gulumeat's Profile

普通一個午餐麻辣乾炒牛河跟個白湯一杯凍奶茶啲粉唔會黐埋一嚿嚿其實依家一星期最少都有三日返工係會食紅茶附近所有茶餐廳根本同佢有距離，雖然講真佢價錢真係貴$6-7蚊，但冇辦法佢真係有質素之前食有日咗一個楊州炒飯好食乾身唔會太鹹…Read More

今日都係咁啱喺新城市行街，然後屋企人話想食泰國野，咁新城市入邊都冇乜咩選擇，咁所以就揀咗Nara Thai Cuisine晚市來講都算幾多人排隊，等咗大約10分鐘就有位啦以前記得幾年前喺尖沙咀食過一次覺得都唔錯嘅，但今次再食返同一個集團但係沙田分店就真係麻麻地😬首先叫咗個生蝦，呢個本身覺得集團式嘅呢啲應該都麻麻哋，但係黎到又可以喎夠新鮮😜份量都唔少同Size適中之後就到大蝦冬陰功啦，個冬陰功就真係唔係好夠味，好水下，完全唔似飲緊冬陰功，但係佢勝在有個蠟燭喺下邊熱住，呢下都加分啦，唔講味道既話🤪跟住再黎就係泰式炒通菜，呢個又係搞唔掂，呢個有啲似泰式烚通菜，一啲火候都冇又細碟☹️雖然只係$68之後到酸辣青檸汁蒸烏頭，呢個個汁反而幾好味喎，但溫度真係唔夠熱所以搞到好似有啲魚腥味😵越食越唔知點，最後都無食晒最後就係炒金邊粉，呢個都係唔得，得個樣完全唔覺得夠味😢總括嚟講真係麻麻地，雖然服務呀各方面都OK嘅，環境衛生都係唔錯嘅，但食野最緊要個味，我就應該短時間內唔會再幫襯啦😰，希望遲吓見到有啲好轉返嘅食評，完…Read More

平日都好少係粉嶺揾食，但好耐之前已經聽過人介紹呢間號稱新界大班樓嘅地方，港島大班樓就試過啦，咁今日就黎一探究竟，屋企人大約兩星期前訂位，一行六人～去到7:30等左大約十分鐘就入坐啦由於屋企人都唔算好大食量所以好似叫左好少野咁～之後再黎就係黃酒煮雞，味道偏甜，得個人黎講就好鐘意，啲雞夠滑同埋份量都唔會太少之後呢個肥腸面個啲個味幾好味，但底個啲有大半個底係燶左，呢個要扣少少分鮮鳳梨山楂咕嚕肉，不過不失，不過我自己本身對咕嚕肉比較高要求，我食完都無咩印象，所以呢個可叫可唔叫另外就係呢個秘製生炒糯米飯，好味，但同强記比都係爭少少，但佢都係一個有水準既糯米飯紅蔥爆豬潤，呢個好惹味，火喉好好唔會過老第一碟黎既係香煎墨魚餅，呢個做得唔錯，一啲都唔油同埋夠彈，賣相好靚價錢又唔貴，必試黑蔗糖蜂巢糕好好味呀，一啲都唔甜炒菜都係正常野啦，無咩特別…Read More

