Neyuis's Profile

香港地飲食業既經營成本真係好高，舖租貴 人工又唔平，結果小店買少見少，大商場都係得返啲連鎖餐廳，所以每次見到有小店我都一定支持下！新開既小店環境乾淨，夠冷氣。見到牆上貼左好多貓貓寫真，原來間中會有貓店長返黎兼職賣萌 ，好可惜我遇唔到🥹🥹🥹❤️講返野食，有好多唔同嘅種類可以選擇 burger仲可以添加無限配料同揀特別醬汁，自選一個最啱自己口味嘅”公司漢堡包”大啡菇洋蔥牛堡加左煎蛋同煙肉再配黑松露沙律醬大啡菇好多汁同好香至尊雙層芝牛堡加左蘑菇，煎蛋，菠蘿，蜜糖芥未醬勁誇張，睇見都興奮😆加左菠蘿好juicy，同牛肉勁夾，一定要試！兩個都轉左竹炭包 同加左$18跟套餐 有粗薯條同野飲，兩個餐加埋勁大兜薯條😆巨峰梳打好飲加$12可以過加小食，忍唔住試晒三款：唐揚雞件、炭燒大雞串、單骨雞翼。當中最鐘意單骨雞翼，辣辣地又脆卜卜散叫左個煙三文魚雜菜沙律 又係勁大兜 鐘意佢個柚子醋汁 開胃解油膩 大大減低食burger嘅罪惡感…Read More

宜家好食嘅Omakase真係買少見少，今次黎到跑馬地嘅 寿々乃 食左一餐令人滿足嘅Omakase。餐廳嘅位置得10個，所以建議必須預約。食材會跟據季節挑選最時令嘅食材，當晚就用左夏天當造嘅富山縣白蝦同岩手縣紫海膽。所有食材都係每日下午由日本空運到港，一食就會明白師傅對食材嘅要求同執著，令我係三個鐘裡面對每一道菜式都保持住極之期待嘅心同味蕾上嘅驚喜，$1800係物有所值。前菜🥢百花卷 - 以牛蒡同淮山製成，口感爽脆🥢昆布卷 - 食到淡淡嘅高湯味，口味清新🥢漬物 - 漬物用魷魚同長野縣嘅蘆筍製成，咸咸地適宜送酒🥢宮崎縣炸蟹仔 - 咁迷你嘅炸蟹仔咬開一半竟然係有羔季節清湯：京都名物 鱧魚清湯 真心第一次飲咁清爽嘅湯！蒓菜嘅口感好特別好得意 口感滑到好似食緊啫喱咁鱧魚師傅應該同左梅子醬刺身五味🥢愛媛縣盧魚 - 配上醋橘同特製嘅酸汁 非常清新🥢縿魚 - 肉質實淨 魚味濃郁 食到魚嘅油脂🥢赤貝 新鮮北寄貝 - 香港好少食到新鮮嘅北寄貝，超級鮮甜，記憶點好深嘅 🥢白蝦刺身 - 又係最時令嘅食材，富山縣白蝦嘅甜味真係其他蝦比唔上🥢岩手縣紫海膽 - 新鮮海膽，鮮甜到不得了，比起我係金澤魚市場食到即開嘅海膽更好味！季節料理🥢炸白蝦 – 原隻白蝦連殼生炸，酥脆到一個點，一上枱已經聞到好香，送酒一流🥢炸蝦丸 - 同樣以白蝦製成，貿地有少少似魚腐，但就多一份鮮甜🥢粟米天婦羅 – 用上長崎縣黃粟米以及北海道白粟米，甜度十分之高，口感軟糯鬆脆壽司十貫🥢和歌山鮎魚🥢靜崗縣金木鯛🥢大分關靖魚🥢兵庫縣甘蝦 🥢石垣貝🥢池魚 🥢長崎 中拖羅🥢大拖羅🥢赤身-🥢北海道馬糞海膽每一件壽司都係非常鮮甜，各具特式，例如和歌山鮎魚好清甜；金木鯛魚肉軟綿，魚皮用熱水灼過，保留左皮下脂肪；關鯖魚魚味濃郁；甘蝦好甜好厚肉；石垣貝又係鮮味到爆登；赤身中拖同大拖羅都一樣好味，大拖羅用鹽代替醬油，更加吊起個甜味，真係肥美到黐線，入口即溶！而我最最最鐘意當然係北海道馬糞海膽手卷！係不計成本滿滿嘅馬糞海膽呀！每一啖都令味蕾好感動就連麵豉湯同甜品(熱情果芝士餅配富良野蜜瓜)都一樣係好出色，真係好有記憶點嘅一餐omakase，完全明白點解坐無虛席…Read More

