kathy127's Profile

今日難得去到上環做野，作為上海菜粉絲嘅我晏晝路經呢間「醋娘子」已經見好吸引，上網睇發現係良心小店，就決定今晚晚飯就喺到食啦💛 食完係絕對會想翻兜嘅店🤣🤣💗店內環境唔大，我諗平時應該做午市多，佢都好多午市套餐，晚飯時間店唔算多客，反而靜靜地坐得好舒服😌Menu都好多選擇，咩都想食嘅小朋友就問員工有咩好推介，佢哋推薦干鍋系列，所以就揀咗個干鍋雞配小辣第一次食干鍋嘅我哋發現好惹味！用熱鍋上，仲有用火熱住炸雞塊好多，又有大量洋蔥，正之後再嗌咗大路野，麻辣牛𦟌配海蜇都好香！牛𦟌全部大大舊不過海蜇反而無乜味，主要靠個汁～小籠包同上海炒年糕就係我必食嘅兩樣都做得出色！小籠包皮唔算勁薄，但都夠肉汁有咬口炒年糕都好正，量夠又惹味，重點係個年糕煮得剛好，煙韌有口感，最怕啲餐廳煮到爛哂總括嚟講係好出色又抵食嘅上海菜，menu入面有好多菜我都好想試！下次再戰💛…Read More

呢間喺朗豪坊嘅burger我已經想試好耐，但一定未約到人過嚟一齊食，但如果獨食又會只係食到一個飽試唔到其他今次終於搵到人陪，就可以一戰～未入到去我已經揀好要食牛油果軟殼蟹漢堡，因為聽人話好正！ 再配埋套餐，同埋加咗個肉醬Nachos，肥仔餐無誤一嚟到個burger都好高身好足料咁，有成隻軟殼蟹喺入面，咬落勁juicy！牛油果又好綿滑，再配埋漢堡，勁豐富，其實女仔淨係食一個burger都好夠，而薯條就正常發揮啦～肉醬Nachos都出色，即使淋上肉醬都仲好脆身，味道加上好大份，其實要多啲人分總結係好值得一試嘅burger絕對會再試～…Read More

上網見到唔同人讚佢哋個黑松露炒蛋bagel好出色，話啲蛋多到爆出嚟咁🤣 作為bagel加蛋嘅fans就決定新一年嚟一試究竟!!餐廳位置喺少少半山，所以要喺上環行條馬樓梯先到，佢有一部分室外位置，不過得一張枱，睇嚟貫徹餐廳名字，保留適當嘅Space比客人～室內枱唔多，所以假日去都要等一陣入到去一望到餐牌，就已經決定要嗌黑松露炒蛋bagel，佢哋都仲有其他cafe食物，好似toast, all day breakfast 同pasta，同有少量蛋糕喺甜品櫃。最後我哋決定嗌多一個蟹肉Guacamole bagel，中和返黑松露嘅重口味兩個bagel嚟到都有少少驚訝，份量真係好大!! 炒蛋完全cover哂成個bagel，佢嘅bagel都唔係細隻嗰啲 食落好滑好香黑松露味，bagel包體都好好，有咬口又唔乾 另一個蟹肉都好好味，滿滿嘅蟹肉好清新，揀得好現場仲有見到人食牛油果🥑 bagel都好靚，下次再戰！…Read More

作為pizza鬼的我一直bookmark咗呢間pizza店，網上見到啲人話佢有款藍芝士蘋果pizza呢個聽落奇怪嘅combination好味～ 所以一直都好想去試試，唔洗次次都係食蕃茄底 / 肉腸 / 千島海鮮 咁鬼悶佢位置就係上環地鐵站出口隔離，如果搭鐵就好方便，佢店內都算寬敞，可以容納10多張枱今次同朋友兩個食，佢唔係食得多，平時又唔係太食pizza，所以都擔心我要食哂成個pizza 餐點就唔敢嗌太多，嗌咗最想試嘅藍芝士蘋果pizza同埋一份啤酒煮青口一嚟到pizza已經好香～ 餅底都好軟熟唔太厚又唔太乾，藍芝士都係我可接受嘅「臭」特別在佢鋪上蘋果薄片，甜甜哋又唔漏喎，我見朋友一塊接一塊，轉眼就食哂四塊仲快過我。佢話呢款pizza唔膩易入口，所以唔覺唔覺食哂，哈哈反而青口我哋都覺得一般，相對較細隻，同埋底部有汁浸住嘅青口特別鹹，可以試其他小食或者沙律🥗呢間💛店絕對值得讚，服務態度好好，不停加水同好好禮貌…Read More

