花c9媽's Profile

係紅磡新開羊肉粉店 佢旁邊都有一間開左好耐的貴州羊肉粉 今次試下新野羊腩粉 $78 可轉紅薯粉 面 等 紅薯粉幾滑幾好食 味道好味 湯底好香羊味 羊腩同粉嘅份量都ok 👍 湯粉配料有花生 香菜 生菜 芫荽 羊腩大細唔錯 唔係俾肉粒肉碎 真係羊腩煲中的羊腩 而且唔係俾得好少（不過上次食俾得唔多） 果然任招牌菜羊肉米線 $68 羊肉片俾得幾足 且大片 好香 肥瘦剛好 米線都好滑 湯頭同羊腩粉差唔多 配料都一樣 我都好鐘意可選不辣同其他辣度 我地選不辣附送的一碟醋青瓜好食而家新開張仲有88折 要襯仲有折快啲再來食多幾次先 …Read More

小店位於轉角位，主要做外賣生意，旁邊有堂食位置。見網上評論主要係推薦蒜香花甲湯粉絲，所以特登來到叫一碗外賣。店主好好人，見我拎咁大個自備盒仲問要唔要多湯多芫荽:)本來有啲擔心唔加餸會唔會唔夠飽，但花甲份量唔少而且新鮮，湯底蒜香花甲味好重，亦有好幾舊豆卜，金菇，少量生菜。 高質，推薦，會再食！…Read More

🐈‍⬛🐱貓廬，一聽就係充滿貓貓風格嘅餐廳（不過無真貓），位於紅磡廣場對面嘅小街。店舖座位比較少，約有4-5枱加高枱，當日食lunch，keep住都有人等位同叫外賣。由於店內得一個廚師，野食都係即煮，所以都需要等下。餐牌選擇都幾多，都係偏日本西餐類，家庭式定食。之前都見網上好多人推介三文魚同牛肋條。今次同朋友，就分別叫左薑汁豚肉野菜烏冬（$78）同紅酒煮牛肋條配意粉（$78）。介紹主菜前先講下個餐包埋嘅沙律同前菜。當日嘅沙律係火龍果菜沙律，好清新同新鮮。前菜係海蜇，彈牙爽口夠味，都唔錯！裝主食嘅器皿好可愛，係貓貓～～好岩打卡用人士（姐係我）先講我叫嘅豚肉野菜烏冬，豚肉同菜同烏冬嘅份量都幾多，而湯底有淡淡嘅薑味，絕對唔係味精湯底。而烏冬似係讚岐烏冬，好彈牙同掛湯。整體好食！畫龍點睛嘅部分係上面嘅甘荀都係貓貓形好可愛～另外朋友點嘅紅酒牛肋條意粉，個汁味道唔濃，岩岩好。而家牛肋條份量都好足，大大舊又腍，夾扁意粉食十分滿足。食哂都唔會有好膩嘅感覺。隨餐仲有附送甜品，係tiramisu。甜品都幾日式，幾甜，我還好。如果這可以減糖感覺更健康。最後我地都點左熱咖啡，幾香，重點係我個杯柄又有隻可愛貓貓，哈哈。整體用餐經驗唔錯，坐得都幾舒服，裝修簡單清新可愛，食物健康好食，重點係性價比高，推介！…Read More

小店位於滿滿外國風情嘅高街上，門口已有文青的感覺，反而變得出眾。店內位置唔多，裝修簡單清新。午餐有最出名的吐司及全日早餐，我都無食。點左另一款同樣出名的寶島蛋餅（肉鬆+起司）。點完即整加分，上枱時熱辣辣，而且個餅皮唔係煎炸得好脆，而係唔油膩，又唔太乾，有口感。蛋同肉鬆同cheese都好夾，份量都幾夠，再加啲沙律配菜，推介👍🏻另外仲有點炸雞排肉燥新竹米粉。雞排比想像中大塊！都係即整上枱熱辣辣。我本來唔太中意食炸野，但呢個雞排好好食，乾身唔油炸面都做得好好唔厚，雞排質地都好，真係有台灣雞排感覺。米粉不過不失。跟餐餐飲叫左無糖熱奶茶，奶味較重，無咩特別。整體唔錯，午市價錢都合理，推介。下次會再黎試吐司同芋圓～…Read More