朋友話最近係北角發堀到一間性價比好高嘅鐵板燒，晚市最抵食嘅一人前$598就有交易，仲有期間限定送龍蝦，不過我地當日最後再豪d 揀左$868有活鮑魚嘅一人前set🤭温野菜沙律沙津菜好新鮮，配上開胃嘅胡麻醬同口感滿滿嘅海葡萄，沖繩嘅回憶返晒黎水野茶碗蒸茶碗蒸內食得出落左素翅，味道清甜鮮の二品是日海鮮有帶子同大蜆帶子size頗大粒 煎得好香 最鍾意呢度每一樣道菜式都配上唔同嘅醬汁 鰆魚柑桔柚子味噌炙鰆魚好厚肉 但都保持到魚質嫩滑魚皮煎到脆卜卜好似薯片咁 連平時唔鍾意食魚皮嘅我都食晒板炙鮑魚配菜花新鮮嘅南非鮑魚用黎鐵板燒真係無得輸，嫩滑同彈牙嘅口感齊晒，點鮑魚肝醬食味道會更濃郁，但個人覺得點伴碟嘅玫瑰花瓣碎食 味道會再有另一層次煎鮟鱇魚肝配焦糖蘋果鵝肝食得多，鮟鱇魚肝記憶中只食過一次，今次煎鮟鱇魚肝配清新香脆嘅焦糖蘋果，好食過配多士香蒜味噌薄燒和牛、野菜三品主菜同野菜三品一齊上 和牛薄燒仍然食得出充滿油脂同牛味，食完一啖和牛卷再食一啖野菜就唔怕會過膩，其中一個用黎點野菜食嘅茄子mousse醬 味道仲好特別菊志炒飯師傅落左勁多櫻花蝦一齊炒，炒飯粒粒分明高野吸物麵豉湯偏向淡口清甜洋果子甜品係豆腐味嘅雪糕，雪糕上面撒左少量紫色嘅脆片，估計係整碎左嘅紫薯蛋卷，除左靚之外，食落仲多左份香味。食完濃味嘅鐵板燒，清新嘅豆腐雪糕正好可以清清味蕾，Prefect😌…Read More

發掘左間唔錯嘅日系洋食cafe，成間餐廳使用木系餐桌同擺設，環境走日式復古風，仲寵物有善🐶🐱勁鐘意佢嘅自選便當，好多選擇，好精緻💖自選便當(一個主食 + 兩個肉料理 + 兩個野菜/蛋料理)🥢期間限定- 芝心漢堡係流心芝士嘅burger！芝士控必選🥢唐揚炸雞配他他醬炸得好脆 點他他醬食送飯一流🥢味噌比目魚好滑，0腥味，味噌汁唔會太濃搶左魚既鮮味，推薦🥢生薑五花腩片五花豚肉包住爽脆既青瓜，略帶生薑味，五花豚肉偏瘦，飲食均勻之選🥢明太子日式蛋卷濃郁蛋味，口感扎實，玉子加明太子嘅配搭當然無得輸🥢期間限定－桂花糖漬蕃茄呢個鐘意食蕃茄嘅一定要試！酸酸甜甜，清爽得黎又帶幾分桂花嘅香甜，推薦！🍴唐揚炸雞楓糖醬班戟話說一坐低就見到隔黎幾枱都點左呢個炸雞pancake，睇見已經好想食炸雞外脆內軟，肉質好滑🥞pancake質地厚實，係美式果種口感，配楓糖做鹹食就最夾畀我留意到餐廳有bar位 仲收埋好多大酒！原來文青cafe夜晚會搖身一變酒吧😮…Read More

