呢日與朋友試下呢間外觀sharp醒到爆既208 Italian。雖然未知好唔好食但起碼打卡肯定一流。佢起正水坑口街斜路之上，離到遠一遠已經望到，唔識路問人「橙色個間餐廳」相信都一定會知道。餐廳有兩層，座位都好足夠，唔係大時大節的話應該可以坐耐D。入面裝修企理，枱同枱中間空間好足夠，傾偈唔怕嘈到人。仲有張大bar枱，見到有人自己一個chill住淺酌，睇落都幾好feel。由於位侍應姐姐都好熱情幾好傾，我地就叫佢推薦幾個最好食既signature dish啦，以下逐款講兩句
izza 208 (素)個pizza用到餐廳名咁有信心，唔使諗一定要試下啦。侍應姐姐起我地面前𠝹開左個我以為係流心蛋既白色球體，再搽勻起pizza表面，原來係叫做「burrata」既牛奶芝士，入口令我非常驚艷，口感清新似忌廉，冇騷味而係淡淡芝士香，作為topping恰到好處唔會搶晒。蕃茄sauce夠酸夠新鮮，與芝士非常搭配，而餅底亦非常香脆。Highlight係第一次食到完全唔苦，但口感一樣既火箭菜。成個pizza都驚喜處處，又特別又好味，必試推薦！墨汁蛋麵 (Squid Ink Tagiolini)未serve到上枱香蒜加蟹肉香味已經撲鼻而來。個麵如你所見非常juicy，sauce以香蒜加蕃茄加莞茜必殺組合熬煮，夠晒惹味。入口麵質唔似一般意粉，有D煙韌同埋淡淡蛋香。當然最重要係蟹肉鮮甜又夠大嚿，新鮮小蕃茄微酸，仲有D細細粒既橄欖，味道層次好豐富，一碟3個人分真係唔多夠食。Half Chicken “Cacciatora”Half Chicken “Cacciatora” 係蕃茄加蘑菇Sauce為主既半雞，唔算驚艷但隱陣地好味。雞肉好鮮嫩完全冇雪藏味，好欣賞雞髀啖啖肉非常滿足。伴碟既芝士薯蓉”Polenta”反而十分驚喜，食落有空氣感好鬆軟唔會飽滯，仲好有蛋同芝士香味，同個酸酸地既Cacciatora sauce好夾。Tiramisu甜品我地就一早揀定左tiramisu，果然冇令人失望。酒香好突出，襯托到香濃既咖啡味，蛋糕口感鬆軟綿密，最重要當然係香港人最高讚賞「唔會好甜」，作為一餐既結尾剛剛好，唔會飽滯而又有少少意猶未盡咁。我地埋單一人係$300左右，仲包左一人叫左一杯飲品，非常之經濟實惠，絕對要再黎試埋其他菜式。…Read More
izza 208 (素)個pizza用到餐廳名咁有信心，唔使諗一定要試下啦。侍應姐姐起我地面前𠝹開左個我以為係流心蛋既白色球體，再搽勻起pizza表面，原來係叫做「burrata」既牛奶芝士，入口令我非常驚艷，口感清新似忌廉，冇騷味而係淡淡芝士香，作為topping恰到好處唔會搶晒。蕃茄sauce夠酸夠新鮮，與芝士非常搭配，而餅底亦非常香脆。Highlight係第一次食到完全唔苦，但口感一樣既火箭菜。成個pizza都驚喜處處，又特別又好味，必試推薦！墨汁蛋麵 (Squid Ink Tagiolini)未serve到上枱香蒜加蟹肉香味已經撲鼻而來。個麵如你所見非常juicy，sauce以香蒜加蕃茄加莞茜必殺組合熬煮，夠晒惹味。入口麵質唔似一般意粉，有D煙韌同埋淡淡蛋香。當然最重要係蟹肉鮮甜又夠大嚿，新鮮小蕃茄微酸，仲有D細細粒既橄欖，味道層次好豐富，一碟3個人分真係唔多夠食。Half Chicken “Cacciatora”Half Chicken “Cacciatora” 係蕃茄加蘑菇Sauce為主既半雞，唔算驚艷但隱陣地好味。雞肉好鮮嫩完全冇雪藏味，好欣賞雞髀啖啖肉非常滿足。伴碟既芝士薯蓉”Polenta”反而十分驚喜，食落有空氣感好鬆軟唔會飽滯，仲好有蛋同芝士香味，同個酸酸地既Cacciatora sauce好夾。Tiramisu甜品我地就一早揀定左tiramisu，果然冇令人失望。酒香好突出，襯托到香濃既咖啡味，蛋糕口感鬆軟綿密，最重要當然係香港人最高讚賞「唔會好甜」，作為一餐既結尾剛剛好，唔會飽滯而又有少少意猶未盡咁。我地埋單一人係$300左右，仲包左一人叫左一杯飲品，非常之經濟實惠，絕對要再黎試埋其他菜式。…Read More
