MandyChoi1260's Profile

好耐之前已經聽過呢間巷仔店，亦都聽朋友講要預先最少一星期前訂位。。尋日心血來潮即興預約居然有位。。難得去到，梗係一次過試晒炭爐燒同邊爐。啲姐姐都好好，見我哋2個新手第一次食，都好主動幫我哋同教我哋點用佢啲自家製醬料燒會好食啲。佢哋嘅自家製辣醬一啲都唔辣，但加埋落去啲食材度燒，即刻變得好惹味。海鮮食材燒係比較出色，不過海鮮價錢略兼貴，4隻蝦都已經180蚊！手切牛不過不失，不過都係燒比較好味。而丸類就完全唔得。。…Read More

雖然尖沙咀分店選擇無紅磡分店咁多，但係呢2間都差唔多成為咗我嘅壽司御用飯堂。呑拿魚腩蓉、帆立貝、左口魚邊、蟹膏差唔多係每次必點！可惜今日左口魚邊已經一早沽清。。好鍾呑拿魚腩蓉個一口size。安格斯牛柳粒串燒都好有驚喜！燒得啱啱好，肉質仲好有彈性。…Read More

裝修後首次光顧，雖然店內環境無太大改變，但午市已經無咗$42嘅套餐 (4選1餸菜跟菜飯或白飯一碗，再配冷/ 熱豆漿一杯。) 。新套餐價錢略為提高，$45-$50嘅套餐跟白飯一碗，豆漿一杯及餐湯一碗，若跟菜飯需另加$5。豆漿嘅豆味無以前咁香濃，失色咗，有啲失望。酸辣湯就一般。3個人點咗3個套餐 (上至下: 糖醋魚塊、魚香雞柳、回窩肉)，每款餸都比以前大碟。糖醋魚塊不過不失，魚塊肉質尚算嫩滑。魚香雞柳就完全食唔到魚香嘅味道，只係普通嘅西芹炒雞柳。而回窩肉就稍為多油。…Read More

每次假日想食越南嘢，都必定會揀安南，亦都必定會點牛肉湯河。佢個湯底應該係暫時食過最接近越南嘅味道。因為今日天氣太熱，所以點咗個撈檬食吓。諗住配埋啲酸酸甜甜嘅醬食會開胃啲。不過撈檬選擇唔多，得春卷同豬肉，最後揀咗春卷。春卷雖然好足料，包滿晒豬肉，不過感覺有點膩。砂窩大頭蝦不過不失，不過汁料野味，食完可以伴雜菜食。青檸沙冰有少少失望，今次偏甜。…Read More

食過n次Doraya，都係鍾意自選魚生飯。每次都必定會揀甜蝦他他，夠晒鮮甜，一定唔會令人失望。今次次選揀咗吞拿魚腩蓉同帆立，三款餸味道都好match。特選丼雖然$298，但有齊晒呑拿大中小腩、腩蓉、牡丹蝦同蟹膏。蟹腳就不過不失。…Read More