chillmouth's Profile

觀塘區有好多餐廳選擇，商場、街邊、工廈都各有不同，今次晚餐就挑戰下近排新開既cafe「torio喫茶部」。一入餐廳已經比佢帶有日式的混合裝修風格同佈置感動了，氣氛十分之好，令人一入到去就期待上菜同朋友聊天的時光！而依間鋪既重點絕對係甜品！！很重要！餐牌上的選擇感覺都似平時係日本cafe上會見到果d款式，今次簡左招牌紅茶雞肉咖哩同意粉試下！每款主食都附設沙律，而且款式都唔小，基本的沙律菜、茶漬青瓜、中有薯仔沙律… 味道十分之好！反而紅茶咖哩我個人覺得咸味重過咖哩味，飯就似選用日本珍珠米。另一款是有肉丸的意大利麵，同樣都有沙律伴碟。肉丸有手工做的感覺，意大利麵的軟硬度亦剛剛好，只可惜同樣都覺得咸味蓋過其他味道。主菜加＄8就可以配糖漬椰橙紅茶，雖然叫糖漬，但完全唔覺得有甜味。重點登場！首先介紹焦糖布丁，輕輕搖一下個杯個布丁就好似跳緊舞咁，賣相十分精緻！口感很厚實，而且很滑很有味道，配上相信係自己調配既cream，味道一流！（主食加＄28換購）另外同體重身形抗爭緊既朋友可以試下佢另外一款套餐甜品！咖啡凍！雖然面頭果層cream都係敵人，但底層食起上黎好似飲緊齋啡咁，很香很濃郁既咖啡味道！無論係想搵個氣氛好既地方同朋友傾下計或者想食甜品chill下都絕對值得一試！…Read More

元朗近排多左好多西餐，但食得多有d膩；特然心血來潮好耐沒吃過上海菜，於是就搵到離YOHO MALL大概十分鍾路程既樓上餐廳試下！拿了餐牌看了很久，咩都想食；咁岩睇到套餐價錢，想食既都係裡面，而且價錢還比單點的便宜！食完覺得都滿意！第一道菜先來的是雞絲粉皮；比一般例牌的份量還要多，醬料香濃，不過放進口裡不冷不熱室溫的感覺有點奇怪，雞肉的味道也不重。第二道上菜的是排骨擔擔麵，同樣份量一分充足，不過排骨帶有咖啡味，而且有點過硬。第三道是招牌小籠包，雖然樣子平平，但基本湯汁都是足夠的。雲吞雞湯，味道不錯，每碗都有雲吞在裡面。這道菜算是當天最好吃，香料份量十足，十分野味！味道剛好！最後是甜點豆沙鍋餅，惟外皮有一點點厚，油份也略多，不過味道不錯！ …Read More

從熱鬧既大路轉入冷清既小街，依間東北菜館如果唔係朋友介紹我諗都唔會識搵到果到！坐係門口等既人絕對多過成條街其他既人加埋，如果晏左黎真係等30分鍾條隊先郁一郁都唔出奇，但係佢既北京填鴨唔會令你失望！店入面不大，而且位置有d窄；如果兩人來吃的話叫多幾樣餸真係會擺唔哂，食得十分狼狽。首先介紹萬眾期待既北京填鴨，大家千祈唔好等d野上齊影完相先食，如果凍左先食佢個香味同汁都會有影響！皮同肉中間鎖住左好多汁同油，再沾上特製既醬汁同用一塊餑餑皮包住擺落口，d油脂同肉汁就會係口入面爆出來，依道餸絕對停唔到口！另外十分滿意既中有雞絲粉皮，粉皮十分爽滑而且非常晶瑩剔透，醬汁非常濃厚，再同d青瓜撈埋一齊，口感同味覺一流！至於擔擔麵就不太特別，麻多於辣，豬排也就是豬排。羊肉餃的羊肉味十分重！但店鋪出名都是小菜類、擔擔麵同餃子並不是必吃！…Read More

