Sinsin10's Profile

第一次來吃，Google map上book位。星期六晚上無乜人，下次可以直接walk-in .有免費供應水，另外叫有氣水也不貴，$50左右。我們一家叫了一份buffalo blue雞翼，半份Krispy Fried Chicken (KFC), one rack of Baby ribs 及一個辣burger, 甜品叫了Xmas限定好味cake. 埋單$1060.Buffalo blues: 香辣香脆，點芝士醬，必叫。KFC: 半份也夠吃，肉厚香脆。炸粉有媽咪麵味。Ribs: 全份係好多，一人吃幾件，不肥，肉多不乾，好吃。辣burger: 辣椒是ghost pepper , 比較死辣唔夠惹味，可以自己加茄汁調味。…Read More

餐廳在戲曲中心一個隱閉處，不容易找。冷氣充足，員工殷勤，最緊要係方便來睇表演嘅人可以在此吃完晚飯，坐一陣，慢慢上去劇院。今日係睇7:30pm, 所以reserve左6pm, 我早了半小時到，這裡在5:30-6:00pm係比較少人，但6pm後就全滿座，部分walkin入座食客要應承7pm交枱。我們二人，叫了招牌菜，黃鱔煲仔飯及菠蘿叉燒。另外，再叫了紅燒豆腐。order左一壺白茶。呢度有幾款茶葉，可以叫一壺慢慢歎。食物方面，煲仔飯係好吃的，黃鱔脆口，飯粒乾身，煲底的也脆口，味道開胃。菠蘿叉燒有趣，賣相出色，菠蘿甜，叉燒較肥及鬆化，不焦脆，不咸，如果喜歡焦香或者怕肥就未必滿意。紅燒豆腐一般。值得一提的是這裡上菜速度很快，完全不擔心趕唔切睇show.…Read More

星期四晚七點幾來食碗雲吞麵，可能因為下雨，所以不多人排隊，排幾個就到了。餐牌其實沒什麼選擇，主要食雲吞麵，或者雙併麵，侍應殷勤有禮。有趣的是侍應姨姨告知原來每日很多遊客來試，卻有很多不欣賞那麵條。我由細到大都有在不同地方吃雲吞麵，那麵正是傳統正中嗰種，我覺得很好吃！$40碗，是現在物價了，三人來到這裡願意搭枱較快有位，下次再來！…Read More

日日經過都係滿座，去到門口Walk in一定係冇位，亦都唔樂觀可以喺門口排隊等walkin,有一次又係咁樣經過冇枱，所以心血來潮即刻叫當值侍應留枱要七日後先有枱咁就book咗六點食晚飯。去到嗌咗兩個Pizza，兩個都好好食，另外嗌咗一個Beef Tartar ，及一個caprese, 呢啲竟然無調味，所以嚟呢度真係淨係食pizza好了。飲品唔貴嘅，不過Aperol spritz 也是調得唔夠好味。如果下次再嚟淨係食pizza就算。…Read More

偶然來此吃午飯，叫了四寶飯，有驚喜！燒煵仔好脆好好味！份量適中！即刻睇下外賣幾$，$90可以買半斤，下次可以加餸！老公及仔也喜歡這裡的油雞叉燒。餐廳入面有十多個位左右，比較迫，但可以堂食快食也ok. 今日水吧無奶茶，凍咖啡麻麻。凍檸茶和熱檸茶也是可以的熱飲加$5凍飲加$7。…Read More

尋找好味tartar,特登來試beef tartar. 仲叫左大份，點知好酸好辣，我哋食唔晒，失望！紅酒house wine $97 (Rhone Valley)三人行坐最入的四人枱，是貼牆高枱，靠近㕑房，可窺探㕑師煑食物，高櫈子有腳踏，算坐得舒服，店內全部枱都是高枱，櫈也是一張張獨立高櫈，唯獨呢張係好似卡位咁嘅梳化高凳，坐得好舒服。法包係好味嘅，有encore.雞真係好難食，因為隻雞好嚡好老，直頭係韌嘅，裏便冇味，但係外邊係脆。南瓜risotto ，好味份量夠大。埋單$1000鬆啲。好飽。…Read More

我同老公昨晚第二次去食。上次胡麻汁湯面我老公讚不絕口，見到好多遊客去食，其中有啲人係一個人叫一個冷麵，個冷麵個份量好大賣相多幾好，今次佢決定返兜試冷面。我哋叫手撕雞冷麵麻辣味，啲汁好香口好好味，我哋唔係好中意超辣嘅，中辣啱啱好，啱晒口味，D雞肉超多，order埋單其他嘢的話，一個人係食唔晒。我哋仲叫左豬肉餡餅、九菜餃，加$13有杯凍檸茶。超飽都唔使$200落樓。呢度啲粗麵口感係好煙靭及硬身，牙力唔夠或好肚餓唔想趙，可能不喜歡，店員已經提左我，下次可以叫煮冧D，我下次叫中麵。餡餅D料好入味，舊皮好厚，面嗰浸外皮係乾硬脆，見D人極力推薦，但我就麻麻地個皮。…Read More

第一次食，7:30pm open rice訂座，當日有6字頭電話打嚟同我確認。我哋一行三人準時到，安排坐樓上的四人枱，頭頂已經有冷氣，但唔係好夠凍，幸好後尾樓梯側開咗把風扇，好好多。侍應年輕人，做嘢快手，水杯不斷裝滿。讚！食物真係好得！咖啡又得！特別推介二人餐$688，沙律，clam spaghetti 同豬鞍, tiramisu也好吃，另外叫scotch eggs yummy!上菜少少慢，一樣食完之後才有等二様.House white 唔好飲。但只係加$40.…Read More

