FizzZZZ's Profile

半年前黎過天𧶽食乾炒牛河，一試難忘琴日返黎想再食返當日嘅味道，坐低就嗌左個乾炒牛河五分鐘內廚房已經炒好，有個應該二零三十歲嘅姐姐仔，總之就係店面最後生嘅，一黎就將個牛河上錯左去隔離已經食飽飽比人收左碟，飲緊茶嘅叔就張枱度，上錯枱都小事叔叔話我食飽左啦，佢先順勢比返碟牛河拎黎我張枱度但一黎到就唔對路對上一次黎食未夾起河粉已經見到牛片，今次呢碟一塊都見唔到，我為免爭坳，食前成碟搜索完先，發現真係一片牛片都無，就問個姐姐仔個牛河係轉左咪轉左材料配方，個姐姐仔答我：”應該”係咁樣，個時成碟河得蘿蔔芽菜同少量冬菇，我再問會唔會係師傅落漏料，個姐姐仔今次就好肯定咁答我：師傅唔會落漏料，問都無問廚房同同事就咁敷衍我，明明由唔肯定都變做好肯定咁嘅態度，我比佢拋到咁人地都講到咁我無辦法啦照食，食食下途中隔離枱有個婆婆就同一名男侍應講個魚香茄子無茄子嘅，男侍應即刻拎返入廚房換返比婆婆，半個鐘內已經有兩張枱上嘅菜同以前唔同，包括牛河無牛，魚香茄子無茄子好相信廚房換左人，係咁落漏野，無奈地我呢個時候已經食左超過一半，都唔敢叫男侍應幫我換，只怪自己唔好彩問錯人，呢次咩都無得追究，但我就選擇唔會再黎，真係好怕又搵錢買難受，想支持下素食沙漠嘅齋舖都唔得個姐姐仔除左hea人之外，仲會就咁拎住個麥當勞有肉嘅漢堡係舖面食，一路行一路食又有，食食下仲將個包放左落收銀處旁素點心個櫃，好唔衛生，同時對要守齋戒嘅人好危險，係齋舖做野竟然就咁帶肉入去食，仲要拎出舖面，甚至放入放滿素點心嘅櫃度，真係不得了，佢仲會係舖面爆曬粗同同事呻講一啲岩岩幫襯完走左嘅客人不是，呢啲場景我影唔到相，但好肯定呢個人同齋舖格格不入，希望天𧶽老闆會注意下自己請左個咁嘅員工Btw今次黎雖然好唔愉快，亦都決定唔再黎，但都想讚下另一位男侍應，招呼周到，加水主動，同埋積極咁幫另一枱魚香茄子無茄子嘅婆婆附上兩張相一張係琴日食無牛嘅牛河另一張有圈圈嘅係上次黎食，好好食好多牛片嘅牛河…Read More

好多年前食過富山麵家覺得唔錯，但平時較少出港島已經好耐無食，今日放假黎再嚐滋味冠軍黑醬油拉麵湯底清香有層次，麵身彈牙，配料份量適中素食味噌拉麵難得嘅素食拉麵，幾欣賞富山推出素食拉麵，方便到素食者，而且味道都相當唔錯肉汁滿滿餃子肉汁真係幾滿，餡料偏濕潤素食餃子好重好濃厚嘅黑椒香味，餡料較肉餃子乾身凍鮮泡蜂蜜綠茶清香帶有淡淡果味，消暑解渴熱白桃綠茶桃味香，茶味清，有驚喜士多啤梨布甸滑捋捋，清香帶有淡淡士多啤梨，黎到先知做緊優惠，2人黎食每人送沖繩豬軟骨或布甸（士多啤梨/抹茶），4人黎食每人送沖繩豬軟骨加布甸（士多啤梨/抹茶），下次要拉多兩個人一齊黎食先得水準依然係度，唔怪得可以成為東京拉麵show5年冠軍🏆…Read More

