cpvaluefoodie's Profile

燒牛肉，配忌廉菠菜，南瓜濃湯$98 . 上網睇到啲人，個個都話好正，咁啱想食carving 所以就黎試下，個燒牛肉係好食嘅，鮮嫩，生熟程度啱啱好，而且調味足夠，少筋，唔騷， 呢個價錢可以食到酒店自助餐質素嘅燒牛肉喺香港真係好少有，如果各位Foodie知道邊度仲有類似嘅餐廳，可唔可以留言比我🤣.配菜方面可以揀兩種，我哋揀咗忌廉菠菜同埋南瓜湯，比較上鍾意忌廉菠菜,每食一啖都會有忌廉嘅香味，而且同個菠菜非常之夾，南瓜湯就正常發揮，冇乜特別，下次會加錢試吓佢個牛肉芝士通粉，望到都幾吸引😆.CP值及夠飽個份量相對來講比較少，但係呢個價錢食到呢個質素，而且有埋兩個配菜，都OK嘅😅.翻啅喺香港以呢個價錢，真係搵唔番呢個質素嘅餐廳，$98食燒牛肉喎😂.舊相…Read More

和牛川式麻辣醬堡$78荔枝乳酪+$5甜番薯條+$5從來都冇食過用麻辣醬整嘅漢堡包，個麻辣醬帶咗成個漢堡嘅味道出嚟，而且同塊肉好夾，另外塊肉唔會煎得好乾，仲有啲肉汁每一啖都咬到蕃茄生菜漢堡同埋醬汁嘅味道，係滿足嘅😁.首先加咗$5轉荔枝乳酪，想飲有汽產品但又唔想肥呢個真係啱晒，零糖零卡路里🤣.再加咗$5轉甜番薯條，同薯條一樣都係粗身，咬落去啖啖都係番薯嘅香味，真係越食越想食😆.蟹膏芝士薯條$38蟹膏芝士醬從來都未見過，今次就嚟試吓，首先餐廳好貼心，個醬係另外分開裝，嗰醬真係好好味，蟹膏味非常濃郁，一定要再嚟食佢呢一個薯條🍟.芝士和牛漢堡扒沙律$53，黑醋汁，熱黑糖薑母茶+$5.另外我哋叫咗個芝士和牛漢堡扒因為已經有薯條又有包驚太飽，食返啲沙律啱啱好，點都要有啲菜㗎係咪🤣而且個牛肉漢堡扒同個包一樣都係咁Juicy，正👍🏽.天氣咁凍我哋就叫咗杯熱黑糖薑母茶飲落去超暖超舒服😌提一提飲之前要攪一攪😀.CP值及夠飽無論係份量價錢味道都唔錯，抵晒啦😁.翻啅下次我要堂食，要再食蟹膏薯條😂…Read More

餐廳個名叫雲吞仔，冇理由唔食雲吞麵啊😆平嘅我多數只會嗌一碗麵，餐都唔叫，但係呢度個套餐價錢真係唔貴$50有碗麵，有菜，有豆漿，算係咁啦😌.食雲吞麵計我話最緊要就係個面底要夠爽口，小鹼水味， 呢度兩樣都做到😁提提大家，要食咗個面先，如果唔係，個麵就會淋哂要。另外雲吞皮薄餡靚，大大粒，入邊都幾重料，有時其他餐廳嘅雲吞會好鹹個味會好重，呢間反而唔係，真係食到蝦同肉嘅味道👍🏽.食菜心最緊要叫腩汁，食莖就食佢嘅脆同爽口，食葉就最緊要係索埋啲腩汁咁樣食😀.豆漿大大杯，唔會太甜啱啱好😁.另外想講就係呢一度好衛生，防疫意識好高，而且又好招呼😁.CP值及夠飽$50有麵有菜有嘢飲，真係幾抵😁.翻啅食雲吞麵梗係要去雲吞仔啦😂…Read More

🍪 S’mores Cookie $40🍪 Chocolate Peanut Butter Cookie $40 🍩 Hot Cocoa Donut $40.當日雖然落住雨🌧，但係都有人龍，果然係近期大熱，我地四點去到，排左十分鐘左右。輪到我哋嘅時候已經冇晒店舖嘅王牌綠茶味😢 另一個王牌推介嘅Epic Chocolate要等20分鐘，時間關係今次我哋試住其他味道先🙂.S’mores Cookie有幼滑既朱古力，加上棉花糖，帶黎香甜嘅感覺，鍾意食肉桂粉嘅一定好開心，因為都幾重玉桂粉味🧐.Chocolate Peanut Butter Cookie美式曲奇既最大特點當然係濃厚既味道，而朱古力同花生醬既配搭絕對係將呢個特色發揮得淋漓盡致👍🏽 .Hot Cocoa Donut個冬甩就好軟綿！個面就有一層好厚嘅朱古力粉，另外中間嘅朱古力醬味道都好rich😁.CP值及夠飽以一間名氣店黎講其實唔算貴😅翻啅因為買唔到最受歡迎既綠茶味，都會想再番去買！留意佢既IG story會有每日有咩款式出爐👍🏽…Read More

