foxlam90's Profile

適逢今天中國情人節，同太太去西環海旁散步順便揀間餐廳食，見到有間阿元來了個friend阿元菜市場，睇完餐牌之後發覺原來啲菜任食，所以就衝左去試。佢有兩種鍋可以揀，一個石頭鍋，員工會係側邊呢幫你煮熟一半牛或豬之後擺落湯底，店員話咁樣會甜啲，另外就普通鍋揀主菜同湯底，我哋揀左個海鮮鍋，用藥膳湯底。每人一個鍋之後出面個菜市場啲菜同埋丸就可以任食，真心幾抵。雖然而家市面上其他任食火鍋啲菜都可以俾你任食，但係呢度嘅菜嘅種類比出面呢係多元化，包括皇帝菜、台灣嘅A菜等等，有d直接喺台灣運過嚟，隔離個姨姨係我地面前洗啲菜，感覺好新鮮。其實個煲本身包埋嘅牛肉，或者係海鮮，再加埋任食嘅菜同丸呢係絕對夠飽嘅。而且啲牛肉都尚算都幾高質素，啲海鮮係幾新鮮的，食落隻蝦嘅肉質都知道係新鮮買返嚟架，btw,佢個辣椒醬都幾好味。所以我得呢間菜市場個定位唔錯，下次可以再去幫襯。…Read More

聞說呢個養生殿火鍋十分之出名呀，湯底好唔錯，所以呢就久仰大名呢嚟試下。原來佢七點前埋單有唔知幾多折，感覺幾抵嘅，但係冇辦法我要去到已經8:00。入邊個裝修好古色古香，都算係個特色。兩個湯底點左個養心鍋同埋一個美人鍋，兩個鍋都有半隻烏雞，睇個湯底d料都要可能夠飽。個湯底個味道好濃郁，個養心窩呢有少少辣味，感覺有驅寒作用，即係好有中藥嗰種感覺，好似幾正氣。然後我呢就點左係啲特色丸，仲有個牛胸爽啦（雖然細份啲但係有幾爽又幾特別喎），仲有牛坑腩啦、水餃，冰菜（好特別），今次呢冇點海鮮，下次可以試吓點啲海鮮，我睇隔離枱果d都幾新鮮。其實打邊爐最緊要係個湯底，湯底好嘅話呢基本上嘢食係好。下次可以試吓佢係有得打邊爐家唱K嗰啲餐廳。…Read More

今日去時代廣場食lunch，想食中菜，所以去咗10樓睇一睇，發現發覺原來呢度開咗間新嘅中菜館，叫麒藝館。睇完個餐牌， $998 4人餐，覺得OK就入去試吓，一入去客人嘅數目好少，心入邊有少少驚，不過無辦法都要照叫。咁我叫咗$998個四人餐，前菜有個花膠凍、燒乳豬、沙茶八爪魚，一食落去簡直喜出望外，味道十分之好，特別要推薦個沙茶醬八爪魚。而個主菜呢就我哋揀咗一個木藏牛，原來係個木入邊藏咗啲牛坑腩，賣相10分，啲牛都入味好林，唯一就係啲牛嘅份量就少咗少少。跟住食左個炒麵就有小小寡，但係飽肚之選。因為人比較少小，所以同啲侍應傾左兩句，先知道原來大廚係以前Sheraton天寶閣嘅中菜總廚，唔怪之得啲水準咁高。我諗大家要趁人仲未係好多嘅時候快啲去試。…Read More

去開K11 ，突然間想食個pancake，就search到呢間蜜奄本善，去到睇個餐牌，點知原來pancake要三點後先有，但睇咗都係午餐set原來只係$128 ，個樣仲有好多嘢食，所以就脆脆地坐低食。$128已經有五個item俾你揀，然之後每個item都係細細份，好有muji 嘅特色，主菜都可以揀兩份，我揀咗肉眼扒同埋青口，肉眼嘅生熟啱晒我嘅口味，大概係三成至四成熟 ，而個青口嘅甜味都十分之夠，如果唔夠飽仲可以追加主菜，幾唔錯，最後甜品送咗一個冇雞蛋冇奶嘅烘焙茶雪糕，味道尚可。overall嚟講，個午餐即係幾抵的。…Read More

好少何食日本嘢食到手啤一聲，平時喺屋企食開附近果幾間日本野都悶悶地，所以走去行去遠啲食啲新嘢，去到香港大學地鐵站附近一間叫鐵人旨花嘅鋪，係出面睇個餐牌，見到有個二人餐498 ，都好似幾吸引咁，然之後開門一睇入面一個人都冇心知不妙，不過諗諗下日本野差極都有個普，點知我8:00嚟到個侍應話廚房就嚟收啦，要我快啲點單，得返魚生果d，咁見佢有啲一人餐咪是但都點啦，點知我嗌乜冇乜，燒三文魚鮫油甘魚鮫都冇㗎，連佢最大力推銷的海膽飯都竟然話唔夠海膽，你話幾搞笑。咁都唔緊要，咁我咪叫咗個魚生飯，叫咗一個鐵人盛丼，我真係難為佢用個盛字，上到嚟全部都係得個雞碎咁多，吞拿魚蓉、海膽同三文魚子都得好少，啲飯又凍又硬，我都唔知點解佢比到我食嘅，仲要收我188，再嚟個雞泡魚干喺我係其他鋪頭食的一半分量，但係收緊我$88加一，我真係睇到火都嚟埋，最後我食咗10分鐘之後就離開，嬲到連相都冇影... thanks. …Read More