以前係灣仔呢頭返工，轉左去第二區返工後好耐無專登入黎呢頭，約左朋友一齊係港島區行街食野，係中環食完午餐，夜晚黎到上環食晚餐呢間餐廳裝修同枱櫈好懷舊，有bar枱，本來想影下個bar枱不過有唔少人飲緊野，驚影響到人都係唔影了😂最推薦係白汁煙肉意粉，份量多都不在話下，好似其他餐廳嘅兩倍份量咁味道非常出色，忌廉味道濃郁，煙肉量多，意粉口感岩岩好唔會太硬唔會太淋薯條薯味濃，大大碟素食薄餅有各種蔬菜，均衡營養可樂附有檸檬片整體非常出色，上菜快但食物夠熱辣辣，味道有少少家的感覺侍應貼心，兩人食野淨係嗌一個飲品會主動比多杯水👍🏾…Read More

好耐無去茶樓飲啖茶食點心咁嘆了,富東閣依家無開門,好彩我十二月時黎左富東閣攞返飲茶食點心嘅感覺第一次黎,見啲點心都幾抵食,味道都相當之唔錯椒鹽豆腐炸衣夠薄,上面嘅味粉唔會太多,整體做得好好,好惹味海蝦伊麵有好多隻蝦,伊麵份量都幾多,而且好多芝士,味道唔錯呢碟裏面有叉燒腸同蝦腸,蝦肉彈牙,叉燒入味,腸粉唔會太淋太硬,做得唔錯流沙包大大隻,味道中規中矩馬拉糕大大份夠抵食,回彈力高水晶包唔推薦叫,個皮有啲硬同埋啲餡料爆左出來,黃色個粒食落唔似奶黃,但食唔出係咩饀大致上都相當唔錯,價錢都幾平,不過唯獨係水晶包唔推介比大家…Read More

天氣又凍又就黎十二月啦,已經感受到少少聖誕氣氛但又唔鐘意假期出街怕人多,提早少少食餐飯慶祝上網搵到Chalet,見到裝修好有歐陸嘅感覺好靚book左位黎食下,餐廳已經掛曬聖誕裝飾,加埋本身裝修靚,好有氣氛煙燻帶子海膽意粉意粉彈牙,醬汁中有淡淡海膽嘅鮮味,帶子新鮮甜美黑松露薄片意大利飯配美國大啡菇牛肝菌泡沬以前試過係其他餐廳食過太生嘅意大利飯胃痛,呢度嘅意大利飯煮得岩岩好唔會生,牛肝菌泡沬味道較淡,不過牛肝菌薄片將菌香帶返出黎,加上飯入面有大量菇菌,成個飯充滿菇菌嘅香氣甜薯條我人生中食過最好味嘅甜薯條,講到好誇張但係係事實,本身諗住嗌兩個薯條算,因為自己本身鐘意食咸味嘅野多啲,加上以前食過嘅蕃薯條無令我好想再食,但第一次黎又唔想淨係試一樣野,所以最後決定都係嗌埋蕃薯條炸皮好薄好脆,內心唔會太軟,表面灑上少量鹽嘅微咸同蕃薯本身嘅甜味非常配合,今次我反而食少左薯條,食多左甜薯條芝士薯條大致唔錯,香脆有薯味凍朱古力偏甜嘅一杯朱古力,朱古力味香濃店員友善親切,服務同食物都好滿意期待下一次再黎食過…Read More

由油麻地行去尖沙咀途中見到有個餐牌放左係路邊停低睇睇原來係lockeroom但見到價錢平過旺角lockeroom好多,好奇又肚餓下入左餐廳睇下咩料原來同lockeroom dining唔同,呢度係lockeroom express,係自助形式嘅係出面叫完野食返位等左陣就有得拎野食呢度嘅餐具都係即棄,湯可以自己拎冰島鮮蝦菠蘿漢堡漢堡包熱辣辣,烙印超靚,薯角超香薯味,鮮蝦炸扒爽口,加埋醬食非常惹味白松露忌廉野菌天使麵配溫泉蛋可選意大利麵,意大利扁麵,長尖通粉,天使麵同意大利飯,我揀左天使麵,麵質彈牙,白松露醬香而不油膩,溫泉蛋煮得岩岩好自家制蒜蓉包(4件)軟身嘅蒜蓉包有部份烘得脆脆嘅,蒜蓉味同牛油味超香,一口接一口停唔到呢度食物質素同lockeroom dining 一樣唔錯,budget無咁多時黎食都幾好…Read More

