d12eminem's Profile

喺科學園返工如果去到食飯時間其實真係冇乜特別多嘅選擇，有時想食好啲就要特登揸車出去沙田，今日行過見到有一間WM Café and Bar，就坐低試一試。環境都幾舒服之餘陽光非常之充足，一坐低就見到右手邊有一排落地大玻璃，陽光柔和直射落去成個Cafe，俾人一種感覺間Cafe係非常之陽光氣息。餐牌就好似美式風格嘅Cafe一樣打橫大大快show係門面，我就揀咗巨量安格斯牛肉芝士漢堡，我朋友鍾意食意大利粉所以就揀咗個白酒汁扒帶子意大利粉，飲品方面就叫左個凍鮮奶咖啡同薄荷梳打特飲。食物大概15分鐘左右就已經上咗枱，首先講講「巨量安格斯牛肉芝士漢堡」，首先一定要講嘅就係呢一個漢堡嘅份量，成個漢堡包高度足足有一隻中指咁高，你可以睇睇塊牛扒嘅厚度絕對有八安士，首先試左個漢堡包嘅包面經過烤爐處理變得鬆化脆口，你咬落佢嘅時間會聽到沙啦沙啦既脆口聲，牛漢堡扒絕對夠八安士嘅份量不過呢個漢堡扒唔止有份量，咬落口嘅時間肉汁係會標出來，肉汁多到係流到成手都係！你試諗下平日識開嘅漢堡包係大型嘅連鎖食店漢堡扒都係非常之乾，相反呢一間Cafe既漢堡扒唔止份量上做到足夠，係牛肉既肉質方面仲非常之新鮮又同汁，真係世界級享受！之後就食下朋友個白酒汁扒帶子意大利粉，意大利粉落口嘅時間便會散發出非常之香濃嘅白酒香氣，箇中感覺會即刻令你成個人精神左，白酒汁偏向清香同埋少少甜味，意粉硬度偏向彈牙唔會係林啤啤，細心D睇下佢哋嘅配菜例如係番茄仔同埋露筍條全部都經過烤製，令到成個意大利粉更加香口！帶子更加唔使講啦全部都係原粒想大大粒，帶子食落口非常之鮮甜多汁就證明絕對唔係用冷藏嘅帶子，用料又新鮮味道條配上又認真！凍鮮奶咖啡咖啡豆偏係少少酸所以配合奶泡一齊飲嘅時間嗰種化學作用係幾夾嘅，薄荷梳打特飲用上新鮮嘅薄荷葉飲落口嘅時間薄荷葉帶出嘅香味非常之醒神，配合梳打水將薄荷葉香味盡情揮發！有食物同埋飲品都睇得出老闆係非常之有心思去經營呢一間Cafe, 各位喺科學園返工嘅朋友一定要試下！…Read More