盛夏祭原價$750 做緊Special price $638就食到食鐵板燒除左可以睇師傅即場表演，仲通常都會附送靚景💖今次食嘅餐廳位置係The One，就完全飽覽維港嘅夜景🥢三文魚親子沙律第一道係清新嘅開胃菜。三文魚同三文魚籽都好鮮甜🥢刺身三點赤身、油甘魚、白身魚個人最鐘意油甘魚 爽口肥美🥢鐵板燒帶子配香橙西班牙辣肉腸汁帶子超大隻！煎到啱啱好，面頭微焦裡面超嫩滑個醬汁好醒胃，辣肉腸鹹香惹味，增加有層次🥢鐵板燒白鱈魚配燈籠椒煙肉汁煎香左嘅白鱈魚油香爆燈，肉質嫩滑，入口好似即時溶化咁，超好味🥢鐵板燒大蝦配紅咖喱蝦醬鐵板大蝦真係超好味！蝦肉結實彈牙，蝦頭嘅肉同蝦膏更加係超級香！！蝦膏嘅鮮味配埋紅咖喱醬香辣濃郁，無得輸🥢鐵板燒美國牛肉眼薄燒 牛肉薄燒超軟嫩，捲住蔥花蒜片一齊食好惹味呢個鐵板set幾抵食，海鮮新鮮，醬汁有心思，牛，食埋炒飯同甜品完美收尾…Read More

餐廳充滿舊式香港嘅味道，係以前細個去酒樓會見到嘅佈置，充滿情懷。トト蜆卜卜蜆隻隻都好大隻，比平時出面食嘅大一倍以上，同埋食落嘅份量都好多，最緊要係冇沙，食落勁鮮甜勁滿足，飲埋佢個湯底勁鮮甜，三個人食份量就啱啱好。安格斯牛小排（小）牛小排口感一流，同埋好新鮮食落好重牛肉味，一食落去就知係靚牛，超級好食。蟶子蟶子都幾抵食$68有兩隻，店員亦都好細心幫我地淥蟶子，呢度嘅服務真係超級好，聖子食落啱啱好，好新鮮同埋好抵食。美國桶肥蠔隻生蠔勁大隻，因為想穩陣啲食，所以就淥咗好耐，雖然煮咗好耐，但係都仲係好大隻，咬落去都好濃味同埋好鮮滑。蔬菜拼盤一面有娃娃菜，蘿蔔，冬菇，粟米。佢呢度用嘅食材全部都好新鮮用料好靚，樣樣食落都好好味。…Read More

特選和牛套餐🥢野生北海道章魚醋物一向鍾意食有咬口嘅食物，章魚切到段，細細粒，味道開胃，口感不錯🥢季節刺身刺身新鮮，最好味係個深海池魚 - 肉質實淨、嫩滑；赤蝦 - 鮮甜味美；北海道粒貝 - 口感超級清爽🥢瀧宴特色魚生杯魚生杯有好多款刺身，類似角切魚生飯嘅做法，壽司醋飯做得唔錯，有誠意🥢海鮮茶碗蒸食得出茶碗蒸內好似有蟹肉，好鮮甜，一定要襯熱食🥢季節吸物-蜆肉清湯蜆肉清湯飲落好清爽，有淡淡嘅昆布同蜆肉鮮味🥢阿拉斯加雪場蟹立左秋準備步入食辣嘅季節，主角雪場蟹好粗壯！蟹肉本身鮮甜輕輕用鐵板煎香，其實已經好好味，加埋師傅秘製嘅牛油醬汁，成件事層次唔同晒，好邪惡🥢南非鮑魚活鮑魚勁大隻！未煮之前一路都見隻鮑魚仲郁緊師傅嘅刀工好好，切片後嘅鮑魚爽口得黎仍然保持嫩滑🥢澳洲特選和牛肉薄燒牛肉薄燒包住蔥花同蒜煎成5成熟，除咗有牛嘅油脂仲有蔥花嘅香味🥢櫻花蝦炒飯次食鐵板燒都最期待個炒飯，一食就知師傅功架，炒飯粒粒分明，重點係嗰隻燶邊太陽蛋，超正…Read More