同朋友幾個月無見，最近佢轉左新工係荃灣返工，一於同佢係荃灣佢聚一聚傾下近況自己成日見到DiffCafe有好多好評，我就建議黎呢度食下野餐點選擇有成十幾版，估唔到舖仔唔大但可以煮出咁多美食最後我地都各自揀左一樣辣嘅野食沙律菜新鮮爽脆，份量合理餐湯(南瓜湯)味道超濃，飲落無南瓜根超creamy，仲有少少栗子味 ，最少要韓國或者日本南瓜先做到呢個質素韓式芝士泡菜素豬肉長通粉長通粉彈牙，泡菜份量略嫌多左啲，所以有少少偏咸，但整體調味都算唔錯香蒜欖油素菜意粉呢個意粉就反而較為清淡唔咸，各式蔬菜同意粉炒埋都夾，但辣味比泡菜長通粉更辣，唔太食得辣嘅人要準備定紙巾包雲吞如果唔係想食嘅野唔係套餐list入面可以加錢轉套餐就會用埋沙律/餐湯同埋普通餐飲，另可補差價轉各式特飲，加埋錢轉套餐都幾抵食…Read More

今次係朋友帶我黎食，餐廳雖然係樓上舖但都幾易搵幾方便，食物同服務都唔錯，飲品同食物款式好多，特飲同酒都好吸引，不過今日時間尚早就無飲酒啦🤣濃味野海鮮喇沙天使麵 上枱已經喇沙味飄香，上有各式喇沙常見嘅海鮮食材，仲有超多我好鐘意嘅豆卜，配上天使麵感覺幾新鮮賭城心太軟 上次黎無試甜品，今次order左個心太軟試下，從未食過咁多流心咁足料嘅心太軟，一切開朱古力醬差啲流到落枱面，朱古力味香濃順口，配上士多啤梨味嘅雪糕食非常之夾，極力推薦黎呢度食要嗌心太軟比利時窩夫 窩夫份量多，上面淋上香甜嘅朱古力醬，芳香撲鼻，朱古力雪糕加埋新鮮嘅生果好適合同窩夫一齊享用，配搭唔錯另外餐廳座位都坐得舒服，整體都非常滿意…Read More

石鍋蟹籽彩雲拌飯$88琴晚係萬聖節嚟到觀塘小火焰餐廳，侍應都有Cosplay魷魚遊戲入面幾個角色，好應節好有氣氛石鍋蟹籽彩雲拌飯$88上枱熱辣辣而且色彩繽紛賣相好靚，石鍋一路熱飯一路會有飯香出，未食都流曬口水🤤入面有黃色醃蘿蔔、青瓜、菇、紅蘿蔔絲、蟹籽、紫菜等等，連埋韓式醬撈埋一齊食更有風味韓式甜辣醬年糕炸雞半份$108年糕唔係平時食開手指咁粗個款，而係幼一半，沾到好多醬汁幾惹味。炸雞有4件左右，雞上髀同雞腿都有，炸得外脆內軟，唔會太辣韓風石板炒野菜 $78食完炸雞食返蔬菜黎減低罪惡感，份量好多，多款蔬菜炒埋一齊，放上鐵板都幾特別😼…Read More

早幾日去左荃灣買野，每次去荃灣呢個美食集中地都一定唔會放棄搵野食嘅機會，點都要食返一餐先返屋企，間間餐廳都要排隊，最後揀左想試好耐嘅初見初見特選蟹王刺身丼蟹蓋上鋪滿蟹肉絲，超多蟹膏，上面有成匙咁多嘅魚子，仲有帶子同海膽，每樣都有啲啲，一次過滿足曬想食各種刺身嘅慾望豆腐素菜味噌湯拉麵材料份量多且豐富，各式菇類同雜菜鋪滿碗面，不過料中有鳴門卷同竹輪，素食者要留意日本信州蘋果汽水飲落似有氣蘋果汁，唔太甜，整體感覺唔錯…Read More

