Iris1410的個人專頁

之前去過食午餐，覺得食物一般，不過不失，18/5 同朋友想搵個地方飲下酒，食下串燒，所以再去一次，日本清酒價錢中規中矩，串燒雖然唔算多款，但味道都可以，刺身ok,蕃茄牛肉烏冬我仔話好食，另外花膠雞烏冬，花膠ok,個雞就普通，服務員都有禮貌，基本上整體感覺良好，下次有聚會會再去…查看更多

幫襯左好耐既炑八，一家三口有幾個月冇黎。今日5月4日去食午餐，去到九龍灣嗰間，一去到，有位，不過我哋坐低左，就聞到一陣臭味，要求換枱，服務員都換咗比我地，咁開始點餐，其間發覺餐具好污糟，換咗2次，先比較乾淨，點完餐，佢地例牌放每人一份調味醬料，但係我哋3個人，佢比左2份，我同服務員講左3次欠左一份調味醬料，都冇人拎比我，最後一次有個好似比較高級少少既服務員，我話我講左3次都冇人拎份調味醬料，佢即刻用一D好串既語氣係我哋面前大大聲同其他服務員講，喂，呢張枱爭份調味料呀，人哋追左3次喎，唉！依家D靚做野係咁，（我想講，呢位睇落高級少少既服務員，其實佢D態度都好差）佢其實好似串緊我多D，之後我哋食飽就走，以前黎炑八，都覺得幾好食，依家食物質素唔係太好，不過見食午餐唔係好貴，所以都覺得可以接受，但係今次黎，真係覺得D服務態度唔得，希望有待改善！…查看更多

第一次行入間餐廳，感覺很舒服，服務員態度非常好，很親切，食物味道很不錯，慢煮牛肩（我老公同個仔都話唔錯）黑毛豬煲仔飯（我個人喜歡呢個，因為估唔到西餐都有煲仔飯食）泰式芫茜辣雞胸（又比想像中好喎！辣得嚟D雞肉又唔諧）樣樣水準都很高，飲品方面，調酒師設計左好多款飲品，賣相又靚，又好飲，大人細路都有啱飲啱食，打卡一流！再去第二次食午餐，墨魚汁意粉，青咖喱炸魚，都係好好味！自己已經推介比朋友！朋友也讚口不絕！真心講，以一間小店來說，值得推介！…查看更多