sim0__o's Profile

8月12日晚 8 點到入座，叫了一份烤雞及All Day breadfast，待應細心解釋主菜需時20 分鐘以上，我們表示明白可以等。All Day很快上檯，無奈除了煙三文魚，茄汁豆，沙律正常。其餘稍微需要"廚藝"的炒蛋，香腸煙肉全部過熟過咸，炒蛋一塊一塊都算，條腸熟到甩皮甩骨，煙肉都熟得好堅挺。本考慮轉其他，烤雞扒奇蹟地好快上檯。一刀切入去，韌到無倫，唔洗咬一滴汁水都冇，微波爐翻叮質素。呢碟真係啃唔落，揾待應幫手換走碟烤雞，轉沙律保平安算。既然係咁All day就算啦，勉強食幾啖，好彩就唔算太餓。唯一就係待應態度幾好，唔係真係搞唔掂。…Read More

兩個人晚上去抹茶館食二人餐，上次食過二人餐食物好味，包甜品包嘢飲，所以再幫襯。今次食食物保持水準，但員工態度就好差。二人晚餐包咗個個炸物拼盤，我問staff攞沙律醬點來食，點知staff放低碟醬態度勁差咁話｢如果再攞沙律醬就要加5 蚊。｣ 然後好快閃咗去。真係幾離譜下，食炸物好多餐廳都跟沙律醬，個餐298 加1 都3 xx, 問你攞第一碟醬仔講到我好似乞衣咁😂？真係得啖笑，下次唔會再幫襯…Read More

見新開熱狗鋪諗住試下，四眼收銀員員工問我食咩，話某部分食物會等耐d﹐答左佢食咩佢就話要等好耐，我禮貌問佢大概等幾耐，佢就指下後面zip 滿order 嘅board﹐就黑口黑面話：「d單就係哂度，你自己衡量吓要等幾耐，我答唔到你幾耐，總之好耐。」我點知你整order要幾耐，連你做員工都答唔到，客人點知，其實你答個大概時間我都收貨啦，如果你d 單做啱切你不如拉閘唔好接單囉。住西灣河咁耐，係太安樓幫襯咁多間鋪頭，未遇過咁差態度嘅收銀。最後我呆一呆，冇叫野食走左…Read More