費蘭度扎里斯's Profile

好耐之前去過呢間麵店食, 覺得水準一般, 仲俾了一個劣評佢, 機緣巧合之下, 約了朋友去好旺角等, 於是就俾多個機會佢今次我食一碗炸醬撈麵, 哇, 估唔到今次碗麵好好食, 炸醬做得好野味, 甜同咸的味道剛剛好, 麵條雖然有少少梘水味, 但做到彈牙的效果, 附加的一碗上湯有濃郁的蝦殼味, 把麵條浸一浸之後食, 味道好好!只可惜份量好少, 作為一個小食就可以, 飽肚就要再加其他食物了今次食完, 想為佢地平反…Read More

last night 應朋友之邀請, 來到九龍城金寶, 不過係食甜品, 唔係食泰國餐!這位朋友比較喜歡周圍覓食, 不知何故給他找到了這間甜品店, 因為位處偏僻, 而且舖面細細毫不起眼, 只知朋友仔係有日搭黃大仙小巴經過, 試過一次好食, 於是就約了我們三人一同試食!我自己食綠茶parfait, 此parfait 與一般芭菲不同在於有好多野 "口趙". 例如有紅豆粒, 綠茶軟糖, 仲有一件綠茶味蛋糕, 夾埋軟滑的cream食, 口感, 味道都唔差呢朋友的北海道豆乳味parfait賣相都幾吸引, 件豆乳布丁仲彈下彈下咁, 搞到我都有啲想試試, 不過唯有留下次客人唔多, 不過相信間甜品店都唔係好多人知佢既存在…Read More

今日的午餐, 在尖沙咀的德發食牛丸河, 好彩入到入面先落大雨, 唔係都幾狼狽去德發食最唔舒服係天氣熱, 就會坐得好辛苦, 幸好今日無咁熱, 仲落左一場雨, 唔使一邊食一邊出哂汗! 坐低之後叫左牛丸河加腩汁通菜, 五粒牛丸, 水準十年不變, 爽, 肉汁豐富, 好味, 無挑剔的機會了, 不過今次河粉的湯, 味道淡左好多, 唔夠牛腩的五香味, 係唔係轉左師父呢?但係通菜的腩汁又幾濃味, 或者係做我碗牛丸粉的時間無落到足夠的腩汁, 或者直情係唔記得左落都唔定, 搞到我碗粉唔夠味.....但係點都好, 德發的牛丸, 味道好係無用置疑的:)…Read More

今晚又再去食人氣店--- 定食 doraya一個人食, 唔會覺得異相, 因為店內有兩個西裝友同我一樣, 一個人:(睇完餐牌, 覺得最吸引我的, 係個三文魚子海贍刺身飯, 一客一百五十蚊, 有一碟煎蛋, 同一碟前菜, 今晚既前菜係白烚小唐菜, 不過係完全無味的講返個刺身飯, 海贍好肥美, 一半係海瞻, 一半係大大粒的三文魚子, 每粒都漲卜卜, 又多汁, 真係好好食最近去了好多次, 覺得每次客人的數量好像次比次多, 係or 的威力?…Read More

老字號的麵店, 去幫襯會多點信心, 因為麵店呢家野, 好的才會屹立不搖!這天下午到了好旺角食水餃麵, 這家老字號, 卻不見得很好! size 細碗係預左, 所以通常唔會彈呢樣, 更何況小食多滋味; 不過, 麵的質素我食完之後就有所保留了, 因為實在係太硬了, 有點哽:(水餃水準就ok, 一碗五隻, 餡料味道不錯, 蝦肉有彈性, 雖然水餃好食, 但麵怎能失敗? 這碗水餃麵, 嚴格來說是不應值ok的, 廿多元一碗, 應該可以食到更好的…Read More

糖百府最近有如皇蟲一樣的連開多間新店, 傳媒的威力固不可置異, 但是否真正好食, 我剛剛食完之後又覺得只屬一般之流而已因為女友都係一位openrice的擁躉, 見這賣雪花冰的店排名高企, 自不然央求我呢個廿四考男朋友一同去食, 我自己不是刨冰的愛好者, 所以, 女友的宇治金時雪花冰我只係"刮"了兩吓試試賣相的確係幾吸引的, 摺疊的層層冰片, 未食已經覺得好奇想試, 綠茶的味道比較偏甜, 跟一般日本式的綠茶雪糕味道其實一樣, 只係特別在冰一入口即溶, 炎炎夏日可以做到透心涼的效果食完覺得, 三十多元的一碗刨冰, 久唔久食一食還可以, 價錢高了一點吧…Read More