小店位於水街，店面小小，無堂食位置。每次行過都被經濟價格嘅餐牌吸引。今次食左熱狗田園熱狗$34點餐後即製，包烘得熱又脆。條腸不錯不失，醬都唔錯。下次試下其他飯麵類，小食類睇落都好吸引～…Read More

香港最近開左好多間omakase，通常集中係銅鑼灣。今日就想試試九龍區尖沙咀嘅新日本餐廳-鮨鳶 （個字用倉頡好難打）。選呢間係因為做緊openrice第二位半價嘅優惠。今日食嘅係午餐嘅廚師發辦，餐廰午餐嘅廚師發辦會做2輪，分別係十二點同一點半，每輪食90分鐘。餐廳位於地下一樓，一入到餐廳裝修有別於一般日本餐廳，比較暗黑。同店員講預約左一點半嘅廚師發辦，店員帶我同友人到另一間房，專食廚師發辦。房間嘅排位就係全bar枱，一半係師傅工作枱，一半係客人bar枱。店員遞上餐牌，廚師發辦有2個set，「光」$420一位同「和」$880set，我地經濟D㨂左「光」set。第一道係前菜，（忘記名了）有點似中華海帶，另外有D菇類，酸酸甜甜好開胃。然後開始壽司部分。一共有十二貫，味道由最淡開始。一開始壽司有包括左口魚，鯛魚，鱸魚。中段有令我有印象係帶子上點有竹炭鹽同赤身吞拿嘅壽司。食到一半上左海鮮茶碗蒸，茶碗蒸中有滿滿嘅海鮮同櫻花蝦，味道唔濃都唔錯。後段味道愈來愈濃愈有味，當中令我最滿意嘅係深海池魚，中拖羅同赤海膽壽司。感覺好新鮮，池魚口感都好好，海膽份量都唔少又鮮甜。而且由最淡味到濃味咁食，所以到最後唔會太膩食唔落。卷物方面係甜蝦茸卷物，味道都係較濃，紫菜脆。份量唔大，雖然食到呢度已經幾飽，但都仲食得落。味噌湯中有少少菜同少少豬肉。食左好多冷物，可以飲D熱湯都OK。最後係甜品 - 綠茶奶凍。綠茶味道好濃，而且唔算好甜，跟一粒蜜漬黑豆好好食。完美的結尾。以上都係本人嘅口味，訂座時一開始見到有唔太好嘅食評，有點擔心。但食落整體都滿意！另外，一位師傅會同時serve四名客人，而且都幾友善，我地唔太熟/聽得明D魚名都會耐心再重覆同簡單解釋。認真的師傅第二位半價的話，連加一都係$357一個人，CP值都高，會推薦畀無咩食過Omakase嘅人來，呢度lunch omakase算係入門級嘅程度～…Read More

呢間位於上環近石塘咀嘅珍姐餐室主力係外賣 賣地道街邊小食 魚蛋腸粉炸物今次就係午餐時段試左海南雞飯（小）$30本來諗住$30一個飯 仲要係上環區無咩期望點知 勁有驚喜首先啲飯好重雞油味 每一口都好香細飯唔可以揀雞嘅部位 我就食左雞胸而個雞胸勁滑勁嫩 感覺係慢煮咁 好食！味道都岩岩好 最畫龍點睛嘅就係個汁有辣同唔辣揀 少少甜嘅醬油同一般新加坡馬來西亞果種好結嘅汁有啲唔同但配飯食好食！唔夠食嘅朋友可以選$40（大）可揀雞胸/雞髀 另附雞湯！佢嘅其他食都好食！ 一定會再幫襯支持！…Read More

中上環附近其實有好多cafe～今次來到文咸東街，近永樂街果頭嘅一座商業大廈地下嘅cafe。原來佢係分店，總店係牛頭角。大廈翻身過，所以地下cafe環境唔錯，幾靜幾寬敞。我係平日未到lunch hour 較少人，所以有位唔洗等。我點左一份牛油果芝士bagel,有set 附black coffee,$65,我要求另上牛奶係ok～Bagel我揀左grain bagel, 夾住新鮮滿滿嘅牛油果同蕃茄好滿足！另外芝士味道夠濃，整體感覺唔錯，推介！咖啡方面都唔錯，好大杯～而且好香。在場有人會特登只飲咖啡，覺得應該係高質。成個餐咁食都好飽～附近嘅打工仔可以多試！…Read More