放題餐廳真係香港今年好熱門嘅餐廳，特別係旺角地段開咗最少都有八間所以競爭真係非常之大，呢幾年之間放題餐廳已經出現咗汰弱留強嘅情況，品質唔好嘅多數好快就會做唔住，今日同朋友試咗一間喺兆萬中心開嘅放題餐廳叫做神戶屋日韓放題。餐廳嘅裝修雖然唔係太豪華，不過勝在位置都比一般出名嘅放題餐廳空間大，坐嘅位置亦都唔迫夾四人枱其實都可以放到好多食物亦都係有空間擺手袋嘅。食物方面留醫餐牌上面發現除咗一般放題餐廳一定會有嘅日式刺身同埋壽司之外，佢哋去韓國食物方面都有幾多嘅選擇，我見到有幾款唔同嘅韓國食物一見到就好有興趣想食例如韓式辣牛柏葉，韓式嘅豬頸肉，同埋韓式嘅麻辣帆立貝，我哋每樣都叫咗少少小事牛刀睇下呢一間放題嘅品質。一開始嚟到嘅就有一盤刺身，三文魚切得非常之厚身新鮮亦都非常之有口感濃既魚油香不過一啲都唔會有魚腥味，玻璃蝦大大隻非常之彈牙同埋爽滑，甜蝦足足有一隻手指咁大條甜度亦都非常之濃郁！帆立貝每一粒都係大大粒原粒冇切放落口鮮甜美喺口裏面爆出黎，最後要講講就係佢哋嘅蟹鉗上盤嘅時間已經好細心開好左俾你，你只係需要擺落口食就係咁簡單，蟹肉緊致結實唔會鬆散就證明佢非常之新鮮蟹嘅甜味同埋淡淡嘅海水味會令你食完一隻又一隻。仲有啲日本嘅食物要講講嘅係就係佢哋嘅壽司，玉子壽司非常之厚身鮮甜充滿着蛋味，鰻魚壽司嘅鰻魚做得到入口即溶食落口嘅時間鰻魚嘅油香同飯粒混合一齊味道層次真係非一般嘅享受。之後就要重點講講佢哋嘅韓式食物，韓式辣醬牛柏葉食落去口感就比較淋身同我地一般食開既中式牛柏葉口感上好唔同不過韓式牛柏葉係做到非常之入味，基本上韓式牛柏葉都吸收晒滿滿嘅韓式辣醬，小小甜小小辣嘅味道配合淋身帶着少少咬口嘅牛柏葉我重點推介俾大家一定要試吓。之後要講講嘅就係佢哋嘅韓式將燒豬頸肉，呢一個豬頸肉咬口感覺彈牙得來油脂咁好重。不過呢一個韓式醬汁偏向多少少鹹味感覺只係豆瓣醬不過冇豆瓣醬咁辣反而大少少甜味，食落口嘅時間甜美反而勾起左豬頸肉油脂嘅香味，配合韓式醬汁真係天衣無縫。食物介紹方面最後就要講返佢哋嘅小食，燒菠蘿表面有焦糖面菠蘿嘅酸味配合焦糖嘅甜味食得到鮮果香，芝士年糕食落口外皮非常之鬆軟裏面嘅芝士亦都有流心嘅效果呢樣野真係呃唔到人如果係擺落去微波爐叮熱嘅芝士年糕一定做唔到軟滑流心嘅效果。有樣嘢我真係要特別讚賞嘅就係呢一間放題餐廳所有服務員真係非常之有禮貌同埋有熱誠，眼見所有服務員全部都係好年輕嘅後生仔，由佢哋嘅服務同埋上菜嘅速度都感受到佢哋工作嘅時間充滿着熱誠，有時仲周不時問我地有冇咩食物係漏咗嘅有冇咩食物想食但係未上俾我哋，仲會問我地有啲咩食物質素唔係咁好會聽聽我哋嘅意見，呢一種年輕嘅熱誠真係好打動到我，我希望大家可以支持下佢哋，亦都希望大家嚟到一間放題餐廳除咗享受美味嘅食物之餘仲可以感受一班年青人嘅熱誠！…Read More

香港有好多本地人經營嘅街坊食店，唔好睇佢哋雖然冇金碧輝煌嘅裝修，佢哋買嘅係自家用心製作嘅地道食物，今日就嚟到郭記試吓呢一間大埔嘅自家小店。佢哋小食方面都係走香港地道路線，沙嗲牛柏葉同埋沙嗲魷魚呢啲係香港地道車仔麵店一定有嘅！唔好因為睇落似係普通嘅牛柏葉同魷魚，佢哋嘅沙嗲汁係自家用花生碎做提味同10幾種唔同嘅香料令到炮制而成，老闆話淋上去一黎可以食到牛柏葉同埋魷魚本身爽彈嘅口感，但又可以同時食得到沙嗲醬嘅惹味，用最地道嘅方法做到色香味俱全。車仔麵我諗都唔需要向大家多多介紹，呢樣真係老少咸宜嘅香港特色食物，有相片都可以見得到韭菜非常之新鮮，魚蛋係用咗地道嘅陳皮魚蛋，豬紅爽口彈牙，蘿蔔真係一定要食因為佢哋嘅蘿蔔用咗魚湯做湯底令到蘿蔔非常之清甜！作為香港人我就一定係支持返香港本地嘅食物，呢類型嘅食店係香港今年真係買少見少，希望大家多多支持郭記用心既食物！…Read More

3個人開公數食，本身就是爽～叫野都叫我放任啲！德國豬手我個人覺得堅正，夠肥美但又未去到令你覺得好油膩感覺。巴碼火腿pizza呢個正，pizza厚身鬆化，有堆巴碼火腿既咸香世界級！大蝦西冷感覺上西冷扒肉味夠濃既，不過叫3成會好啲大蝦不錯 煎香之餘蝦肉甜…Read More