入到餐廳好興奮，因為我可以又食炒年糕，又食炮菜餅，又自己燒韓燒！店員中同我講燒肉一碟起就可以叫啦！而且中有一大兜沙律菜，真係食多多肉都唔怕！中有我最鍾意既韓式冷盤前菜，泡菜蛋同芝士粟米，而且食唔夠中可以任加！爭扎左好耐我中終於決定左熟食就叫佢韓式辣炒年糕、芝士泡菜煎餅。而燒肉就試下護心肉同梨汁雞肉。芝士泡菜煎餅係入面我最滿意既菜式，煎餅剪到個底好脆口，但面層就有好軟綿綿，而且中有泡菜既爽口同芝士既煙韌，口感非常剌激！而炒年糕同我係韓國食到既都有8分相似，平時都唔太食得辣既我依個辣道已經係極限了梨汁雞肉係朋友既推薦下我都叫左來試下，燒熟左十分有驚喜，雞肉非常嫩滑！而且味道剛好，吃多幾舊都唔會有罪疚感。雖然用生菜托高左個底，但其實二人份量剛剛好。講完好就要講下唔好，依碟護心肉雖然份量比某連鎖店多，但品質就差很遠了。顏色非常暗淡，而且一食落口已經成陣雪味，唔新鮮既肉落幾多去調味都遮唔住，真心不推薦！…Read More

今日終於夠膽去食玖五牛肉麵！成日都驚要排好耐隊，今日6點半去到剛剛好唔洗等位，真係好好彩！裝修明亮大方；店員十分友善，雖然係牛肉麵，但始終花多眼亂，問服務員都好樂意問番我偏好推介番食邊款！我喜歡濃味一點，又心思思想試哂三款送，店員就推薦我試下紅燒三合一！另外佢又推介我試下夏日限定既特飲土鳳梨珍珠。牛肉麵一上台就好大陣牛肉燒飄過來，牛肉結實又有肉汁，牛肚切成一條條食上黎都好方便。因為佢得軟同硬麵選擇，如果平時拉麵軟硬食開係中既朋友我會建議麵簡硬麵，有口感得來又唔似未煮熟咁。而最特別係佢既湯，真係好濃好好飲！而且飲完都唔覺得頸渴，真材實料！睇電視連謝霆鋒都話好味既牛肉麵果然好味！依杯土鳳梨好得意，出面都未飲過！第一啖飲落口好香土鳳梨味，就好似渣住左個鳳梨酥係到飲咁鍾意食鳳梨酥既朋友記住試下！點菜紙十分環保！用白板筆落單，可以遁還再用，心思加分！下次我要試下佢既絆麵先！…Read More

食飯時候經過門口一定見到有一堆人等緊位，我大概8點半後去食就唔洗排隊。入到去坐裝修唔錯，感覺都自在舒服，氣氛無論同一大班朋友聚會或者小兩口撐台腳都唔錯！餐牌選擇十分多而且樣樣都好岩我同朋友口味，所以簡既時候好困難，於是就簡左d外面冇咁常見既主菜，墨汁海鮮意大利飯同黑松露田螺pizza！大部份意大利飯都非常膩，依個都唔例外，同朋友一人一半share就岩岩好；上面既海鮮都唔算太小，不過墨汁感覺多左小小，d汁感覺依附唔到d飯。另外一個主菜係黑松露田螺薄餅，食果陣驚喜十足！上台果陣黑松露味衝入我個鼻，而且隨餅附上薄餅刀，可以依照人數自己分幾多份，非常貼心！薄餅皮不會過厚，而且十分鬆軟，又唔會食餅皮食到飽！另外中加左兩杯菠蘿特飲＄15一杯，餐廳黎講算可以接受，不過就只係普通既菠蘿特飲。…Read More

依間屏山華嫂冰室幾時來都預左要排隊，每次都見到有差唔多二十人係出面等緊位。不過附近爛地可以泊車，又係幾吸引既！今次叫左佢好多人鍾意既蕃茄湯底，蕃茄既味道都好夠，但係豬扒就一般般了，果然佢既雞翼係好食d！跟住介紹我最愛既邪惡菠蘿包夾芝士咸牛肉！菠蘿包好新鮮，菠蘿包脆得黎又唔界到個口！加埋煎過既咸牛肉同芝士簡直絕配，口感味覺都得到滿足！奶茶都頗用心，落單姐姐話冰花仲好飲，但貴小小。廿蚊一杯其實都飲到台式飲品，可能我本身對奶茶感覺一般般，所以覺得普普通通，但算係好飲既！…Read More