這間位於紅磡湖光街的黃店日式烏冬店，本來看似平平無奇，但被我發現有不常見的闊面，所以在下午茶時段試一試。餐廳的Menu有分$58 $68 $78的全日套餐，但既然下午茶套餐中也看到我想食的冷瀑布闊面就先試一試。下午茶的闊面比全日套餐的份量較少只有六片，另附麵豉湯。冷麵主要配上特製醬油，白蘿蔔蓉，蒜，和生鵪鶉蛋。因為是闊面的關係，掛汁能力沒有普通烏冬好，而且醬汁味道較清淡，整體沒有太大驚喜，也不是很飽。友人的叉燒拉麵也屬正常水準。希望下次來試其他套餐會有更大的驚喜！…Read More

大家應該都知道中上環附近有好多多國菜～今次就去試近半山位置 在中環扶手電梯附近的一間秘魯菜餐廳食晚餐。門口有特色秘魯人生活壁畫～餐廳最出名的就是招牌秘魯燒雞！而且好貼心為各獨身男女準備¼份😂另外亦有半份及全隻選擇，當日與友人兩個人點選了半份的燒雞。燒雞可選擇配菜：¼份可選一款配菜；半份可選兩款。我們按照網上的推介，點選了蒜蓉飯及番薯。（沙律是錯誤地先上，店員當額外附送了😅）先介紹燒雞，半份的份量不少，並非法國春雞的大小～香料也十分入味很有中亞特色！另外即使雞胸的部份也不會覺得很老/很鞋口，雞髀位好滑😋再講配菜，番薯大份好甜好粉，非常好食！蒜蓉飯比泰國米更粒粒分明，而且有真正的蒜香十個推介！另外也點了一個也是網上推薦的前菜：海鱸魚他他薯蓉剛上菜時以為這不是我點的😂但原來橙色的就是薯蓉；白色的是海鱸魚，味道很夾，也很推介！兩個人，兩款菜，滿足！完全飽！餐廳也提供lunch Menu在附近上班族值得一試！…Read More

呢一間己經bookmark左好耐嘅黃cafe，終於來試了！裡面位置唔算大，有約四張枱，以及一張靠牆嘅長吧枱。戶外仲有一個小小嘅騎樓位，有一張二人枱。我去之前己經睇準左佢嘅bagel，所以就叫左一份Smoked Salmon Cream Cheese Bagel$68另外再piccolo 短笛咖啡$30。一份嘅份量都好多。我覺得bagel size 比連鎖coffee shop的bagel一舊啲，又煙韌，而且係我鐘意嘅黑麥圈，十分好。而煙三文魚有兩大片，bagel上半下半分開2片食岩岩好。 但煙三文魚有少少怪味，感覺唔算好新鮮，但勝在夠多。而Cream Cheese畀得好多啊～加上好新鮮嘅黑醋沙律菜一齊食，大滿足喔！平時其實我好少飲短笛，但突然唔想飲太多奶嘅咖啡，就點左piccolo.飲得出espresso本身好好飲，但因為咖啡比bagel早到好多，所以一邊食時飲到嘅咖啡已經凍左，無黎果時咁香嚕。用餐果時見到唔少人叫full breakfast, 同埋avocado sourdough?! bagel?! 下次可以試下！…Read More

