mlnyual's Profile

今次食串燒呀呀呀呀！勁開心！見到網上啲人地講呢間啲野平靚正去左食，真心唔錯不是講笑( ̀⌄ ́)！！❶ 味噌松板豬 $15首先講一講今晚最驚喜！絕對係呢道味噌松板豬！豬肉燒到勁嫩，味噌醬唔會過鹹反而帶有少少甜，咬落去肉質好滑，真係會食完瞪大眼對望個種！！❷ 豚肉荔枝卷 $15豚肉好薄！荔枝好甜味！兩者融合得好好！ ❸ 蟹粉日式豆腐 $68炸豆腐下面鋪滿好多蟹粉！啲蟹粉多到食晒豆腐都有剩！ ❹ 椒鹽九肚魚 $68呢道炸九肚魚外脆內嫩，入面啲魚好滑lutlut！ ❺ 蜜糖牛油栗米$10呢個一上碟睇燒得幾靚咁！表面少少焦，甜度岩岩好！❻ 泰式燒墨魚鬚 $10燒墨魚鬚搭配個個泰式辣醬食落去好辣好頂癮！ ❼ 蒜蓉欖角燒蟶子 $38幾鮮！蒜香味道幾濃郁！ ❽山椒鰻魚汁燒白鱔 $48呢道白鱔搭配山椒嘅微辣味好fit，白鱔幾嫩滑，好似好少係餐廳見到呢啲菜式❾ 墨魚滑紫菜大蝦 $68呢個小食勁脆口，黎到熱辣辣個紫菜脆到嚇親！同埋份量好多，我地兩個人食到勁飽！！❶⓿ 白酒忌廉煮蜆 $68好好食！蜆既愛好者表示勁好jap佢啲汁勁多再連埋啲蜆一下食落去極度好食！鐘意食蜆請亳不留情點下去！！！❶❶ 蜜糖燒菠蘿$10燒菠蘿係食串燒每次都必叫！一串有4件，好甜好好食！❶❷港式蜜糖多士夾雪糕 $48呢個甜品值得一讚！雖然冷熱交替嘅甜品唔係新鮮事，但呢個多士一黎到已經勁熱辣辣，仲要外層勁脆勁重蜜糖香味，夾雪糕一齊食勁正！！❶❸飲品 $28我地嗌左菠羅可爾必思同荔枝檸檬梳打，飲品唔貴個杯size又大！菠蘿味可爾必思酸酸甜甜好解渴！而荔枝檸檬梳打入面仲有少少細粒果肉可以食！總結味噌松板豬最眼前一亮！白酒蜆私心大推！甜品多士都值得一試！墨魚滑最新奇好食飽肚！呢間性價比好高，啲菜式幾新穎同埋價錢真係唔貴幾貼地環境又好好♡！…Read More

㋇ | 毎週の晚餐分享 ♪ 今次出左佐敦到食晚餐，餐廳環境幾好個位又幾闊落！我地叫左個精選二人餐 ($498) 湯 + 前菜 + 兩個主菜同甜品！！❶ 前菜 | 婦羅魷魚鬚個魷魚鬚好好食熱辣辣，外皮都好脆仲有個醬點好好JAP！連佢個餐湯都好飲同埋都幾大碗❷ 龍蝦汁龍蝦意大利飯想講個龍蝦好厚實！但最正我覺得係飯個個龍蝦汁，好味入同埋勁開胃口好好食！❸西班牙黑毛豬鞍架呢個豬我同男朋友都封呢個做VIP！個豬肉勁好食又軟熟，咬落去唔係勁硬勁韌個種！！呢隻豬仔真係驚艷到我地！好JUICYYYYY ! 連個醬都好好食，有種啤梨味既感覺酸酸甜甜。佢仲有個焗薯同菜同伴碟！真係好食到我畫埋呢個主菜出黎！❹ OREO奶昔 | 玫瑰士多啤梨梳打呢個二人套餐會包兩位$32蚊飲品，叫其他只係需要補差價就得！呢兩杯飲品都唔錯，下次想試下佢個芒果沙冰/焦糖朱古力都好似好好飲。❺ 甜品佢個餐有三款可以揀 : 雪糕杯 / 雪糕批 / 芝士蛋糕我地揀左雪糕杯同雪糕批，佢係Dreyer's 既雪糕黎！總結性價比黎講我覺得唔錯！除開每人三百都唔洗但食到咁多野！！！環境同埋餐廳啲員工都好NICE！我覺得可以改善既位係個餐包既甜品方面，如果有多啲款式 / 係餐廳自家既甜品應該會更加加分！另外見到餐廳有個8月份會員優惠係食晚市會送小食一份同埋有25cl Hoegaarden買一送一！◍Plato Cafe & Bistro〈 港鐵佐敦站 C2 徒歩2分 〉佐敦吳松街186-188號地舖…Read More

