶球🥛雖然我啲朋友嫌佢太甜 🍬但係我自己係覺得幾好食嘅 👍🏻口感類似係煉奶蛋糕 幾特別！ 🫶🏻價錢方面非常合理💰我哋6個人食 平均每人只係$127 🥳個個都食到好飽㗎 😋環境方面 餐廳入邊都坐得幾舒服 位置寬敞 🪑出邊都掛滿燈飾 非常有氣氛 🏮不過係略嫌冷氣有啲太凍 大家記住帶件風褸去啦～…Read More

室內室外都有座位 而且位置非常之寬敞 👍🏻拉住BB車 或者有小朋友要跑來跑去 都唔使怕啊～環境舒適之餘 食物嘅味道都好好 份量都好大 物有所值！最值得一提嘅係牛油果合桃雞肉意粉 🍝呢個配搭雖然好少見 但係一啲都唔伏 🥑🌰🐔Creamy牛油果 配上脆卜卜嘅合桃 加上嫩滑嘅雞肉真係令人食完之後回味無窮 🤤Egg Benedict 都非常之優秀 🍳水波蛋煮得好就基本啦～ 重點係佢三文魚嘅份量一啲都唔寒酸！令到每一啖嘅口感都非常之豐富 又非常之飽肚 🙂‍↕️飲品方便 桃茶 同埋 薄荷朱古力 都正正常常嘅 👌🏻但係真係唔係太建議大家試柚子梳打咖啡 🍹成件事根本係夾唔到 味道複雜得嚟又唔好味 👎🏻類似係有汽嘅藥水⋯⋯（？ 🤢🤮不過除咗呢杯嘢飲之外 其餘嘅嘢都真係好好嘅 💕所以大家想放鬆吓嘅話 就過嚟試吓啦❣️…Read More

出於好奇心就走咗入去試 又真係有啲驚喜 😋發現尼泊爾菜通常係會有少少辣同埋用多啲香料 🌶️我自己本身對呢兩個口味都麻麻 😶但係意外地覺得今餐所有嘢都好好食 🤤會話最特別係 Pani Puri（圖2中間嗰排右邊嗰張相）佢係每個波波入邊都有啲香料 🌿要倒少少秘製醬汁入去 然後一夜食晒成個波波 🫖酸酸地幾開胃 而且個波波本身脆卜卜 口感好好 👍🏻但係最好一定係Tacos 我哋雞同牛都叫咗 🐔🐮兩款嘅肉量都比得好足 🥩加上生菜、洋蔥、沙律醬、檸檬嘅配搭 簡直冇得頂 👏🏻酸酸鹹鹹咁 口感又豐富 差D想encore 😍嘢飲方面 我覺得味道係唔錯嘅 🙂‍↕️不過主要成份應該係糖精 😂所以睇吓你哋覺得值唔值得比$58去買呢杯嘢飲啦 😌除咗嘢食嘅評價之外 對於環境同服務都有少少嘢想補充環境就真係好似置身於一個叢林入邊 🌳不過燈光有啲昏暗 同埋位置有啲迫 💡（所以今次我都冇特別影店內環境 怕影到其他人 🙈）服務方面 最大嘅問題係上菜好慢 真係要預足夠嘅時間去食要注意嘅地方係 所有店員都淨係識講英文 👨🏽🧑🏽如果溝通唔到嘅話 就會有啲麻煩啦～…Read More