chan yan wing's Profile

呢間法式西餐廳喺中上環嗰頭，地理位置比較偏，裏面裝修都幾有格調同情調，幾適合情侶嚟拍拖！每枱基本上都係叫佢嘅set dinner，人均三百幾蚊已經嘆到精緻嘅法式料理，性價比算係唔錯，裝修得唔錯，環境都幾有氣氛坐得舒服，可以book定聖誕節嚟食都冇問題！-——————————————🧑🏻‍🍳◖Six Courses Set Dinner for 2 Persons◗ $699呢個menu做緊promotion，原價千幾蚊而家人均三百幾蚊已經食到，梗係要試吓！🥗/香草魚茸薯仔沙律配檸檬醬魚茸薯仔沙律配上沙律菜，加上檸檬醬，酸酸甜甜幾清新開胃🐂/澳洲M8和牛他他 +$28牛肉他他配上多士薄片，食落好香口，又唔會食到生牛肉嗰種血味🫕/野菌忌廉湯呢碗野菌忌廉湯好香，口感好濃稠creamy，飲完唔會覺得滯🐓/低溫慢煮雞胸扁意麵配冬陰功醬汁有三皮慢煮雞胸，Juicy唔柴，意粉配上冬陰功汁，辣味比想像中更出，酸酸辣辣，好有泰式風情🦞/新鮮龍蝦手打意大利闊麵+$168呢個意粉好出色，首先佢個闊條麵口感靭勁都做得唔錯，個汁係龍蝦湯嗰種味，麵條又夠掛汁，淡淡都食到龍蝦湯嗰種鮮味，仲有拆好嘅龍蝦肉，絕對值呢個價😋🐤/紅館姜母鴨整得好似油封鴨腿咁，的的骰骰，外皮幾脆啲肉都夠入味，肉質有種風乾嘅感覺，但食落又唔會柴，可以點上碟邊嘅果醬，但略嫌唔太食到薑嘅味道～🥘/法式香草焗蝸牛配薯茸法國菜必食嘅蝸牛，一碟有八隻，每隻蝸牛裏面配上法式香草牛油汁，口感有啲似螺肉，食落幾特別🤣🥭/芒果拿破崙🥧/鮮果芝士撻甜品就普普通通，個人鍾意芒果拿破崙多啲，拿破崙皮同芒果夾層，咬落口感豐富啲；鮮果芝士撻就略嫌甜咗少少～🌟 Encore指數：8.7/10…Read More

餐廳坐落上環嗰頭，環境唔算非常大，裝修成簡約歐陸風，成間鋪幾乎都係阿根廷球隊嘅decoration，坐得幾闊落舒服，菜式幾特別而且味道好有驚喜，幾啱收工過嚟飲返兩杯relax下～-——————————————🐖◖阿根廷豬肉腸 Chorizo Sausage◗ $128呢隻香腸用豬肉壓制成，咬落好有肉嘅質感，一份有四件，可以點上佢哋阿根廷青醬一齊食，味道相對鹹少少，送酒就唔錯呢～🥩◖牛腹心肉扒 Vacio Flap Steak◗ $368牛扒嘅份量唔少，呢排牛扒同西餐廳嘅牛扒味道好唔同，絕對值呢個價錢！牛扒以阿根廷炭燒方法處理，外層口感相對乾身焦香十足，裏面肉質嫩滑，超多肉汁，味道帶有奶香，味道同口感都好有層次！🍟◖炸薯條Provenzal Fries◗ $78薯條大份熱辣辣新鮮炸起，外脆內綿，灑上意大利香草同蒜蓉粉，食落嘅香味同平時食開嘅有啲唔同，幾特別🥗◖田園沙律 Mixed Salad◗ $108沙律加咗油醋，酸酸地好清新開胃🍷◖Alamos Malbac◗ $88🥂◖Alamos Chardonnay◗ $78🌟 Encore指數：8.7/10--- **** Tucked away in Sheung Wan, this cozy restaurant sports a minimalist European vibe with walls decked out in Argentinian football memorabilia. The space is surprisingly spacious and comfy, and the menu? Full of unique, flavor-packed surprises—perfect for unwinding with drinks after work! —————————————— 🐖 **Chorizo Sausage** ($128) Handcrafted from coarsely ground pork, these juicy links pack a meaty punch. Served in four thick slices, pair them with the zesty Argentine chimichurri for a salty, booze-friendly bite. 🥩 **Vacio Flap Steak** ($368) Generously portioned and *nothing* like your typical steakhouse cut. Grilled Argentine-style over charcoal, the crust is gloriously charred and crisp, while the inside stays buttery-soft with a melt-in-your-mouth, milky richness. Worth every penny! 🍟 **Provenzal Fries** ($78) Fresh from the fryer, these golden batons are crispy outside, fluffy inside, and dusted with Italian herbs and garlic powder—a fragrant twist on the classic. 🥗 **Mixed Salad** ($108) Light and refreshing, tossed with a tangy vinaigrette to cleanse the palate. 🍷 **Alamos Malbec** ($88) | 🥂 **Alamos Chardonnay** ($78) 🌟 **Encore Score: 8.7/10** -——————————————CARNE’S ARGENTINIAN STEAK HOUSE 📍上環皇后大道中202號香港普特曼酒店地下A號舖📞91442620#hkig #hkiger #hkeat #hkfood #hkfoodie #foodiehk #foodie #foodporn #foodstagram #foodislife #carneshk #carnes #hksteak #中環美食推介 #中上環美食 #上環美食 #香港美食 #美食分享 #西式美食 #慶生 #西餐 #西餐廳 #打卡 #阿根廷菜 #扒房 …Read More