之前去blue bottle見到對面呢間綠色嘅店，感覺好artistic，完全估唔到係賣飲品，不過佢嘅飲品都唔係一般台式飲品或者果汁，而係主打全天然健康嘅飲品，啱晒我呢啲步入中女嘅女生個日天氣凍就想飲啲熱野，所以就嗌咗Pots of Gold，入面有薑黃粉，飲咗實更暖因為熱飲杯睇唔到佢嘅漸層，只係見到佢頂層嘅奶蓋，佢唔係普通奶蓋，而係椰子奶蓋，淡淡嘅椰子香味又唔會太稠杰同太甜，已經好正！再飲落去就係燕麥奶，飲飲下就有好重嘅薑味滲出，我好鍾意薑味所以好滿足，甜度都剛剛好，佢哋係用羅漢果糖，無再落加工糖，所以都無得揀甜度，但我覺得好中我平時嘅口味！唔會過甜最值得讚就係佢嘅自製珍珠！用上活性炭同薑黃去調味，超煙韌，我比100分呢間絕對有下次，可以健康啲又可以止吓口痕，唔洗成日飲台式飲品或者咖啡啦～…Read More

好耐好耐之前食過一次元朗店，但實在多年前已無乜印象，今晚喺西環做完嘢要覓食，突然諗起附近有間彩，就決定一試！佢位置好隱蔽，平日係唔會經過，所以都搵咗一陣，我哋大約8點左右到達，前面只係要等2個人如果假日應該就大排長龍嚕～佢主打有三款湯底，每款都有包溏心蛋、叉燒同筍，再可以揀自掣麵底，有正常小麥麵、黑胡椒同埋是日柚子，最後我揀咗黑蒜湯加黑胡椒麵好期待嚟到有一碗湯加一碟麵，麵望落份量好足！條條粗幼分明 黑蒜湯香濃，又唔會太攻喉配埋好有咬口嘅麵底好出色！叉燒係薄身嘅，偏瘦但份量都幾多，溏心蛋同樣正！而我一向覺得筍係拉麵沾麵嘅朋友，配埋就更加好 整體沾麵好味！員工同師傅好有禮貌 一定有下次！…Read More

同朋友約咗鶴嘴，出發前緊係要搵間餐廳食個豐富早餐先啦唔熟東區，但咁啱見到呢間話💛，一於就揀你啦我哋一行6人所以坐咗大枱加隔板，難得食一次茶記早餐，唔嘆返個沙牛麵我覺得對唔住自己，所以無視一日卡路里啦～嗌咗沙牛麵、雙太陽蛋，水準又ok喎，沙牛濃，麵又無煮得過淋，蛋都煎得剛好，熱奶茶都好香滑，多士正常脆口，整體合哂格有突啦而朋友食歐陸早餐，塊雞扒都幾靚仔，睇落幾滑，好過食某集團野啦～姐姐仲好細心提咗幾次我哋早餐就快last order，可以幫未到嘅朋友嗌咗先～…Read More

