imbunnyfoodie的个人专页

大角咀舊區有間[大師傅粥品]，店內裝潢光亮整潔，座位闊落舒適，食物價錢又好實惠，所以同個friend 入去試下。蒸燒賣$13.-/6粒熱辣辣口感軟滑柔韌，帶魚肉鮮味。油條 $10.-油條大條，口感鬆軟又香口。豉油王炒麵 $13.-炒麵乾身條條分明，醬油均勻鋪滿每條麵，加埋蔥段及辣椒醬，零舍香口。韭黃鮮蝦腸粉 $15.-腸粉皮滑，蝦肉彈牙，加埋韭黃及豉油，又香又鮮。叉燒腸粉 $29.-腸粉皮米帶香味，叉燒香甜咸鮮，帶少量油脂。香煎蘿蔔糕 $25.-蘿蔔糕煎至金黃焦香，口感扎實綿密。黃沙豬潤粥 $33.- (另加半隻皮蛋$5.-)厚切黃沙潤住得啱啱好，口感細膩爽滑，白粥底十分綿滑，米香味突出，仲有微微薑味。…查看更多

今日去天后一間日式居酒屋[酒屋一杯喜]食晚飯，朋友推介價錢合理，環境好適合三五知己聚餐。店內裝潢融合日式及酒吧風格，燈光柔和昏暗，座位闊落，除咗一般四人餐枱，仲有吧枱。鵝肝 $98.-厚切鵝肝表面焦香，內層十分油潤嫩滑，入口即化，肝味濃郁，油脂香味滿滿，令人回味無窮。紫蘇雞皮蝦 $78.-雞皮香口乾身，蝦肉爽滑彈牙，加上紫蘇葉嘅獨特香氣，特別鮮味香口。牛の壽喜鍋 $168.-肥牛肉質軟嫰腍滑，肉味重帶油脂香，蔬菜有鮮姑、鴻喜菇、金菇、娃娃菜及豆腐，吸收咗壽喜燒汁，特別鹹香味甜。特盛壽司十貫 $438.-壽司飯酸甜度剛好，口感軟熟又有啲Q彈，店員話會因應當日來貨，而設定十貫款式，所以有部分款式會有所更改。今日有三文魚子軍艦、海膽軍艦、帆立貝、赤身、深海池魚、真鯛、燒海鰻油、甘富山縣白蝦、油甘魚及炙燒左口魚，全部都新鮮甜味。雞中翼 $45.-雞翼表面乾身香口，肉質緊緻，肉味濃厚。雞皮 $38.-雞皮燒至脆口，口感油潤有層次，油脂香味滲出，勁好味。雞肝 $42.-雞肝燒至表焦香，入口粉嫩，輕輕調味，肝味更加香濃。佐賀牛三文治 $488.-方包烘得十分香脆，佐賀牛肉味濃帶陣陣油脂香，入口嫩滑juicy，口感同味道都一流。…查看更多