呢間扒房喺蘭桂坊加州大廈24樓，大落地玻璃喺高空望晒半個中環，個景觀唔錯，餐廳裝橫都幾有格調，酒櫃裏面琳琅滿目，好有高級西餐廳感覺～平日呢度就可以食business lunch，週末佢哋仲有自助brunch，食物質素一啲都唔輸蝕酒店水準，仲可以加錢要埋佢哋嘅free flow🥂！------------------------------🗼◖Weekend Brunch◗ $528 p.p.🦐/海鮮龍蝦🦞生蠔🦪蟹腳🦀呢啲標配一定有，佢嘅海鮮係職員幫手拎，感覺更加衛生！龍蝦口感彈牙，食到有鮮味；生蠔嘅海水味好出，口感比較爽身，就咁加少少檸檬汁🍋都已經唔錯～另外仲有龍蝦包、凍蝦、螺，不過主力當然都係放返生蠔到，成打成打咁食超正🤩🍖/熱葷熟食選擇有燒烤同熱菜，燒烤有四款：烤雞、乳豬、和牛同羊架。佢個乳豬同和牛幾出色，乳豬個皮超脆，肉都唔會燒到好柴；和牛外層焦香，咬落去牛味濃郁，加埋佢哋自家製嘅芥末汁，味道更有層次～另外，仲有有啲熟食✨豬手 ✨京蔥燒雞✨清蒸魚✨菠菜意大利雲吞✨即叫即煮pasta🍨/甜品甜品就以一件件嘅cake仔為主🍰，幾鍾意佢個麵包布甸有淡淡肉桂香，有啲似蘋果批；自家製Tiramisu都唔錯，自己𢳂而且食得出有酒香🌟Encore指數：8.5/10…Read More

呢間豆乳甜品店一直好受歡迎，將軍澳分店呢度堂食位置幾闊落，卡通裝修好cute成個工場咁～店內有多款豆花甜品選擇，採用非基因改造北海道大豆，香味濃郁而且有營養，今日仲推出咗榴槤系列，梗係要試一試佢！-——————————————🍮◖D24榴槤豆花◗ $74用上椰奶同豆花做底，豆花本身唔甜，加咗少少黑糖同其他配料，更能帶出豆味嘅香濃同少少甜味～加上D24榴槤肉同榴槤奶蓋，榴槤肉嘅份量都唔少，幾足料，同淡淡哋嘅豆花一齊食，滿足到榴槤甜品胃！🍠◖粒粒芋頭紫米撈◗ $45幾鍾意佢面頭嘅芋頭粒，切得夠大粒咬落口感綿密，芋頭香氣幾濃，配埋下面嘅紫米芋泥，口感好多層次，而且整體食落唔會太甜，都係可以醫肚嘅甜品🤣🥭◖多芒楊枝甘露◗ $48好地道嘅港式甜品，加入芒果同西柚粒，甜甜酸酸幾開胃，個底係芒果汁加椰奶，撈埋啲西米露，一啖啖幾滿足，成碗食晒都幾飽下～🌟Encore指數：8.5/10…Read More

這間越南菜在香港有好幾間分店，裝修得光猛整潔，加入多種越式元素的擺設，有種來到越南街頭的感覺～餐廳比較常見的越南菜，像法包、檬粉必點，另外還有些比較小眾的菜式，選擇挺多元化的☺️-——————————————🥪◖越式豬扒包◗ $56個法包大大個，烘得香脆，中間夾住厚厚的香茅豬扒，烤得微焦香口，咬下去豬扒的口感不柴，而且醃得入味，但法包確實太大了，吃完中間的餡那個包也吃不完🤣🍜◖順化蕃茄蟹肉扎肉湯檬◗ $71檬粉份量不少，夠兩個人分！裏面配料也挺足，有一羹蟹肉、和4-5片扎肉，湯底也加入了蕃茄，整體酸爽挺開胃的🥭◖芒果牛油果鮮蝦米紙卷◗ $70越南菜米子卷是必點！這個米紙挺厚實，口感煙韌，裏面捲着牛油果、芒果、蝦和一些雜菜，蘸上店家的魚露汁，酸酸甜甜，一口下去超滿足！🐂◖濱海伴香茅牛肉◗ $78濱海算是比較少聽的越南料理，點來試試看～牛肉是用上牛肉片，再用醬汁煮成，挺入味鹹香鹹香的；濱海是米粉/檬粉餅，可以放上生菜和牛肉，夾着一起來吃，口感味道也比較有層次～🍊◖蜜糖柑桔冰◗ +$10柑桔水加入蜜糖，清甜消暑，但個人就覺得偏甜了點🥥◖椰汁三色冰◗ +$10淡淡的椰汁，加入紅豆、綠豆和斑斕粉條，喝完也挺有飽足感🌟Encore指數：8.5/10…Read More