咁啱同事last day食飯就搵咗呢間新開嘅泰式fusion菜，呢間係中環享慢煮意嘅分店，所以我都有少少期待餐廳樓底幾高，坐落都幾舒服餐廳仲係新開，佢餐牌仲係用緊soft opening menu，可以任揀2/3/4 courses，中庸嘅我就揀咗3 courses，包括前菜、主菜同甜品，餐牌好多款式都好吸引！我哋人多就可以試多啲款先嚟就係前菜，我揀咗冬蔭龍蝦牛角包🥐，不過佢落錯咗普通龍蝦湯牛角包，廢事人哋再整過就照要啦，由中間切開，入面已經流哂啲湯，湯都濃厚，酥皮牛角包配埋湯底原來咁夾，意想不到呢～之後試朋友嘅小食：泰式酸辣蠔，但偏細隻同埋暖嘅有啲怪不過味道都幾好嘅；再試埋花生沙嗲雞串，但雞好嚡，我覺得一般到主食方面，我嗌咗咖喱牛面頰，超級好味，佢係有少少甜唔算好辣，但我好鍾意！牛肉好淋好入味！仲要有成7大塊，再配埋白飯好正！滿分💯 其他主食我無試喇。。包括冬蔭燴海鮮、咖喱雞同埋豬頸肉，疫情下廢事分嚟分去，所以食返自己個主食就算但聽同事評價都幾好，下次再試～最後到甜品，我試Crème brûlé，佢係加咗少少泰元素，有塊菠蘿乾同埋菠蘿醬底，整體味道再豐富咗，幾特別整體我覺得高質！下次有機會會返嚟再試 …Read More

自問係煙韌有咬口嘅野嘅fans，麵包、年糕、糯米糍等等，總之可以訓練咬功嘅食物我都鍾意，自從上次朋友帶我嚟食呢間刀削麵之後，我就愛上咗刀削麵嘅口感上次朋友推介食冷撈，夏天食就啱哂；呢排天氣涼返啲，我就揀返食熱撈，上次食口水雞，今次就試牛𦟌！再加多份鹵水雞翼同樽仔奶茶，相信係完美嘅晚餐嚟到又係大碗，配上5大塊牛𦟌同2隻雞翼，同埋四川擔擔醬，撈埋食好出色，唯一可惜在擔擔醬唔辣，如果可以揀辣度就好啦～ 麵即叫即削，唔洗驚會煮淋咗好有咬口，粗幼厚薄都好平均，見到師傅強而有力嘅臂彎就係信心保證長期覺得麵食係一人晚餐之選，如果下間喺港島開就好喇順帶一提，佢枝樽仔奶茶都好正，好濃厚…Read More

一條保德街已經有好幾間cafe，雖然住附近但都係第一次嚟呢度 今次就揀咗喺街角嘅Brew Bros cafe，佢一身粉藍色牆好sharp醒店內環境都尚算寬敞，枱與枱之間都有一定距離，唔會好壓迫，感覺平日下午可以坐一陣子 佢有早餐、午餐同all day menu提供，都有一啲甜點包括scone同cheese cake等，今次就嗌咗一個egg benedict 同一份出哂名嘅french toast，提醒french toast都預咗要等20分鐘左右架～ 再嗌咗杯熱cappacccino 同 Iced chocolate，佢現場都有咖啡豆出售，亦都好細心列哂佢嘅產地同口味先嚟主食，初初以為egg benedict佢係配muffin包底，但原來係配sourdough，包好鬆軟，仲有牛油果、菠菜蓉同脆煙肉，好match 再等咗陣french toast都嚟到，有兩大塊厚身toast配上果物，有香蕉、士多啤梨同藍莓，好豐富同滿足 煎得鬆軟外皮香脆，加上忌廉一流飲品方面，cappaccino係高水準！啡味厚而唔酸，我鍾意！而Iced chocolate就相對失色啲，味道淡左啲…Read More

上網睇有啲後生頂咗呢間潮洲菜老字號黎做，我班朋友一向鍾意食潮洲野，今次完咗秋季旅行就過嚟開餐先💛💛佢位置就喺地鐵站出口隔離，對住新開商場北角匯，所以好方便店內唔算好大，感覺有新裝修過，唔係舊式打冷店格局。睇睇餐牌，有傳統潮州菜，都有日常小菜晚市，價錢就中上啦，不過出面大把都差唔多價錢點菜時姐姐有不停推薦我哋嗌咩好，好有禮貌先食咗個冷盤小食 醉糖心蛋，夠入味！之後就嚟啦鹵水拼盤，鵝片拼墨魚，有豆腐托底，份量都多，食落夠味再嗌鵝腸，好大碟食落唔會太肥又無渣，好味喎！之後就到姐姐推介嘅蝦蜆蠔仔粥，好足料！蠔仔🦪肥美架呢個我哋一行6人，每人都分到2碗！到糖醋麵，呢個就失色咗少少，因為麵分佈唔平均，所以中間特別厚就變得淋咗，偏油唔夠脆:(呢個要改善喇～再嚟蠔餅我嘅至愛，佢相對就細份啲，但炸得香脆，蠔仔又多，都值得推介 至於另一個姐姐推薦嘅芝心蝦棗，有爆多芝士所以比較漏，同埋佢都好大條多人分會較好，但佢炸得都好香口今餐超滿足 潮洲菜真係無敵希望疫情快啲過我哋再嚟食過～…Read More

