shan490106's Profile

見到寫住🌟No.1日本直送蜜瓜威化餅，有選擇困難症嘅我都二話不說咁簡左呢個。雪糕口感順滑，抹茶味道濃郁，奶味香，蜜瓜甜到好似浸左糖水，不愧係日本蜜瓜。​兩樣match一齊真係好夾！​…Read More

Flipper’s算係我食過咁多pancake入邊最好味嘅，蛋香好濃，好有空氣感，入口即溶，每一啖都好幸福好滿足☺️☺️ ​身為珍奶控嘅我緊係有試埋珍奶，我叫嘅係抹香珍珠奶茶，奶同茶嘅比例啱啱好，有著幽幽嘅抹香，可惜珍珠有啲硬，飲到最尾已經唔想再吸珍珠 ​…Read More

之前聽朋友食過九重鮮都有讚無彈，一直都想試下，今次約左朋友黎試下。我地一行八人分左兩個煲，一開始黎左啲韓式小食，坦白講小食真係麻麻，泡菜唔夠入味，其他小食都冇乜特別。而至於重頭戲海鮮，我就覺得唔錯。我最鍾意食嘅係蟹，因為佢嘅膏好多，特別係蟹蓋，仲要好鮮甜至於帶子都好大隻，時間控制得好好，食落去好爽身好鮮甜而蜆都ok,完全冇沙食到最尾會有粥底，所有嘅海鮮嘅精華都落咗去，另到啲粥有海鮮嘅鮮味，粥底真心唔錯，我地叫嘅係人參雞粥同魚粥。…Read More

今日放工同朋友係銅鑼灣行街，行完覺得好肚餓，就上open rice睇下有咩食啦，見到小甜甜排位好前，我又好鐘意食辣，就諗住試下啦。去到都有好幾個人排隊，拎完飛等左十分鐘就有位啦。我地叫左水煮魚，焗蜆，雞翼尖，川北涼粉，同麻辣雞煲。我最鐘意食嘅係麻辣雞煲，勁入味，好野味，雞肉又滑。另外焗蜆好鮮甜，冇沙，而水煮魚下面原來係紅薯粉黎，同啲汁撈埋食好夾。我最鐘意嘅係呢度唔洗同人搭枱，有空間感，可以同朋友慢慢傾。…Read More