茶記太子's Profile

今次搵食嚟到上環，食吓呢間四川冒菜呢間餐廳喺商業大廈嘅高層，裝修格局有啲似樓上酒吧餐牌有少少似車仔麵咁，由湯底，配料都可以自己配搭由4個餸到8個餸，肉/菜/丸 都有唔少選擇視乎客人選擇，可以加配飯/麵做主食上菜果吓都有啲嚇親，份量都幾大配菜就建議簡嘅吸湯選擇，例如枝竹同豆腐串我地叫嘅係香辣湯同埋重慶麻辣湯雖然叫嘅係小辣，但係都幾夠味建議唔好第一次就挑戰大辣每款配料都幾足料，如果好似我地咁加埋麵做主食都真係幾飽！我地加左飲品洛神花山楂蘋果，正常發揮最後就加埋個冰粉解解辣，夠哂清涼整體呢講，呢間野幾啱鍾意食辣嘅朋友…Read More

又一間宮廷風格火鍋，喺位於北角嘅滾得囍宮廷火鍋小炒，店內裝飾是中國風嘅設計，但感覺有點歲月痕跡。天花仲有滴水。配料可能放太耐，蔥都乾埋今日嘅火鍋湯底叫左嘉慶椰子藏雞濃湯鍋，上台見到椰子同埋雞件俾腐皮包到禮物咁，影完相打左卡之後店員會幫你剪開，湯底清甜，有椰香味。火鍋配料叫作以下幾款。本地牛頸脊騸牯牛肉牛肉脂肪比例均勻，有一定厚度，所以肉味豐富但不會韌，值得一食滾得囍餃子拼盤餃子總共有五款各兩粒，有溫室豆苗帶子餃同埋牛肉餃，另外有款比較特別嘅就係滿滿芋頭嘅餃子，個人覺得口感唔太好，唔推。黃金雙拼黃蛋黃響鈴配鹹蛋黃脆魚皮，份量都幾大，魚皮夠香脆鬆化，每一啖都有咸蛋黃味道。不過響鈴比較多層實在，點湯食會沖走咸蛋黃味，唔點湯中間又會好乾身。滾得囍豐盛雜菜拼盤雜菜款式都有幾多，有粟米番茄蓮藕菜心生菜油麥菜雲耳，份量多到食唔哂。竹蔗茅根味道足料，唔會太甜，配打邊清清熱一流整體黎講食物質素一般，如果想食宮廷風火鍋，有其他更好選擇，除非你唔想離開北角。…Read More

黃竹坑新商場South Side終於開喇，今日去左食Terrace in seaside由裝修到店員的帽子都係滿滿柑橘及橙色，很陽光嘅感覺店有戶外位置, 而近窗口位置陽光充足, 好啱打卡影相今日叫左幾樣野食, 全部份量都幾大, 飽到食唔哂神話豬腳紫蘇拌飯由相可見都幾大份, 紫蘇拌飯有少少辛香豬腳淋滑, 食落唔膩, 唔會滷到散哂, 出色醬燒牛肉飯卷醬燒牛肉有牛香, 配合埋飯卷的配料及芝麻香, 滿滿韓風士多啤梨窩夫窩夫上碟仲係暖嘅, 做到外脆內軟, 配埋香甜嘅韓國士多啤梨, 忌廉同果醬, 非常滿足提拉米蘇餅乾浸透濃濃咖啡, 配上忌廉及咖啡粉咖啡迷大愛, 如果多少少芝士味會更好濟洲柑橘乳酪夏天飲柑橘乳酪十分開胃清新, 最有趣係喺飲品上有原個柑橘可惜太飽, 如果唔係, 真係可以食埋佢朝露玫瑰花茶又一係杯清新嘅選擇, 花茶有埋原朵嘅乾玫瑰花同乾橙片整體呢講Terrace in seaside真係一間集食物質素同打卡於一身嘅韓國餐廳感動黃竹坑終於唔再係美食荒漠喇, 大推…Read More

今晚飯聚呢到尖沙咀嘅Jagger餐廳有分室外同室外位置室外就適合邊飲野，不過夏天就真係熱啲室內位置唔算好多，裝修都幾文青，不過冷氣都係唔多夠不過坐得都算舒服●北海道帶子刺身配三文魚子及酸青瓜帶子唔係好大隻，不過都算新鮮，配埋個酸青瓜都好清新開胃●意式蒜香牛油汁配藍青口及蜆香草包都幾脆口，牛油汁似白酒忌廉汁，同青口同蜆都鮮味●Jagger芝士菠菜意大利雲吞比較Creamy嘅雲吞，芝士味道都幾出，反而唔太濃菠菜味●Jagger小食拼盤(脆炸魚柳, 唐揚魷魚, 炸薯格, 芝麻雞翼)小食拼盤係喺8款小食入面選4款，味道都幾香口，好啱送酒●Jagger特色火陷德國咸豬手店員上枱前會點著橙酒淋上豬手，等食客影完相後會拆肉再上，皮脆但肉質比較乾●Air Force Red清新士多啤梨味嘅飲品Overall食物質素都合格，環境舒適Happy Hour或者晚餐都適合，不錯…Read More

