arbao's Profile

今日同同事去銅鑼灣做野，天氣太熱，想食日本野，但時間又趕，就去左依間外賣飯團店。雖然店舖細細，但職員服務好，會介紹食物 飯團選擇多，又有飯盒﹑小食同飲品供應 由於我地趕時間，我要左明太子同芥末八爪魚。兩個飯團D 紫菜都好脆，飯又好味。明太子餡料豐富，芥末八爪魚辣度適中，而且新鮮，兩個都好好味 整體價錢唔貴，地方乾淨，舒適，服務幾好。我地仲見到有水免費供應，以後來銅鑼灣做野，食 LUNCH 又多一個選擇  見到職員整跟小食，好似幾正，下次要來試下~…Read More

之前睇雜誌介紹話好好味，過江龍來港，一定要試吓。我哋兩位，大約一星期前訂枱，就只剩下 bar 枱。兩個人，冇所謂。全程用炭爐，有專人為你燒，服務超級好所有肉質都好嫩，入口即溶。加埋佢啲秘製醬汁，非常好味蔬菜就正常味道，但如果佢燒焦了一塊，會拎另一塊出來，重新幫你燒過，服務無微不至，大贊…Read More

一班同事話要食好啲，就去咗中環摩登中菜餐館。一入去，格局好特別，侍應都好有禮貌。前菜賣相好靚，材料好清新，值得一讚叉燒用石鍋燒住，熱辣辣，肉質好林又入味龍蝦蘿蔔素賣相非常吸引，食落口都OK，酥皮幾香口。可能我們對龍蝦麵期望太高，覺得一般。湯底係濃郁，都有幾夠龍蝦肉，但其他，如麵質，就只係正常水準。片皮鴨都只係正常水準，佢有三種食法，但冇乜特別，呢個價錢應該要再好味啲 甜品好有氣勢，有乾冰凍着個燕窩。鳳梨酥好好味，賣相又有特色，記得一試…Read More

今日同好姊妹想食泰國嘢，就去咗銅鑼灣，橫街一間泰菜館。一入到去，就有好多泰拳擂台擺設，中間仲有幾部電視機，上演泰拳比賽，幾有 feel 玉子燒得幾好，唔會散開，食落去又有汁串燒有雞肉、豬肉同牛肉。熱辣辣，沙嗲汁又好味海南雞就真心一般⋯ 又唔似泰式，有啲中式 feel，正常味道。蒜蓉炒得好香，菜都幾新鮮，好味四季豆就正常菜一碟，冇咩特別。蛋包比較薄，但撈埋金邊粉幾好味，餸菜又夠多喺OpenRice訂枱，不同時段會有不同折扣，性價比很好…Read More

係德福想食日本野，選擇不是太多。近日工作比較忙，想坐得舒適啲，就去咗丼丼屋。午餐價錢由 $58 - $128 不等。每個餐都有沙律同湯，幾好而且包一杯飲品，如果選擇果茶，會比較甜… 或者可以加 $5 轉其他飲品，如橙汁、咖啡或茶。如果有胃口，仲可以加小食或甜品！豬扒炸得外面脆，入面又保留肉汁，好正咖喱汁好味，送飯一流，但牛肉有啲肥，不過勝在性價比較高雞蛋好滑，好容易食晒啲飯汁比較少，但豚肉薄薄一片，幾好味。某些公司職員，仲有九折優惠…Read More

同舊同事相聚，想食下泰菜，就去咗 The One 既 Cambo. 雖然門口排大隊，但由於之前有訂枱，一去到就有得入座，唔使等👍🏻海南雞幾入味，最鍾意佢去骨，食時好方便活蝦刺身都幾新鮮，喜歡辣嘅朋友，可以連埋紅椒一齊食。佢有多款蔬菜，可以選擇泰式炒、蒜蓉炒、鹹魚炒、或青炒。我哋選擇蒜蓉炒，都幾香，幾好味椰青焗飯雖然原個椰青上，但賣相一般。勝在海鮮夠多，但食落有啲滯…飲品冇咩特別，同一般餐廳差不多，而且我覺得比較甜。…Read More

德福餐廳經常轉換，今次同同事想食星馬菜，就去咗 little old town。Set lunch 來說都算偏貴，一般都要 $68-$88，再加 10%。套餐有主菜，同飲品一杯。飲品都算有特色，薏米水的薏米煲得林；香茅薑蜜，薑味幾重。海南雞飯，每次食都冇失手有好多雞肉，雞汁飯好香，個湯都好飲！青咖喱雞唔算太辣，但肉就比較少⋯ 主要係菜、咖喱汁，但又無我鍾意食嘅薯仔雞髀飯比較過分，其實味道還可以，但雞肉少得可憐，得幾件 食到尾聲時，剩得白飯，就咁食⋯…Read More

假日突然想同老公食中餐，但又唔想飲茶，就去咗莆田。餐廳提供各式假日餐，全包，包括茗茶、小食及加一。我哋就叫咗二人B餐。有個熱鍋暖住d荀，非常精緻，又入味，夠晒熱藥膳味都幾重，但我鍾意飲完好溫暖，隻蝦都好新鮮。表皮好脆，其實食完都唔知係咩，但加上佢個特製醬汁，好味道！原個木桶上，好有氣勢，飯有口感。唯一餸比較少，不過整體好味。大家可以不妨試吓佢個秘製辣椒醬，同出面日常嘅辣椒醬有所不同，入口越食越辣，好正…Read More