位於銅鑼灣的[旭]，環境高雅闊落，食材質素高，服務一流，仲可以同時享受刺身、壽司、鐵板燒或Omakase，CP值絕對高，值得一試。晚市套餐 $1,280.-沙律前菜芝麻汁配沙律：沙律菜新鮮爽脆，加上清甜多汁的車厘茄，相當醒胃。薯蓉：薯味突出，口感幼滑。時拎刺身兩點海膽、左口魚刺身配酸汁：左口魚肉質爽口油潤，魚肉鮮味甘香，海膽新鮮綿滑，點埋酸汁一齊食，鮮味倍增。炙燒梭子魚刺身：口感十分軟滑，魚皮帶陣陣焦香味，加上魚味鮮甜，鮮味爆燈。時令壽司4點熟赤海老厚肉，口感爽彈，蝦味香濃。平靜魚爽口柔滑，煙燻過後肉味更香，味道豐富。野生拖羅口感嫩滑，油脂豐腴，魚味鮮甜。北海道海膽綿滑甘香，入口即化，好似食雪糕咁正。鐵板燒 • 季節鮮魚馬友魚皮煎至焦香脆口，肉質非常嫩滑又多汁，魚味濃郁鮮味，魚油香醇甘味，蘸上柚子醋酸汁一齊食，既可平衡油膩感，又令魚鮮味更加突出。季節貝類•北海道帶子帶子煎至焦香，保持刺身口感，肉質軟嫰腍滑，用高湯輕輕浸煮，味道勁鮮。鐵板蝦虎蝦大隻肉厚，爽口彈牙，蝦味濃厚又鮮味，仲帶陣陣焦香味。煎鵝肝選用匈牙利鵝肝，表面焦脆香口，口感嫰滑油潤，肝味濃郁，入口即化，油脂香味四溢，令人回味無窮。美國特級牛肉簿燒薄燒牛肉油脂豐腴，霜降均勻，色澤鮮豔，包裡蒜片一齊食，肉味香濃，帶陣陣蒜香味。鐵板炒飯用上洋蔥、甘筍、蔥花及牛肉，炒至粒粒分明，口感軟熟，熱辣辣好好食。炒雜菜銀芽炒得焦香脆口，配上脆口蒜醬，更加惹味。味噌湯蝦頭麵豉湯蝦味滲入湯內，湯頭濃郁，味道零舍鮮甜。甜品紅豆綠茶布丁，布丁非常滑溜，綠茶味道突出，配搭軟糯香甜的紅豆，食完勁滿足。…查看更多

行開佐敦見到[永年士多]，又想回味下佢哋出色嘅車仔麵，順便帶個外賣返屋企。麻辣豬耳及麻辣牛柏葉麻辣汁麻辣惹味，豬耳口感爽脆，牛柏葉質感爽滑，煮得十分入味，越食越香辣。淨酸齋麵根口感軟綿，濕潤多汁，酸酸甜甜好入味。自選麵四餸跟粗麵加微辣咖哩汁豬紅、豬腸、魷魚及麻辣豬耳，豬紅唔會好鹹又無腥味，豬肥腸腍滑入味，有油脂香味，魷魚爽彈入味，粗麵煮至軟硬適中，掛上香辣咖喱汁，更加香口惹味。四餸加米粉豬皮、牛肚、牛丸及豆卜，豬皮及牛肚炆得軟腍入味，牛丸爽滑彈牙，豆卜吸收咗湯汁，原味湯底味道香甜，配搭米粉一齊食，相當好味。樽仔奶茶茶奶比例剛好，味道香濃，口感順滑。菠蘿冰菠蘿粒份量多又味道清甜，零舍冰涼透心。…查看更多

朋友今日帶我去食精緻又好味的中菜，高級中菜廳[莫云]，位於大角咀香港遨凱酒店地下，店內裝潢簡約又闊落。店員服務非常勤快又貼心，同時享受高級環境、食物及服務，價錢貴少少都係值得☺️。套餐(兩位起：每位$668.-)，已包前菜、湯品、主菜、主食、素菜及甜品。前菜：叉燒軟腍香甜又有微微嘅燶邊，燒得好靚。海蜇味道酸酸地又脆口，好醒胃。蕃茄仔新鮮酸甜，口感冰涼。羊肚菌燉湯：有瘦肉、羊肚菌、雞腳、杞子、雞肉及螺肉，味道濃郁鮮甜，熱辣辣飲完零舍暖身。魚子醬香煎肉帶：帶子表面焦香，口感好似刺身咁好食，加咗魚子醬仲多咗陣鹹鮮味。海膽醬立鱗魚：煎得非常香脆，魚肉質感嫩滑多汁，魚味濃厚，點埋海膽醬汁，味道更加香濃。龍蝦湯櫻花蝦麵：濃郁嘅龍蝦湯加入大量櫻花蝦，味道極之香濃，幼身麵條掛滿湯汁及櫻花蝦，非常好食。禪關萬象：大蕃茄肉放滿香濃雜菌碎粒，加上波菜伴邊，係一個好靚、好食又健康嘅素菜。甜甜蜜蜜：南北杏紅棗雪耳雪梨糖水，味道香甜又滋潤，佢啱乾燥又起風嘅節飲用。…查看更多