放工又到覓食時間，約咗家姐去堅離地，本來想食個間原來是日休息，所以就轉戰去咗厚和街，成條街都係餐廳唔驚無野食最後揀咗間泰菜，因為都好耐無食～ 入到去見到員工好似真係泰國人嗌咗一個冬蔭公海鮮金邊粉、Pad Thai同一份生菜包，再加椰汁冰先要踩一踩椰汁冰，太太甜我要加勁多水先叫做正常到食物，先講生菜包份量好大份！性價比極高，仲要有肉汁唔乾冬蔭公湯都好濃！酸酸甜甜好開胃，好大碗一人食哂好飽最後Pad Thai就等得有啲耐，炒得好香口，味道幾好，但偏濕咗少少🤏🏻 如果乾身啲就更好…Read More

話說同一條街已經有幾間日本菜，仲要係出色嘅活一鮮同夢之丼，開喺佢哋附近都有啲挑機 所以鍾情日本菜嘅我梗係要嚟試試佢！前一日訂咗位，所以午市都可以直接入去，佢午市都算旺。睇睇menu，好多選擇 有刺身、壽司、熟食，同埋呢排好hit嘅鐵板牛，而佢特別在有個A+B+C set，有齊哂壽司🍣、迷你丼飯同刺身/天婦羅🍤，咁都只係$108!!! 好抵食，午市時間仲要再包前菜沙律湯同甜品，咁做唔蝕本咩？即刻嗌返個ABC set，嚟到賣相好豐富吸引！壽司已經好高質，三文魚腩肥美，經炙燒更香口，不過略嫌有點太咸，調味可輕手啲 葱呑拿魚蓉飯都好正，雖然寫迷你，但其實都有啲份量㗎 而刺身都好有誠意，有用冰鎮住 夠凍夠甜美總括而言係好滿足嘅一餐，絕對可以同隔離店相比，會有下次…Read More

自從搬咗去西營盤後，我好多時嘅早餐都係由天天烘焙包辦，佢開到成夜晚11點，我OT收工都可以去買定麵包第日食，最多就係買佢嘅全麥方包，感覺健康啲又有咬口，重點係價錢好平今日咁啱要買蛋糕，但又唔想光顧其他藍店，咁就過嚟買個現成蛋糕🍰 佢主要係傳統蛋糕，包括什果、朱古力、黑森林同藍莓芝士蛋糕等等，今次就揀咗黑森林，已經有好耐無食過luuu蛋糕食落鬆軟，唔太甜，但夾層cream太厚反而無乜啫喱，有少少傷心不過整體都幾好味，只係餡太少，但一磅都係90蚊唔要求太多喇～ 幫襯天天其一重點係佢黃到金，多謝佢一直親力親為去支持黃色經濟圈…Read More

呢間餐廳坐落YOHO都一排，不過都無緣一試，今次襯爸爸生日飯就嚟試吓先一行五人所以要分開枱坐，不過都算近，有塊透明玻璃隔住，但疫情下無辦法啦，上次一齊食飯已經好幾個月前好啦講返食物先，先嗌咗個軟殻蟹蛋沙律，有原隻蟹同一隻炸蛋，好流心！整體味道幾好之後就試咗忌廉青口，青口量都多，不過較細隻，忌廉汁配麵包正到主食，分別嗌咗半隻燒雞、Pork Belly Rice同黑松露蛋黃pizza，三樣都係正常發揮！雞都好滑，pizza好重蛋黃味，食得多會漏但佢哋嘅整體味道都好最後生日甜品就揀咗brownie，夠軟唔係死甜，配埋雪糕食好正！…Read More