我諗一講起三聖，大家一定會諗起容龍幾年前朋友帶我食過容龍，嗰陣時記得係要成個月前訂位既，仲記得嗰時每一樣餸都覺得超高水準，加工處理方面做得好好，所以今次就諗住同外母大人過嚟慶祝生日首先我哋一行五人，去咗屯門三聖嗰度揀海鮮，嗰日係平日所以都唔算好多人，咁買完之後嗱嗱聲就拎去容龍比佢哋搞叫左以下呢幾樣餸，五個人食🟡豉椒炒蟶子（米粉底）今日啲蟶子好大隻，火候控制得唔錯好爽口彈牙，米粉底更加要讚，索晒啲汁搞到妹仔仲好食過主人🟡避風塘鮑魚鮑魚冇問題，但估唔到佢整得咁差，出面個粉好似冧晒咁樣🟡椒鹽鮮魷魷魚唔係自己買，喺嗰度現場叫，但係上菜第一啖食落去，真係嚇死人，嗰粉又係好冧好濕咁樣，估唔到一個咁簡單嘅椒鹽鮮魷可以整到咁難食🟡椒鹽賴尿蝦呢個就正正常常冇咩特別🟡芝士焗龍蝦我諗以前有食過嘅人都知，呢個係容龍其中一個招牌菜，但今次個芝士皮焗到超硬，食落去第一下係直頭會刮損上顎完全唔明白點解會退步咗咁多🟡油鹽水蝴蝶蚌呢個處理冇咩功夫可言，都係普普通通🟡椰皇燉蛋白坐低嗰陣時已經問要唔要預留甜品，因為呢個真係成日都會賣晒，呢個就真係要讚，保持一貫嘅水準，蛋白十分之嫩滑🟡生菜煲有少少偏鹹🟡油鹽焗奄仔蟹食到呢個都唔期望有啲咩咁特別，所以呢個就不作評論總括上菜黎講都算好快，但以容龍既名氣同埋歷史，一間傳統海鮮酒家黎講，依家嘅水準真係唔合格，我諗我短時間內都唔會再去光顧，因為而家令人回味嘅就只有甜品同埋個煎米粉底，希望容龍之後有機會重拾昔日嘅光輝，變回一更令人想再返轉頭既海鮮酒家…Read More

今日係年廿九，公司食團年飯~同事揀左食鐵板燒咁大約2個星期前預約，對上一次食松菱已經係大約五年前，記憶係唔錯既餐廳但未去到驚訝，咁既然都要黎啦，就本住再試吓既心情啦每人叫左一個松菱定食set ,㨂左A4 Japanese Tenderloin Steak $980呢個SET包左一個AppetizerGreen SaladGrilled Prawn/Scallop/Eel/Squid (4㨂1）Fried Vegetables Fried Rice/Noodle (2㨂1）Miso Soup and Pickles Seasonal Fruit/Ice Cream沙律前菜另外叫既刺身燒車海老Tenderloin 里脊肉炒飯炒什菜另外 A La Carte 叫既飛驒牛 $1500 一嚿總括黎講師傅係火喉控制方面係唔錯，牛同個蝦都好有水準唔老好夠嫩口，另外同事比左粒帶子我試都係啱啱好老，至於其他都係正正常常平平穏穏啦，同我預期中一樣無咩大驚喜，我自己會比80/100分，其實佢保持到幾年前水準既， Service 黎講師傅都有講有笑，有留意我地有咩需要，至於其他Server就真係好一般唔講太多啦，如果你要好好Service呢度就應該比唔到你，但如果你想食一餐傳鐵板燒呢度係一個唔錯既選擇，我都會推介既…Read More

今日同朋友兩個人book左呢度食午餐，見有網上訂座，準時入坐，店員坐低都即刻問飲咩，之後整體服務正常發揮，無咩特別因為減肥期間所以無揀甜品，淨係揀左2 courses, starter + main $258一黎先上左個bread basket ，無影我揀左：Margherita  Pizza  ,Truffle  Shaving佢係偏硬既既thin crust,我個人就麻麻地，番茄醬同truffle都唔算好濃味，不過不失啦，唔難食既，不過我自己會比 4/10 分Porcini  Mushroom  Soup  Truffle  Shaving個湯就都夠味同幾creamy既，都係還可以啦，未至於去到好有驚喜 我自己會比 5/10 分朋友個個就唔記得左影，不過Overall環境呀，都坐得舒服唔嘈既，同埋落地玻璃望住海景係唔錯既，不過唔好對啲食物預期有好大期望，如果未試過可以試下，睇下你食完既感覺係咪同我一樣…Read More

今日主要係同朋友慶祝生日，預先訂咗位去到都唔使等，坐低咗之後睇咗下餐牌，跟住都有過嚟介紹，老闆話大部份人都係叫套餐，咁就即管試吓啦，另外今日比較多人因為有兩圍人搞緊生日，所以都比較嘈，但老闆娘後尾都話今日真係唔係咁好意思，平時無咁嘈，但整體菜式唔錯，換碟加水都快手，侍應有留意眼神有冇需要，唔會話好忙無人理，有加一但冇收切餅費，如果太子同旺角附近黎講，又想食海鮮呢個係一個唔錯嘅選擇，係性價比幾高嘅一間菜館…Read More