chank6的個人專頁

餐廳位於中上環小街內，位置較為隱蔽，食物質素出色！我同朋友試咗佢嘅午市套餐，十分滿意。Ice Plant, Preserved egg, Chinese Salted Lemon Sweet Sour Sauce冰菜皮蛋鹹檸檬甜酸汁：冰菜爽口新鮮，醬汁特別，加了檸檬及皮蛋，惹味又口感豐富。Roasted Chestnuts Soup w/ pan-fried morel mushroom烤栗子湯配香煎羊肚菌：充滿栗子及蘑菇香！Crispy Skin Three Yellow Chicken Roll w/sesame ginseng sauce脆皮三黃雞卷：雞肉嫩滑，皮脆；芝麻醬汁香口惹味。Argentinian Red Prawn (3 ways) Pasta阿根廷紅蝦蝦醬蝦乾手工意粉：非常喜愛佢嘅醬汁，充滿蝦味，意粉亦al dente 。Freshly baked Sourdough Pineapple Bun w/ milk tea ice cream自家製酸種菠蘿包配奶茶雪糕：香脆菠蘿包，配上奶茶味雪糕，我同朋友都好喜歡。…查看更多

近排愛上泰國菜，朋友介紹呢間西環嘅餐廳夠地道，就嚟一試！餐廳裝修很有特色，以藍綠色為主調，感覺舒服。食物有質素，價錢亦合理！🔶 椰汁雞湯 Tom Kha Gai: 椰香濃郁，再加上唔同嘅泰式香草味道。🔶 茄子肉碎魷魚沙律Eggplant salad withminced pork and chopped squid：夠惹味，酸辣比例亦調教得好。🔶 烤豬肉串 Moo Bing：肉味濃郁帶甜香，好鍾意個醬汁！🔶 泰式生菜包 Larb-minced pork salad：肉碎香料重手，伴埋生菜食好開胃。 🔶 香芒蝦仁炒飯 Mango fried rice with Prawns：芒果甜而不膩，蝦仁爽口彈牙，炒飯粒粒分明。…查看更多

約咗朋友去銅鑼灣，佢話想食泰國菜，我就諗起呢間餐廳。之前嚟過，覺得環境同食物都唔錯，今次再試，亦冇失望。餐廳廚師及侍應都係泰國人，感覺地道。裝修亦有特色，適合同朋友食飯吹水飲嘢，夜晚仲有Cocktail！🔶 冬陰功: 感受到香茅、薑與紅辣椒的層次感，酸辣平衡得宜，蝦湯底濃郁帶微甜，好飲!🔶 免治豬肉菜包: 這道菜偏辣，豬肉炒得夠乾身。🔶 飛天通菜：通菜幼嫩，炒得夠地道！🔶 皇宮大蝦蛋網炒金邊粉：蛋網包住金邊粉，蝦肉彈牙，炒粉乾香不膩，係推介菜式！…查看更多

餐廳主打刺身及炸物，刺身新鮮，炸物香脆不膩，整體食物很有質素！🔶 素菜六品成盒🔶 兵庫縣炸活蠔：炸得外脆內嫩，蠔味濃郁🔶 鹿兒島黑毛豬鞍：肉質嫩滑，炸得啱啱好🔶 三色刺身盛：好新鮮，特別欣賞深海池魚🔶 煙燻日本鴨胸肉🔶 松葉蟹甲羅：啖啖蟹肉，我同朋友一致推介🔶 極上刺身杯：新鮮好味🔶 七味魚翅：配sake 一流🔶 日本鯛魚昆布湯: 湯底鮮甜，帶有微微昆布及鯛魚鮮香🔶 千德 戀 純米大吟釀： 「千德」來自九州宮崎縣，係餐廳獨家代理嘅sake，「戀」 味道清新 🍶…查看更多

諗住去利東街及藍屋睇吓中秋燈飾，於是搵吓附近嘅餐廳，見Dining City 有promotion，食客嘅評語亦唔錯，所以一試。整體嚟講食物有質素，環境亦舒適，會再訪。🔶 Tomatoes with spiced Nduja on toast🔶 Truffle pudding with stout and aged parmesan🔶 Ham & Comte puff pastry slice🔶 Angus Flank Steak🔶 Fish Burger with tartar sauce🔶 Triple Cooked Chips🔶 House made vanilla ice cream affogato🔶 Warm triple chocolate giant cookie…查看更多

