debienne's Profile

呢間 韓國嘢 外賣叫咗好多次亦都因為 竟然連外賣都可以做得咁好 我仲專登搵番佢個地址走去幫襯 當然堂食 係最美好嘅 但係 今日終於的起心肝要讚下佢哋外賣都可以做得咁好 佢係我食過嘅外賣包裝得最好呢到又熱辣辣 乾淨又整齊完全唔覺得自己食緊外賣 對於我呢啲叫外賣嘅機率咁高嘅人士嚟講 小火焰韓國餐廳 絕對係大家可以試下 肯定唔會失望 佢啲芝士嘅菜式 非常好味 雖然好邪惡但係你會忍唔住不停食曬成碟 仲有佢嘅份量真係好多 烚薯條勁大俠足夠兩個人食 半份雞有四隻…Read More

秋高氣爽最適宜的活動就係。。。。郊遊。今日決定去長洲🛳雖然長洲好多嘢食。。。。但係早餐係最重要嘅。。。。所以呢個神聖嘅任務我今日決定交畀唐記😃返咗五日工，星期六日就當然要休息下，叉足電，然後先至再搏殺。為咗保持自己嘅身體健康，當然要揀食完精神奕奕嘅蒸包😃 一於向煎炸烤焗嘅包包講句再會🤗 唐記sell佢係新鮮香港製造，我就將我 甜美健康嘅一天交畀佢開始。平時都係食菜肉包，今日突然之間又想試下甜甜地嘅包包，好好緩和一下過去五日緊張嘅心情。。。。結果係。。。。好彩冇揀錯 呢個蕃薯包，甜得來唔會漏，今早凍凍地，攞住個蒸包仲有埋暖手嘅作用😃 呢個蕃薯包係軟綿綿，食到有新鮮蕃薯既味道，唔係化學劑搞出嚟 fusion 嘅番薯味😃 我而家已經決定咗去完長洲返嚟買多一個甜甜地嘅凍包。。。。星期日朝早蒸返熱佢。。。。 延續我健康甜美的休假。。。。…Read More

一向都好鍾意食茶木 尤其是係佢嗰啲炸雞 真係一食就停唔到口 如果係堂食的話 根本就完全食唔曬一個套餐 所以通常都係嗌一份 然後再嗌一啲小食 同朋友一齊分享 外賣嘅時候要咗一個 紅油抄手食完之後有啲失望 因為淨係好酸 冇咗啲辣味 但係個炸雞 就一如既往嘅好味道外賣嘅份量仍然好充足而且包裝精美又整潔 都好有糖食嘅感覺 同埋水準 相信之後都仲會繼續食 茶木嘅外賣不過有陣時用openrice 嘅外送服務就會出事 我試過兩次兩個幾鐘都收唔到 餐廳又話佢哋唔知 收唔到單 嗰一刻真係好慘…Read More

上星期同朋友👭去咗堅尼地城做嘢😥因為實在太肚餓😁，所以一出地鐵站就要搵嘢食😉😉最近地鐵口嗰幾間，已經食到有啲厭， 行多兩步又見到一間未食過嘅叫做👉民華餐廳👈估佢唔到，勁好食，服務態度一流。我咁少寫食評都實在忍唔住一定要抽時間讚下佢地👍🏻👍🏻👍🏻👍🏻👍🏻我哋叫咗幾款唔同嘅嘢食😋😋😋我勁鍾意食佢個咖哩雞飯。。。啲咖哩又香又濃而且唔會勁辣😋😋😋係好多餐廳都做唔到既咖哩香味而且仲散發著 美味嘅椰香 個飯入面 仲包咗 四件雞 有兩件雞柳 一隻雞中翼 一隻雞鎚 如果一個 正常食量嘅女孩子 應該會覺得好飽好飽 不過我食曬😁特別要點名讚賞 有一位老人家 侍應 叫做文叔， 佢簡直好到你唔信。我從來未試過去茶記食嘢， 會有伙記提我小心杯茶熱😍😍 總括感覺食物好味 環境乾淨 服務一流 我好肯定我一定會再返去幫親 😁雖然我住喺九龍…Read More

平時堂食都有幫襯沙嗲王見到佢 呢度有得叫外賣又試下 點知等咗一個鐘個狀態仲係 餐廳接收訂單 打電話去問 佢話佢唔知。。。 竟然係答唔知 然之後仲話 呢個係網上外賣平台嘅問題 我覺得好奇怪囉明明啲嘢食係佢哋煮網上外賣平台係負責送外賣 我問佢有冇整，到底收到張單未 佢竟然話唔知 然之後話佢好忙 跟住就收線簡直不知所謂其實我覺得 如果晚市時間根本就做唔切外賣的嘅話 好心就 唔好 咁搏命 迫死曬啲員工 直頭話唔做外賣咪得囉 人哋openrice 明明就可以俾你揀 第二日先至再開放外賣對呢個沙嗲王 簡直就係嚴重失望…Read More

叫咗咖哩雞套飯， 薑蔥 魚腩，羅漢齋炒麵。份量好足，賣相又靚仔。個咖哩好好味，餘下嘅汁唔捨得唔要。有少少辣好香椰汁味 而且啲雞 入曬味。 建議其他食客 可以準備埋法包 咁樣一齊食 就會更happy薑蔥 魚腩就冇得畀意見因為我唔食魚 不過肉眼觀察 個賣相係好靚嘅 其餘嘅飯腳 評語都是一流的抵食夾大件 而且味道都好好個炒麵啲料好足 有好多唔同嘅素菜 好好味 呢個羅漢齋炒麵 我係一定會再叫多一次嘅如果個外賣盒 可以再靚仔少少 唔好留啲汁出嚟 咁就完美喇唔好意思太肚餓冇影到相同大家分享…Read More

綜合芝士pizza...批底好好味，夠脆。幾款芝士配合得好好，唔太濃。好香，好夾，仲有合桃toppings，層次好丰富個松露薯條就差少少。。不過都ok ge。主要係唔夠脆，同唔夠松露嘅香味。當然，幾十蚊，想點呢。所以，我係同triple o嘅薯條比較白酒煮青囗呢，都ok ge, 酒味都入青囗。可以再濃啲就perfect啦。總體感覺係好。响40度嘅深水埗有個咁舒適嘅環境，俾你差足電再去血拼，感覺十分幸福。。…Read More