雨天妹妹's Profile

前晚去海港食晚飯，野食ok既，菜都幾大碟，燒鵝味道都ok，但係大佬假期前一晚，9點已經開始趕客，直接拎單黎叫你賣單，問佢收幾點佢話10點，然後一直收呢樣收嗰樣，收到無野好收，9點40分直接叫你走。海港特式，趕客，幾好食都係假，下次唔會再去，最憎食到趕死趕命 ！呢個經濟環境，老實講，你咁趕收工，遲早到時你工都唔使返，到時真係恭喜你。。。…Read More

好久沒有入去元朗好好吃個晚餐，一場入到去就打算試一下新菜式，聽聞呢間店好評很多，路過就入去試一下。。。誰不知 。。。我們2人點了串燒丼飯。。。一見到個樣已經心知不妙～串燒雞皮 一食就知係炸的 炸到超乾脆到有點硬～串燒雞亦 個樣已經唔似燒，咬第一啖，完全無味，而且肉非常鞋，似煮熟咗再燒一下，其實都唔知有無燒過，剛星期一去放題食的串燒仲好食過佢。～燒牛舌 好彩肉質淋，有味的，但都係無燒過既感覺，濕濕的。。。3文魚海膽丼飯 ～ 海膽是苦的，3文魚亦唔算係新鮮，米唔覺得似珍珠米，唔似正常日本飯既感覺。講真呢個價錢都無要求，但是老實講，啲串燒，扮下野用火槍燒兩下都好呀，你啲野唔燒咪唔好賣串燒，都幾影響餐廳形象架。總結，你無咩要求，想食平既刺身飯，還是一個選擇。海膽忘記影已經食咗牛舌都無燒過痕跡刺身有小小瘀色呢碟野係最差的，一黎已經灰咗，食咗一啖真是唔想食落去…Read More

好耐無食素喇 聽朋友講，HKU 呢間餐廳聘請一啲輕度弱智既朋友做員工，所以本來唔太喜歡食素既我，都特別去支持下。佢地好有禮貌好勤快，老闆對員工特別有耐心，欣賞老闆同員工既熱誠。厨師每樣配料都堅持唔加味精，連欖菜都親自去炒，非常難得，大家真是要多多支持。食物方面，前菜係非常清新開胃既紅菜頭火龍果配意大利黑醋，酸酸maymay好鬼開胃。三絲五彩卷，佢用付皮包住中間有木耳炸菜菜紅羅白絲，你會食到豆既香味慢慢出黎，感覺清新健康。去到酥香7味脆片，入面係付皮黎，我本來就好鐘意食支竹，食完幾道清淡餸菜，呢味餸非常脆口，而且椒鹽夠哂野味，可以直接刺激下我味蕾。另一道我推介的係香芒鮮猴頭菇，猴頭菇有咬口，芒果夠甜，加青椒濃味得黎又有一種清新生果既感覺，好正。我地加咗個蜜汁素义燒配脆米，呢個配搭我最鐘意，义燒充滿麥牙糖既香甜，配脆米令你口感可以提升到另一個層次，我忍唔住食完再食。甜品大家一定要試芝麻糕，聽講係師傅親自炒芝麻磨芝麻制成，有非常香濃芝麻香味，重點係無一種好甜既感覺，推薦推薦。嗰度有一個XO醬，你可以自助出去拎，本人係重口味寶寶，所以第2度清淡既餸開始，試完味就讓哂啲XO醬入去。呢個醬係師傅特別為全素客戶精心挑選材質親自去做的，食得辣既朋友一定要試下。呢個4位起既套餐，一共有十道菜，另外仲包埋飲品免加一，每位都係$198，佢幾個月會轉一次餐牌，大家去前記得預先2日訂位。…Read More

終於有時間放下相，兩個人食得唔多款，唔記得咗影個湯底 湯底係麻辣併人參雞湯兩個湯都好好味，麻辣叫咗中辣，辣度剛剛好人參雞湯好濃，仲有半隻烏雞喺入面，落足哂料推薦～🐏 崩沙羊肉好好味 有羊羶味 但唔會過份剛剛好🐂 牛胸爽 質素好好 夠爽又唔肥成晚食咗最多係呢樣 2個人可以坐一個Car位，裝修靚同坐得都舒服，值得一試而服務員禮貌係好好既，服務仲非常非常欣勤😆…Read More

今次係平日中午過黎食lunch,呢間outback 真係坐得好舒服，環境好大，坐位好寬倘，又唔限時間，檸茶飲品仲要任加，百零蚊買到呢個質素真是超值。推介～黑糖包 （免費）燒盲槽魚柳美國牛柳扒…Read More

之前公司喺呢度附近，成日行過去食Lunch，呢度啲燒鵝係脆皮而且肉嫩，有煙燻柴香，枱面仲有支好酸梅汁比你自己任加，好鬼死正，重點雙併飯都係60蚊度，送埋湯，加3蚊有埋野飲，簡直係完美。雞 ～ 味道正常，但非常嫩滑。燒肉 ～ 皮脆肉爽，咸度剛好，我鐘意燻蹄 ～ 又厚又大片 …Read More