放題係香港飲食界中既勝地，係一大班酒肉朋友飲飲食食聚會既時間令到大家都可以食到唔同類型嘅嘢食，唔使擔心有人唔食生野令到大家苦惱諗餐廳，特別係壯觀嘅刺身船同大量林林種種唔同類型嘅壽司，令到放題餐廳喺香港越開越多！今日同朋有食既大滿喜都算係放題界既老前輩，發展方向偏向高水準絕對敷衍，食物主題都有定期轉換，相格幾個月既今日再光臨都別有一番新景象！首先講講佢哋食物假嘅新鋪排，冷盤上面既凍蝦同青口，各色唔同嘅沙律同唔同種類嘅日式小食都擺出黎自助餐形式任攞，雪糕同雪條方面嘅選擇都大大增加，甜品方面都轉咗做自助餐既形式方便大家！放題嘅第一個大特色就係誇張嘅刺身船，大滿喜嘅刺身真係非常之高水準，三文魚新鮮肥美而且厚切，保持住非常之好嘅口感同油脂既味道，甜蝦玻璃蝦大大條，仲有一個非常之欣賞嘅就係你落單寫幾多佢一定上足數量，唔會因為你人數嘅關係將你嘢食嘅數量加多減少，當然大家都要衡量返自己嘅肚皮，不過大胃王嘅我寫咗50條甜蝦真係會上足50，大滿喜真係大胃王你恩物！壽司方面擺滿起都係走高級路線，黑松露海路壽司蝦味同黑松露醬好夾，芒果大蝦壽司酸酸甜甜，我個人重點推介佢哋嘅海膽魷魚壽司，彈牙之餘海膽齒頰留香。之後就要講講大滿喜嘅熱食同烤物，基本上你講得出嘅中式西式泰式粵式都有得食，今次我就真係要重點講講佢哋嘅新款食物-即燒鰻魚！基本上我寫15舊佢都黎足，完全唔怕大胃王同成本嘅考驗，燒到外脆之餘，仲會做入口即溶嘅效果，真心講呢一個鰻魚真係非常之高質！毫無疑問放題餐廳真係越來越多，每一間走嘅路線都各有不同，大滿喜由開業就決定左走高檔路線，有食物質素去到食物嘅數量都比到每一位客人口感上既滿足！…Read More

放題係香港人其中一樣最鍾意既食店，因為貪心好想一餐食晒林林總總嘅食物，第1round一直叫有咁大盤得咁大盤既刺身，仲有好多唔同既壽司同埋手卷，唔鍾意食生嘢嘅朋友仲有好多唔同嘅熟食可以選擇，一間餐廳就可以滿足晒一大班人唔同嘅願望，不過今年放題餐廳越開越多，就連lunch time都開始有放題食，今日同一班朋友係旺角睇完電影早場，就去左「大本瀛日式放題」試下lunch time放題。餐廳座位尚算寬躺，最少唔使擔心唔夠位擺嘢食嘅問題，場景燈光柔和，侍應同工作方面人手都好足夠。第一盤一定係叫咗刺身先，大路野嘅三文魚刺身，甜蝦大頭蝦玻璃蝦魷魚八爪魚呢啲一定有，三文魚新鮮之餘仲要厚切，厚身情度足足有一半節手指厚，大大增加左口感同油脂感！要特別講講佢地個玉子厚身之餘仲好重蛋味唔死甜又鬆化，甜蝦夠粗身甜度好夠，個刺身已經夠高質又滿足！壽司同手卷方面佢哋都有好多唔同嘅選擇，鰻魚壽司個人推薦一定要食鰻魚做到入口即溶，芥末八爪魚壽司個芥末唔太辛辣但大大提升左八爪魚粒嘅口感！之後就到熱食，呢一間放題因著服務lunch time既食客，熱食方面品質都非常之強大，黑椒牛仔骨上菜嘅時間熱辣辣不停出煙燒得外脆內軟，串燒雞軟骨炭香味漂香食落脆卜卜，串燒翠玉瓜外層有一層脆面咬落去爽口，燒牛脷滷水汁非常之入味。呢一間嘅放題熟悉方面真係花咗好多唔少嘅心事，令到你可以係lunch Time嘅時間都可以享受到唔同品種高質素嘅食物，大家lunch time又可以多一個選擇！…Read More