這天經過天后的越南仔, 見門面裝修幾四正, 個名又幾得意, 於是唔食台灣麵而改為去食越南粉叫左個春卷撈檬同一碗生牛肉湯粉兩份食, 春卷有兩種春卷, 一種係比較脆的, 白色同有網紋的春卷, 內裡包的主要係豬肉, 另一款就無咁脆, 但我比較鍾意食呢款多d! 檬粉的份量幾多, 加上生菜同香葉一齊食, 酸汁比較酸, 味道過得去生牛肉湯粉的湯比較清, 但都有一點牛肉味, 湯唔夠熱, 牛肉因此而不可以灼至全熟, 配菜俾得足, 可是像有點吃得不夠滿足其實味道都唔係差越式的太遠, 都無像之前食家說的是本地化的越南餐, 不過仲有很多進步的空間呢…Read More

見完個客, 就近好多地方醫肚, 結果揀糖朝打開餐牌, 價錢絕對唔吸引, 點心普遍廿幾蚊, 一碟油菜三十, 炸子雞半隻八十幾... 都係叫碟干炒牛河同一碗西瓜豆腐花啦, 到糖朝點都要食吓豆腐..五十幾蚊一碟的干牛河, 味道不過不失, 牛肉片好夠食, 怕你話佢弧寒, 豉油係落得好重手, 所以絕不會唔夠味, 韮黃, 芽菜, 都係好足夠, 如果唔係五十幾蚊, 我都覺得幾好豆腐花唔算滑, 過人之處係夠"清", 賣相絕對"吸引", 干冰表演完畢之後食, 感覺卻平平無奇價錢同品質一齊考慮, 結果係一個"ok"…Read More

跟openrice 的介紹去到這間叫 doraya 的日式便當食, 舖仔細細, 只得唔夠廿個位結果係, 要等位:( 不過我份人無咩所謂, 只要好食, 等吓又何妨, 我信得過openrice, 餐廳推介介紹的幾間餐廳, 我試過都幾好, 包括呢間叫左份三文魚子拚海膽定食, 要百五蚊一客, 不過好食又有咩所謂! 點解好食? 一碗魚生飯比成百幾粒粒粒都塞滿三文魚油的三文魚子同肥都都的海膽肉 cover 住, 個中的滋味, 係好難用筆墨形容得哂, 只可以講, 三文魚子真係好正, 而doraya 的三文魚子因為夠鮮, 所以更加正!定食仲有一碟雞蛋, 一碟前菜同一碗麵屎湯跟, 特別要提雞蛋十分之可口美味, 千其唔好唔食, 因為真係好嘥!食完好滿足咁走, 多謝 openrice 提供如此好的餐廳:)…Read More

成個月無寫食評, 這段日子其實都食過不少美味, 其中一間係潮州巷夜晚去食, 人客不算很多, 多間店如曾記, 陳春記都關了門, 餘下的店只有這間潮州巷較像樣! 食物柯打包括蠔仔肉碎粥, 鹵水鵝, 大眼雞同蠔餅, 都係比較地道潮州食物蠔仔肉碎粥有好多蠔仔, 粥水多但都係有味的粥水, 典型的潮州食法, 冬菜, 蔥唔係太重手, 有點美中不足; 鹵水鵝幾夠味, 雖然唔係叫鵝片, 但係一樣好多肉, 抵讚大眼雞肉質夠實, 點豆醬食送粥無得頂, 蠔餅煎到好香, 餅邊脆得黎唔燶, 而且唔多油小店型式, 出品都算認真, 值得黎食, 不過對我黎講唔就腳, 開在我樓下就成日黎…Read More

九龍城賣蛇的, 找到了龍鳳店, 在這裡查食友的評語, 見到 openrice 的"元老" gourmet kc 寫了一篇不錯的評語, 於是決定今晚去食點知去到首先係嚇了一跳 因為八點鐘居然沒有客人, 個心不禁寒一寒, 難道唔好食? 無理由吖, gourmet kc兄的食評係好權威的呀既然都來了, 便叫了一碗蛇鯁及一碗蛇汁雞飯食, 蛇鯁好足料, 蛇柳又多, 肉又鮮, 蛇肉有彈性, 熱辣辣的端上桌, 自己再加菊花, 薄脆食, 完全係美食一碗!雞飯都係熱辣辣, 幾件雞件唔係雪雞, 係冰鮮的, 雖然唔係絕頂好食, 但係都ok吖, 何以如此質素的食物會拍烏英?唔明, 但係我覺得好食, 就在此撩一筆, 大家有興趣去印證印證:)…Read More

