Number 10's Profile

素來喜歡上海菜的味道, 見呢間網上食評不俗, 特意前來品嘗, 可惜卻遇上近年最黑暗經歷!禮拜六等位都只需數分鐘而已, 滿心歡喜地坐低準備落order, 點知原來係惡夢的開始 開始先食前菜冷盤:水晶肴肉:與其他上海菜館不同, 這兒為簿切, 賣相尚可, 可惜豪無肉味, 水晶部份過硬, 口感不佳燻魚:魚有點怪味, 炸得唔夠脆, 一道原本甚為經典的上海小食竟然如此難食, 十分罕見擔擔麵:喜歡麻醬的我柯打前已先問侍應湯底否麻醬味濃, 上桌時香氣撲鼻, 湯亦夠熱, 可惜湯底太杰及偏甜, 麵質一般, 食完一半已無食小籠包:全晚算是比較正常的菜式, 上桌時熱氣滕滕, 皮簿多汁, 可惜肉餡咬落鬆散有渣, 只算勉強合格! 全無一試再試的感覺 蟹粉小籠包:蟹粉味極淡且不夠新鮮, 根本與普通小籠包無異, 竟敢賣成$18/隻, 實在過份 (無影相)蜜汁火方:為全晚最難食的菜式, 火腿全無咸味及肉味, 炸腐皮仲有點 '油膱' 味, 太多糖漿令到火腿過甜, 非常失望總括來記, 全晚食物味道出奇地差, 完全唔合格, 可以用'極之難食' 來形容, 希望廚房出品部及樓面營運部可認真了解下是否材料出現問題或師傅技術有限, 需要進修改善 ; 員工服務尚可, 不過長此下去, 相信離結業的日子不遠了!  …Read More

晏晝去完黃大仙廟拜神, 之後便行去附近既黃大仙中心搵嘢食外國返嚟啲老友話想食海南雞飯, 看見附近有間裝修幾sharp既餐廳叫叻沙味道, 門口亦貼有傳媒報導既介紹, 佢哋個總廚以前仲做過五星級酒店, 一向鍾意周圍食好嘢既我, 於是便同幾個老友決定入去試吓, 由於過左2點, 所以唔使等好耐就有位了由於我好喜歡食叻沙, 於是點咗個招牌海鮮叻沙 呢到嘅叻沙最特別喺可以選擇粉底, 有米粉、河粉、米線、油麵及雙拼, 湯底亦可選叻沙或走椰奶。我柯打咗米線同叻沙湯底, 招牌海鮮叻沙不久即刻送上, 放在檯上已香味四溢, 呢個叻沙都算大碗, 材料都幾豐富同新鮮,有蝦、青口、墨魚丸、炸魚柳、魚片、豆泡等, 特別係墨魚丸真係好有墨魚味及彈牙, 炸魚柳亦喺即炸, 好香口, 湯底都算濃郁, 幾香, 食落就知有好多香料, 有少許辣, 真的唔錯, 不過可惜無咗新加坡叻沙專有嘅螄蚶, 另外如果可以再重啲椰奶味就仲正 其他老友叫左海南雞飯套餐, 肉骨茶飯餐同一條燒魚先試油飯, 好香, 不膩口, 我們還特意再order兩碗油飯, 因太好味了 套餐內有三種醬油, 黑醬油, 辣椒醬及薑蓉, 我們參考店員建議, 將醬油混合來蘸點雞件, 海南雞肉質嫩滑, 雖不是新鮮雞, 但質素不俗 , 配合的例湯出奇地好, 內有白菜, 甚有住家湯感覺肉骨茶飯餐肉骨茶當歸味濃, 而且重胡椒味, 湯底似加入了雞湯熬煮, 十分鮮濃甘口, 配有白飯及油炸鬼, 另有參巴醬炒時蔬, 參巴醬有點辣,不過食落都幾特別, 幾好味原條香葉燒魚以香菜包住用參巴醬醃過的秋刀魚來燒, 真的十分惹味, 我們好快已消化它了大致上食物質素不俗, 價錢亦合理, 下次有機會等我再試下其他嘢食先…Read More