自從係加拿大返左香港之後因為我個人非常之懶，已經冇好似以前係加拿大住嘅時間每日起身都會整​ All day Breakfast, 個義意在於一個早餐可以為自己提供全日充足嘅養份，不過係香港大多數香港人都鍾意食茶餐廳快餐或者常餐.​不過幸運既我同朋友行過大角咀搵到一間叫"Have a good day"既CAFE, 見到佢地有做All day Breakfast, 就立即叫一個試下, 我朋友就見到一個叫睇心情既食物, 真係好期待要首先形容一下個CAFE既環境, 兩隻字可以形容晒: 陽光!最大原則因為CAFE全部都係落地玻璃, 令到成間CAFE真係好光猛, 個人就自己精神, 真係一個度下靈感既好地方.All day Breakfast大約十分鐘就上左啦, 好驚訝同我係加拿大食既All day Breakfast參唔多一樣架, 我講出黎既時候老闆聽到, 果下佢都話係阿我地跟足架! 呢個炒蛋真係世紀級, 滑得黎唔會水汪汪, 個火喉控制得好好, 個炒蛋已經不得了! 不過佢個PANCAKE先係大哥, 老闆話PANCAK上面既牛油係新鮮打起, 所以我食落覺得呢個牛油比出面既盒裝更重奶味, 牛油既質地都係滑身但食落去唔會有好重既油脂感, 呢個All day Breakfast我極之滿意, 食個滿足感100分!到左朋友個睇心情, 老闆話真係睇果日心情所以今日就親自整左個豬扒包, 不過呢個豬扒包同平日食開既就極之唔同啦, 就講用料方面滿滿既火箭菜同經過煎到香甜既黃椒, 仲有大大塊原塊既豬扒! 食落口果下個豬扒汁多到漏出黎, 就呢樣野好多豬扒包店已經做唔到, 中間仲有多好蘑菇做返味道上既豬扒包.只要有心做, 豬扒包都係會成功一個獨當一面既食物!All day Breakfast文化係香港真係唔係咁深得民心, 一黎香港人唔會咁有心機去整, 二黎​ All day Breakfast既小份食物真係多, 心思思想食既時間真係只能係香港搵, 不過好食既真係唔多, 今日介紹比大家呢間Have a good day, 希望大家試下感受下滿足既All day Breakfast!…Read More

西灣河比我既印象係偶遠又無咩野食，今日去西灣河探朋友，六點幾就肚餓，一個人又唔想出旺角食，就係西灣河行咗一陣，見到一間鋪頭名幾趣味嘅食店-沁沁面，就一於試吓。店鋪座位幾舒服，一坐低老闆就主動介紹俾我聽佢哋嘅食物，佢哋主打全部都係手工嘅食物亦都絕無任何添加劑，佢哋有個特大嘅冬菇老闆同我講整得非常之入味之餘仲非常之爽口彈牙，仲有一個沁沁飯，油鴨唔油之餘我聽到已經覺得非常之有興趣！特大冬菇好快就上左，第一眼睇到個下都非常之驚訝，個冬菇足足有半隻手掌咁大，個厚度亦都非常之頭我諗都有一節手指咁厚！咬落去冬菇嘅質感非常之彈牙，咬落膠質亦都非常之重，真係要一讚嘅係味度真係好入味！之後就到沁沁飯，見到成隻油鴨脾我隻眼真係發出金光！不過佢哋嘅油鴨髀就真係唔油膩，處理功夫做得非常之好，飯粒一食就知道係金鳳米，老闆聽到都話係呀食得出喎，真材實料真係唔同啲。飯吸收左油香，食完非常之有滿足感！…Read More

