cherie1230's Profile

已經好耐冇食味千拉麵，細細個好鍾意食，個湯底好濃今日喺東涌快食晏晝，就決定搵返童年回憶估唔到而家佢地都掃碼自助落單落單之後即刻俾埋錢午餐叫咗個叉燒拉麵，配咗一份炸雞仲有飲品朋友就叫咗個滑蛋豬扒飯，配小食餃子仲有飲品無論味道同份量都同以前完全唔同叉燒拉麵就只有兩塊細叉燒，湯底亦都唔同以前咁濃反而朋友嘅滑蛋豬扒飯就應該係即整，因為都等咗一段時間豬扒亦都係啱啱炸起，所以係幾好食小食炸雞同埋餃子就正常發揮但呢個價錢會寧願支持小店…Read More

喺外賣平台見到有新客戶自取優惠所以就試下嘉寶漢堡外賣自取🥰呢間小店提供咗好多唔同口味嘅漢堡，總有一款啱你口味我叫咗芝士牛堡套餐配薯條，飲汽水漢堡一啲都唔乾，Juicy嘅牛肉配埋生菜、蕃茄、芝士，食落口感好豐富而薯條都係粗薯不過可能我外賣自取，所以口感差少少，冇堂食咁好食呢間漢堡店就算冇優惠都會嚟食，性價比好高👍👍…Read More

中午放飯決定去食南記，因為有一張$25 coupon到期平時正價真係唔會入去食，因為我覺得唔值咁貴叫咗一個清湯珍寶河粉 ($59)，唔包飲品配料包括招牌墨魚春卷、魚皮餃、牛丸、墨魚丸，同埋魚蛋等食物嘅時候都見到廚房炸咗好多墨魚春卷，呢個真係南記嘅招牌餸👍墨魚春卷有兩條，真係好好食其餘嘅就正常發揮，俾正價$59真係唔會去食…Read More

夜晚忽然間好想鋸扒就去咗銅鑼灣花園餐廳鋸一個港式扒夜晚八點去到人流唔算好多一入到去，侍應好快安排到座位俾我地之後就落單我就叫咗個晚餐A 鐵板帶骨西冷牛扒配薯菜 ($125)朋友就叫咗呢度出名嘅蝴蝶型肉眼牛扒 ($149)兩個餐分別都配餐湯同埋咖啡茶一落完單好快就上埋餐湯同餐包俾我地餐包配忌廉湯好好食而鐵板扒上到一如既往都係熱辣辣侍應喺你面前淋汁但係講真我覺得兩款肉嘅味道其實差唔多肉質都係淋唔太食得出牛味可能落嘅醃料其實一樣所以我唔太食得出分別咁嘅價錢鋸到扒，算唔錯呀～…Read More

去到2:30，又想食日本野就見到元氣有下午茶餐分別可以自選壽司，亦都可以揀佢set好嘅壽司盛之後再揀埋輕食同埋小食所以其實都好多嘢可以自己揀我就揀咗套餐1C + 2C + 3A ($50)包括三文魚壽司、脆蒜燒三文魚壽司、甜玉米壽司、皇帝蟹柳壽司、玉子壽司同埋炸蝦卷小食就要咗章魚燒，輕食就要咗個茶碗蒸朋友就另外散叫野食蟹籽青瓜沙律，魷魚鬚其實下午茶呢個價錢真係好值可以喺元氣食到咁多野就咁時間一定會再嚟…Read More

收工好想食甜品，就入咗去屯門井財街食呢間有料案內所之前嚟過好多次，都幾鍾意食佢嘅梳乎厘雖然唔算好平，但係質素唔錯今次叫咗個小丸子紅豆抹茶梳乎厘班戟 ($84)Menu本身寫咗製作時間至少20分鐘但我地都等咗至少半個鐘先上但市面上的即整嘅梳乎厘價錢都應該要過三位數呢度只係賣80幾蚊，我覺得好抵食手機落單嘅時候，仲會有好多選項俾你自己揀梳乎厘一如既往咁好食，好fluffy配埋凍嘅雪糕入口即溶，好好食敗筆係紅豆，好似浸左糖水，極假甜另外仲叫左個綜合涼粉 ($42)裏面除左有涼粉之外，仲有芋圓、紅豆、小丸子同珍珠味道唔錯，敗筆都係紅豆過甜😂埋單唔需要加一，只係$126坐就坐高凳，就一定唔係好舒服睇到好多評論都話呢間店員態度差眼見呢度都應該係請啲𡃁仔𡃁妹，part time返工，工作經驗唔夠所以都冇得要求咁多同埋自助落單，同佢地交流唔多只係一入嚟就會同你講，每人最少order一樣食品同埋有限時所以下次都係會為佢嘅梳乎厘班戟而嚟！…Read More

