Amy Wan 828's Profile

由於有外國親戚回港, 指定要食海鮮, 我地一行8人嚟到熟悉既南記海鮮飯店, 先喺三聖海鮮檔自選海鮮, 再送到飯店加工先嚟九節蝦🦐出名細隻, 但爽脆脆皮芝士焗龍蝦🦞必點菜式, 焗得啱啱好炒蟶子, 有少少辣, 野味之選奄仔蟹🦀太多鹽啦, 太鹹, 唔好食燒鵝, 都係出名名物, 皮薄肉厚, 好食白灼花螺, 爽口, 新鮮白灼墨魚, 好鬼大隻, 300蚊一大隻, 有少少韌酥炸生蠔, 粉薄, 脆口今晚8人海鮮材料$2200，加工酒水$2000，我覺得價錢合理 …Read More

星期日既下午，出開太古城，就喺灣仔區揾食，聽聞有好出名既燒鵝，就上網搜尋，就揾到喱間甘牌燒鵝。當晚6點左右就到店外，見到長長既人龍🫨🫨起碼排了30人左右，既然嚟到，就乖乖咁排隊:(排隊途中，職員已經告訴你燒鵝沒有上庒，只有下庒，反正未食過，上下都無咩所謂，等了30分鐘左右就入座，鋪頭太細，大概只可以坐30人左右，一坐低燒鵝即上枱，快到一個點，再叫咗一個叉燒例牌，燒鵝肥瘦適中，可惜肉比較少，叉燒都係瘦為主，如果係半肥瘦就最理想，味道不過不失啦，本人覺得未至於攞到米芝蓮。…Read More

每次嚟過橋麵檔都會食霸王雞米線，大大碟雞，真係好抵食但配角之一既咖喱牛筋腩飯也不容忽視本身唔食得辣既我，我都專登去食牛腩、牛筋、薯仔🥔蕃茄，青瓜🥒組合而成既大大碟飯，牛腩同牛筋都整得好入味，好淋，蕃茄、青瓜同椰汁可以中和辣既感覺，但感覺牛腩分量太少了，只有4舊左右，希望可以改良下依家價錢確實越嚟越貴，飯$66，凍飲另加$6，但我覺得食物對得起喱個價錢。…Read More

絕跡寫食評一段時間，有好多都未分享，現在補回新年前既年夜飯。今次係去運輸公司既年夜飯，每年都係海鮮餐，海鮮都係酒樓供應的，唔需要喺出面海鮮檔再買，當然可以另買海鮮加工，適隨專便。第一道先嚟個招牌燒鵝，太失望了，實在太肥太肥，食咗2舊都唔想再食，有待改善。第二道，豉油王爆大蝦🍤，蝦大大隻，有膏，食落仲爽脆。第三道，蒸魚🐠，時間蒸得啱啱好。第四道，上湯龍蝦🦞，啖啖肉, 足料第五道，冰鎮鮑魚，驚喜之作，一D都唔韌，加埋個醬汁仲好野味。第六道，酥炸生蠔，就咁食又得，包生菜亦得，唔同風味。第七道，蟶子，通常食開都係豉椒炒，喱個做法又有另一番風味。第八道，小炒王，相當足料，好多象拔蚌，飲啤酒之選。第九道，海鮮炒飯，越簡單既菜越難做，炒得粒粒分明，但實在太飽了,，要打包。第十道，壽包，完美落幕…Read More

好耐無嚟過虹橋，今晚未夠7點嚟到揾食，見到拉麵店唔使等位之下，就誤打誤撞入嚟試新野繁忙時間要搭枱，都有透明板間隔，有私隱叫咗一碗真叉燒拉麵，好震撼，叉燒鋪滿晒碗上叉燒係用慢煮方法去煮，肉質嫩滑，配上清湯，唔會食到油膩另一碗叫咗半熟卵拉麵，配上濃湯，湯底同樣出色，越飲越想飲每碗都配上一隻糖心蛋，同樣出色…Read More

