kmteyn0628's Profile

前一排見到呢間餐廳喺OpenRice嘅排名頗高，已經想去好耐，但係一直同friend都夾唔到時間，所以拖到琴日先至有時間去🥳😍呢度嘅用膳環境好好，以大地色調為主，簡單之餘俾人一種舒適感，好適合俾人同朋友聚舊丶吹吓水咁樣。我地嗌左set dinner，成個套餐包括蒜蓉包、南瓜湯同藍莓芝士蛋糕～🍝卡邦尼黑松露片意大利粉 $228以前食過好多間卡邦尼意粉，有啲嘅汁太澀，有啲有太稀，但呢度就啱啱好，尤其是係用牛油煎過嚟，更加香滑，同埋除左蛋漿之餘，仲落咗忌廉，加上黑松露嘅香味，可以話係我食過嘅卡邦尼意粉之一😋🦪牛油香煎帶子鮮蠔汁義大利飯 $248呢碟同樣有牛油香味，但更加濃厚嘅係鮮蠔嘅味道，啲鮮蠔汁滲透喺粒飯粒之間，間唔中仲會食到一粒粒蠔，味道方面不過不失，帶子食落去亦都好嫩滑。👀🍟黑松露巴馬臣芝士薯條 $86啲薯條熱辣辣，再加上黑松露嘅香味，食落去雖然鹹鹹地，但係都係一種新鮮嘅配搭，而且巴馬臣芝士本身更加芝士味較香濃，令到成碟薯條更上一層樓。🍊柚香紅顏 +$49其實味道就偏似橙汁茶，但飲落去好似食緊糖玻璃糖咁清新，而賣相更加無可挑剔啦，睇落去紅色同橙色漸變，啱晒我哋打卡😍🍑蜜桃梳打 +$20同平時普通蜜桃梳打唔同，呢杯蜜桃香味更加濃郁，應該落咗花草嘅調味，都幾抵飲㗎。…Read More

牛大人近嚟開得越來越多分店，已經冇以前咁難book啦🤤，琴日咁啱day Off，所以就約咗朋友一齊係平日去食牛大人。🥬春村白玉酸菜鍋店員推介我地揀依個湯底。最近喺街度食飯多咗，越嚟越熱氣，所以就揀咗呢個清淡啲嘅湯底，酸酸地唔會太單調，仲有啲薄豬肉片係底，作為湯底唔會太重口味但有幾好味㗎。🥩澳洲和牛M5牛肩卷🐮肉質鬆軟，就咁浸落去幾秒就已經熟左，呢度既牛肩卷好重牛味，油脂分佈得幾均勻，唔食唔得啦。🐟澎湖花枝漿🐟手打旗魚漿花枝漿同魚漿食落去口感爽口彈牙，又唔會太腥，係我次次黎都必點嘅食物，而且仲係台灣直送，非常之抵食呀。🐙小吃梅甘酥脆薯其實就係炸蕃薯粒，睇落去似鹽酥雞，但是我去其實番薯相當甜味，完全唔會覺得油膩，推薦推薦。18+冬瓜茶 +$38平時冬瓜茶就飲得多，估唔到落咗酒精嘅冬瓜茶都好好飲，濃度唔係幾高，如果飲厭咗白土烏龍都可以試吓叫呢個價，包保有新鮮感。🤤…Read More