㋇ | 毎週の晚餐分享 ♪ 最近見到好多人食呢間，仲要係甜品就走左去同朋友去食 !間鋪個logo都好得意！❶ 榴槤奶昔 $70勁勁勁濃榴槤味！成杯都好似係飲緊打爛左啲榴槤蓉咁勁爽！作為榴槤控表示呢杯野勁正，成個口都係榴槤味勁香KEKE！❷ 美國士多啤梨奶昔 $55而我朋友叫左呢個士多啤梨奶昔，佢表示呢個甜而不膩！因為佢都係一個怕好甜既人，但佢話呢個很不錯！個到有得揀朱古力醬/OREO，佢揀左加OREO！下次可以再ENCORE！❸ 奇偉金奇異果乳酪芭菲 $55呢杯金奇異果乳酪芭菲都好好JAP！第一啖食成口都係蜜糖，好甜好好食！食到中間有啲燕麥同脆片，乳酪雪糕就係要加埋就配料先好食！！隔離仲有個細窩夫仔，勁軟熟個口感係同BEANS個個圓形窩夫一樣味！下次想試埋個士多啤梨乳酪芭菲，好似都好好食！❹ 紅火龍果薄荷窩夫 $30最後一氣呵成買埋個窩夫試埋佢！想講個窩夫入面夾住個啲紅火龍果勁滿勁滿，足料到癲！個窩夫中間都係勁鬆軟，食完真係勁飽！◍ 總結佢既性價比都幾高，仲有免費爆谷可以拎！另外見到間鋪仲做緊期間限定奶昔乳酪芭菲第２杯會有半價！跟住買奶昔/乳酪連窩夫三文治可以減$10，三個穿著校服仲有買二送一！鐘意食甜品可以一試！！◍ SHAKE!T @shakeit.hk〈 港鐵旺角站 E2 徒歩5分 〉@media.vas #milkshake #shakeit #foodie #奶昔 #手搖飲品 #窩夫 #高質 #旺角 #旺角美食 #香港美食 #打卡…Read More

㋇ | 毎週の晚餐分享 ♪ 因為平時屋企好近堅信號 @gingsunho，今日又係呢到食飯！平時我都係食開生煎包同豬扒菜飯﹐今次食其他野KEKE！見今次叫得好多野食，分享埋比大家！❶ 辣子雞肉小籠包 呢個一個餐有八粒，初初擺上枱見到勁多辣椒以為勁辣，但食落唔會反而冇想像中咁辣，佢既麻辣味都幾出。想講第一下咬啲汁出晒黎好癲。入口係有小小辣然後後勁開始出黎，我唔算勁食得辣但呢個味我覺得很好！！另外加$20轉左餐有小食同野飲，送個個小食揀左個麻辣小雲耳手拍青瓜，呢個青瓜如果再辣啲就正！❷ 上海排骨飯啲排骨熱辣辣而底下係蛋炒飯黎，不過不失但呢個份量我覺得兩個人食都夠晒飽！！❸ 上湯杞子娃娃菜呢個係跟餐加錢換，娃娃菜控表示呢個好食！因為啲菜夠淋同埋啲湯都入味，如果可以切一半冇咁大棵上就爽！❹ 紅糖糍粑呢個一份有四條熱辣辣外面都好脆，我偏向多啲醬就會再好食啲！！❺ 炸花枝丸呢個有啲出色！！又係熱辣辣外脆好好食，呢個係我意料之外好食既野！！佢仲有個麻辣味花枝丸，下次一定要試了！！！！❻ 銀絲卷配煉奶呢個即係炸饅頭咁！一份有兩件，切開左就變左四粒。食到呢個已經好飽好飽，但係呢個都係好好食。◍ 總結一下呢次勁豐富勁飽既堅信號晚餐！鐘意食辣既一定要試下新出個辣雞小籠包，而花枝丸同埋娃娃菜都係閃閃發光既配角！！！其實佢仲有出左香茜豬肉同埋炸菇紫椰菜豬肉味既小籠包，但因為我係個偏食唔食羌茜同菇既孩子，呢兩個就留比大家試完話我知好唔好食啦嘿嘿！！食開堅信號又未試過呢兩樣既真係可以一試！◍ 堅信號上海生煎皇 | 深水埗分店深水埗福榮街98號地舖〈 港鐵深水埗站 D2 徒歩2分 〉#堅信號 #堅信號上海生煎皇 #一口爆湯 #生煎包…Read More

➊明太子忌廉煙肉菠菜大蝦扁意粉 $138這個是一人份量的意粉，意粉的軟硬度適中，忌廉不膩，菠菜味不突出而且煙肉只有一塊。不過蝦比我想像中好吃！有機會的話想試試這店的蒜片欖油蝦，好像很有人氣的，但經查詢後才知道只有晚上供應。➋法式西多士·朱古力·雜莓·粟米片·雲尼拿雪糕 $88西多士裡面的是兩層：上層是吐司本質，下層是好像蛋還是布丁的口感，這個很好吃很讚！雪糕溶掉很快，朱古力醬也蠻多頗甜的。➌ 白晝 $75蘋果跟桃與紅茶混合的飲品，蘋果和桃的味道很微，而紅茶味比較重，除了價錢偏貴以外我覺得挺不錯的 ♫…Read More

