iancoolping's Profile

話說放假訓醒都會打開外賣app叫午餐，而多數都係叫大鼻鹵，而且慣性都係點牛腩拼雲吞河多蔥加辣油，我覺得食雲吞麵間野得唔得就睇呢兩樣野同辣椒油,而我出去食都係多數唔洗諗即刻叫雲吞牛腩河／粗。先講下個份量，我覺得河粉就多d抵食d 上次食極都食唔完，但我覺得呢間野好似粗麵好似好食d,但份量唔多，但訓醒第一餐我覺得ok😂。牛腩方面，我揀左普通牛腩，我覺得幾好食，佢做到我想要既口感，不韌，不過淋，入味，不過鹹，不易散，唔痴牙，我認為做到呢個水準雖然應該係好基本，但實在坊間好多雲吞麵舖牛腩都做得唔好，所以o係粉嶺黎講我食到呢種牛腩已經好滿意，而且佢份量都多啊，外賣app應該會貴dd先好似$41？我唔太記得，但可以接受啦。雲吞方面雙拼就有3-4粒，上次有4粒，今次得3粒，btw我ok啦，訓醒通常肚餓但無乜胃口，我覺得雲吞就未夠足料既，有肉有蝦，蝦可能我prefer多少少會鮮d甜d隻雲吞先會爽口彈牙d,btw +$10 我接受呢個質素既。湯底方面，係比較濃味，感覺味精有d過多，但我prefer濃味好過無味。然後雲吞麵既重點我真心覺得係辣椒油，嗜辣的我覺得佢地既辣椒油都幾好味，不過就唔太辣（係我個人嗜辣啫🥲），應該呢個都係普遍接受到既辣度，然後可能外賣比得少少，唔夠過癮😆.另外有時同屋企人食都會加d小食，豬手啊，牛筋蘿蔔咁樣，豬手最緊要淋同入味，佢做到既，正正常常，但印象唔太深刻。牛筋都真心唔錯，我出面好少叫牛筋，因為多數得好少，佢三十幾蚊，我覺得都算多，因為都會漏，呢d比得多都食唔到，而且d精華係底層d蘿蔔。最後餐飲方面基本野都有既，好似堂食外賣都要加$10？？外賣app要囉，堂食唔知道，印象間舖好細坐得逼又唔舒服，有時要搭檯，所以外賣就無呢d問題，餐飲今日無加，平時有，一般都係凍奶茶，正正常常一杯奶茶，因為次次都飽到飲唔到野，但今日後悔無叫野飲，食完都幾口渴😅…Read More

甚少於粉嶺搵食，家人突然想食小籠包就到這裡來，今次我才第二定唔知第三次幫襯。平日既8點晚飯時間，商場一流並不算多，這間餐廳的顧客也沒有很多，正好我比較喜歡清靜的環境。我跟家人進店並沒有人招呼，我地就隨意選了卡座，然而坐了幾分鐘旁邊的服務生都好似見我地唔到，我出聲說要餐牌，幾個店員才好像發現我地，亦隨即立刻馬上給了餐具餐牌同茶水。是晚點了五個菜。幾分鐘後就上了頭盤。1.花雕醉雞 $78份量大約¹／4隻雞，並不太入味，肉有點薄，有一點點肥，底層有汁醃住的就較入味，作為頭盤都幾開胃，這個我覺得合格，但仲有好大進步空間。2.松鼠鱸魚 $138賣相滿分，食慾大增，可惜魚應該炸定，不熱不脆，但整體還算合格，酸甜味道幾醒胃。3.四川擔擔麵 $53份量頗少，大約兩個碗仔就裝晒，它們的碗都幾大隻既，但份量好似偏少，一個人食可以，味道還好，不太咸，麻辣做底不太重，幾惹味，擔擔麵質感好食，似食拉麵有爽口彈牙既口感，味道上還算幾高分，只係同樣好似不夠熱，但我接受這個溫度，太熱食唔到，但大眾都應該期望是熱騰騰的。4.小籠包 $48還好，不過不失，但是醋多數都會配薑絲提味及劈走d雪藏肥豬肉味，同埋可以有解膩既作用，呢度就細節位爭dd,所以還只得合格水準。5.雪菜肉絲炒年糕 $85因為都飽飽地，試味性質嘗了幾口，幾清淡，與剛才幾樣濃味的食物對比口味上輕怡d,味道沒有很重，應該無落味精，年糕口感都很可以，份量都幾足，足夠3-4人分，但因為多油還是會膩，而且挺填肚的。這裡好似有可樂，豆漿之類，但吃中菜還是適宜喝茶，香片唔錯，這裡沒酒精飲品供應。這裡會收$8／1位茶錢，有10%svc charge。這裡結帳大約$500。這裡裝潢可以，店面乾淨，地下沒油不會像一般中菜館那樣跣，通道闊落，檯面闊。總結：食物款式大致對應到湘 川 滬的主題，價格我認為可以接受，部份菜式份量偏少如花雕醉雞和擔擔麵，因對應價錢，我覺得食物可以做得細心d。例如松鼠鱸魚炸起唔應該係凍既，我知道師傅驚冧檔都會做定，但個酸甜汁味道係有水準，賣相都好吸引既，補充返鱸魚都滑同無骨既；花雕醉雞9成9都會做定一碟碟放雪櫃，但面頭果d表面會乾，但我唔食皮既所以對我無影響，同埋唔夠入味，個汁都幾唔錯，結論係浪費左d汁。服務方面，聽家人說之前都頗惡劣，聽說今次很多都是新員工，我覺得正常，但要改善係客人進店都坐低左一陣都好似無人留意到咁，各有各好似收緊檔咁，個觀感都真係幾趕客，當時好似先至8點半==。。但整體服務態度上都算可以，當然可以再好d,始終貴店係有收加一，而且服務係由店員觀察客人既需要，如果基本野都要由個客開口叫先有就會比人印象唔好。今次整體用餐評分我比70分…Read More

限聚令期間十點後要搵地方飲野食野只會諗起呢條街，平時同同事朋友多數食隔離果間，今次同另一個同事傾計飲野食少少就是但行左入明記。因為得兩個人唔係叫到好多野食，而且係飲啤酒為主，所以叫了個炸子雞同小炒王。味道上中規中矩啦，菜式都係傳統普通既大路野，如果認真比較，隔離果間係好食d。隻炸子雞都feel到係脆皮既，但我本人就無乜quota 所以選擇性地唔食皮既，味道我記得係ok咁囉，肉質就比較鞋，咁送酒既野係咁上下啦。另一款小炒王基本上我去到邊都必點既，因為點都要食d菜，而呢個小炒王都幾足料啊，送酒都係一流，我印象中係夾完又夾，係好食既自然反應。如果要讚同隔離唔同既係portion 大d，印象中價錢都好似平少少。個人意見評分如下:出品40%: 30分服務20%：15分環境20%：10分衛生10%: 5分性價比10%：6分總評分: 66分…Read More