觀塘工業大廈一直都因為有好多美食而聞名，以前有聽過話呢間古今二啲菜式好特別，而且出名到開咗幾間分店，所以特別同朋友嚟咗觀塘呢間舖頭一試究竟。🐉金龍卷 $88呢個名改得相當有氣勢，而且呢度卷物都好有創意，炸蝦卷上面配上三文魚同沙律醬，入面嘅炸蝦都仲係好脆口啊～🗻富士山 $88呢個睇落去超搶眼呀！就咁睇個賣相都覺得好吸引！呢個底層係鰻魚卷，而上面鋪滿咗好多蟹柳絲同少許蛋絲，幾特別同埋都好美觀㗎。🥗柚想蝦你沙律 $78上碟嘅時候有嚇一跳，兩個人都食唔晒嘅份量，呢碟沙律嘅材料好豐富㗎，有一啲西柚粒丶生蝦、牛油果、蘋果粒等等，食落去好開胃。🥩蔥牛卷 $58呢度嘅蔥午卷煎得好香，食落去啲肉汁甚至別晒出嚟，好Juicy呀😝。🍗芝麻雞翼 $38呢啲雞翼外皮香脆丶肉質鮮嫩，都幾好味但係價錢略貴🙌🏻。🍜日式冷麵 $88近排天氣咁熱，梗係要食冷麵消消暑。面頭鋪滿蛋絲丶蘿蔔絲丶蟹柳絲丶豬肉條之類，而下面嘅麵條有嚼勁，食落去簡直爽快！…Read More

前一排忙緊學校啲嘢，呢幾日終於有時間約返朋友出嚟聚一聚🥳，今日約咗@babuka_52 一齊去銅鑼灣行街，行到登龍街一帶有好多餐廳，最尾揀咗韓燒嚟食😆。出面睇落呢度嘅裝修行傳統韓國風，但其實入面座位設計現代化少少，2樓餐廳下面仲有得買燒肉同韓式小菜，如果覺得好食都可以買返屋企添。😍😍呢度嘅老闆係韓國人🇰🇷，所以餐廳都幾貼近韓國烤肉店嘅標準，而且觀察到有好多外國人都慕名而來，想必一定唔差。🥩喜來烤肉 $158喜來烤肉係呢度嘅招牌菜，一塊塊薄薄地嘅肉卷成花嘅形狀，靚到我差啲唔捨得食。呢碟肉本身經過調味，食嗰陣會食到甜甜地醬油味，同埋本身肉質較薄，擺上爐上面煎幾秒就已經可以入口，食落去肉質都鮮嫩架😆😆炒年糕 $75喺香港都食過好多次年糕，但係質素參差，好難搵到一碟好味嘅年糕。但呢度嘅年糕冇令我失望，醬汁味濃之餘，年糕都相當煙韌。本身仲擔心會唔會好辣，但都只係微辣，普通人都食得到嘅！😋😋…Read More

🤣😂成日都食啲cafe或者係亞洲美食，今日同朋友一齊去食西班牙餐廳，呢度裝修到好有異國風情，四角都係電視播緊足球比賽，仲有啲西方嘅壁畫，見做到好有外國氣氛，仲係一個可以食住零食飲住啤酒吹水嘅好地方！🥩炭燒美國頂級肉眼扒 $168肉眼扒雖然睇落去頗少，但其實相當厚，我哋嗌左五成熟，肉質鮮嫩程度啱啱好，都冇乜筋，再加埋黑椒汁嘅加持，令成個牛扒添想更加多味道！🍤龍蝦汁蝦肉義大利飯 $128不得不提呢度嘅蝦肉非常彈牙，而意大利飯嘅份量都頗多，同時啲龍蝦汁亦都較為濃郁，如果龍蝦汁再多少少就會更加好味同埋似意大利飯🤣🍗四色芝士自家手打薄餅 $128🍤眾所周知我對芝士完全冇抵抗力，淨係見到個標題都好吸引我呀，個Pizza包括巴馬臣芝士丶馬蘇里拉芝士丶忌廉芝士同車打芝士。點之前冇睇清楚佢嘅size，結果原來係12吋，真係大到差啲食唔落，Fruit Punch $62Fruit Punch 其實屬於其中一種mock tails，有橙汁同檸檬之類都係由清爽嘅水果造成，好解渴同好飲，應該係小朋友都鍾意嘅味道。…Read More