十一點幾來吃早餐，可以食疏乎厘！正！呢度侍應多過食客，但是招呼麻麻，佢哋沒有留意我哋，我地每一次也要叫出來才招呼我們，我哋坐低後忘記了給我們QR code下單，我地找侍應order叫了他們第一次，coffee 送至後，枱上沒sugar,我們又叫多次, 侍應拿了sugar來，但又沒給small spoon for stirring. 我哋又叫第三次。其實十分難叫侍應，因為佢哋人多，但一係背住，一係行過就走，一係傾計，總之就不會望下、留意下我哋呢枱客。最後埋單，我也是等極都無侍應望過嚟，所以我行去其中一個度叫埋單。咁食物方面，coffee麻麻，疏乎厘好好食！…Read More

下午一點幾，我哋避雨來到QRE, 在這間新店吃點心！這裏裝修唔錯，坐位寬濶，侍應有禮，窗口大可望到出面，我們坐得很舒服。用QR code order點心，order完等大概10分鐘就上枱，點心全部熱騰騰的，奶黃包比較好吃，流心的，奶黃包的皮比較實，如果軟熟D更好吃。這裏的點心口感比較乾一點，肉比較乾及硬，例如珍珠雞入面D肉一舊舊乾乾的，燒賣也是實一點的口感。小龍包皮也是比較厚，沒有多少湯在內。金錢肚ok. 蝦米腸ok.2:30 last order.廁所乾淨。…Read More

此餐廳是我常常光顧之一，其中的原因係我沒有提早訂位，即晚打電話去訂通常都有位，星期五分兩輪：6:15pm及8:15pm. 因為當日兩場也未full, 咁我就可以book 8:15但7:30-8:00也可以順利入坐。Grissini 仍是至愛，一次俾三條，脆口又熱，點vinegar 及olive oil十分美味，差不多一上枱即清，今次再添的速度沒以前快，不過我哋也各吃了三條。點了一杯sparkling wine. $9x, 帶甜，是我喜歡的味道。前菜叫了yellowtail carpaccio and beef tartar with caviar.我地覺得味道普通。沒有驚喜。Pasta我哋order了lobster spaghetti 及墨魚黑汁麵，我老公覺得lobster及squid 也鮮甜好吃，意粉也彈牙。我就覺得普通，我比較喜歡sauce 要好tasty. 這兩款sauce比較淡。我哋也叫seabream,煎香的。也是正常，不是特別好吃。另外我們叫了clay pot chicken，係侍應介紹，我覺得真係幾好食，份量也大，吃完十分飽！最後又係最愛的tiramisu,依舊係超級好食！咖啡也是老公喜歡的。附送的朱古力okay好食，另外的黃色餅太甜。總括來說，grissini and tiramisu 一流，為了它們，我哋仍是會常常來幫襯😊…Read More

有一次食完附近川菜，阿仔話就嚟生日自己行入去book左呢間餐廳。日子到了，我哋準時出席，被安排了最入面嗰格，靠窗位置。餐廳坐位寬濶，坐得舒服，當天同一格另外一枱客，所以很private.侍應很體貼，不斷有為我們添水，食物全部都很好吃！House bread 很豐富好吃，湯的材料也很多，味道鮮甜。吞拿魚他他with caviar 調味充足。下面呢個好似係前菜，唔記得咗係咩。意粉的份量適中，味道一流。牛煮得正常好食。甜品也不錯。因為慶祝生日，有甜品送！享受美食，感覺廚師很有heart!…Read More

在荃灣找地方坐下消磨時間，來這間散叫點心。本身無乜期望，但今次有驚喜！可推薦大家去食：窩夫春卷，個外層一格格又脆又好味，份量足。鮑魚酥：好大隻鮑魚（寸幾兩寸左右長）個tart好脆又好味，$88好抵食。燒賣：好味，面頭有黑松露脆炸奶：ok蝦餃: ok混醬腸粉：ok叉燒包：不行（唔好食）麻辣牛肚:不行 (唔夠熱、份量少）…Read More

之前lunch來吃過，個扒好好食，所以諗住帶老公及仔來吃。可惜，今次吃晚飯的經驗是很差，恐防以後都唔會再來。第一我們叫兩款不同的牛扒，而12安士的ribeye竟然少到和同時上枱只有8安士的sirloin一樣size. Order時竟然沒有問我地要幾熟，上枱時都沒有問要唔要salt and pepper or mustard. 最後我要去廚房問人攞，侍應正在洗碗，佢濕住雙手拿salt and pepper給我們，嗰兩支嘢俾佢摸到濕晒，我見到都好驚。佢一路都係好有禮貌好想serve us 的，只能怪太不夠人手吧！味道不屑一提。…Read More

星期二來吃晚飯真係好靜，得一兩枱。個女侍應真係又殷勤又友善，佢主動建議我哋吃什麼，我們二人叫了兩個pasta share, 呢度個carbonara無得輸，是即場直接放入大大舊芝士度又有火槍溶芝士，又撈又燒，所以cheese味很濃，yummy!另外truffle ravioli 很香，味道也是很好，不過吃完濃味的carbonara 有機會會覺得個ravioli淡，所以吃的次序要留意。甜品完全難食，sorry. 個chocolate cake仲硬過brownie,無spongy cake, 無言。tiramisu not really taste good, just do so.…Read More