我自己就好鍾意食泰國菜，泰式嘅小食拼盤裏面有好多唔同品種嘅小食，青咖喱就更加唔使講，喺香港有好多地區都有開泰式餐館，不過質素有好有壞，今日經過太子有一間叫做「泰聚」嘅泰國餐館，行街行到攰會地就同朋友坐低食個晚飯。餐廳嘅裝修燈光上眼睛都好舒服，每個人坐位來講的確真係唔迫。食物方面我哋就叫左我最鍾意食嘅泰式小食拼盤，再叫個肉碎粉絲湯潤下喉，主食方面就叫咗泰式青咖喱牛腩，飲品方面就叫咗西瓜冰，甜品就叫咗一個椰汁糕。有圖大家可以睇到佢哋個小食拼盤每一件份量都好大，個蝦餅個大細足足有三份一隻手掌咁大，由表面嘅炸粉就睇得出蝦餅係新鮮即叫即炸先至會有呢一種脆面光鮮既脆片效果，每一件除咗份量大啖啖肉之外，未到上都偏向清新同爽口彈牙，炸既時間好好唔會有油億味，好多人都話泰式小食代表左個一間泰式餐廳嘅品質，咁呢一個小食拼盤就真係超班！食完熱氣就梗係飲個肉碎粉絲湯潤一潤啦，呢個湯就同平日泰國餐廳飲到既粉絲湯有啲唔同，佢個味道偏向淡口同清新，淡淡既香矛味同青檸既香味氣息，飲左你第一時間會將岩岩食完熱氣食物既油膩感一掃而空，肉碎多到啖啖都有，同粉絲一齊飲大大增加左湯既口感！到到主要既菜色-青咖哩牛腩，牛腩肥瘦均勻，食落好重既青咖哩味道，食落就知佢個牛腩同青咖哩同煮，因為咁既煮法先會有果種清檸既清新味道，普通既食店因爲時間關係都會分開煮牛腩係咖哩味，真係同呢個咖哩兩回事，一食就知呢個咖哩用心烹調！到最後，就係飲品同甜品-西瓜冰同椰汁糕。西瓜冰係原個西瓜肉打成冰，飲落感受到西瓜原本既清新同甜度，唔似普通餐廳只會飲到沙糖既甜同西瓜糖漿。椰油糕，椰油味重係原來椰汁既味道，無付加糖，無其他調味，純純正正既椰汁製造嘅椰汁糕。香港有好多有心做既食店，有圖有真相，大家有機會去既多多支持下…Read More

好多人都話兆萬中心係旺角之中係一個劣食既地方, 好多人聽到都SAY NO, 不過飲食行業你個名唔好就好快無人幫襯, 兆萬中心慢慢都開始有新既食店進場, 極上帝王水產係我同我朋友今次去食放題既場方.一去到個場,  見到天花上面既​彩色旗仔, 真係一個好有心思既設計, 小小既技巧就令到成個場地充滿住日本食店既氣氛. 你行到最入面介會見到係界開既位, 俾客人可以夠15人係一個比較上私人既場食一齊食野同搞生日PARTY!一開始, 就一定係食刺身既時間啦第一樣一定要講, 我地食左三轉刺身, 所以刺身就係已經處理好左到室溫, 唔會食落口一係硬硬地一係就好似食緊Ice ball咁, 大家食刺身都係想食肥美既口感, 我大膽講就算係尖沙咀係4舊幾水既放題一樣會有硬硬地未到室溫既情況, 極上帝王水產係呢個位真係做得好好, 保證你每一淡都係充滿口感, 三文魚每一淡肥美鮮有油香, 甜蝦鮮甜大大條, 帶子粒粒滑口又厚身, 我就豪不保留食左三轉啦.之後就梗係食下壽司啦壽司方面, 飯唔散好實, 火燒三文魚燒得岩岩好, 入口油脂溶化真係不得了既感覺, 漫魚軟滑唔會有痴牙, 油甘魚壽司油脂香口唔會腥, 因為呢間既食身都好新鮮, 壽司方面好出色.到左熱食, 好多放題都好忽略左呢方面, 不過極上帝王水產就完全唔同佢地個和牛粒好淋好入味, 芝士大蝦大大件內多多, 炸物個炸粉好薄身, 唔會食到成口粉, 佢個日本薯真係好好食, 外層脆口食落甜甜地.到後就到生果同甜品佢地既冰菠蘿預先做左功夫, 好甜雪糕方面就落重本啦, MOVENPICK呢個品牌既雪糕我諗都唔洗多介紹.最係要講講, 呢度既服務真係好正, 成日都會有暖男主動問你想食咩, 仲同我講唔可以食咁少, 休息一下黎多round刺身, 重點問你想食咩, 真係好好既服務.…Read More