萬發係一間都幾多人幫襯的舖頭, 起碼尋晚宵夜十一點幾都坐無虛設三個人叫左豉汁炒聖子王, 薯仔牛柳粒, 蕃茄炒蛋, 蒜蓉炒菜心, 皆因見隔離枱的餸超級大碟, 所以都唔敢叫太多碟聖子王同薯仔牛柳好好味, 聖子王有十幾隻, 隻隻都好肥美, 豉汁仲好香口, 薯仔牛柳好食因為薯仔, 唔係牛柳, 薯仔用黑椒炒完再炸, 特別野味, 好好食, 其實牛柳都唔錯, 因為夠淋!但係個蕃茄炒蛋就好一般, 味道比較淡, 蕃茄同蛋都比較乾, 唔係滑蛋嗰隻, 所以唔好食! 菜心ok, 有鑊氣!食完十二點幾, 都仲係坐滿, 都幾勁!…Read More

星期四晚同朋友打完波落左去食, 味道唔差, 不過返嚟寫食評, 先知無人俾笑臉餐廳係打冷形式, 我地食左炒蜆, 鹵水拚盆, 西蘭花炒帶子, 筍蝦同四碗白粥, 味道唔算差, 只係個鹵水拚盆係唔太入味, 但係好大碟, 又有鵝腸, 墨魚, 紅腸, 生腸, 牙菜, 豆干好豐富, 都幾抵食!炒蜆好大隻, 豉椒味野味, 好好食, 西蘭花炒帶子都唔錯吖, 起碼好夠鑊氣, 帶子邊位都有少少燶有冷氣又有電視睇, 服務都唔錯, 都食得過播:)…Read More

平日好少食西餐, 因為唔啱我口味, 覺得芝士, 薯仔食大多會滯, 不過女友叫到要食, 我都無辦法:(不過食完呢餐之後, 有點意料之外, 原來西餐都可以唔錯的! 西餐之中, 我無咁抗拒係牛扒, 理所當然地揀左份hawaiian ribeye俾自己食, 女友就食carbonara, side-order一碟炒菜同一個casear salad先嚟係個沙律, 菜都幾新鮮, 沙律醋味道幾清新, 之前對沙律好反感係醋好臭, 但係呢個沙律的醋味道無咁壓, 比較特別係有塊麵包比我一齊食個扒五成熟, 網燒的做法, 本來好易會靭, 之前喺ruby tuesday食完之後覺得唔掂, 跟住已經無叫過, 但呢塊扒就ok, 仲幾有牛味, 五成熟的處理, 有紅色的汁滲出, 唔錯!女友個意粉食左一啖, 吖, ok播, 意粉煙靭, 白汁唔係太漏, 可能同煙肉有關!睇番餐牌, 先知原來係一日式餐廳, 唔怪得咁乾淨, 環境幾舒服, 不過覺得廿幾三十張枱, 有成差唔多十個侍應, 會唔會誇張左…Read More

夜晚就去九龍城食泰國菜, 試一試新開的金雞泰國菜館店舖面積好細, 只得幾張枱, 但裝修光猛, 加上白色為主色的佈置, 坐得幾舒服:) 兩個人叫左冬蔭功, 生菜包肉碎, 咖哩蟹同炒通菜, 每碟餸都好有心機處理, 起碼擺碟好整齊冬蔭功好正宗, 夠酸同夠辣, 隻蝦仲好大隻, 不過小小意見係無提供個爐"慶"住, 所以飲到一半已經凍左, 無咁好味, 但一上枱時係十分之好飲的:)生菜包肉碎都做得好夠味, 青檸汁, 魚露, 辣椒落得好夠, 包味道濃郁的肉碎嚟食食到好開胃, 咖喱蟹個汁都唔錯, 夠杰, 蟹肉新觧, 送白飯好好味炒菜唔算太咸, 味道適中, 有水準!新店剛開, 仲有進步的餘地, 見事頭都幾有誠意, 親自招呼客人, 難怪會做得出色!…Read More