本身真係勁鐘意食串燒，每次去居酒屋都一定喪叫燒物，酒津係我覺得銅鑼灣數一數二燒物同刺身都好出色嘅居酒屋🥢壽司點左帆立貝、油甘魚同珍寶牡丹蝦壽司，全部都好鮮甜，特別係帆立貝，大推！價錢唔算貴，性價比高，一定要試下🥢燒物點左勁多款燒物，當中白鱔同燒豆腐係最有驚喜！！白鱔勁厚肉多汁，咬落去竟然要用juicy黎形容！朋友話未食過咁好食嘅白鱔！燒豆腐燒得好乾身，一上枱已經聞到勁香，略帶臭豆腐風味，鐘意食豆腐嘅朋友仔唔好錯過雞胸軟骨係餐廳介紹，比一般嘅雞軟骨有咬口同好食，當中仲夾住雞肉，軟骨有彈性，唔會太硬安格斯牛小排肉味濃郁；黑豚鵪鶉蛋同黑豚秋葵都燒得剛剛好，每一啖都食到有肉汁另外青椒仔、雞翼、自家制免治雞肉棒呢啲基本野都燒得好香，串燒配生啤認真一流 所有串燒都好出色，就連燒飯團塊紫菜都特別脆，重點係所有串燒都無過多嘅調味，恰到好處，超讚🤤👍🏻🥢鐵板廣島蠔好少食到咁大隻同厚肉嘅廣島蠔，因為係用鐵板上，所以用左大量洋蔥墊底，廣島蠔保持到唔會過熟，係洋蔥同煙肉碎配搭下更惹味，洋蔥十分甜最後有樣野真心要讚下，餐廳星期日有8折，仲要折左後先計加一，良心食肆…Read More

有日做野過左葵興，諗住工商業區實無乜好野食，結果係KCC搵到間cafe，環境同野食都幾唔錯🍴日式海苔魷魚天婦羅炸漿唔會太厚，個調味用左海苔味又同魷魚幾夾，炸到脆卜卜 點埋個特製沙律醬食 正🍴泰式惹味冬陰功大蝦意粉一向都鐘意食fusion菜式，每次見到有冬陰功嘅意粉都冇抵抗力，一定會試！呢間Cafe嘅冬陰功大蝦意粉做得幾好味，夠辣夠惹味，意粉軟硬適中好掛汁，三隻蝦雖然唔算好大隻，但都好爽口🍴BBQ炭燒豬肋骨配薯條豬肋骨嘅份量好大份，燒得好香，仲配埋大量薯條同沙律，個人黎講覺得點燒烤醬食惹味好多 總結環境都幾舒服，我見到有人拎埋Notebook坐低邊食嘢邊工作，去開附近可以試吓…Read More

餐廳名食字叫漁樂場，竟然環境都真係好似去左娛樂場咁好有氣派，又有live band，非常IGable，打卡是必須的值得一提係餐廳d位好闊落好好坐，食物份量都好大碟🥢避風塘粟米超級惹味，食得出粟米有用牛油爆香過再用椒鹽爆炒，好好味，呢個必食！🥢秘製爆蒜豆豉鸡煲雞煲好香，祕製爆蒜同平時麻辣雞煲唔同，唔會得個辣味奪左雞味，雞肉好滑好厚肉🥢秘製胡椒海蝦店長推介，第一次食胡椒味嘅蝦，又幾好味，海蝦好大隻同新鮮，值得一試🥢珍寶海鮮pizza（蠔餅）Pizza造型嘅蠔餅，除左蠔仔仲有魷魚同蟹柳，炸到脆卜卜，都幾得意見在場好多人食燒魚同串燒，枱枱都點啤酒/cocktails飲，唔飲酒嘅朋友仔就可以試下杯超級水果茶，滿滿嘅生果，好飲…Read More

