or#Tm65237899's Profile

呢間舖頭真係surprise me…之前上網見到呢間舖頭買好多廣告又有特色，由於朋友好鍾意美人魚，見到又有美人魚星球蛋糕，又可以提早兩日前訂，於是就買左。喺取蛋糕當日前2.5小時突然被告知有人拎錯咗個蛋糕，當時店舖聲稱亦都冇美人魚，於是send咗其他公主俾我問想改變隻…我朋友就係鍾意美人魚但佢其他公主我揀..😅而係咁短時間內我都冇可能喺出邊搵返個一模一樣嘅蛋糕買得切，於是我哋就唯有問可否改做多啦A夢。 而當時佢哋只係俾返$30差額我哋去改個公仔設計。客服事後只係一直話叫攞錯咗個客人去賠返錢俾我哋😟，而不是自己主動承擔責任，然後話個客人已讀不回，直接將呢件事不了了之🤯首先你買蛋糕個客拎錯嘢，難道唔係你哋自取系統岀現問題嗎？ 佢哋話平日客人係會對咗祝福語同號碼先取走，咁但係今次呢？ 點解又會出現呢個問題？究竟係咪冇完善系統去確保客人有冇拎啱貨？🤯🤯🤯感覺呢間舖頭做嘢真係好求其，去到最後叫佢俾返張正式單據我，連金額都錯的，因為原本揀咗夾糖，但之後補咗$48加oreo蛋糕又冇寫返上去，仲等緊佢回覆，但係已經得返一個tick🙂‍↕️今次嘅經歷好唔愉快，第一，比其他客人拎走咗個蛋糕，將心比己，得咁短嘅時間你要我去其他蛋糕店再買過係咪一個合理嘅做法？🤨第二，你哋將責任不停推卸，只叫拎錯咗嘅客人俾返錢我，然後話冇回覆就不了了之！！做生意其實係要有承擔有責任，並唔係因為自己嘅流程唔夠完善，就將責任完全推卸開覺得唔關自己事😢第三，我朋友喺收到蛋糕之後極度唔開心，而客戶服務最後仲要封鎖咗我哋😔對呢間蛋糕店真係超級失望，大家光顧前要先考慮清楚。🙁🙁🙁…Read More