諗起自己都有一段時間冇食雞煲，近排見到IG嗰度有好多人post雞煲同邊爐，搞到我都心血來潮好想食，於是就約咗一齊去尖沙咀食雞煲。滋補螺片花膠雞煲 $208雞湯味相當濃郁，飲落去都係鮮甜，當係湯飲都覺得好好味唔會太鹹。雞肉應該係新鮮雞，食落去好滑嫩同鮮甜。另外螺片份量頗多，咬落去都幾彈牙，而且花膠完全對得起個價錢，相當大塊，對貪靚嘅女士來講真係唔點唔得。西班牙頂級黑豚豬梅肉 $118呢度嘅豬肉切得好薄，而且瘦肉偏多，唔會有好多肥膏，點為芝麻醬或者豉油，食得又健康又美味。豬頸肉片 $85呢度嘅豬頸肉片都有好幾片，飽到食唔落，每一舊都好有彈性同滑嫩，加埋落去打邊爐真係好正！…Read More

😝今日趁假期去旺中行吓，行到冇幾耐之後覺得口渴，轉個彎見到NUTTEA有好多人排隊，啲飲品感覺好吸引，所以毫不猶豫就買咗嚟飲啦。🍓粉紅莓好堅果奶蓋茶 $45見到餐牌寫住季節限定，就諗住試吓。果然係好適合夏天飲呀，成杯奶蓋茶飲落去好Flash，平時食開奶蓋都係鹹鹹地，呢度嘅紅莓堅果奶蓋就偏甜，但係又唔會覺得好Heavy，成杯野嘅配搭好match，真係好好飲同解渴。🍫伯爵朱古力堅果奶蓋茶 $47朱古力奶蓋味道頗濃，朱古力甜味本身都幾高，所以感覺好邪惡😈😈。但係好在伯爵茶夠清新，第一啖飲落去伯爵茶味重，但之後會回咁，呢個配搭可以抵消番朱古力奶蓋嘅重口味，所以都幾推介，想再飲多杯！…Read More

🔥前牌見到呢一間嘅人氣一直居高不下，今日咁啱黎到太子呢度學嘢，晏晝時間就會嚟到呢度醫肚啦～🥚蒲燒原條日式鰻魚蛋蓋飯 $89今日嘅餐湯係忌廉蜆湯，海鮮味較重，但又唔會蓋過忌廉味，仲有幾舊蜆肉食～鰻魚飯嘅賣相非常之吸引，鰻魚唔單止大條，仲頗為彈牙！唯一可惜嘅就係白飯食落去太單調，如果有多啲調味嘅話就更加好，但係都算好抵食。🍝香煎三文魚配牛油汁寬條麵 $72第一啖食落去嘅時候，啲三文魚嘅汁滲晒出嚟，對於鍾意食三文魚嘅人來講真係好正。至於啲寬條麵煮得乾身，所以就算係沾上牛油汁，但係都唔會脹晒，幾好味～🍑蜜桃果茶 $20呢度嘅花茶香味濃郁，但如果水蜜桃嘅味道再突出啲就更加好啦！…Read More

好耐都冇去過居酒屋，上網見到呢間居酒屋裝修好用心，好有日本嘅氣氛，所以就同朋友一齊去呢間一路吹水一路食嘢。呢度有幾款日本酒提供，店員就介紹話寫樂呢支酒味較重果香味～但不得不提啲茶杯幾小巧得來而且精緻，睇到都好想收藏啦🥰明太子雞翼 呢度嘅食物價格偏貴。雞翼入面大部份都係塞滿晒明太子，味道微辣，有粒粒分明嘅感覺，明太子塞入雞翼嘅配搭好看見，所以感覺新鮮啦！燒野菌三重芝士蛋餅 蛋餅上面鋪滿豐富既芝士，啲芝士甚至比起蛋餅仲更加有厚度添! 蛋餅咬落去細軟同Q彈～泡菜炒五花腩 五花腩切得好薄，食得多都唔會太Heavy，而泡菜都幾新鮮～ 蒲燒鰻魚飯 呢度嘅鰻魚份量都頗足，啲鰻魚皮質脆焦，食落去肉質鮮嫩同彈牙嘅，仲配埋濃厚嘅醬汁！都幾唔錯㗎…Read More