蒲燒鰻魚炒珍珠飯$56菠蘿鮮茄三層芝士焗豬扒飯$56香煎豚斧頭豬扒煎蛋飯$58原味芝士蛋糕$16意大利栗子法式布朗$16.因為屯馬線嘅關係，好多時都會去九龍城嗰邊食下嘢，今日就去土瓜灣買野食😁.行行吓見到有間餐廳特別多人，其他餐廳都冇佢咁多，差唔多爆場咁滯，再望吓個餐牌。幾多嘢食喎，有意粉有炒飯有扒餐誘惑蛋包飯仲要有pizza，仲要有甜品咁就黎試吓佢啦😌. 我哋三個人叫咗三個餐再加兩個甜品😄.都係果句吃茶記最緊要除咗個餸之外個飯都要好食，啲飯咬落去好煙韌！好好食！而且豬扒煎蛋飯塊豬扒大過塊面！🤣.而最鍾意食嘅就一定係鰻魚炒飯，個鰻魚炒飯啲鰻魚比得都幾多，係飯上面佢俾咗啲木魚，令到成個炒飯都充滿着木魚味，調味偏甜，係自己鍾意嘅味道，加埋佢係用珍珠米，食得開心🥳.自己其實好鍾意食大家樂一個豬扒飯但係大家樂一個豬扒飯成日芝士都唔夠而且塊豬扒整得好乾同埋好細塊呢度就唔會啦你睇吓幾多芝士🥰.個甜品細細件份量唔會太多啱晒啲想食甜野但係又驚肥嘅人 比多10幾蚊有甜品OK啦唔使特登去甜品舖😙.另外每嗰餐包一杯嘢飲👍🏽.CP值及夠飽CP值的確係好高😝.翻啅絕對唔會再返嚟食😄…Read More

去完買燒味，竟然見到大熱布甸麵包😙仲要唔使排隊，當日仲要有三隻味！唔使諗即買！三隻味分別係朱古力紫薯同埋原味，但因為屋企人唔係點食甜品所以最後淨係叫咗朱古力同埋原味😝.根據我嘅經驗，焗咗點都好食過未焗，所以就好快速地拎咗佢哋兩個去焗，焗完之後個麵包脆啲，另外兩個布甸都做到流心嘅效果，朱古力布甸相對起原味來更流心🙂.布甸麵包係豬仔包，個餡朱古力味俾原味甜，但係兩個都唔會太甜，另外size 方面好似一個拳頭甘大😀.CP值及夠飽如果同大埔煒成比，呢個細好多，不過我鐘意呢個味道多啲，無甘甜😅.翻啅佢有好多味，下次經過唔使排隊，有其他口味嘅話都會買來試吓😄…Read More

燒鵝上庄$100叉燒食肥$50 .有個朋友住喺佐敦，佢話呢度嘅叉燒同燒鵝都好食，所以買返屋企試吓😁.去到差唔多五點左右估唔到有好多人應該係買緊下午茶，我自己嘅目標好明確，就係叉燒同燒鵝😄.餐廳都額外提示話個燒鵝可以入焗爐烘熱，個皮會更脆更好食，好多燒味舖都唔會同你講呢啲，我覺得呢度有一種人情味😁.烘完之後個皮真係幾脆，印象中冇食過呢種燒鵝嘅口感，而且唔會乾有肉汁，even 骨位都唔會太咸，隻鵝仲要肥瘦適中，同埋佢有陣樟茶鴨嘅香味，同其他燒鵝嘅味道有少少唔同，幾特別，而且外賣個燒鵝汁仲會另上，唔會怕長期浸住太咸😌.至於個叉燒就梗係食肥叉啦，佢俾咗半肥瘦，有油香之餘又唔會太肥，佢每一舊都唔會切得太薄或者太厚，咬落去適中有口感，而且每一圍都比醬汁包圍住，食落去係滿滿嘅蜜糖香味🤗.CP值及夠飽份量都幾夠，而且價錢唔貴☺️.翻啅我屋企人盛讚我今次買咗好嘢，下次一定會再買👍🏽…Read More

