goliccdaisy's Profile

再次幫襯呢間小店，果然冇令我失望👍🏻👍🏻今次係2人黎食晚飯，慶祝朋友生日，佢地唔收切餅費，仲好有心思幫我上蛋糕😌唔好睇佢細細間，嘢食質素、賣相都一d都唔hea，唔比omakase差！擺盤好靚😍店員服務超好，會介紹有咩新鮮貨，佢地會有d時令嘅魚，開成條刺身一d都唔貴，今次我book檯時已經講定我想食咩刺身，佢地去入定貨👍雖然Sake 選擇唔算太多，但勝在價錢合理，720ml酒都唔會太貴，仲有生啤飲🍺下酒小食款式多、又有串燒，收工晚飯HH都係唔錯嘅選擇！港島東少有嘅居酒屋🏮⋯⋯…Read More

服務態度勁差嘅餐廳環境非常迫，坐得唔舒服，一d 都唔高級價錢唔算街坊價，但係街坊級嘅服務！由坐低嘅一刻已經被侍應監視，聽住我同朋友講嘅每一句，一聽到位可以入就會插咀（但並非閒聊）朋友去完旅行送左幾粒糖，侍應就即刻插嘴「我地呢度唔准食其他帶黎嘅野食」，只係一粒糖！而我地無話過要開黎食….我地問「係咪叫餐可以半價order 1.8L sake？」黑口黑面嘅侍應答「淨係最貴嘅餐先有」跟住佢一路聽住我地講叫A la carte 定omakase餐、叫幾多支酒，令人非常有壓力….侍應們、廚房大哥都眼超超𥄫到實！我地想要杯茶「我地無架喎」跟住我地見無茶就order 蘋果soda，黎到見到係支裝已經見有d 失望，見到樽底有渣，想搖渾佢，即刻被侍應呼喝叫唔准搖，「梳打嚟㗎，你搖會噴到周圍都係」跟住廚房大哥們一路意識到我哋覺得唔妥，一路凶神惡煞咁樣啤住，嚇到我地唔敢即刻走，最後叫少少野食就走…..仲好驚佢地會加料係我地d 野食度😵‍💫😵‍💫好恐怖嘅體驗！冇啲膽量唔好入嚟呢間餐廳！…Read More

去食之前見到d 食評麻麻，主要都係話環境同服務差，事前知道呢間係黃店，一心要黎支持下！環境方面，坦白講唔算係乾淨企理，但勝在個種迫泊嘅感覺，又真係好似日本嘅居酒屋，氣氛好close，就係個種唔拘束嘅感覺（本身去居酒屋就係預左唔係fancy，最緊要食/飲得開心），所以尚可接受！當然清下d 雜物，再清潔下會更好👍🏻服務方面，係嘅落單有d 甩漏，有d 野黎錯，但同事態度還好，對客nice 嘅，只係尚欠經驗，可以理解同包容，錯左嘅野佢地都好快解決。食物方面，都多選擇，價錢相宜，味道都ok！壽司刺身都新鮮，整體係收貨！酒類都選擇多，sake 多款，滿意！係呢區搵到間市區質素嘅居酒屋，已經相當滿意！門口位好似日本d巷仔居酒屋🏮，影相打卡不錯…Read More

今次試Food Playground 入面嘅Italian Wok，lunchtime 一人前。$80一個溫泉蛋卡Carbonara，加$18轉餐有湯同沙律，但係冇嘢飲。首先，$98喺food court食一個lunch真係一啲都唔算平，若然食物有咁上下質素，俾貴啲都冇所謂，但係佢嘅出品完全唔值呢個價錢，好肯定係唔會再幫襯。Foodcourt 無service都預咗，但係佢個counter半個鐘都冇一個客，一啲都唔忙，我已經係唯一一個客人，佢哋都西口西面西語氣，可能記錯咗自己係大家樂返工⋯⋯主菜個意粉，一啲都唔熱，極其量係微波爐叮出嚟，作為卡邦尼意粉，竟然煙肉都冇塊，入邊嗰啲係火腿。隻蛋完全唔覺得似係溫泉蛋，頂多係poached egg。個餐湯係忌廉周打蜆湯，都食到蜆肉，但係唔熱，喊到爆。至於個沙律係Hea到爆嘅雜菜就咁落芝麻醬。成件事失望到爆！大家小心中伏！最後係食food court竟然要掃安心出行，其實啲人幾點、坐咩位都追蹤唔到，掃來做乜鬼嘢...…Read More

限聚令放寬，第一日就即刻嚟食火鍋！今次試醉雞湯底，要咗半隻雞，雞有雞味，醉雞湯底好好味，又唔會太重藥材口味👍🏻👍🏻叫咗刺身食，有刺身赤鯥、一大版海膽，新鮮抵食，價錢平過好多日本餐廳，但係質素比佢哋還好！安格斯牛超好食，鳳尾蝦好有特色，黑松露墨魚滑超讚，仲有第一次食豬黃喉，原來超爽口，好正！呢間餐廳清酒選擇好多，平時鍾意飲開sake嘅我，覺得認真唔錯，價錢唔貴！店舖環境闊落，卡位夠晒大，privacy 又高，又唔會食到成身一陣味👍🏻👍🏻…Read More

開頭以為佢打邊爐，原來佢有超好味嘅刺身丼飯！今次同兩位朋友，大家都係海膽控，我哋二話不說睇到Menu上面嘅圖片就叫海膽三文魚子丼😻😻佢有兩款海膽，馬糞海膽同加拿大海膽，超大份，超大pat 海膽，驟眼睇似多個一版海膽嘅數量，喺街真係食唔到有咁足料嘅海膽刺身飯👍🏻👍🏻👍🏻跟住到三文魚子，粒粒都圓轆轆大大粒，一咬落去就爆juicy，新鮮又好味😋😋跟住去到個飯底，原來佢係用赤醋飯，即係咩啊？即係唔使落豉油嘅飯，佢本身有味。我咁大個女都未試過食刺身飯唔使落豉油，次次食親用人半支豉油😂😂堂食免加一，加咗$8要個蜜桃梳打特飲，都好味嘅！而家堂食唔多人，所以都坐得好鬆動，好舒服！下次一定會返去試埋其他嘅刺身飯😋😋😋…Read More

餐廳野食ok，壽司好食，壽司師父有禮貌。壽司賣相幾好，細細件，新鮮既，但款式唔係好多。sake選擇多，價錢中等偏貴。長期無人加茶，樓面service 頗差但經常漏單，差不多每檯都有漏單，唔係廚房無做到，係跟本唔記得幫你落單，好多客人都係發脾氣地走.....包括我…Read More