大角咀又有新發現[上海維記]，我同朋友都鍾意食上海菜，當然要試下啦！酸辣湯酸辣湯份量勁多，材料十分豐富，有蝦仁、肉絲、豬肚、冬菇、甘筍、豆腐、腐竹、木耳及蔥花，辣味較重酸味較輕，令食材原味更突出。加入蝦仁、肉絲及豬肚，令整體味道更加鮮香。小籠包 $48.-皮薄湯汁飽滿，湯同肉餡比例啱啱好，每隻包都充滿肉香味及上湯嘅鮮味。黑醋骨 $88.-排骨肥瘦相間，肉味鮮醋味香醇，又帶陣陣油脂香，表面微脆，口感軟腍多汁，啖啖肉又酸酸甜甜，勁好味🥰。銀芽炒鱔糊 $168.-久遺嘅一道美食，鱔肉新鮮肥美，肉質緊緻爽滑，銀芽清新脆口，韮黃增添香味，醬油及調味比較輕，主打原汁原味，鮮味香甜又夠鑊氣，煮法非一般，但有驚喜又好味。豆沙鍋餅 $45.- 豆沙餡幼滑香甜，鍋餅較厚身，質感軟綿，更有口感。豆漿 $10.- & 酸梅湯 $10.-兩款飲料都好夠味又唔會好甜，好好飲。…查看更多

同事話銅鑼灣新開咗一間Omakase 專門店[重房]，位處比較靜的地方，店舖裝潢簡約精緻，食物出品既創新又有驚喜。我同朋友都有一段時間未食過Omakase，今日就去試下先。漬南瓜：粉糯香甜帶鹹味冷盤菠菜加蟹肉：波菜軟嫩，加點蟹肉絲，增添鮮味。仙鳳趾真蠔 - 蠔身肥美飽滿，口感軟滑creamy，加上柚子啫喱、三文魚籽及海葡萄，味道更加鮮甜。平目魚(左口魚) - 質感緊緻彈牙，面層烏魚子碎粉咸鮮香味。北海道秋刀魚 及 松葉蟹師傅見意先食秋刀魚刺身，魚肉軟滑細膩，點埋薑醋豉油，魚味濃鮮味出。松葉蟹先拆肉，再經過調味，鮮味十足。神戶A4和牛刺身 和牛肉新鮮味甜，肉質柔軟嫩滑，混合自家調配的香蔥醬汁、紫洋蔥及蛋黃醬，味道更加豐富。 腦天油膩豐腴的腦天，配搭香脆鱈魚乾及火炙拖羅，再用紫菜包住一齊食，入口即化又脆口，油香味及焦香味同時滲出，令人回味無窮。磯煮鮑魚鮑魚軟腍彈牙，帶淡淡醬油香味，加埋香濃肝醬，味道更香。蕪菁赤身卷薄切京都蕪菁卷道赤身，配搭紫蘇葉，口感爽脆，味道清甜鮮味。金鯛立鱗燒秘製醬汁用紫椰菜打製而成，食時加入檸檬青檸汁汁，醬汁漸變成紅色，視覺效果一流，最啱打卡。魚鱗炸得十分香脆，魚肉依然嫩滑多汁，點配酸酸微甜的醬汁，十分好味。梭子魚：口感柔軟，味道甘甜，帶陣陣油香味及焦香味。北海道北寄貝：軟嫩爽口脆度恰到好處，鮮甜美味，加點青檸汁，鮮味更出。深海池魚：肉質緊緻爽口，鮮甜又滲出煙燻香氣，配搭北海道面豉醬，鮮味倍增。小肌：醋漬後令肉質更嫩滑細膩，加上紫蘇葉的獨特味道，互相配合又添香味。北海道馬糞海膽：橙黃色的海膽，十分吸睛，味道濃厚，口感creamy，加入法國魚子醬，咸鮮味倍增。魚湯 用上30多條魚骨長時間淆製而成，魚味濃郁，鮮甜無比。静岡蜜瓜蜜瓜香甜多汁，肉質鬆化，果然係名物。…查看更多