食過幾次賢河多數都叫佢叉燒拉麵今日收工忽然間想食飯，就叫左個咖喱吉列豬扒飯多數我就會準備去到嘅時候先打電話落單去到餐廳就可以直接俾錢攞外賣返到屋企見到原來佢豬扒會擺喺飯面、咖喱汁另上其實咁樣好好咁就唔會浸淋咗塊吉列豬扒咖喱係日本甜咖喱味，好好餸飯$35完全冇要求性價比超高👍👍…Read More

收工忽然之間好想食串燒喺openrice search到間人氣幾高串燒店所以就去試下我地大概夜晚10點去到，場內都好多人食緊一入到去，中間有兩個日本人師傅，亦都用日文歡迎我地一坐低就上咗兩碟前菜 (涼拌青瓜)，後尾睇Menu發現每碟收$30😨，味道其實普通，就係平時嘅涼拌青瓜之後喺Menu落單發現其實都唔平不過都每樣野試下蘆筍豬肉卷 ($48@1)其實我自己唔食蘆筍嘅，係朋友鍾意食所以評論唔到但係開頭我以為係$48得一條而佢嘅意思應該係一份，所以都有兩條日本產白燒鰻魚 ($98)👍👍呢個係因為見到OpenRice都好多網友評價話好好食所以特登叫嚟食一碟有6塊，見到圖片有三件表皮明顯燒燶咗係有少少影響🥲我覺得咁樣就唔應該出俾客但肉質一食落口真係好彈牙同普通燒鰻魚唔同超級推薦😋👍雞軟骨 ($40)一串有5塊，有鹽味，正常發揮雞翼 ($48)一串有3隻，燒得乾身，味道好食炒魷魚一夜干 半份($74)朋友鍾意食魷魚我就覺得冇咩特別都係點沙律醬食燒牛舌($128)難得嘅燒牛舌唔韌，keep到肉汁幾好食鰻魚炒飯 ($98)呢個菜喺menu有寫好評兩個字所以特登試下一上菜係鐵板上店員會喺你面前將蛋液倒落去之後就要迅速攪拌，否則啲蛋就會老可能因為個飯夠熱，鰻魚亦都大塊，所以我覺得都幾好食Suntory Whisky Kaku Beer ($68)本身想試埋佢個吉列芝士火腿三文治可惜應該因為太晏所以落單冇耐店員同我地講sold out呢餐飯埋單連加一要~$730咁嘅價錢我就覺得貴左啲，未必會再試…Read More

平時比較少食百分百因為覺得佢係連鎖店之餘，價錢又唔係抵今次屋企想食，就試下佢個早餐我叫左沙嗲牛肉即食麵配半焗流心蛋 (可以揀腸仔、餐肉或者火腿) ($40)再配杯熱朱古力佢本身個湯底都有味，唔係清湯底沙嗲牛肉好濃，有花生味，好好食！麵質亦啱啱好不過一開頭食碗麵嘅時候，喺湯度發現左一隻小昆蟲同姐姐反映完佢地都幫我收起佢，然後話換過一碗新嘅俾我咁我地都明白嘅而佢地杯朱古力都係出色之作！喺手機落單嗰度仲可以揀再濃啲我冇揀因為我知本身都已經好濃如果再濃啲，我驚澀口另外屋企就叫咗個吉列魚柳配鮮奶炒滑蛋 ($45)塊吉列魚柳好大塊炸到金黃又脆口肉質以呢個價錢就緊係冇得要求咁多呢個餐另外仲配兩塊蒜茸多士，同粟米成個餐真係好飽…Read More

金枕頭喺粉嶺好多年了～一直都聽過有區外人會特登走入嚟食我覺得晚餐都係偏貴嘅但係午市都幾高質今日叫咗個乾炒泰式牛肉炒河，同埋菠蘿炒飯分別$48可以用優惠價跟餐飲乾炒泰式牛肉炒河入邊嘅蛋好好食唔知佢撈咗啲咩入去炒唔係嫩嘅，但係佢呢隻味真係好好食不過今日呢個有啲油菠蘿炒飯都大碟，菠蘿亦唔酸十分開胃…Read More