今朝跑完10公里賽事，番屋企沖涼之後就想慰勞一下自己，特登去大坑試吓呢間略有名氣的西餐廳，去到先知原來佢有個戶外地方可以帶寵物，早知我就帶埋隻狗過嚟。好多年冇黎大坑，原來都仲幾chill，個餐廳嘅裝修都算唔錯，佢個lunch set都只係$148-168一個人，仲要俾我見到有$178有四隻蠔同埋兩杯白酒，咁就所以嗌咗每人一個set再加個生蠔嘅set。食物質素都好算唔錯，特別係蘑菇卷同埋個紅菜頭湯都係值得推薦。雖然大坑嘅交通相對冇咁方便，但係下次可以揸車入嚟試吓佢個夜晚的食物同氣氛。…Read More

想食中環四季酒店間法國餐廳好耐，所以特登等同太太一周年過嚟食。知道呢間係攞咗好多年米之蓮嘅餐廳，所以價錢心理上已經有準備。去到睇完個Menu之後，就直接叫咗個6 courses dinner set價值1820 per head。好多嘢食我都講唔出係啲乜嘢，因為係啲fusion 菜嚟嘅，但係可以講由頭盤到湯到主菜到甜品都完全冇令人失望。特別要推薦下就係佢有好多款芝士可以俾你揀，所以你可以試吓唔同嘅國家嘅芝士，芝士愛好者一定會着迷，另外佢個鹿兒島嘅牛十分之有呢個牛嘅味道，好香，雖然要加$450但係一是都無妨。總括來講，餐廳嘅氣氛一流、待酒師一流、服務生嘅態度一流、維港景色一流，紀念日絕對可以考慮來。…Read More

真係唔講唔知原來銅鑼灣登龍街金朝陽對面有作銀座式食肆開咗幕，叫v point。喺樓下見到個大大招牌寫住叫隨變火鍋，原來係食雞煲打邊爐，脆脆地去試吓。佢連個吧枱都可以去食雞煲。佢哋安排左我坐係一個角落嘅位置，右邊就見到維港嘅景色同睇到幻彩耀香江，左邊仲見到馬場，咁啱嗰日禮拜三有夜馬。見到佢有串燒就叫左兩串先，嗌咗個白鱔同埋芝士年糕頂一頂先，又估唔到佢哋串燒都幾好味喎，仲可以送啤酒添。當日我點左個龍躉煲價值，包送多個湯底俾你打邊爐，我揀咗個雜菌湯。上到嚟有好多舊龍躉，啖啖肉，個味道雖有少少鹹，但係都唔錯，又覺得唔算貴。最後嗌埋個牛頸脊加多兩碟丸去打邊爐，個雜菌湯底又幾好飲喎。臨走嘅時候發覺原來佢入10點後入座有八五折，如果食宵夜嘅話可以考慮下。…Read More

今日去IG碼頭放狗，聞說呢度附近開咗間新文青嘅咖啡店，係日本嵐山過嘅過江龍。去到已經見到門口打晒蛇餅，好多後生仔女喺度打緊卡。可能因為裝修好簡單同埋淨係專賣咖啡，所以吸引左好多人慕名而來，好彩今日嘅天氣十分之晴朗，我就可以喺戶外嗰度坐低慢慢飲杯咖啡。對於平日唔飲咖啡嘅我就嗌左凍matcha coffee，另一半就叫左Spanish latte。咖啡香同拉花都做得幾唔錯，凍綠茶咖啡嘅味道呢比星巴克更加綠茶，整體口感不錯。呢度嘅地理位置都唔錯，附近都有啦泊車（碼過都好多人）又有得去IG碼頭影相，下次放狗可以再黎。…Read More

今日遲收工，去到間餐廳都已經九點，估唔到依然係座無虛席。其實我係慕名果個邪惡包而去的。我哋兩個人就點左一個燒粟米、一個邪惡包、一個沙律、一個肥牛卷、一個忌廉蟹肉餅、一個燒雞翼同日式燒餃子。雖然個燒雞翼有少少失望，但係個邪惡包簡直係合晒我合尺，仲要做咗特價$38一件，我毫不猶豫點左兩件，正。另外個蟹肉忌廉餅都好值得推薦一下。另外由於去嘅時間已經九點，估唔到壽喜燒鍋已經賣哂，所以保留下一次再去嘅權利。咁啱今日冇乜心情飲酒，如果唔係的話嗰度都係一個飲酒傾計嘅好地方。…Read More