餐廳位於觀塘巧明街樓上鋪，估唔到假日晚上都差不多全店滿座。食物有質素之餘，亦非常欣賞餐廳會用微火溫住上枱後嘅牛扒及燒雞，特別適合同朋友慢慢吹水嘆晚餐。🔶 田園沙律：大大碟，菜葉新鮮，加上少少橄欖油同黑醋，味道清爽醒胃。🔶 原味薯條：薯條炸得金黃香脆，唔需要太多調味，簡單就好好食。🔶 牛油香草烤黃油大雞: 用牛油加香草烤到皮脆肉嫩，切開仲有肉汁流出，好啱同朋友share。🔶 澳洲150日穀飼黑毛安格斯: 火候控制得靚，肉質油花均勻，食落多汁又有嚼勁，牛味濃郁。🔶 意大利芝士熔岩：芝士香濃，入口綿滑流心，好有層次感。…查看更多

餐廳位置近宋王臺站，上次去啟德睇演唱會之前都試過，覺得有質素，今次約朋友再試晚飯！🔶 Trio Dip 「3款蘸醬拼盤」熱熱的薄餅配以鷹嘴豆泥，黑松露鷹嘴豆泥及烤茄子，夠晒開胃。🔶 Hallumi 「鐵板煎鹹香芝士」芝士外層微微煎香，鹹中帶有芝士香，簡單好食。🔶 Fresh Tagliatelle Octopus 「八爪魚寬麵條」手造意粉口感煙韌，配上燴得入味嘅八爪魚，加埋少少香草、辣椒同橄欖油，夠哂地中海風情。我同朋友都很喜歡這道菜！🔶 Cake El Tamir 「蜜棗蛋糕伴雲呢嗱雪糕」蛋糕口感紮實帶輕輕蜜棗味，加上雲呢拿雪糕，配搭很好！餐廳整體水準很好，氣氛悠閒，裝修帶有地中海色彩，好啱同朋友吹水晚飯。…查看更多

好幾次經過美麗華商場都留意到呢一間裝修幾靚嘅泰國餐廳，今次終於約咗朋友一試。菜式除咗賣相精緻之外，味道亦有質素，菜式都熱辣辣地上枱，我同朋友都好滿意。🔶 泰式拼盤: 香茅雞翼香口微辣; 蝦多士炸得酥脆唔油膩; 紅磚豆腐入口滑; 炭燒豬頸肉夠晒彈牙。真心推介。🔶 炭燒沙嗲牛串：火候掌握得好，牛肉嫩滑帶焦香。🔶 泰式椰香鮮雞湯: 清清地，入口有椰香同雞肉鮮味，飲落暖胃舒服。🔶 酒香火焰骨: 上枱時有火焰效果，肉質鬆化入味。🔶 泰胡椒和牛炒糯米河：好有鑊氣，牛肉炒得嫩滑，糯米河煙靭美味！出式！ 🔶 黑糖椰子雪糕：香甜不膩，製作認真!🔶 熱香茅茶…查看更多

位於SOHO嘅小店，主打正宗tapas體驗，菜式都帶有地道西班牙風味。🔶 HOUSE SALAD & SOUP： SALAD 好fresh，蕃茄湯清新美味。🔶 IBERIAN NAM CROQUETAS：外層香脆，咬落軟熟。🔶 EL CERDO'S CLASSIC TORTILLA：薯仔蛋餅蛋香濃郁，有薯香，食落唔油膩！🔶 PADRON PEPPERS：輕輕灑鹽，辣度啱啱好。🔶 PAN FRIED SQUID WITH CHORIZO：味道層次好豐富。🔶 CHURROS：脆口唔膩，配上滋味朱古力醬！…查看更多

星期日去PMQ 行吓，晚餐揀咗裏面嘅泰國餐廳BKK。餐廳裝修有特色，環境舒適，食物有質素，適合同朋友傾偈晚飯。🔶 炭燒和牛串，Linchee Lemonade & Thai Collins： 我點嘅Linchee Lemonade 清新帶荔枝香，微甜解渴。頭盤炭燒和牛，肉質嫩滑多汁，燶邊帶焦香，幾惹味。🔶 冬蔭功：酸辣平衡，蝦大大隻。🔶 炸原條鯛魚配青芒果絲: 我同朋友都推薦，魚皮炸得香脆，魚肉新鮮保持嫩滑，青芒果絲酸香解膩！🔶 青咖喱雜菜: 咖喱香濃，唔錯。🔶 泰式西米露：椰香清甜，配上大量蜜瓜粒，好味！整體味道正宗，份量亦合適，值得一試。…查看更多