格調唔錯 無咩人 唔會嘈飲得出咖啡豆唔係垃圾黎貨 手沖既哥哥仔有啲要求 唔係狗沖果種Long black 有層咖啡油脂係面偏酸 無咩果味 唔係水果酸味唔會死苦 35蚊叫做過得去 懶人唔想磨豆可以試下…Read More

一直都有聽朋友講過outback既lunch抵食又高質，成日都喺度諗依家餐廳樣樣野最少都＄90，點會有平價lunch,今日經過睇到餐牌真係有一舊水一餐outback lunch!一如以往我一坐低，侍應就會立即擺低黑糖包，咪講笑黑糖包絕對係outback既靈魂, 唔只熱辣辣仲要非常之軟熟，最緊要配合佢哋嘅cream，未食lunch已經可以食兩個黑糖包，記住黑糖包係無限添食嘅，有個朋友就已經一個人食咗三國，餐湯同沙律就唔多講因為一向都幾好食嘅，餐湯會好濃郁，沙律就冇乜特別。主菜就係大蝦香辣飯，成碟飯最少有六隻大蝦，配菜份量十足唔會因為＄100嘅中午飯就敷衍我，香辣飯比較軟身，雖然唔可以話非常之好食，但絕對比你個感覺係＄100係抵俾嘅。…Read More

好多人喺油麻地食煲仔飯都會食嗰啲排隊啊餐廳，是齊晒咁多間最好食一定係生記。佢哋個蠔餅，真係超多蠔，我梗係你每食一口有一兩隻蠔，炸得好鬆脆但唔油膩。再講下佢地個通菜，抄得好入味香口但唔會水濕濕個油泡魷魚好滑，吵得啱啱好唔會老鼓椒炒蜆更加唔使講，唔似同區某間出名嘅煲仔飯店全碟都係得殼，真係粒粒都有肉，吵到開晒夠入味最後講下佢哋嘅煲仔飯，點解我會話生記最好食的原因係因為佢飯焦比例啱啱好，同區每一間煲仔飯店，唔係飯焦過度就係窿，食一兩啖飯就係焦，生記比例上飯焦好好大家試下啦 一定有驚喜…Read More

依家係香港啊打個邊爐，冇100幾十真係唔使旨意食得好，出邊食個肥牛覺得都二百零蚊一碟，有幾個朋友都同我講過吉野家打邊爐係世界級，講真一路都唔係好信覺得佢哋係吹大左，喺荃灣冇乜嘢食幾個朋友就話試吓吉野家啦真係好正，半推半就就同佢地試吓。吉野家點講都係一間快餐店位置就一定會好闊㗎啦，不過真係見全部人都係食吉野家打邊爐，我就叫咗個濃湯  肥牛    芝士竹輪，咪講笑佢個濃湯真係記得真係幾香濃，啲菜索晒個湯底啲味唔係講笑真係幾好食，＄69呢個價錢來講真係超班，幾個朋友一齊食over120蚊仲送大可樂俾你，我咁講你可能信你親身是一次就知道呢個打邊爐真係幾有魔力…Read More

沙嗲王依家餐廳我諗係香港來講都算係一間大家一定會食過嘅餐廳，亦都係好少數食物質素係有一定水準嘅集團式餐廳。一如以往都係諗唔到食咩嘅情況下就去食沙嗲王，不過今次就同自己女人兩個人去食，唔係一大班朋友嘅情況下叫嘢食嘅數量就要睇住適量，最後就叫咗個紅酒牛柳粒焗飯，我女人就叫咗個香菇石頭鍋飯，佢仲要怕食唔飽叫多一個炸碼頭。個牛柳粒飯我真係要不禁讚嘆一下嗰啲牛樓粒好似真係唔使錢嘅鋪會晒成個焗飯，香菇石斑鍋飯啲菇係冇草味嘅我諗素食嘅人應該會幾鍾意食，最後要講嗰個炸饅頭，外皮炸到酥脆，饅頭嘅裏便係鬆軟嘅，一啲都唔油膩。…Read More