終於試到喇，120分鐘火鍋放題，兩個女仔唔食得多，我地叫咗B Set之前黎親都大排長龍，最後都係放棄，今次竟然比我walk in 有位。平時食開牛大人覺得佢啲澳洲和牛好好味，但來到呢度，發現別有一番風味，封門柳有貴價打邊爐牛既質素喎竟然。難得在任食場來講，職員態度很好，完全無漏單，食物好快到，抵讚👍坐位唔算太迫，座得舒服👍推介：封門柳 安格斯牛 脆鯇魚骨腩 外面自助的醃菜也好好味 …Read More

中午130去到完全唔使等位，見好耐無食拉麵即管試下。同同事叫咗兩款拉麵，一個係特制赤丸新味，因為每碗有兩片，所以我地一個要低溫慢煮，一個就要燒豚，結果我個人覺得慢煮個豚肉好味啲，但燒那個也不錯。要留意蛋要早點拎起，我食既時間已經無咗糖心，可能唔浸咁耐會好點。湯底方面，豬骨湯夠濃而不太過，呢樣幾好，雖然係赤丸不過唔算辣，想食辣可能要加辣，麵質都算ok，但如果你加底的話，佢係會將麵跟湯麵上呢個扣分，因為食完本來嗰個啲麵都硬哂，你要即時入埋落去，但又會浸得太淋，呢方面希望可以改善。…Read More

經過幾次終於試咗呢間餐廳環境好靚既，坐得都算舒服，服務都幾好，會細心幫你換碟。食物方面，味道大致係好味，份量亦適合35知己，但唯一係有限時，入座計2小時。飲品方面，係好靚加埋好飲既，款式亦加入泰式元素，推介要試下啲cocktail，啱哂影相打卡，呢間值得一試。…Read More

之前經過幾次都想試，今次因為有海港城Coupons ，就即管試下新野。環境好靚既，秋冬黎可以坐外面應該更加舒服。味道方面，不過不失，份量有點細，用咗Coupons 2個人食咗3樣野，叫咗一杯酒，$640用咗2張Coupons ，折咗都要大概$440，好似無咩食過野咁。主要我覺得環境靚，唔介意價錢貴了點的話是可以的，見其他人食美人鍋都幾靚，想坐窗邊最好訂定位。…Read More

父親節前席，連韓燒都Cut埋2人餐，得返4人父親節套餐，我地兩個女生焗住散叫。呢間韓燒我在半年內食過3次，頭兩次水準都Keep得好好，其中一樣吸引之處，係佢會比成棟泡菜比你，你可以自己隨意剪黎食，但今次唔知點解，泡菜味道都差咗，牛肋骨好多筋，反而個黑毛豬併盤就唔錯。餐廳職員9成時間都是無表情同唔應人 😅 接受唔到既朋友真是唔好試，以免嬲嬲豬。…Read More

疫情期間，要分枱坐比我地諗到食鐵板燒其實就可以等如同枱啦🤣我鐘意呢度環境，一邊望到山，一邊望到海，完全無壓迫感，枱與枱距離好寛，現在疫情期間真係唔想坐得太迫。睇住師傅煮野既感覺都治療。食物既味道由於所有食材都超新鮮，而且煮既時間係剛剛好，環境方面我覺得係非常好。除了食物，我特別推介支Sake 🍶天敵 ，係佢地獨家，清爽口感帶一點香甜，配鐵板燒係一流，鐘意飲酒既係一定要試 😎食鐵板燒同食Omakasa 其實有啲似，因為師傅係會因應食材而去安排上菜既次序，確保你由淡至濃咁去品嚐，唔會影響你舌尖上的享受。佢亦會一道一道上，令你可以喺食物最佳溫度既時間食到厨師為你精心準備的食物，讓食材更加發揮得更好，令人回味無窮。依加好似仲做緊，第二個餐半價。…Read More

呢個地方舒服，有窗開揚，師傅細心有禮貌，當然以千零蚊既Omakasa 黎講，刺身雖然未算係最上等，但有蠔有海膽新鮮蝦魚缸游緊水的，大部份刺身都非常新鮮，呢個價錢我係覺得超值的，非常推薦大家試下。唯一當日海膽新鮮度差小小，其他野食好新鮮，我地一行6個美女大家都非常滿意。…Read More

之前在觀塘返工，每次約朋友總係被呢度環境有點迫而最後無黎到，難得今日在附近行街，想食個快Lunch就即管試下。但最後係有輕微失望既，叫咗個慢煮牛撈烏冬，因為牛肉d根真是有點多，最後有渣，不過牛味是有的，味道也還可以，以呢個價錢來講，算係合理。但個豬就。。。睇相已經見到，直接透明狀，比扣肉還嚴重。。。食唔到扣肉既朋友絕對唔建議試。…Read More

Lunch 去海港城搵食，經過見到裝修幾靚入去試下，仲要話喺日本有分店，滿懷希望，我叫咗個壽司定食，先來壽司，奇怪了，為什麼定食無湯無前菜的呢？之後問先話黎漏咗。。。朋友叫咗個牛肉烏冬，牛肉好鞋，湯底一般，烏冬質地係ok的。如果有Coupons 的話可能感覺會比較容易接受。…Read More