作為一個香港人，真係勸大家留港消費，支持番本地既餐廳。經朋友介紹，屯門建生邨附近開咗一間好闊落既火鍋店，唔係坐到背對背咁辛苦既酒樓，一於去會一會佢當日5:10已經去到火鍋店門口，原來5:30先開口，可能係我太心急了到了5:20有職員開門了，比我地先入座，咁就唔使係門口呆等啦。為咗唔使諗叫咩，於是就叫套餐，每樣都有d，啱晒我喱d眼闊肚窄既港女套餐由5:30-7:30，$288另加一，除咗刺身頭盤唔可以加單之外，其他食品可以另外加單，包你食到飽如果想自選時段，就$328另加一，兩個小時。枱的空間感相當大，未試過兩人枱都咁闊落。除咗飲品要自己出去攞之外，其他全程有職員招呼。醬料都係由職員放上枱自選，唔使出去同其他人迫。先揀火鍋湯底，可以揀鴛鴦鍋，揀咗沙爹同埋椰子雞鍋，淨係個湯底都好足夠，椰子雞湯底有一大碟雞、桃膠及紅棗等材料，沙爹鍋有鴨血之後再上頭盤，好新鮮既刺身，真係比日式放題更加出式，可惜唔可以加單跟住上咗兩款前菜，酥炸魷魚酥同埋花雕雞腳，魷魚酥攞上枱已經係陣陣香味，食落口係香脆而不油膩，真係食下一條，食下又一條而花雕雞腳就充滿花雕味道，雞腳有咬口。再嚟上主菜，海鮮拼盤、美國黑豚豬肉、美國牛腱肉、手打丸、自家制雲吞、蔬菜盤、自家制嚮鈴。海鮮拼盤，有大大隻飽魚、蝦、蜆、蟶子，除咗蜆有少量沙之外，其他都好新鮮，根本唔需要點醬料都好夠味😗黑豚豬肉，薄薄一片，唔會韌牛腱肉，比豬肉厚身少少，食落好有口感，充滿牛味雲吞、餃子，大大隻，好飽滿蝦雲吞，大大隻蝦，食落好爽口黑松露豬肉餃，好香既黑松露味，豬肉唔會韌韮菜餃，大量韮菜手打丸，有蝦丸、墨魚丸同埋好特別既梅菜豬肉丸，食得出係手打，每一粒都好爽口🥰飲品方面，啤酒都可以任飲，仲有少有既日本樽裝果汁😍好大方呀最後結論，唔使加點都已經食到飽飽，我一定會再嚟過…Read More

復活節前夕及假期當然要留港消費，促進香港既經濟，見到周圍商鋪都結業。好耐無嚟過荃灣廣場，周圍睇下有咩野食見到B1層有間充滿外國風情既西餐廳，今晚係揀佢啦兩個人為咗唔使煩，一於就叫個二人海鮮餐，咩都有。先嚟法式鮮打龍蝦湯配蒜蓉包，龍蝦湯味道濃郁反而蒜蓉包就失色了，唔熱，凍冰冰，有待改善。再嚟泰式柚子墨魚仔沙律，經過之前咁濃郁既餐湯後，要清一清味蕾，帶出柚子既清新味道。再嚟到主角出場，大大盤海鮮盤，睇到嘩嘩聲數之不盡既海鮮，波士頓龍蝦，珍寶赤蝦，大蝦，蟶子，蜆，小龍蝦，青口，墨魚仔，德國腸，粟米，薯仔，西蘭花，可以選配兩款醬汁，秘製BBQ汁及馬拉椰香喇沙汁，個人認為，海鮮都足夠入味，唔需要點醬汁都可以。仲未完仲有一客黑松露野菌燉飯，野菌既味道比較重，鍾意菇類既朋友一定啱食。最後嚟番杯餐飲，繽紛水果茶，可以一解之前既油膩，完美落幕。…Read More

身為牛肉麵控的我，我想試晒香港既台灣牛肉麵，作為一個屯門街坊，見到有新店未幫襯過就要支持下。嚟到屯門巿廣場既2樓，見到門面餐牌有午餐，見幾抵食，就比個機會佢叫咗紅燒牛肉米粉，仲有一杯指定飲品跟餐，可以加錢追加小食大大碗牛肉米粉，有四大舊牛肉，入口即溶，湯底香濃，跟餐叫咗熱蜂蜜柚子茶，唔會好淡，清新之選，追加咗一客酥炸魷魚鬚，完全唔油膩，香脆，好食😋…Read More

聽朋友講，屯門安定開咗間人頭湧湧既海南雞飯，鍾意食雞既我，點都要去試下。今日叫咗一個健康一人餐，有一碟雞，一碟菜，一碗湯，湯好好飲，南瓜湯，可以揀白飯或者油飯，雞都可以選擇唔要雞胸或者唔要雞翼，另配飲品，盛惠$72，價錢中規中矩，算係性價比高如果喺社交平台發限時動態，拍照當日點餐既食物，可以贈送一客小食，叫咗酸辣鳳爪不太辣，好開胃，分量都有5隻，不錯…Read More

最近搬屋，搬到餐廳附近，對附近住既居民嚟講，喱間餐廳係一大選擇，如果搭車嚟就要喺泥圍輕鐵站行5分鐘左右。餐廳座位分室外及室內位置，戶外位置可以帶狗狗。餐廳以西餐為主，亦都有餐蛋麵餐我嚟過兩次都係食晚餐，今次就叫咗美式什扒係晚餐套餐，跟牛角包及餐湯，餐湯可以揀南瓜湯或者蕃茄雜菜湯，焗肉醬意粉係散叫只跟餐飲，+$15可以跟牛角包及餐湯。美式什扒有兩件豬扒，一件雞扒，一條司華力腸，一片火腿，薯角及雜菜，味道係可以，以$168嚟講，係偏貴，如果配一件牛扒就更好，話明什扒，無牛何來什扒呢？焗肉醬意粉，味道一般，肉醬味道唔夠濃郁。反正最欣賞係蕃茄雜菜湯絕對唔係味精湯，好香濃既蕃茄味，有大量雜菜，營養之選…Read More