同朋友去東涌行outlet，即刻諗起呢間地中海餐廳。之前食過覺得有水準，今次再訪亦都好滿意！🔶 Apple Mint Sour & Thyme Flies我點咗Apple Mint Sour，感覺清爽，蘋果酸香加薄荷味，解膩又醒胃。🔶 Chargrilled Octopus用香濃嘅Olive 及Olive oil 伴八爪魚，八爪魚燒得啱啱好，外層有炭香帶少少焦脆，入面嫩滑彈牙。🔶 Mix Cold Mezze麵包再配以鷹嘴豆蓉，茄子蓉，核桃蓉，乳酪蓉等，味道吸引！🔶 Grilled Seabass魚肉細嫩，皮燒到香脆再加上微微炭燒味，襯埋檸檬汁一齊食更鮮味！我同朋友都非常喜歡。🔸 Kunafa芝士香軟，外層脆絲帶甜香，食落平衡得嚟唔會膩。…查看更多

一向都對美麗華集團中菜有信心，朋友提議去旗下「大宅」晚餐，梗係要試試。食物果然有質素，侍應服務亦很好，會詳細介紹每一道菜式。🔶 椒鹽糖心鮑魚.鴛鴦海蜇絲蔥油海蜇及麻辣海蜇煙靭惹味，鹹蛋黃椒鹽糖心鮑魚熱辣辣，又香口！🔶 金腿蟹肉燴冬蓉羹味道清新，蟹肉份量足，略加胡椒更帶鮮味。🔶 廿年陳皮拔絲虎蝦球蝦肉彈口新鮮，配上美味咕嚕汁，再加鮮甜荔枝伴碟，很合襯，更可減油膩感。🔶 文火和牛慢煮和牛配上濃味醬汁，底下仲有香脆炸腸粉，很好嘅配搭。🔶 亁燒椰菜花龍躉龍躉彈牙新鮮份量足，我同朋友都很喜歡。🔶 蝦子花膠濃雞湯拌菜苗手工拉麵花膠份量啱啱好，雞湯鮮甜。🔶 陳皮蓮子紅豆沙紅豆沙甜度適中，紅豆溶化，蓮子有咬口，加上微微陳皮味，推薦！…查看更多

週日同朋友試吓呢間The SOUTHSIDE 商場新開嘅中菜，因之前睇過介紹餐廳菜單係由米芝蓮星級主廚設計。估唔到6:00pm 左右已經全店滿座。我哋點咗幾道小菜，都覺得有質素，性價比高。亦都要讚一讚餐廳接待員及服務員，人客眾多，都保持到禮貌及耐性。🔶 粉絲裹蝦：餐廳推介菜式，蝦肉新鮮彈牙，粉絲惹味，我同朋友都很喜歡。🔶 綠蔥油汁萵筍：亦都係餐廳推介菜式，師傅刀工精緻，擺盤好靚。🔶 宋嫂魚羹🔶 蘿蔔燉牛筋腩：特別喜歡佢嘅牛筋同埋蘿蔔，非常入味。🔶 西湖雷峰塔：原來係牛奶奶凍，擺相好靚。順帶一提，餐廳有推出會員app，有迎新優惠。…查看更多

朋友推介嘅銅鑼灣居酒屋！我哋試咗幾道菜式，都的確滿意。🔶 三文魚子海膽豆腐: 魚子及海膽都很新鮮，豆腐嫩滑。🔶 味淋魚干：熱辣辣又香口，最適宜配酒。🔶 碎蔥吞拿魚腩卷：吞拿魚腩份量足，加上三文魚子，都很新鮮，讚！🔶 串燒雞翼及安格斯牛小排: 雞翼燒得香口，牛肉Juicy！🔶 燒墨魚餅： 店主是日推介，並非餐牌上菜式。墨魚味濃，香口彈牙，朋友很喜歡。🔶 炸芝士茄子: 溶化咗嘅芝士佈上茄子面，好惹味。🔶 時令燒目張魚： 亦都係店主是日推介，條魚好新鮮，燒得啱啱好！🔶 日本鮮奶布甸: 擺相靚，布甸牛奶味重，嫩滑。…查看更多

餐廳位於將南海濱長廊，對住將軍澳跨灣大橋，環境好感覺舒適。今次已經第二次到訪！先點了餐廳signature salad - Hunter Garden. 沙律菜新鮮，加埋脆麵包及牛油果，口感豐富，配以自家調製嘅油醋汁，酸酸甜甜好開胃。主菜點了餐廳special 澳洲Ribeye。牛扒煎得外層焦香，內裡肉味濃郁，配埋炸薯條，正！另外點了Crab Chitarra，蟹肉份量足，意粉彈牙，醬汁鮮美又唔膩。我同朋友都點了Mocktail Green Gobbler，飲落清新酸甜，帶少少薄荷香。整體嚟講，餐廳食物有質素，環境舒適，一定會再嚟幫襯！…查看更多