南蠻雞配日式他他醬$58極上黑咖哩牛肋條$66.午飯時間去到金鐘，行行吓見到有間賣日式便當，用自動販賣機嘅販賣形式經營。其實日本有好多地方都有，但係香港就比較小見，所以就黎試下佢😁.一路以為呢啲販賣機都係唔需要有人去經營，但係原來都有店員咖喎，仲見到佢同幾個熟客喺度傾偈推介，有熟客即係代表好食啦😙.我哋兩個人叫咗兩個飯，一個係炸雞另外一個就係咖喱牛，個炸雞扒好大塊而且亦都好厚，啖啖肉，最緊要就係冇雪味，配埋啲沙律醬真係好正，而且個炸雞飯仲有啲菜，好健康😊.至於個咖喱真係要讚下佢，個味較得好適中，唔會太濃唔會太淡配埋飯啱啱好，啲牛肉都好淋，而且佢用錫紙分開咗個咖喱唔會同啲飯黐埋一齊，好貼心🙂.不單止係咁佢每盒飯入邊都有張類似牛油紙隔住個蓋，啲飯唔會黐住個蓋喺個外觀上幾好，而且唔知係咪因為有呢張紙，所以佢冇乜倒汗水，成個午餐體驗亦都因為咁提高左唔少分數☺️.而且佢每日菜單都唔同，絕對唔會食悶😆.去到2月18號仲有抽獎，去食飯又有獎抽真係唔錯😁唔知第時仲有冇呢😚.CP值及夠飽個份量都幾多，兩個人食得好飽😆.翻啅無論係份量定味道都幾高質，絕對推薦俾係金鐘嘅上班族👍🏽…Read More

黃金四重芝士pizza配蜜糖10’’原價$88特價$61.6特製巴馬臣芝士蕃茄意粉原價$58特價$40.6秘製炸雞原價$38特價$19.有一日得閒冇嘢做，㩒入去OpenRice睇吓有咩特別，㩒㩒下下見到外賣低至五折，即刻入去望，睇咗好多間餐廳，呢間係吸引我嘅，點解呀，平囉😀.叫咗三樣嘢食，樣樣都好ok wo!.個Pizza係薄身，四重芝士，好老實講自己唔會理佢係邊四重，最緊要好食，就咁食有啲咸，配埋蜜糖食超正，個Pizza大約10吋，我覺得個份量啱啱，好食完唔會太飽，有啲意猶未盡嘅感覺就最好🥰.至於個意粉個味道非常之好，芝士同蕃茄配搭互相襯托，撈埋一齊每一啖都食到佢哋嘅芝士嘅鹹香仲有蕃茄甜甜酸酸嘅味道，不過份量就少咗啲，分量多少少就Perfect😌.第三樣係炸雞$19味道係OK嘅都有肉汁，但係同意粉一樣都係分量少咗啲，不過都明白，其實已經做咗discount🤣.CP值及夠飽成餐飯食咗$120，而呢個價錢個味道係冇得輸🤣.翻啅個味道真係唔錯，我絕對會返嚟食😆.喺紅磡，屯門，銅鑼灣，旺角都有分店😀…Read More

崩沙腩豬手撈粗$64崩沙腩片頭撈幼$64崩沙腩魚肚撈粗$64蔥花魚蛋$36.好啦，今日唔食安利大排檔啦，去食王林記😁.我哋三個人叫做三個撈麵同佢出名嘅蔥花魚蛋，我哋成家都好鍾意食崩沙腩，所以三個都叫咗崩沙腩再搭其他嘅食物，先講一講個崩沙腩，崩沙腩嘅筋膜係好食嘅，有咬口，唔騷，肥嘅部份就gg啦，佢個陣騷味勁過羊🤨不過佢都好好，無甘多崩沙腩會話定我知，最後有兩碗有崩沙，有一碗無😀.豬手：正常發揮，不過得一舊有啲小😞.魚片頭：我覺得柴左啲，麻麻🤨.魚肚：都幾大舊下，幾鐘意食，似棉花雞入邊嘅魚肚😁.蔥花魚蛋：同普通魚旦比多左蔥嘅香味😄.撈麵：今次食撈粗，無乜梘水味，佢係用特制豉油撈，仲有啲麻油香，正👍🏽.CP值及夠飽以名店牛腩麵黎講正常價錢，正常份量，係個豬手有啲小sosad😞.翻啅如果我番黎食，都係會叫崩沙腩，佢仲要有魚唇，無咩食過，下次要叫崩沙腩魚唇撈幼麵😌…Read More

阿一真味豬扒酸辣米線$44(外賣).要數到外賣快靚正，阿一豬扒一定係筲箕灣其中一間，豬扒永遠保持到同一個水準，瘦嘅位置唔會柴，肥嘅位置唔會膩，仲要舊豬扒做得好香，咬落去又淋又入味，個日仲要有三舊，正👍🏽.講完豬扒正常就講湯底但係我覺得要講嘅係花生同埋酸菜，花生炸得香脆，酸菜夠味又唔會太酸☺️.湯底就正常發揮，啲酸菜帶起左成個湯底嘅質素👏🏽.CP值及夠飽一碗米線有豬扒你食，個湯底OK， 40幾蚊，個份量唔少㗎，抵食☺️.翻啅其實呢間都係飯堂黎，佢嘅蠔仔肉碎泡飯，同埋手撕雞都唔錯😆…Read More