今次繼續黃竹坑搵食，係喺One Island South嘅Flat Iron Steak,裝修十分開揚，座位都舒適Set Lunch有5款主食選擇，而side dish同甜品就要加錢如果唔加配，都可以選擇加10蚊飲檸檬茶或梳打而今日當然食佢主打嘅Flat Iron Steak佢嘅牛肉係澳洲黑毛牛安格斯(7oz), 分量就唔算大份配以香草牛油汁，沙律菜同薯條Order了5成熟，生熟度都ok肉質比較淋滑，牛油汁正好帶出牛肉味而配菜嘅薯條都做得幾好，係幼身薯條熱度同香脆度都做得幾好整體呢講味道唔錯，不過對男士真係要清碟先啱啱好夠飽而加配嘅檸檬茶就唔多掂，檸檬味，茶味同甜味都唔夠好可惜如果唔計個飲品，整體嘅用餐體驗都係唔錯嘅，推介…Read More

今日Lunch再去食呢間主打手工麵嘅上海野店面開揚，裝修簡單，空間感足夠Lunch Menu可以選主食加小食，又或者加錢配埋一款點心其實主食加小食份量都好夠，同事簡左清湯菜肉雲吞麵加擂椒皮蛋手打麵嘅質地爽滑有彈性，菜肉雲吞合格比較有特色嘅就係手擂青椒，要自己用支棍去整碎隻皮蛋同青椒過程好玩但味道就普通，不過唔好整太碎，如果唔係變糊仔另外我叫左赤湯屈機厚切排骨麵配我無醉雞赤湯微辣惹味，麵條掛湯吸味排骨係真•厚切，外皮炸得香脆但可能炸嘅時間有返咁上下，肉質有少少乾，不過合格另外小食嘅雞件都幾有份量，肉質好香滑整體呢度嘅食埋品質都幾好，都幾多選項要加錢，要留意吓…Read More

今次搵食去到尖沙咀K11對面嘅新泰餐廳主要位於地庫，店面空間十分足夠不過要留意返，可能因為地庫關係，電話可能會收得唔好今日主要都係叫返泰菜肉碎生菜包🐖🥬味道夠酸夠辣，配埋生菜十分清新泰式炸春卷🌯素餡加脆皮，配埋泰式甜酸汁，十分開胃泰式大蝦炒金邊粉🦐上碟以蛋網包裹，鑊氣十足泰式菠蘿炒飯🍍第一次食有椰青肉嘅菠蘿炒飯，有淡淡椰香泰式燒雞🐔皮脆肉嫩，肥瘦適中，調味可口泰式甜品大拼盤除左芒果糯米飯有點過淋， 其他甜品都好出色，特別係奶茶味嘅大菜糕整體呢間嘅泰國菜都幾好，而用餐體驗都係良好，舒適，人多都適合…Read More

今日搵食去到青衣城嘅樂天皇朝，不知不覺原來佢地已經喺香港十周年，今日第一次去青衣嘅分店，睇下係咪仲係寶刀未老。雖然兩個人食，不過都嗌左唔少野食，醬燻鴨🪿半風乾鴨肉肉味濃，醬味豐富有層次欖菜乾煸四季豆🫛肉碎油香，四季豆脆口，食到唔停口小籠包🥟都係鍾情於原味，肉汁爆滿蝦仁酸辣湯拉麵🍜辣味足，但酸味唔多夠，要另外自己加醋咸肉炒年糕，整體味道比較淡，有雲腿，不過唔係太帶到味去年糕，可以試其他口味嘅年糕另外順帶一提就係佢地嘅服務幾好，侍應好主動換熱茶，值得一讚…Read More

今晚去左好耐無食嘅Burgeroom, 去左美麗華嘅分店叫左次次呢都叫嘅煙肉芝士漢堡，漢堡嘅份量都一如以往地大，而今日嘅Order要求左走洋蔥。Burger依然好厚身，不過質素好似無以前咁爆汁，肉嘅鬆軟度保持到，唔會實的的。而今日嘅煙肉好似煎得唔夠香佢嘅旋風芝士薯條Keep到個質素，芝士醬夠多，薯條夠脆！夠熱，好味！另外飲埋佢地嘅自制蜜桃茶，不過都係覺得以前賣果款樽裝蜜桃茶好飲啲。可能係分店嘅關係覺得上次喺銅鑼灣分店食質素好啲。…Read More

