wanpccwmp's Profile

首先我要多謝open rice 比人可以寫真實事情 我琴日10月23號lunch hour 去左哩間嘢叫左牛三寶河同一包炸魚皮第一位店員放左第一包炸魚皮比我，我一咬落去，嗰陣油益味……嘩～，仲要個炸魚皮係淋㗎， 我即刻too曬出嚟 ，跟住我同反哩位女店員講： 你地嗰包炸魚皮又益 又淋咁難食㗎，第二位店員就同反第一個個店員講，唔可以比客啦，比反新個啲（ 我嗰一下諗 你哋係諗住 先畀舊嘅嗰啲客人先，如果客人冇食出有問題嘅你哋就唔理佢～有乜理由第二個個員工會即刻講話畀返新嗰啲呀咁即係你哋由此致終都有舊同有新啦～我個一下係咁樣諗囉 ！！！） 咁第一個員工就攞咗另一包炸魚皮畀我仲幫我開埋個袋口同我講：呢包新㗎喇 點不知 我咬第一啖仲衰過第一包 咬都咬唔開呀 好似以為自己食咗唔知咩橡筋橡膠咁樣呀 又 腥味 有益 又臭，搞到我 頂唔順到 要 即刻又係to曬出嚟 我即刻發曬脾氣好大聲鬧佢哋：有冇搞錯？你哋畀第二包我都係咁樣一樣都係咁難食，又話係新嘅 你哋唔應該畀有問題嘅嘢人哋食㗎嘛 點不知 頭先第二嗰位員工 攞住第三包炸魚皮放係枱面畀我，同我講：呢包係新㗎喇你試下啦 。跟住我真係火都嚟呀～我話你仲叫我再食第三包，你有冇病呀？你哋應該係要畀新鮮冇問題嘅嘢人哋食，而唔係叫客人食完一塊跟住就同你講有問題跟住之後你就再攞新一包畀我囉我唔會食㗎！！！ 跟住第一個位員工呢就話：我地幫你取消，退錢退畀你囉，我哋唔收個魚皮錢，跟住我就話：根本唔係退錢嘅問題，而係你哋身為食肆點可以畀有問題嘅嘢人哋食㗎？！ 跟住我隔離枱呀嗰個叔叔都話：講得冇錯呀都有道理吖～唔應該畀有問題嘅嘢食畀客人食㗎我話唔係取消嘅問題囉而係你唔應該畀有問題嘅嘢食人哋食囉跟住第一個個職員話只係第二個職員講錯嘢我話你唔好講廢話啦你地畀第二次我嘅時候，你唔係應該都要確保個包嘢係新鮮冇問題先至畀客人食嘅咩關講錯嘢咩事呀，畀得我仲話新鮮先至畀我，你而家又話只係佢講錯嘢呀跟住我就嬲豬豬繼續食埋我碗河粉我食完去收銀個度比錢，個收銀同我講：唔好意思（無特別笑，亦無特別惡）我同返佢講：唔好意思啲咩呀（我就好不滿咁講）跟住佢唔出聲， 等多兩三秒佢都冇出聲跟住我就話：比啲有問題嘅嘢人食，仲有咩好講！跟住我就嬲嬲豬走咗喇我覺得 而家市度都已經咁差，唔做好自己基本嘅品質保證， 執咗都唔會有人可憐呀 更何況而家要冇人要求你要特別好食呀，只係畀返基本正常人應該食嘅嘢比客人姐～新鮮無過期無變質嘅食物又唔係淨係對你有咁嘅要求，真係好基本㗎咋……！就算炸魚皮本身唔係新鮮食物，但係你都唔好擺到益咗淋曬嚟比客人食呀如果係小朋友唔小心食咗，佢哋唔識得分呢啲係正唔正常，照吞咗落肚，到時食到人唔舒服呀邊個負責呀 所以今一次一定係絕對劣評不愉快體驗…Read More

我喺5月18號 下晝 幫老闆買咗鵝肝再幫自己屋企買豉油雞1隻， 我係今晚 5月19號 先至打開盒雞， 點不知呢一盒豉油雞， 少咗一邊雞髀！一邊雞腳！幾嚿雞胸！我發現咗之後，即刻打電話去舖頭同佢哋理論，個女人叫我要即刻影相去佢whatsapp，等佢睇下， 於是我影咗相，再影埋張單畀佢睇， 我再喺whatsapp嗰度鬧佢哋，有冇搞錯呀打斧頭打到咁過份！！個女人睇完相 ，打反電話畀我，話同個師傅了解咗，話佢個師傅一定冇打斧頭， 再講其他廢話， 點解遲一日先食？ 同埋一定唔係少咗半邊，因為係用黑色盒裝，黑色盒就係裝一隻雞，半邊雞我哋係用發泡膠盒裝，但係個問題係你可以用一隻雞嘅雞盒去裝半隻雞嘅嘢去呃人嘅啫！ 又話自己開門口做生意淨係做開心嘅生意， 我太太就繼續喺電話側邊度鬧， 「如果冇呃人嘅話點解冇咗半邊雞髀？ 咁樣打斧頭要報東張啦！」舖頭個女人竟然話： 我哋開門口做生意我哋唔呃人，如果你真係咁想要返嗰半隻雞咁你咪嚟攞 囉，不過唔係咁樣呃人囉！ 我哋係講緊雞髀，我地講嚟講去都係講緊雞髀無左，老婆同仔無得食雞髀，佢就不停講，我信師父無咁樣呃半邊雞 我同我老婆就即刻好激動話返佢轉頭啦，我而家係用四百幾蚊買一隻雞，盒裏面冇咗雞髀同腳，我梗係出聲啦，最後我哋講嘅理據佢都唔識得答呀，佢仲即刻cut埋我哋電話，收左線呀 咁樣嚟屈返我哋轉頭， 真係過份囉呢一行呢，好多人都會打斧頭，睇下點打㗎啫我上次去佢地個到買左1隻鵝，得4 嚿雞胸，感覺上 有幾舊胸唔見咗呀，好似冇咗四分一咁，我都算數啦！諗住算啦，當自己揀左隻細嘅鵝囉！但係今次連個雞髀同腳都冇埋呀！有相有得睇，等大家睇下 似唔似係一隻雞 嘅份量囉只怪自己無睇清楚個外賣先至走，大家買燒味都要小心d吖呢啲咪就係佢哋好開心嘅開心生意囉，自肥呀嗎，梗係開心㗎BTW講嘢真係冇智慧，第一我根本冇話要返半隻雞，我只係 鬧打斧頭點可以咁樣打 ，點解冇咗雞髀同埋個雞腳！你打斧頭就算你真係打，咪就打咗個雞髀同雞腳，你肯補番個雞髀畀我咪冇事囉，但係個重點就淨係話我地呃反佢半邊雞九唔搭八…Read More