同好姊妹一齊慶祝生日飯。今次想食西餐，就去咗銅鑼灣嘅 The Grill Room。餐廳比我預期中細，但幾有情調。侍應服務幾好，又 nice Set dinner 都幾多選擇。有頭盆、主菜同甜品，但就冇包飲品，想飲嘢可以另加 $88，有兩杯。頭盆我哋揀咗沙律，都幾新鮮。薯條好香，好脆，very good 但雞就有啲太辣⋯豬腩仔好味道，表皮好香口，肉又好琳三文魚他他好食！個汁好特別，下次都要叫返 蜆仔有少少沙⋯ 扁意粉唔覺有墨汁味⋯之前訂枱講咗，dessert 要有 birthday tag，但要加 $20，不過都幾靚。…Read More

韓國餐廳雖然係九龍灣區都有幾間，但天氣太熱，唔想行得太遠，就同同事去左德福既 School Food。Lunch Set 有齊小食、主菜、飲品同甜品，價錢由 $68 至 $88 不等，還可以。小食叫左粟米脆球同炸餃子，兩者都比較乾身，只是一般…主菜有花蛋飛魚子鐵鍋飯 - 蛋幾滑，鐵鍋熱辣辣，慢慢食都可以保持熱溫，但就無咩肉，整體都算OK。另外仲有卡邦尼年糕 - 材料簡單，年糕份量足夠，有少量洋蔥同煙肉，汁都幾濃。甜品就無得選，係指定既。今次係柚子糕，不會太甜，幾好。…Read More

有同事介紹依間「蒜蓉餐廳」，今次就同幾位好友到 16 Shell 過個開心weekend :)黑炭黑蒜蓉包 - 外皮脆脆，入面夾著極為香濃的蒜味。雞尾蝦 – 隻蝦好大隻，配上醬汁，好清新。田園沙律 – 普通沙律，蔬菜都幾新鮮。蒜蓉蘑菇 - 極力推介 蒜蓉超香，蘑菇勁大粒，要用刀切!! 好好味 黑松露意大利飯配帶子 -帶子煎得香口，意大利飯有口感，黑松露味幾重。香煎蟹餅 – 表面煎得幾脆，入面真材實料。…Read More

今日突然想食邪惡食物，就去左銅鑼灣既勝博殿食炸豬排。都有一段時間無來，我地12點15分左右到，唔洗排隊。鐘意佢既前菜，有椰菜、青瓜同蘿蔔，全部都好新鮮，清脆爽口。可以混和芝麻醬或柚子醋食，各有特色，而且可以無限添加，無限LIKE叫左炸豬排、炸豬柳同炸蝦。炸物炸得啱啱好，無油膩感，食落脆口，但無咩本身的肉味。這裡的飯是用日本珍珠米，特別有口感。除左白飯，仲可以叫麥飯。麥飯不會好乾，而且彈牙，係健康之選。所有飯同麵豉湯都可以無限添加。…Read More

記得 W28 之前係灣仔分店非常好食，今次就同老公去將軍澳分店懷念一番。由到門口帶位至坐底，侍應都有禮貌，服務 OK。Weekend Lunch Set 由 $118 起，包頭盤、主菜同甜品。頭盤叫左田螺同餐湯，田螺夠晒熱，但螺肉無咩味，餐湯就味道一般。主菜叫左豬扒意粉同肉眼扒。豬扒煎得幾香，意粉有口感，配上洋蔥汁都幾夾。肉眼扒就有 d 失望。賣相係OK，但煎得比較乾，而且薯條係幼身，一 d 都唔似高級扒房… 甜品叫左香蕉薄餅同 Cheese Cake。Chocolate 同 Strawberry 醬都好少，味道無特別。…Read More

今次朋友當中有素食人士，為方便起見，去左中上環的特色素食餐廳 – OVO。這裡環境舒適，有綠色植物，大自然氣息。同朋友仔係到食野、傾計，幾 relax :)脆素芝士薯條 配牛油果及燒烤醬 : 薯條夠脆、夠熱，配上牛油果，感覺無咁熱氣。羽衣甘藍雜菜沙律 配香橙汁 : 所有雜菜都好新鮮，又有各式各樣既 nuts，有口感。香橙汁都幾 fresh 意式簿餅 配牛肝菌、雜菌、芝士及番茄醬 : 餅底偏簿，有脆口，但本人都係鐘意厚身少少。醬料一般。南瓜栗子蓉意大利飯 配炸素魚柳 : 個飯好好味，又有南瓜子，  炸魚柳食落口感似真魚肉，而且味道幾好。總括而言，這裡大部分菜式都有D特色，同其他素食餐廳唔同，會繼續 encore …Read More

今日同好姊妹去堅尼地城站探索新餐廳。行到近海旁一帶，就入左去食墨西哥 Fusion 菜的Chino。Waiter 服務幾好，熱情而且有笑容。餐牌就得一版。Corn: 烤粟米上的秘製醬汁 + Cheese 好野味，有口感。但食既時間要小心，Cheese 好容易掉下來，整到四周都有。Salsas Chip with Guacamole & Roasted Sauce: Salsas Chip有一大盤，牛油果醬好濃郁，烤汁醬就一般。Clams: 蜆都幾新鮮，有少少辣，一開始食就停唔到。Chicken & Egg Tostadas: 半生半熟的雞蛋就好似醬汁咁，中和脆脆地既 Tostadas。Marinated Pork Tacos: 有少少乾，但配左幾片菠蘿都 OK。…Read More