香葉肉碎煎蛋飯$50.佢開咗唔係好耐，之前一路都好多人，所以都冇機會去試，我星期五晚去，竟然出奇地冇人，所以就試吓，叫咗個香葉肉碎煎蛋飯，5分鐘就有得拎，個樣細細盒，本身以為得好少，估唔到嘅係佢肉碎份量勁多，搵咗好耐先搵到啲飯😂.而且嗰日勁好彩，佢俾咗兩隻旦，我相信有一隻係因為煎爛咗，所以順便俾埋我。就咁睇蛋黃嘅顏色相信佢係用靚蛋，隻色勁似蘭王蛋。😌.肉碎炒到非常之乾，而且幾香，但係個調味好似差咗少少咁，唔止係冇叫佢加辣定唔夠九層塔🧐.CP值及夠飽肉碎方面，比得幾多，飯嘅份量可以加返少少😝.翻啅下次再嚟食，要叫佢加辣，順便問埋佢可唔可以加九層塔😆…Read More

豬肉$13雞肉$13牛扒$21腸仔$11鮮竹卷$13.筲箕灣東大街嘅印尼沙嗲佬都幾出名，都會係我經常去嘅地方，佢嘅沙嗲真係好好味，燒得又香又多醬，係煩在成日都好多人。.今次叫咗呢幾樣係我平時都會叫嘅沙嗲，豬牛雞係一定會叫嘅嘢，平時都會叫牛肉唔叫牛扒，冇乜點留意價錢，但今次寫文望到個價錢，差$8梗係叫牛扒啦唔叫牛肉，感覺上牛扒同牛肉會係比同樣嘅你只係份量牛扒都好多😁.豬肉會有啲半肥瘦，但係要出面啲餐廳豬扒通常都好少會比半肥瘦。另外嗰日唔想食雞扒😌.腸仔都係以前成日都嗌嘅但係今次唔係咁好食燒得唔香，下次俾多次機會佢，再唔好食就以後都唔會叫腸仔。😔.鮮竹卷都係一定要叫，配埋啲沙嗲醬，我覺得係上左另外一個層次🥰.CP值及夠飽價錢絕對唔貴特別係塊牛扒😝.翻啅冇得講啦，一定會返嚟㗎喎😆…Read More

肥叉燒飯少汁加姜蓉(盒/碟)$48白切雞河$35湯另上加$2滷水雞腳每隻$6，叫咗六隻$36.啲人通常去金東大食海鮮，金東大呢，我就由細食到大啦，不過係食燒味😂.單雙拼同價，自己次次都係去舊舖食，叫親叉燒都會叫肥叉，呢度嘅肥叉係好食嘅，出邊係一舊舊，佢呢度係一塊塊為主，白飯做得好軟熟，夾埋啲肥叉再加埋啲汁，甜甜地，另外我會叫佢加姜蓉，真係好開胃，一啖一啖咁爬落口，真係好滿足😊.好老實講食燒味睇彩數，特別係叫白切雞或者豉油雞雞髀同雞翼都差好遠啦，我每次去都會食雞河，河粉好嫩滑，最緊要佢個湯底好鮮甜，啲人成日都講話要食艇仔粉，自己食過咁多間呢間個湯係最好味，不過提一提大家食完都要飲啲水🙃，另外點解會叫雞做配搭，因為有雞油，雞油會令到碗粉更加香☺️.雞腳同以前比差好遠，以前個滷水汁食落會帶甜，而家就略嫌鹹咗少少，不過炆到好淋，自己就好鍾意個口感😊.CP值及夠飽飯有兩個size，碗(粉只有碗，唔可以加底)，碟/盒，碗黎計份量比較上小，碟/盒就比較貴.翻啅自己好鍾情佢嘅味道，所以點都要返嚟食😌…Read More

Nutella 榛子醬香蕉煎餅$35去開屯門，梗係要嚟呢間好出名嘅泰式煎餅店啦，黎之前已經有好大期望，個個都話呢間好食😋.個日係平日，等左五至十分鐘左右，我哋叫幸運，之前無人等😀.Nutella 榛子醬係薄薄嘅一層，甜度岩岩好，唔會蓋過香蕉嘅香甜，而且甜品係新鮮煎，用酥皮整，食落香脆，但亦都帶小小軟糯嘅口感，所有野加埋好正😚.另外店員都有叫我地要快啲趁熱食，食完之後完全明白佢咩意思，就好似西多要趁熱食甘🤣.CP值及夠飽價錢正常，分量OK嘅😝.翻啅去開屯門一日遊會再黎😁…Read More