隨住年齡嘅增長，食過好多唔同嘅山珍海味，但都比唔上今日食啲嘅美味讓我可以重溫童年回憶。機緣巧合下，我今日去咗一間喺沙田圍毫不起眼嘅老字號大牌檔 – 金沙角美食小厨，侍應一句又一句嘅「早晨」、一句又一句嘅噓寒問暖絕對係出面其他餐廳見唔到，點咗幾道懷舊又好味嘅菜， 簡直令我又窩心又回味無窮！懷舊煎蠔餅一上檯，煎蠔餅嘅香味及微微嘅海鮮鮮味就撲面而來！外面金黃酥脆，一口咬落去，裡面嘅蠔肉鮮嫩多汁，口感一流！呢道懷舊煎蠔餅仲有碟特製醬油，搭配一齊食嘅話，味道更加豐富，酸鹹之間同蠔肉嘅鮮甜交織，真係令人一口接一口咁食。金銀蛋浸小白菜呢道菜雖然簡單但又好精緻，金黃色嘅蛋液同翠綠的小白菜形成咗好靚嘅對比。小白菜嘅葉片光澤誘人，蛋液滑滑嘅，見到即刻好想試一口！小白菜清脆爽口浸喺金黃色嘅蛋液入面，吸收咗所有味道。金銀蛋嘅搭配，口感層次分明。椒鹽鮮魷椒鹽鮮魷真係令人垂涎嘅美味！魷魚經過炸製，表面有啲微微嘅光澤，撒上嘅椒鹽顏色鮮明，睇落就好有食慾。魷魚外焦裡嫩，爽脆彈牙，完全唔會有過老嘅情況。椒鹽嘅調味非常到位，微微嘅鹹香同輕微嘅辣味恰到好處。揚州炒飯揚州炒飯係一道經典中式美食，整碗飯色彩繽紛，米飯粒粒分明，唔會黏糊，炒得岩岩好，令我每一口都感受到米飯嘅彈性。裡面嘅蝦仁鮮嫩、火腿帶有咸香、叉燒香甜，整體口感非常豐富。雞蛋嘅滑順更係為整道炒飯增添咗一層柔軟感。咸魚雞粒豆腐煲最後壓軸嘅咸魚雞粒豆腐煲，簡直係美味嘅巔峰！熱氣騰騰，鍋蓋一揭開，陣陣香氣撲鼻而來！豆腐吸收咗咸魚嘅鮮香，雞肉又嫩滑，雞肉粒質感彈牙，食落去唔油膩，煲入面仲會加入啲蒜蓉、薑片同蔥花，提升香氣，讓每一口都更加豐富。豆腐底部吸收咗湯汁，特別入味，食落去更添咸香，令人回味無窮。呢餐唔單止係味蕾嘅享受，仲係一段懷舊之旅。每一道菜都有故事同情感，令我喺繁忙生活中搵到一絲平靜。希望大家都可以抽時間，嚐嚐呢啲經典美味，回味無窮！…查看更多

同朋友睇完戲，順便行下街食埋晚飯，想起Element 有我鍾意食嘅海南雞，於是帶朋友去[天天海南雞]食返餐滿足下。店舖裝潢依舊，環境乾淨企理，座位闊落，燈光柔和，感覺特別舒服。睇咗餐牌，食物價錢竟然無加，同埋一樣轉換咗啲新食品，望落相當吸引😍。天天燒雞 (大份) $169.-雞皮香脆，皮下脂少，肉嫩多汁🥰，雞味濃郁，可點配香辣醬汁、甜豉油及薑蓉，令味道更豐富，更加滋味。火焰石燒安格斯牛肉 $169.-牛柳用鐵板上，店員會再用火槍炙燒肉面，焦香味四溢，肉質軟腍無筋，加點醬汁或檸檬汁，肉味更鮮香。肉末豆腐水晶粉 $89.-豆腐炸過後，香口嫩滑，水晶粉煙韌滑溜，吸收咗肉末煮過嘅湯汁，特別香辣鮮味，越食越辣，越辣越想食😍。小籠包 (4件) $59.-皮薄餡料飽滿，湯汁鮮甜，加點醋汁，熱辣辣零舍好食😋。…查看更多