之前係網上面睇到個關於髒髒包既街頭試吃訪問，見到依間鋪頭以大比數勝出，於是抱住好奇既心態去試試。首先去到當然問下中有冇得賣，因為頭頂既餐牌同麵包櫃都冇髒髒包既蹤影。店員話有但需要等四個字左右，於是就滿心歡喜等。係網上面睇到「最先於韓國爆紅的網紅美食「髒髒包」，是裹著朱古力粉，兼有朱古力醬的麵包，食的時候好容易食到周身都係，因而得名。」買左番去既時候一切開點解一啲朱古力醬都冇嘅？食落口除左外層D粉同朱古力之外就得番麵包味，食完嘅感覺係只不過係將個麵包整到好髒咁麻煩你去食佢。真係唔知條片訪問果D人點解覺得好食中大比數勝出…Read More

平時係銅鑼灣唔係食野都唔會去既果條街，就係一蘭前幾間鋪，去到門口發現原來兩間店都係一樣既，一邊吧位一邊四人桌。想試佢鰻魚飯既朋友記住坐低左就嗌先啦，因為鰻魚需要烤番熟時間需要長小小。其他魚生飯等左一等就排住隊咁上菜，而海の幸丼一上台果陣大家都嘩左聲😂，塊塊魚生都好厚好肥美，充滿光澤，其實淨係食魚生都飽哂了。而佢既壽司飯底都誠意十足，非常感受到醋既香味食落口又帶小小甜味，鐘意食壽司飯既朋友唔可以錯過！雖然價錢相對其他地方會貴左小小，但都算得上一分錢一分貨，而且當銅鑼灣食飯時間到到都要排隊既時候，Bar台果邊總唔會讓你久等，下次到到都排長龍既時候可以去碰碰運氣。…Read More

其實幾年前我都諗住食，但次次行哂成個公園都搵唔到，於是次次都放棄左。但原來一直都搵錯邊，其實係正巴士總站對面。話就話小食亭，但其實有一邊有四張高腳凳做到好似Bar台咁，加上附近係公園，坐係到都有種忙裡偷閒既感覺，都頗Chill的😍雖然慢煮其實我又食唔到嫩左幾多，營養又保存左幾多，但咁既價錢我覺得好食咪得😂安格斯牛扒芝士三文治食落口都幾嫩口，但有D筋既地方就食得好辛苦。蟹肉牛油果三文治食落就好清新，蟹肉份量都唔算小，但其實係得中間位先有，食到邊邊就得番生菜啦😩不過果位姐姐就比較Cool，大家唔好介意👀…Read More

成日見到間粥店好多人係門口排對，但到底點解食粥要排隊呢？食完覺得佢價錢貼地，唔會負擔唔起。而用料新鮮，豬潤同牛肉都非精粉嫩，粥底亦不會太浠。個人喜歡腸粉皮厚得黎又有質感，可以沾多D佢地既小甜鼓油，食落口有番細細個係傳統粥鋪果D味😍乾炒牛河既牛肉好滑，但想食鑊氣既就要去番茶記啦。蠔仔碎牛粥真係不得了，我食到最大粒果隻蠔中大過我手指公，而且絕對唔係一碗得三四粒！炸兩既油炸鬼都尚算新鮮，而且中有花生醬可以自己加，好似食腸粉咁😂…Read More

店內裝飾很girly，5位客人以上才可以坐美麗的圓桌，只好等下一次機會當天餐湯十分好喝！黑松露pizza令我十分驚喜！shake shake 薯條地瓜條 新鮮炸起，食到停唔到口…Read More

首先說聲抱歉，吃到一半時才回復理智發現未影相。每次吃上海菜都必點雞絲粉皮，這家的雞絲粉皮沒有令我失望，醬汁沾上粉皮入口香淳幼滑。平常吃小籠包都好大方請竹籠吃一半湯汁，這次卻一整隻放進口裡，很滿足！招牌炒飯味道不會太重。…Read More

開店以來都不停帶朋友去吃，因為朋友一聽到花膠就會心心眼emoji上身。我每次去吃都會點花膠燉牛奶；牛奶是用日本3.6北海道牛奶煮的，之不過價錢有點小貴！湯的味道普通，麵鹼水味剛好！花膠偶有沙。…Read More