今日好開心，原本嚟元朗係去食牛腩麵，突發奇想想起過橋麵檔的霸王雞，就轉咗呔啦幾年無嚟過，好期待，果然無令我失望，霸王雞上面鋪滿炸蒜同蔥絲再配上豉油，而最底有大量芽菜，充滿口感，雞依舊好食，雞肉嫩滑，唔會鞋口:)分量同幾年前比較一樣咁多，可以配菜飯或者粉麵，配粉麵既湯底，唔係味精湯嚟午餐仲可以+$6跟冷熱飲品…Read More

經朋友介紹，嚟到位於逢吉鄉既泰cow，實在太偏僻了，環境尚算清靜，附近有地方可以泊車，如果要搭車就請自行上網查詢因為太凍既關係，選擇坐室內，室外位置歡迎寵物🐶🐱一行六人點了以下菜式，香檸大頭蝦🦐醬汁相當好味喺其他既泰國餐廳未試過，剩低既醬汁絕對唔會浪費，可以留嚟點蒜蓉包或者薄餅酸辣鳳爪，生蝦刺身，跟其他餐廳味道略同青檸蒸烏頭，本人都未食過泰式煮法，又幾鮮味同開胃炭燒魷魚，燒出嚟唔韌流心芝士蝦丸，夠大粒，味道不詳，因為本人唔食芝士海南雞，碟雞小得可憐，味道普通滷水豬手，夠入味，入口即溶金粒蒜蓉包，果然越普通既野，就越好食😋茫果沙冰，外觀原本好靚，因為倒瀉咗三分一，無咗面頭既茫果裝飾🙄椰汁斑蘭千層糕，唔值咁貴椰汁西米糕，西米仲硬身，唔得…Read More

今日出荃灣，諗嚟諗去都唔知食咩，但成日路過一間台灣麵都見到滿座，就入去試下啦星期六中午，都有套餐供應，抵讚叫咗一個原味牛肉新竹米粉，本人對台灣米粉情有獨鍾等咗5分鐘就上菜啦，米粉上面鋪面酸菜，未食都覺得好開胃，以套餐嚟講，牛肉有4大件，分量滿意先飲牛肉湯，充滿牛肉既香味，飲完唔會口渴，唔係味精湯嚟牛肉入口嫩滑，無筋，一咬即開，好食套餐另跟一杯飲品，揀熱飲或者豆漿就唔需要加錢，其他台式飲品就另加錢，合理價錢今次由於一個人既關係，所以叫唔到小食，好多款小食都好吸引，價錢唔算太貴，希望下次帶多兩個朋友一齊食…Read More

第一次食海底撈火鍋，由於沒有訂位的關係:(所以6點就到店等位了，好彩的事，等了10分鐘就可以入座了，店內非常熱鬧，座無虛席，服務員態度誠懇值得一讚我選擇了標準蕃茄湯底，好香濃的蕃茄味，可以當湯咁飲，飲完唔會口乾火鍋配料都有好多選擇，有半份或者一份的選擇，可以每款都叫少量，牛肉非常新鮮，食不停口中途有變面表演，也有職員跳舞助興，如果有人生日，亦有專人到枱前唱歌表演，氣氛相當熱鬧，今晚的體驗很歡樂，我一定會再去的小朋友有福利，每人有玩具一份…Read More

好耐無食過放題啦，聽朋友講大鴻輝中心開咗一間好評如潮既放題，就即刻上openrice訂位當晚準備6點到達，淨係睇餐牌都花多眼亂，ABCD餐，本人覺得食A餐已經好多選擇，當晚每位$308+10%，任食兩小時，當然因應個人口味啦，其他餐有蟹腳，生蠔，拖羅，魚子醬，燒榴槤等選擇。等了幾分鐘就可以入座啦，又肚餓又興奮可能星期五晚既關係，都坐咗7成滿，被安排坐在中間位置，座位迫到不得之了，出入都要打側身，有待改善:(除了自己掃二維碼落單之外，可以到出面攞沙律，冷盤，飲品，甜品，少量炸物，出奇地有清酒，梅酒及紅酒等選擇，啱晒飲兩杯既朋友們。先上刺身，甜蝦及帶子帶鮮味，而且大大粒，唔係孤寒之後陸續上菜，壽司，燒物，炸物，仲有羊腩煲，冬菇花膠，選擇多不勝數，都係一般放題既味道，無話特別出色，所以選擇A餐都足夠仲有所謂M字頭雪糕任食，當時眼見只有一款味道，剩低幾杯，都揀唔落手，補貨速度太慢，有待改善！…Read More