今日响新都城見到[金鳳大餐廳]，朋友記起佢哋嘅經典鐵板牛扒加特蒜蓉，話好耐冇食過，要入去食個午餐回味下。餐廳裝潢一般茶餐廳格局，梳化椅卡位，坐得舒適又闊落。餐牌選擇以各式鐵板牛扒或肉類為主，仲有焗飯、咖哩飯及小食等，價錢合理。餐湯係忌廉湯及羅宋湯，保持一貫水準，白湯香甜creamy，紅湯材料多又煲到入曬味。港式餐包熱辣辣好軟熟，加埋牛油一齊食，勁正👍。帶子牛柳餐 $178.- 另加蒜蓉 $2.-帶子大隻厚身，煎至外焦內嫩，兩件大牛柳份量十足，七成熟成度啱啱好，肉味重有嚼勁，特加蒜蓉及蒜蓉汁鋪滿牛柳，啖啖肉又勁香口🥰，配菜有勁多粗薯條、甘筍及翠玉瓜，真係食得好滿足。皇牌焗豬扒飯 $82.- 轉套餐加$25.- 豬扒同樣大件又厚肉，肉質緊緻無筋，炒飯底帶陣陣蛋香味，加上香濃嘅蕃茄醬汁，撈埋飯一齊食味道香甜又醒胃😋。食物份量勁多，朋友話食物保持水準，經典味道十年如一，食完後好滿足😍。…查看更多

尖沙咀有勁多泰式餐廳，但係想食雞飯嘅時候，都會想起[水門雞飯]，雞飯好味又唔貴，其他食物同樣出色。水門雞飯 $56.-雞皮有層薄薄的油脂，口感滑溜爽脆，雞肉又嫩又滑，肉味香濃，配埋秘製甜醬汁一齊食，更加好味🥰。跟湯有陣勁香嘅胡椒味，飲完感覺身體都暖笠笠。水門炸雞件 $54.-雞排表面炸十分鬆脆乾身，肉質保持濕潤嫩滑😍，肉味鮮香，惹味又香口，好食到停唔到口。燒完隻魷魚 $47.-魷魚燒至表面焦香，口感軟腍嫩滑，點埋特製辣汁，非常惹味香口。泰式腩仔 $54.-五花腩仔肉肥瘦相間，皮脆肉嫩，肉味濃帶陣陣油脂香，脆卜卜，一口一件，好快清倉🥰。泰式船粉牛肉湯 $52.-牛肉片口感軟腍，牛丸爽口彈牙又juicy。河粉滑溜柔韌，牛肉湯底十分香濃，滿滿的牛肉香味🥰，十分好味。…查看更多

知道[家後]响附近開咗間新店[家後2.0]，於是約埋同樣鍾意食餃子嘅朋友去新店試下。新店裝潢好有cafe feel，牆身掛上大量油畫，環境整潔又舒適。手工餃子套餐 $46.- 韭菜豬肉及洋蔥豬肉煎餃餃子煎到金黃色，十分香口鬆脆，餡料飽滿又多汁，菜肉比例適中，韭菜又嫩又鮮香，洋蔥味道清甜，勁好食🥰。咖哩牛筋腩飯 $48.-牛筋腩份量多，煮得軟腍入味，港式咖哩黃薑味偏重，味道香辣濃郁，餸飯一流。麻辣雞中翼 $30.-雞中翼煮得入味，麻辣汁香辣帶麻，雞翼肉質嫩滑，越食越有辣勁🤩。原味芝士蛋糕 $30.-蛋糕質感幼滑，芝士味濃厚，好食程度同cafe 店有得比，真係有驚喜😃！美式咖啡 $25.-咖啡味道香醇，配芝士蛋糕，好正😋。凍豆漿1支 $12.-豆味香濃，冰涼解渴，食煎餃子一流😋。食物價錢親民又無加一服務費，服務細心，係值得一間支持嘅小店。…查看更多