今次搵食去到火鍋隨意門，裝修好有中國風，湯底同火鍋配料都好多特色野可以簡，今日叫嘅係蒜香特色卜卜蜆鍋湯底非常之足料，勁多蜆同埋清熱嘅芽菜，食極都有。火鍋料方面另，個人比較推介嘅有餃子拼盤，有好多出面無見過但好好味嘅餃，例如蟹黃豚肉餃同黑松露蟹肉餃。而今日叫呢個安格斯牛肉質素都幾好，油脂都好平均，夠牛味而醉雞就一般，夠滑嘅，不過淥完已經一啲酒味都無Overall 價錢唔平，但係質素幾好，可以打吓卡嘅火鍋店…Read More

星期六食個早餐，店內裝修明亮舒服，亦可以選擇坐喺露天位置。前台order再自己搵位，靠窗位置可以睇到海，不過室內位置唔算好多，睇你運氣好唔好喇。早餐選擇都有五六款，除左Classic早餐之外，仲有其他選擇，例如有乳酪或者牛油果嘅早餐，而今日我簡左炸魚嘅早餐，除左炸魚之外，仲有炒蛋，豬肉腸，沙律菜同一片法包另外可以加$16蚊要多一個香草番茄湯通粉食物質素整體唔錯，份量都足，魚柳外脆內嫩，炒蛋香滑。咖啡選擇都多，質素合格…Read More

今日去左食喺銅鑼灣嘅瀛豐放題專門店，佢地之前喺10樓，搬到3樓後裝修坐得舒服。同市面其他一般放題有啲分別，可以加錢升級任食凍海鮮，如果鐘意食凍海鮮的話可以考慮一下。坐低左就比左個燉湯我地，都幾足料，味道幾好。之後上檯嘅刺身都有好多唔同種類，超大隻嘅牡丹蝦，同埋唔少貝類，不過其後再order嘅刺身就薄身啲。另外加錢升級嘅凍海鮮都有好幾款，不過凍蟹腳要快啲食，如果唔係會比溶左嘅冰水浸到無哂味，凍蝦係幾唔錯，魚子醬就唔洗有太大期望。我下次可能淨係升級個海膽帶子，呢個好似兼回本之選。另外仲有自助嘅食物區，有日式八爪魚同中華沙律果啲，另外仲有泰式風味嘅沙律同手撕雞。佢地嘅熱食水準都合格嘅，不過個人覺得燒物差少少，叫左個豬頸肉，乾到有啲似豬肉乾。另外值得一提嘅係有好多飲品嘅選擇，甜品就自助型式。總結，食物質素中規中矩，坐得舒服，升級選擇就海膽帶子比較推介，凍海鮮就一般。…Read More

今晚去咗尖沙咀香香宮煮食火鍋，貪佢交通夠就腳，一上到去就見到古色古香好有特色嘅裝修，門口位就已經有個打卡位置，係一張超大龍椅。而座位如卡位等以皇宮入面各宮名命名，例如慈寧宮，坤寧宮等。一坐低已經見到檯面上準備好醬料盤，好似九宮格咁，檯面除咗紙巾以外仲有非常貼心嘅即棄圍裙(公主專用肚兜)，所有嘢都玩味十足。而餐具都係粉紅色，貼合公主風格。今晚嘅湯底叫咗鴛鴦鍋，有麻辣鴨血鍋及昭陽公主椰子雞湯鍋，湯底一上枱就見到十分足料，麻辣湯底入面除咗鴨血，仲有豆卜芽菜等配料，非常吸湯惹味。而椰子雞湯鍋入面有非常多的椰子肉，雞肉份量都好多，而且仲有粟米同卜卜蜆，順帶一題湯底入面嘅雞件去到火鍋尾段依然嫩滑。火鍋配料選擇十分多，我哋兩個人就叫咗以下嘅火鍋料，艾沙公主牛肉寶盒一上枱就已經畀佢嘅氣勢鎮壓住，充滿仙氣嘅牛肉拼盤包括左有頂級安格斯牛肉，手切本地肥牛，新鮮牛展，頂級雪花肥牛，牛黃喉，牛肉粒同牛舌。對於我呢個牛肉痴漢呢講十分滿足，可以試曬咁多款唔同部位，各部位嘅質素都很不錯，肥瘦均勻，連打邊爐最容易出事嘅牛肉粒嘅質素都比其他火鍋店好。伊比利亞橡果豬以牛肉狂熱者嚟講，我有畀呢一個豬肉片驚艷到，首先佢嘅油脂比例非常均勻，肉味很豐富，一啲都唔會有柴嘅感覺。除咗牛肉以外呢，個豬肉片都係私心大推。手打鮮牛丸呢個牛丸比我想像中普通，口感唔算非常彈牙，以牛丸嘅顏色睇得出非常新鮮，但可惜脂肪比例可能較低，食落味道唔夠牛香。香香宮煮響鈴拼盤拼盤入面係普通響鈴及鹹蛋黃響鈴，睇得出響鈴係自家製，口感非常香脆，而且非常吸湯，鹹蛋黃響鈴避免不被湯沖走鹹蛋黃，我冇浸湯食，但鹹蛋黃味道不算突出，而冇浸湯嘅情況下中間部分比較實在，顯得有點乾身。陳年花雕醉海蝦呢個係唯一一個非火鍋配料類嘅小菜，以蝦嘅顏色及肉質結實程度可見，蝦嘅新鮮程度非常高，除咗花雕味道以外，應該仲有八角等鹵水調味，無論味道口感都非常傑出，打邊爐配料以外，呢個醉蝦絕對值得一試。自家製足料竹蔗茅根上檯造型非常特別，但如果配埋古式杯會更有趣，味道正常發揮，唔會好甜，食火鍋好適合配呢一類型嘅飲品。總括而言，呢間火鍋店無論喺裝修特色或者食物質素都喺水平以上，三五知己都係一個唔錯嘅火鍋選擇。…Read More