🌝好耐都冇黎到新都城呢邊，今日咁啱要陪朋友嚟呢度買嘢，夜晚就揀咗呢間台灣餐廳，門口都幾多人排隊，而且之前喺IG都見到人食過，好似都幾吸引，所以就入咗嚟試吓！🐥塔香三杯雞定食 $88平時好少機會食三杯雞，其實三杯就係麻油、米酒同醬油。而呢度既三杯雞食落去唔會太油，仲有啲蒜蔥香味，完全係送飯既好配搭。原盅湯底就有海底椰、佛掌瓜同雞塊，味道清甜，既開胃架！🐥鹽酥雞排 $38比起我想像中份量仲多呀！外皮酥脆，內裡多肉汁同細嫩，沒咬一口都feel都啲肉汁beep出黎，雖然食幾舊就可能會開始有啲濟，但都值得叫嘅。🐥台灣烤香腸 $28台灣腸已經切成細細塊，適合多人分享，而且煎到頗香，完全激起我既食慾啊！🧀芝士奶蓋白桃烏龍茶加珍珠 $27雖然芝士奶蓋整得偏鹹，但因為下面烏龍茶味道清淡，所以溝埋一齊味道啱啱好，加上珍珠令到成杯飲品更加有咬口！🧋黑糖珍珠奶茶 $24同樣都要讚下啲珍珠好有咬口，成杯飲品不過不失，味道正常！…Read More

🤟🏻九龍灣嗰度有好多大型商場，今日約左朋友一齊去德福揀禮物送俾人。德福好多間餐廳都試過，所以去左係旁邊既得寶商場食哩間。🥗萵苣炒牛肉 $58呢度嘅萵苣切到好似瓜咁嘅樣，但其實係蔬菜嘅莖部，食落去爽口，而味道偏似生菜，較為清淡，所以同牛肉嘅配搭就會更加襯，牛肉食落去都好淋～🥘香辣干鍋豚肉 $61本身見到咁多辣椒，仲以為會好辣添，大概食開10小辣嘅人都應付得到。啲豚肉同樣都係好淋，又香又惹味，陪埋其他調味料例如係洋蔥之類，更加滋味👍🧋凍綠茶拿鐵珍珠奶茶 $12珍珠頗煙韌，唔輸過出邊嘅茶飲舖，見綠茶拿鐵味道不過不失，都算係合格嘅。☕️凍水蜜桃紅茶 $6水蜜桃嘅味道比較鮮甜，唔會好似之前飲過嗰啲水果紅茶充斥化學味，而且係炎炎夏日之下想當解渴，幾推薦呢杯野。…Read More

夜晚唔知食啲乜好，所以就簡單烚菜，同埋去咗附近嗰度買燒味食。呢間本身係其他地方都有分店，而且成日見到有好多街坊買，所以就揀咗呢間試吓啦！麻辣手撕雞 $60半隻手撕雞差唔多有成一個手掌之大，份量決定超乎想像。手撕雞係有原味同辣味揀，因為屋企人都食得辣，所以就叫咗麻辣手撕雞。呢度嘅雞雖然好大份，但係全部都係冇骨，而且啲雞肉嫩滑，都幾抵嗌。燒味佬叉燒 $50平時食開嘅叉燒就係肥肉較多，但呢度嘅叉燒主要都係瘦肉，所以比較健康。而且配埋香甜嘅叉燒汁，令到成個叉燒嘅味道更加豐富，忍唔住食越多添～至尊燒鵝半隻 $180連我老竇都食到讚不絕口嘅一道燒味呀。個員工好好人，仲比多一袋燒鵝汁我，淋落去之後就更加濃味。燒鵝咬落去嘅時候勁有肉汁，肉質鮮嫩，而且外皮頗脆，果然完全對得起呢個價！…Read More