行經太子見到[餃掂手工餃子雲吞專門店]，知道此店手工餃子好出色，今日有機會試下😋。店鋪裝修得簡約整潔，座位闊落。餃子係既叫既煎，熱辣辣零舍好食😍。香煎軟心芝士煎餃 $58.-/ 7隻餃子煎到金黃色，十分香口鬆脆，餡料飽滿又多汁，肉味鮮香，加上香甜嘅粟米及濃郁嘅芝士，勁好食🥰。壽喜燒牛肉煎餃 $76.-/ 10隻餃子同樣煎到金黃香脆，滿滿的牛肉餡，一口咬下，肉汁爆出，口腔內充滿牛肉及油脂香味，令人回味無窮🥰。四川涼皮 小辣 $33.-涼皮軟滑Q彈，撈勻花生碎粒、蔥花、鮮椒粒及辣椒油，十分香辣惹味，越食越辣，越辣越想食🤣。蜜餞雞翼 $35.-雞翼煮得入味，味道香甜帶點點蜜糖香味。蜂蜜檸檬薏米水 $20.-薏米水有檸檬的微酸，又有蜂蜜的香甜味，消暑解渴又去濕，既健康又好飲👍。豆漿 $15.-豆味香濃，冰涼解渴，食煎餃子一流😋。…查看更多

鐘意泰菜的我今日經過[水門雞飯]，又想起美味的雞飯，於是買外賣返屋企一齊開心Share。水門雞飯 $56.-雞肉又嫩又滑，雞皮油脂層薄薄的，口感嫩滑爽脆，配埋秘製甜醬汁一齊食，更加好味🥰。鳳尾蝦泰式金邊粉(微辣) $77.-金邊粉炒得香口乾身，味道微甜帶鮮，加上爽口彈牙的蝦仁，香滑的蛋絲及脆嫩清新的牙菜，口感豐富又好食😋。牛肉湯牛丸生牛肉湯米 $52.-牛肉湯底十分香濃，牛丸爽口彈牙，牛肉片肉質感軟腍。幼身米粉滑溜彈牙，十分掛湯，整碗麵都是滿滿的牛香味🥰，十分好味😋。水門炸雞飯 $52.-雞排炸得非常香脆乾身，肉質保持濕潤嫩滑😍，點埋特製辣汁，更加惹味香口。…查看更多

因事行經九龍城，心思思想食泰菜，正好見到一間相連舖位的泰國菜館[小曼谷泰國美食]。睇過餐牌，見款式多，價錢合理，又未食過，今日就入去試下😀。泰式燒原隻魷魚 $165.-魷魚好新鮮肉厚😍，燒至表面乾身香口，口感彈牙軟滑，點埋泰式酸辣汁一齊食，更加好味又醒胃。黃咖哩牛腩 $108.- 及 薄餅 $48.-牛腩及薯仔都炆得軟腍入味，咖哩味道濃郁，濃稠度適中。簿餅熱辣辣非常鬆脆😍，點埋咖喱汁，味道更香。鮮芒蟹肉炒飯 $118.-飯底炒至粒粒分明又軟熟，混入芒果粒香甜多汁及鮮味的蟹肉絲，香香甜甜，口感豐富😋。泰式鮮蝦炒金邊粉 $108.-金邊粉炒得乾身，口感柔韌軟滑，鮮蝦口感爽彈味甜😍。小曼谷原隻芒果糯米飯 $88.-芒果香甜多汁🥰，果肉厚身細緻，糯米飯軟熟，加埋香甜的椰醬，簡直係絕配。菠蘿沙冰 及 椰皇沙冰 每杯$42.-兩款沙冰味道各具特色，味道香甜，口感幼滑，搭配泰式餸菜，簡直一流。…查看更多