yumshing_99's Profile

食物質素其實OK，叫咗一隻德國炸豬手，皮脆肉亦都嫩，另外白酒煮青口，仲做得比專門食青口嗰間餐廳好味，再配番德國啤酒，食得都好開心吓，但當最後叫咗兩杯Guinness…因為好似比之前上嘅啤酒時間耐左啲，我就望去水吧，睇吓斟緊未，但當時見到侍應生行入去水吧打開雪櫃，開咗兩罐喺大新賣$40/4 罐裝Guinness ，一罐一杯，最後喺酒吧個tap加啲泡喺面…當期望係飲tap嘅Guinness, 變咗係$10罐嘅罐裝啤酒，應該都再唔會黎…☹️…Read More

食物可以，魚生，牛肉等配料都新鮮，但飯略為爛，打正旗號做日本丼，米飯方面可以做得更好。令我想寫呢篇食評既係3位女侍應，女侍應們服務九流，從入坐到埋單完全要睇佢哋面色，女侍應自己無野做時企埋傾偈有講有笑，但對客人面如死灰，多問一句都不太願意回答...如今呢個時世，做食肆都仲有咁嘅態度真係好野。管理層如果睇到呢篇評論，請review一下服務員的態度，食肆生意除咗食物外，服務都係重要一環，但我自己一定不會再光顧了。…Read More