對上一次去食日式放題已經係好耐之前既事，呢排聽朋友話都想去食多次，所以就約左佢食呢間新開既大喜屋，一直以來呢間既其他分店評價都唔錯架！自助吧度有好多熟食，好似炸物類，如薯格、章魚小丸子配菜，同埋有好多配菜，好似螺肉、中華沙律、八爪魚🐙等等，任君選擇。至於飲品方面，有日本酒，果汁酒，同埋普通既飲品。呢度係用電話落單，刺身類都頗新鮮，但我覺得壽司類賣相佳，種類豐富，好有心機。個人覺得有幾款一定要試，好似芝士鰻魚玉子燒，最上層既沙律醬配上芝士一齊燒，更突出兩者既味道～蒜香牛油芝士焗開邊蝦既蝦肉鮮甜，味道同樣印象深刻啊！而且今次我哋食嘅甜品有Tiramisu、桂花椰汁糕、藍莓布丁、朱古力同芒果糯米糍之類。每一樣都整到好細份，就可以試多啲唔同嘅甜品😋😋我覺得隻隻都好食，但鍾意椰汁糕多啲，因為味道好香而且可消暑😋😋…Read More

😆一直都聽聞九展有好多美食，而呢間INN本身已經荔枝角同埋元朗都有分店，喺搜尋之後返原來九龍灣都有分店，所以今日就同約埋朋友一齊特登去九展都試吓啦!👍呢度嘅裝修都係行歐洲風格，以亮白色為主，見到呢到既擺設都好講究，而且店入面播放西式音樂，充滿外國氣氛。🦐鹽燒虎蝦南瓜意大利飯 $92南瓜溶之間夾雜菇同埋蘆筍，口感豐富，而且南瓜味頗香濃，義大利飯又粒粒分明。虎蝦食得出本身嘅鮮甜味而且幾彈牙，如果再鹹多少少就更加好啦，但成個飯都幾好味😋🐟英式炸魚配薯條 $88側邊有啲Salad作為伴菜，可以開胃同解膩。呢度炸魚外皮雖然話唔上脆卜卜，但魚柳嘅份量絕對夠稱，切開出嚟嘅時候仲有煙冒出黎同肉汁滲透出嚟～熱辣辣好好味🍑派對白桃烏龍茶  $24呢度只有熱茶，見到呢度嘅器皿幾有心思，而茶本身香味濃郁，尤其白桃香味更加出眾，係遠處都聞到。但飲落去白桃味比起甜反而係清香，幾印象深刻。🍓🫐士多啤梨藍莓奶昔 $24呢度嘅奶昔算得上真材實料，飲落去仲有啖啖果粒，而且飲得出新鮮既士多啤梨同藍莓味，上面仲有厚厚嘅cream，簡直係神來一筆。…Read More

😆😆前幾日見翻手機相簿入面漢堡包既相，突然好想再食burger，而且好耐都冇食過，最近上網搵到呢間睇落去好似幾好食，所以即刻約埋friend過黎呢度食啦～🥩經典手工和牛漢堡 $108首先要講吓呢度嘅份量既多，足足有成個手掌咁大，牛肉嘅味道偏鹹但有好多肉汁，而且相當厚。煙肉都煎得幾好味，整體來講唔錯。🥓🍟蕃薯條 +$20加$20就有咁大兜番薯條真係好抵呀，仲要好好味添。雖然話係炸物，但係食起上嚟唔會覺得好油膩，而且番薯味都頗濃，有陣陣甜味，好值得嗌～🍔水牛城炸雞漢堡 $98除咗牛之外亦都想試吓炸雞漢堡，炸雞外皮脆脆地，入面嘅雞肉鮮嫩多汁，仲有菠蘿同埋牛油果🥑做配搭可以解膩～😋炸魷魚 $58呢度嘅炸魷魚亦都唔會太油膩，味道ok，魷魚有大牙嘅口感~…Read More