紅磡廣場內一直係大堂左右兩側各有一間咖啡店 而家係對內街又開多一間 細睇原來係其中一間咖啡煮意嘅分店～ 好多年前新開時試過一次 覺得一般網上見到服務好似唔太好 但我又覺得ok啵餐廳有做早午晚市 早市到十點半 休息準備一陣 約十一點半十二點再開 侍應姐姐好好人 好好耐性解釋個餐牌 一於入去試下我同友人各點左一個午餐燒春雞配薯蓉 $98估唔到係一整隻雞！ 話就話係春雞 但都幾大隻 外皮好香好脆 但肉味唔太夠 友人話好淡 但對我呢啲淡味人士就岩岩好 薯蓉份量都多 同樣味道唔太重都幾好 配清新沙律 推薦！南瓜意大利黃瓜意粉 $68呢個意粉 南瓜味好濃好香 加上爽脆黃瓜同茄子 好夾好好味 而且份量都好多 一啲都唔肥膩推薦！另外我地都點左即磨咖啡 飲落咖啡豆係較苦嘅 或者係燶嘅豆 友人落左兩包糖都頂唔順咁苦 接受唔到 我就飲開還好 但可以改善其實 侍應姐姐介紹店內最多人叫嘅香煎三文魚意粉 但我同友人都想食個無肉嘅粉 而且怕太多太膩 事實見到其他食客叫嘅餐 全部都勁大碟！三文魚超香但都超大舊 真係無咁上下胃口都未必食得哂侍應姐姐仲介紹晚市只做私房菜 包勁多野食 聽落好抵總括而言 雖然價錢呢區未到好平 但咁大份 同高質素 係推薦嘅！ 下次試下早餐先～…Read More

由內街名叫桑拿菜 到搬出大街叫大排擋老闆娘的嘜頭一直係舖頭嘅標誌見成日都有好多車排係舖頭出面 所以就想同家人一試當日一早打電話去預訂晚上枱 然後到下午再打去想睇下有冇得提早少少入座 待應都好似好迷茫 又唔知我朝早要打去留過座 感覺好唔organized然後到晚上去時 再一次搵唔到我留座紀錄 又話要二個鐘交枱 感覺有啲亂到點菜時 餐牌好多菜都冇show價錢出來 要問先知道 可能我唔太習慣咁樣嘅點菜方法最後我地叫左係老闆娘同店舖推薦嘅菜土窯雞 $298呢個上菜時幾特別 一大個鑊上 然後用錫紙包住 應該係即焗的 但打外有點失望 以為係番大陸團果種 外皮有啲金黃 有啲直接燒過嘅感覺 佢原隻上 提供手套畀食客自己撕 幾有趣 味道有點重 而且有點肥 放左一陣會起膠 朱敏記酸菜魚 $288呢個係全晚我覺得最唔錯嘅 雖然對比我係大陸出名果啲 好油 魚唔夠滑多骨 但味道同料都唔錯同足 而且好大份 食唔哂要打包添比起土窖雞 呢個好似抵食少少另外有叫到炒面$78 農家炒豆腐$68 同魚腸炒菜心 $98 三個都好油 都唔太推薦當晚見其他枱比較多人叫原隻燒（？）豬手 雞同酸菜魚我本人同同行朋友都唔太欣賞啲菜色 主要係比較油膩 味道好重 真係好似番大陸食團餐嘅感覺 坐得唔太舒服 而且坐成晚 整體上菜落單留位定都見到比較混亂 我就未必會再去了…Read More

呢間雲南米線有好多選擇，超足料，而且份量咁多CP值好高。聽說午餐成日都高朋滿座！當日叫左小鍋米線$26，餸只叫一款最出名嘅雪花雞絲$10，湯底要小辣。小辣好辣，但好食，辣得好過癮。但食到一半兩行鼻涕直直流😂😂 用左兩張紙先夠。另外雞絲真係好雪花，雖然有人話好嚡，但我覺得好好食，吸哂湯頭超入味。面底比其他米線店多，搞到我食唔哂。聽講佢嘅豬肚絲同海帶都唔錯，見其他枱好多人都叫～…Read More

地方唔算太近地鐵站或市中心 咁岩係附近工作幾天 同同事一齊試左呢間網上勁高人氣嘅漢堡店餐廳外表好有工業風 裝修都幾新正 係葵涌工廠區表樹一格午餐時間好多學生 應該都算係學生飯堂😂漢堡選擇好多 連少見嘅羊肉都有 所有味道都可以揀豬牛雞 我就揀左日式芥末雞堡包超軟熟好味 肉好juicy 好食 個芥末醬都好有風味解膩 個包好大個 一口食唔哂咁多層😂 食完一啖都唔會扁哂同事有人叫蘑菇芝士牛堡 有人叫泡菜芝士雞堡 同蝦堡 個個都佢地都加+$15要餐 另外再加+2 升級要薯格 勁大份 又重味 餐凍飲只有汽水一定會再來食！試下羊堡…Read More