之前朋友上網見呢間主打露營風嘅日式燒肉店keep住有唔少好評 已經帶提議黎食過兩次，我地次次都係叫拼盤，食日式燒肉必點嘅牛肉當然唔少得，今次就試埋海鮮拼盤全牛特選拼盤（A4宮岐牛三角腹肉/牛肋肉/牛里脊肉/牛胸腹/雪花牛小排)日本和牛專門店嘅肉的確係唔同啲！所有部位，每一款肉都係非常優質，肉味濃郁。因為唔鍾意食牛舌嘅關係，店員好好幫我哋換咗另一款肉。當中牛肋肉嘅肉味最濃，肉味好重之餘仲有咬口。牛胸腹肉就最有口感，肉質最有彈性。當中A4宮岐牛三角腹肉同雪花牛小排個油脂都正到暈，一咬落去啲肉汁就咇晒出嚟。靚牛真係點燒都好味，慢慢燒，燒到有網紋勁正。海鮮拼盤 （虎蝦/鮑魚/帆立貝）海鮮拼盤食材新鮮，三樣裏便最好食係特大嘅海虎蝦，肉質結實，有蝦既鮮味；帆立貝肉質好甜，不過就唔算好大粒；鮑魚本身用日式做法，漬過調咗味，燒後仍保持到彈牙口感。整體都唔錯…Read More

港島區老友好介紹！試左間卷物超好味、生啤買一送一、仲要有pizza食嘅居酒屋🥢甜蝦唐揚呢個配生啤真係一流，甜蝦炸得超香脆可以原隻連殼食🦐仲好抵食 一大兜都係$48🥢海葡萄海藻青瓜沙津完全係沖繩嘅味道💕好清爽，有呢個沙律叫多啲炸嘢食都都唔使怕油膩🥢海膽右口魚邊蝦卷、4重芝士炸蝦卷卷物真係做得好出色！猶其是個海膽右口魚邊蝦卷真係必試！！一放口火炙後嘅右口魚油脂再加上海膽嘅鮮甜喺個口裏而完美爆發，絕對係當晚嘅MVP！兩款卷物都真心好好味🥢鐵板薯蓉廣島蠔廣島蠔幾大隻同飽滿，應該煎完再焗，香得黎仍然保留到海鮮嘅鮮甜juicy。好鐘意個薯蓉係有薯粒係入面，食落個口感有少少似西班牙薯仔蛋餅🥢明太子什菌地雞薄餅好少居酒屋有pizza供應，Pizza係我鐘意嘅薄批，餅底好脆，明太子味唔算好出，但鋪滿大量芝士勁惹味整體所有嘢食嘅質素都好唔錯，加埋生啤買一送一好抵飲，難怪星期三晚都座無虛席…Read More

係美麗華食左一間環境唔錯嘅泰國餐廳，有酒飲有bartender ，相信去到深夜可能會搖身一變成為高級酒吧，不過我地當日主要目的都係想試下openrice好多人推介嘅菜式🥢泰式小食薈萃有2人同4人份量嘅小食拼盤 可以揀4款小食 適合貪心仔一次過試多幾款小食當中最鐘意就係紅磚豆腐外脆內嫩、泰式蝦多士脆卜卜好鬆化、酸辣無骨鳳爪爽口開胃、炭燒豬頸肉就正常發揮。🥢炭燒沙嗲雞串雞肉嫩滑，保持到肉汁，唔駛點沙嗲醬都夠晒味。🥄泰式椰香鮮雞湯當日落完大雨，嘆住冷氣又飲左杯勁凍嘅雜莓沙冰沙冰，個人食食下飯係有d凍😆不過飲完呢個椰子雞湯馬上暖笠笠。煲湯嘅雞件雖然唔算係好嫩滑果種，不過就好有雞味。🥢酒香火焰骨呢個火山骨堅係會著火🔥完全係為社交平台打卡以設，肉質好腍，落左好多紅椒青椒，味道比起過往係其他餐廳食過嘅火山骨相對惹味。🥢泰胡椒和牛炒糯米河極多牛肉！糯米河個質地好煙靭，味道調得唔錯，食到有鑊氣🥥黑糖椰子雪糕椰子雪糕配上黑糖打成嘅cream，仲有好多桃膠、龍眼肉、椰子脆脆等配料，鐘意食椰子味甜品嘅朋友仔要試下…Read More