今日黎左大圍探朋友，朋友鐘意食韓國野，我咁順得人就同佢一齊食韓國野，夜晚黎到要等下位，都幾多人 朋友食個啲我就無影啦，同大家share下我食左啲咩柚子明蝦水冷麵 $108+ 雖然天氣涼左但都係好想食水冷麵，平時自己唔洗食辣淨係食熱野都好易流鼻水，水冷麵真係岩曬我😻 蝦大大隻又爽口，柚子香甜，麵量仲要唔少，性格比高炸紫菜卷 價錢平，$48有5粒，炸得幾香，外脆內軟，入面內餡類似粉絲嘅粒粒，都幾好食荔枝乳酸特飲 $38+ 好大杯，冰量唔算多，份量合理，店員放低野飲時提醒撈勻杯底嘅乳酸先飲，飲落冰涼充滿荔枝味，岩我口味…Read More

珍珠奶茶🧋熱潮成十幾年都無減退過，中學嘅年代差唔多日日放學都會買一杯珍珠奶茶，但年紀大左都唔敢太放肆食太多糖，今日難得約左朋友黎石門食晚飯順便懷緬下中學時青春嘅時光珍珠鮮奶茶 $28奶比例較重但同時不失茶香，珍珠煙韌有咬口，滿滿糖香椰香珍珠奶茶 $32對住椰子味產品真係無法抗拒，呢杯茶香無咁重，但啖啖都有椰子香味，椰味充滿成個口腔另外一定要講就係店員非常友善，因為朋友唔太鐘意牛奶，問佢其他飲品有咩材料，有無牛奶都耐心回答👍👍…Read More

差唔多全港嘅Donki分店都行過，不過就係未去過將軍澳店，前幾日專登入將軍澳行街，順便搵下有咩好野食係Donki附近比我見到呢間好有格調嘅餐廳，有Bar枱，店員殷勤親切，食物質素高，價位中等，性格比高香辣薯角 Spicy Wedge $70份量好多，差啲食唔曬，香脆薯味重，辣味再重啲就更正白汁辣椒意粉 Linguine Aglio E Olio $125平時食西餐嘅素食意粉通常都係菇菌類配搭為最常見，見到與聚不同嘅白汁辣椒配搭即刻嗌黎試下，調味微辣，意粉超超超彈牙，非常出色芬達 Fanta $35芬達用個靚啲嘅杯裝，係舒服嘅環境下飲係特別好味，特別relax💆🏼下次要專程入黎食…Read More

平時自己出街食野都鐘意食啲唔太貴嘅野食，唔係對食無要求，而係平野貴野都有佢嘅美味之處，兩者我都欣賞呢日想有啲新意思食啲平時唔會食嘅野，黎左銅鑼灣皇冠假日酒店嘅意大利餐廳Wild Strawberry 呢餐我最愛嘅係呢款甜品，開心果碎灑係牛奶味意式雪糕上面，配埋士多啤梨醬嘅酸甜味非常可口，仲有雲呢拿cream加埋雪糕香濃細滑，意式雪糕嘅延展性真係抵抗唔到Red Prawn Spaghetti Chitarra大蝦超大隻，肥大肉厚，意粉彈牙，簡單用羅勒同蕃茄調味已經非常出色，食得出食材嘅新鮮Aveyron Lamb羊肉鮮嫩，肉汁豐富，羊羶味輕，第一次食呢種叫Artichoke嘅蔬菜打成嘅醬汁，味道幾清新…Read More

港島區黎講竟呢間餐廳真係好平，價錢同新界同九龍區差唔多黎到無乜人堂食 但就見職員做外賣做到唔停手今日返工太辛苦好肚餓 要食多啲野黎獎勵自己帶埋女朋友一齊黎食 揀左四個小食 一飯一麵溫泉蛋比較似溏心蛋 質感介乎溏心蛋同溫泉蛋 加埋醬汁味道唔錯郊外油菜不過不失正常水準素食春卷上海菜飯 豆漿貼心地有素食選擇 仲要有六件春卷咁多 炸得香脆 餡料味道ok ，豆漿同平時係粥舖飲個啲好似，豆味濃東坡肉熱拌刀削麵 估佢唔到仲大碗過餐牌圖 東坡肉超大舊 煮得夠淋夠入味 麵質彈牙酥炸雲吞餡超多 脆卜卜 點埋醬食超惹味涼拌青瓜味道香 如果再加少少醋味道應該會仲正…Read More