今晚飯後甜品去左鮮芋仙美麗華嘅分店，美麗華嘅呢間分別位置就喺Starbucks樓上嘅欄杆位，有分室內同室外嘅位置，開始熱嘅今晚坐返喺室內嘅位置。今日叫左凍嘅芋圓4號 外加左小芋圓。以黑糖水刨冰作基底，加上4款配料，蜜芋頭，雙色芋圓，紅豆及珍珠。最出色嘅都係蜜芋頭同埋芋圓蜜芋頭口感綿密，甜度適中，份量有兩大嚿，非常滿足。芋圓口感有彈性，淡淡蕃薯及芋頭香，過足口癮。順帶一提小芋圓口感與正常大小芋圓有分別，比較腍滑。紅豆保持粒粒原整，沒有爆皮起沙效果，如果再煮長時間一點，爆皮起沙會令整體味道會再提升。最後珍珠甜度適中，但口感都係比較硬，可以延長烹煮時間，會比較好咀嚼。提一提返，有人均最低消費$28，如果女士們要同朋友分享一份甜品就可能要加個額外嘅配料喇。…Read More

今餐同朋友們食左間好外表好平實嘅酒家 - 珠江酒家門面有點老派簡單，店入面都係簡單的佈局，上下兩層但檯數不多。店內牆身貼滿菜式名，重點係手寫嘅，好有特色。今晚人多少少，可以叫多幾個餸。胡椒豬肚湯豬肚咸菜等十分足料，一鍋7-8個人分都一人兩小碗以上，味道不錯，胡椒可以再多少少。潮州蠔爽第一次食蠔爽，其實好似椒鹽造法嘅蠔仔，食落十分香口，好啱用呢送酒。涼拌花甲主要以由蒜同黑醋調味，花甲份量多而新鮮，食落幾開胃。花甲下面有青瓜，食落好青爽。金沙黃金魷魚全餐飯最有驚喜就係呢個！一上檯以為送錯炸豆腐，原來係激厚嘅魷魚，外脆內嫩，咬落唔韌，配埋個咸蛋黃簡直一絕！不過食嘅時間小心燙口。豉油皇鵝腸又係一個直得推介嘅一個菜，而家其他地方好難食到仲有咁肥美嘅鵝腸，食落唔膩，配埋喺底嘅芽菜，可謂一絕。椒鹽墨魚咀不過不失嘅椒鹽墨魚咀，不過炸粉微微偏多，而味道可以再濃咪少少，有啲被黃金鮮魷比下去。麵醬油渣四季豆抄四季豆正常發揮，但豬油渣未夠炸得夠，入口依然有點油膩，而調味唔知點解有點菠蘿甜味。(黑人問號)炸子雞味道不錯，皮脆，但肉質有點乾身，肉汁不足，相對比較平庸嘅一個菜式。潮陽來不及(甜品)呢個係脆炸香蕉加糖漿，材料比較簡單但都算係一個幾特色嘅熱甜品，而食嘅時間都係小心燙口。整體呢講，珠江係一間幾有質素嘅舊式酒家，有唔少潮州菜同粵菜嘅選擇，以今日呢餐人均唔洗二百呢講，出品有驚喜，值得再食！…Read More