經朋友介紹，終於提早預約一嚐人氣食店！♪｜虎蝦濃湯麵 $128這碗拉麵的虎蝦超級大，我有點嚇到這個價錢配這一隻大蝦，性價比很高欸！！湯底也是比較濃澀的一種很喜歡，而且味道也很香濃！｜巨峰冰串梳打 $32杯上有一串提子（不是巨峰提子），吃完炸物再喝這杯很舒暢！還有白桃可以選，看起來也很讚！｜海苔魷魚鬚 $46這個很讚！熱熱的加上海苔好好吃！｜櫻花蝦豆腐 $48/2 任選就是櫻花蝦包著豆腐這樣。如果你會點虎蝦麵的話可以用不叫這個，因為如果想吃櫻花蝦的話虎蝦那個已經會滿足到了。豆腐這個沒有味道淡淡的，建議可以留下肚肚的位置點其他。…Read More

第一次見八月堂有得堂食不錯，入到去點餐個收銀女士語氣非常悔氣（？？），比完錢搵左位坐低食，食完拎返碟同埋餐具比返佢地時態度惡劣：「放低得啦。」整體上食物唔差，但店員態度真係有待改善。完全唔明白發生咩事要咁差態度🥲下次唔會再去…..…Read More

太子一間勁文青CAFÉ ! 佢入面仲有一個角落比人打卡﹐我真係極喜歡波希米亞風 / 日式既CAFÉ ! ! ! 一邊食野一邊感受下個環境呢種感覺又寧靜又舒服。本身想試埋佢地既抹茶巴斯克芝士蛋糕 / 有幾款網上睇到想食既﹐可惜店員話已經無晒了。下次有機會想試埋個松葉蟹肉燴飯﹐見到好多人都好推薦咁 ! (๑•̀ㅂ•́)و ◍ 香煎羊架配薯菜 ₁₆₈羊味十足 ! 一食落去個口感好好﹐食落去唔會好硬好軔咁﹐而且啲羊羶味都處理得好好﹐冇羶味之餘煎出黎都唔油膩。另外羊架下層既薯蓉都做得唔錯﹐有種好似以前細個食既歐陸滋味杯既感覺﹐拾回童年食薯蓉既味道﹐入面仲有啲細細粒既薯仔增加左個口感。 ◍ 蕃茄蟹籽蟹肉意粉 ₁₀₈份量岩岩好 ! 入面仲有好多蕃茄粒同埋洋蔥﹐食落好香同埋蕃茄味好足 ! 仲有兩大條蟹棒同一啲蟹籽作伴 ! 望到個底仲有好多蕃茄既醬汁再撈埋啲意粉食好好食。 ◍ 荔枝茶 ₃₈呢杯跟午餐唔洗加錢都可以飲到 ! 個茶底幾濃﹐輕輕咁帶出少少荔枝味﹐仲有粒好大既荔枝果肉係入面 ! 唔係出面好甜個種荔枝茶﹐幾鍾意呢一杯 !…Read More

之前聽朋友講呢間既熱朱古力好好飲，有啲就話麻麻地，咁岩出開黃竹坑見到呢到有間就入左去試試了(´∀｀*)！　入面全自助形式，自己搵位坐、自己出去落單，然後睇返單既編號自己出去拎野食！佢地既空間都幾大幾舒服！咁岩下午茶時間， 叫左呢個牛角包餐。　佢有三個醬可以選擇：· 法國無花果有機伯爵茶果醬· 法國士多啤梨玫瑰果醬· 法國粒粒雜莓紅茶果醬　｜ 脆脆牛角包配自家製果醬 $55 ｜我簡左土多啤梨玫瑰醬，我初初以為係佢地搽定，原來係自己開蓋成樽比你自己玩！好多果肉，好香好甜！個牛角包食落外層好脆，入面好鬆軟！夾埋一齊食好好食(´･Д･)」然後跟價可以補差價 +$10 叫左杯久仰大名既CRAZY CHOCOLATE!　｜ CRAZY CHOCOLATE |呢杯真係倒到勁滿勁滿！基於啲野食同野飲要出去櫃台到拎，然後再拎返入黎既緣故，我一到行佢一到瀉出黎(´༎ຶོρ༎ຶོ`) 好心痛啊！啲朱古力瀉晒出黎！　我覺得幾好飲既前半部分，一開始飲啲朱古力撈埋一齊飲好甜好正，但係之後面頭既朱古力溶/飲左，得返下半部都開始好快凍晒，變到常溫同埋淡左就無咁好飲了。我覺得未飲過既可以值得一試，不過就未至於黎到會再叫多一次黎試了，反而想試下其他唔同類型既飲品。個人建議： 襯佢熱辣辣個陣要快啲飲，同埋搵個近啲既坐位拎穩陣啲（嗚　另外，可能係平日下午茶時間，去既時候唔太多人，但見到好多張枱都未抹乾淨有啲痴立立，希望下次會注意多啲啦( ´ ▽ ` )ﾉ！…Read More