應該係新開嘅餐廳，似家庭式營業，環境幾乾淨，夠晒冷氣😆二人套餐好抵食 $298有一個菜，兩個主食，連飲品同甜品，整體食物都大碟，仲可以追加小食🥢泰式炒通菜 夏天就係要食當造嘅通菜 炒得惹味夠鑊氣 🥢泰式炒金邊粉 係炒河同金邊粉兩者之間爭扎，最後加$10揀左金邊粉，事關睇openrice嘅相見到有兩大隻蝦好吸引！大蝦新鮮實淨，金邊粉就係傳統泰式味道，略帶甜味🥢香葉炒泰式脆腩肉又係好鬼大碟！叫左少辣唔算好辣，豬皮好脆，記得要食埋精粹嘅香葉🥢串燒追加左雞肉串，朋友食第一啖就話：好味喎😆雞肉串好滑仲好大串，點沙嗲汁食夠晒惹味🍌香蕉薄餅 跟餐甜品有香蕉pancake同芒果糯米飯揀，我地怕太飽就揀左pancake🧇估唔到都ok，薄餅煎得幾好 香蕉迷必食…Read More

呢間可能係我係香港食過最好味、服務最好嘅和牛燒肉店，每一道燒肉都係由餐廳職員親手介紹同燒，職員仲好nice同細心，服務滿分可能因為餐廳係源自於台灣，呢間燒肉店勁多自家醬汁同配料配搭和牛一齊食，每樣都好夾，真心可以令味道提升🥢極生牛肉佐帕瑪森起司澱粉質愛好者表示超鍾意呢個頭盤多士鬆脆，嫩滑嘅牛肉他他加左魚子同勁多Parmesan cheese，味道勁濃郁🥢美國牛舌厚切本身對牛舌唔算喜愛，但呢餐嘅厚切牛舌令我喜出望外，無論口感還是燒肉技巧都係無可挑剔，配搭蔥油同自家制辣粉，更加惹味🥢日本A5和牛牛小排牛小排肉味濃郁，燒過後唔會太油膩，配上漬過嘅昆布同油封蒜一齊食，味道更豐富🥢日本A5和牛刺身呢個係店員推介，第一次食和牛刺身，原來口感係好滑同好軟熟，建議點埋wasabi食，滿滿Sashimi感🥢日本A5和牛月見金磚全晚嘅MVP，最濃肉味口感亦最好，好配服店員可以燒得咁快好，由於油脂最重，餐廳準備左白飯配搭一齊食，加埋自家制醬油蛋一齊食，不得了！！🥢日本A5和牛海膽卷估唔到除左和牛好食，海膽都咁鮮甜咁高質！MVP2號當之無愧🥢日本A5和牛夏多布里昂和牛牛柳部位，肉質較軟腍同多肉汁，第一次見人燒肉會rest完再燒，咁用心燒，好味真係有原因🥢醬漬封門柳第一次食燒嘅封門柳，肉質嫩滑🥢真理丼好浮誇嘅丼飯，黑松露魚子、海膽、和牛、再加埋雞蛋mix埋，豐富美食再配埋美酒，食埋個涼浸浸嘅西瓜雪葩，好滿足…Read More