今日禮拜日，起身想食西班牙菜，又要去放狗，就打咗電話去呢一間餐廳問可唔可以放狗，點知真係咁friendly，因為佢有個露台，而且係brunch all you can eat.咁就膽粗粗帶埋隻狗去試吓，入到去個裝修好有空間感，waiter 一見到我哋就邀請我哋出露台去坐，非常chill。佢個brunch set Menu就有六個tapas，加all you can eat 西班牙炒飯同埋西班牙乳豬，再加西班牙油炸鬼配雪糕。頭六個tapas基本上食完之後都已經好飽，所以你都唔好諗住食得太多炒飯同乳豬，tapas嘅水準都十分之高。如果係其他餐廳食嘅話可能會一個收$98至118。而佢個西班牙炒飯大到有啲誇，不過我覺得最亮點係個西班牙乳豬，皮脆肉香，係我喺附近食西班牙餐廳水準最高嘅一間，另一個亮點係churros，水準十分之高。其實依度好啱啲老外喺度spend一個晏晝。佢禮拜日仲有個係兩點鐘做一個西班牙嘅舞蹈表演，可惜我係出面就冇欣賞到，但係我諗都係幾正嘅。大家星期日冇乜嘢做嘅話絕對值得去一試。…Read More

我個friend上次生日食飯去咗呢間居酒屋，就同我講呢間味道唔錯，價錢又相宜。咁啱喺尖沙咀見完客就去試吓呢間餐廳嘅廬山真面目。餐廳喺亞士厘道係餐廳嘅集中地，雖然食肆林立但係呢間餐廳都幾多人食，基本上都係滿座咁滯，好彩今次算早唔洗等。入到去覺得都幾有日本居酒屋嘅感覺，我地两個點左幾串串燒，包括有牛舌、牛腎、冬菇呢啲基本野啦，然後佢有一個甲羅燒，幾吸引所以就試左一個。然之後再點左啲特色嘅壽司，包括燒左口魚、鵝肝帶子壽司啦、鰻魚壽司啦等等，原來佢啲壽司飯呢係有味飯啦，又幾得意。我推介就覺得佢牛舌係燒得唔錯，同埋個甲羅燒嘅蟹膏呢都幾香，大家可以一試，而且都只係600蚊左右，以居酒屋黎講算幾抵。…Read More

今日去荃灣探個朋友，順便去寵物店買野比隻狗，就係大壩街見到好間好似新開嘅西餐廳，見入面幾多人又幾chill，就膽粗粗入咗去。間餐廳基本上full左，好彩我攞到個corner位。佢有牛扒餐同埋海鮮餐，牛扒餐好似588定598 ，但係我想試吓佢嘅生蠔所以就揀咗海鮮餐。啲海鮮食落都幾有驚喜，生蠔味道幾鮮，隻龍蝦感覺亦都唔係好急凍，而其他貝殼類海鮮質素都唔錯。仲有佢個西班牙海鮮飯，味道呢有小小酸酸地，同出面嗰啲嘅味道有小小唔同，但係呢成個感覺又幾平衡喎，有啲驚喜。雖然我對荃灣呢區唔係好熟，但誤打誤撞之下入咗間整體感覺幾chill ge 餐廳，有小小驚喜。…Read More

因為12月去大阪，喺做research嘅時候見到黑門市場，就好想去嗰度，點知上網見到原來尖沙咀開咗間黑門水產，啲評價都唔錯。就搵日放工去試一試。個位置喺棉登徑，即係K11隔離，都好方便。無論個門面或者入到去都令到我諗起日本，入去都差唔多滿座，好難先安排左係一個角落坐低。因為太肚餓，所以乜都叫左啲，叫咗個刺身，玉子燒，沙律，吞拿魚腩卷，仲要叫咗佢好symbolic嘅燒海老及帆立貝，仲有仲有就係甲羅燒。啲刺身唔錯，個沙律先有驚喜，感覺好Fresh，fresh 程度拍得住我係希臘食嘅salad。之後個帆立貝同海老，佢會俾你地睇左先之後去幫你燒，燒得幾好。當然甲羅燒一定要提一提啦，佢係由呢個蟹膏擺喺蟹蓋上面燒，好香，幾好味。最後我哋兩個人都只係食咗$1000左右，以佢嘅質素係香港來講真係好抵。…Read More

上網睇到有個文青打卡地，喺尖沙咀鬧市嘅旁邊，就搵咗個夜晚放工上去睇個究竟。雖然嗰個商場唔算好旺，但係一上到去間鋪頭都有啲驚喜，上到去嘅空間感好唔錯，雖然唔知有幾多呎，但感覺成千幾2000尺。亦都有好多postcard 嘅corner好有特色，絕對係一個打卡之選。雖然夜晚唔算好多人，但係成間餐廳都坐左一半人。間餐廳係基本上全自助式，除咗點餐之外其他都係Self Service。咁我就點左一個帶子意粉同埋一個panini，估唔到食物嘅質素都唔錯喎。呢度睇落去好休閒，應該好多人都好似喺度坐左好耐，有種外國style。下次weekend想出街做嘢都可以過嚟坐吓上下網。…Read More