仲記得一年前左右去過美麗華分店食嗰陣都覺得幾好食今日想再去食嘅時候，好彩睇一睇OpenRice，先發現原來已經執咗🥲得返銅鑼灣Fashion Walk食街分店呢度同以前一樣，都係有好多唔同款式嘅burger我就揀左鵝肝牛肉漢堡 ($168)個包少少乾鵝肝份量唔算好多，但係配埋牛肉真係入口即溶，好好食！PS塊鵝肝仲要心形㗎朋友就叫左個墨西哥辣椒芝士牛肉漢堡 ($98)因為我自己唔食墨西哥辣椒，所以只係覺得佢係一個普通嘅牛肉漢堡呢度最驚艷嘅絕對係佢嘅sides！叫左旋風薯條 ($35)，份量都多同連續快餐店嗰款一樣咁好食本身都想食黑松露薯條，但係佢個價錢有啲進取，要$70咁我會選擇食市面上比較少有嘅扭扭薯條✌️食burger梗係要配啤酒🍻呢度都有好多款唔同嘅飲品選擇我嗌左個Sapporo生啤 ($39)朋友就叫左杯齋啡 ($44)正常發揮見到出面露天bar枱好多人都淨係飲酒其實咁嘅價錢同朋友飲返杯傾下計都幾唔錯👍今次食冇之前食咁印象深刻同埋個價錢都係偏貴 (要加一)未必會再嚟～…Read More

第一次去牛站食火鍋放題揀咗銅鑼灣呢間分店，天氣點啊？都算幾大19:15左右去到攞飛都要等十幾張職員叫我地等一等，19:30會放第二輪入去等到19:30真係逐張逐張叫入去所以其實都唔係等好耐我地揀左特上牛小排套餐$338@1，另收加一服務費呢個套餐仲有好多海鮮 (鮑魚、蠔)可以揀，所以寧願加少少錢食呢個，都唔食美國極黑和牛片套餐呢度湯底都有好多選擇我揀咗胡椒豬肚鍋擺入火鍋材料之前，飲一碗真係好暖胃！自助區都有好多野食拎！有麻辣小龍蝦、響鈴、炸魚皮更加有多款自家迷你甜品Tiramisu、木糠布甸、芝士布甸都有Download ricepon成為會員更加有一張九折券即時用可以免加一兩個人埋單只係$676，好抵食！之前去任食火鍋，永遠都係去牛xx而家發現呢間性價比更加高下次一定會再嚟！😋😋…Read More

其實嚟過雄泰幾次因為我好鍾意食佢嘅牛河粉媽咪就好鍾意食佢嘅海南雞飯但係每次晏晝好快就已經賣哂佢都冇預特別多嘅份量我問過佢地夜晚係一定冇得食今日我中午12:30嚟到排咗一陣隊就好快入座想準備落單冇耐就已經聽到廚房嗌出嚟：雞飯淨一個下都心知不妙，諗住即刻叫個侍應幫我落單點知原來前面都仲有幾個人落咗單，所以我一定冇唯有叫個海南雞翼飯而我就叫個牛河粉海南雞翼飯份量都多只不過對於老人家嚟講冇食雞肉咁舒服而我個牛河粉水準依然一樣湯底濃郁配料有兩粒牛丸、牛肚，同埋牛腩另外每次都會叫多份小食話就話四舊蝦餅，其實都係兩件開左4$38兩舊蝦餅其實有啲貴不過好食嘅依然會再訪👍👍👍…Read More

今日去大家樂食個下午茶叫咗個米粉配油脾個雪菜米粉正常發揮跟住食個雞髀食到後尾發現個中間其實係紅色本身都想攞去退換但係都見差唔多食哂成個餐又差唔多食完隻雞髀所以冇退換但係都唔敢再食落去到時候諗返其實咁樣都應該要通知廚房始終都係食安問題…Read More

經過La Famille，買左個沖繩黑糖栗子蒙布朗返屋企食 ($65)出邊栗子味幾濃，係幾好食戚風蛋糕亦都做到好鬆軟但中間太多忌廉，有啲甜下次試下其他味道，譬如茶味嘅蛋糕應該冇咁甜…Read More