想食性價比高嘅放題，極尚大瀛喜係唔錯嘅選擇，食物種類多而且品質一啲都唔馬虎，全線大瀛喜仲有得任食藍鰭吞拿魚🐟，刺身新鮮厚切，熱食同甜品種類都好多，一班朋友去一定有啱食嘅嘢！-——————————————💕◖晚市放題◗ $278晚市7:30入座都係$300唔使，如果午市時段嚟更加抵！整體食物質素有返咁上下，而且冇乜漏單嘅情況出現，上菜速度都好快，抵讚！👍🏻✨/刺身壽司🐟刺身種類幾多，厚切鮮甜，基本上都冇伏！大推佢嘅三文魚、油甘魚、藍鰭吞拿魚、帶子同甜蝦，超鮮甜！三文魚、油甘魚、藍鰭吞拿魚油脂豐富，食落甘甜，黏糯嘅口感好正！除咗刺身，仲有多款壽司同手卷，推薦芝士鰻魚玉子燒、海膽手卷、紅酒藍莓鵝肝🍣！✨/一品料理&燒物🧆定期會推出期間限定嘅熟食，今期係油鹽焗膏蟹，爆膏超鮮，係回本之選！另外仲有多款居酒屋料理，必食嘅有川燒珍寶鮮鮮蠔燒🦪、鐵板鵝肝多士、吉品鮑汁鮑魚一口花菇、王牌燒乳鴿、百合翡翠炒螺片、金湯燴花膠、紅燒蟹腳花膠翅！金枕頭榴槤燒都encore咗好多次👍，外皮燒得燶燶哋幾有咬口，燒過之後更加甜！✨/甜品🍨多數甜品都係自助區自取，除咗自家製嘅奶凍、布甸之外，仲有任拎嘅雪糕櫃，Häagen-Dazs雪糕杯都係任拎😍！✨/飲品🧃有咖啡機同多款自取包裝飲品，仲有樽仔奶茶、珍珠奶茶、清酒同自家製冷泡茶可以選擇～🌟Encore指數：9/10…Read More

呢間火鍋店湯底養顏為主題，食物種類多而且新鮮，大部份配料都可以喺出面自助區攞到，佢哋嘅甜品選擇都多元化，除咗自家製嘅糕點之外，港式地道甜品，重點係價錢抵食，$198起就可以食到咁多款式嘅嘢食，啱晒食肉獸同甜品控！🌃餐廳營業到凌晨兩點，21:00入座無限時任食，慢慢坐都得～-——————————————💕◖C豪華◗ $298湯底揀咗招牌膠原蛋白養顏美容鍋（另加$50）mix蕃茄玉米鍋，海鮮同埋肉類主要用手機落單📱，其他火鍋配料就出面自助區攞，日文種類都好多，仲有即整嘅疏乎厘🤩✨套餐雞牛豬都有齊，牛肉推介佢哋嘅Prime牛肩胛同M6和牛前腿心，肉味夠濃郁有個股奶香，但又唔會好油膩～蟹籽墨魚滑、花膠、竹簽蝦同沙白都可以encore！✨佢哋嘅甜品都係另一個重點，除咗啲布甸糕點之外，仲有Tiramisu同埋港式街頭小食：碗仔翅、懷舊砵仔糕、雞蛋仔、窩夫，仲有自助pancake機同埋即整嘅疏乎厘，甜品控一定鍾意❤️🌟Encore指數：8.5/10…Read More

呢間Cafe好多地方都有，今次去佢尖東嗰頭嘅分店，餐廳用小清新嗰種裝修風格，舖頭唔算大，但都頗有空間咁幾闊落～呢間Cafe主打意粉、意大利飯，佢主食嘅配搭都好新奇，嘢飲都唔錯！最近推出泰式主題，佢個芒果糯米飯疏乎厘勁吸引，梗係要試一試！-——————————————🍝◖椰香冬蔭功海鮮意粉◗ $126呢個冬陰功意粉加咗椰奶，意粉超掛汁，口感幾濃厚！加咗青口、魷魚圈同鮮蝦做配料，仲加咗啲香茅碎同辣椒碎，整體食落味道偏辣，之後有啲甜甜哋嘅後勁，呢種先辣後甜好過癮！🧆◖漢堡扒全日早餐◗ $156呢個全日早餐超豐富，有勁厚嘅芝士漢堡扒、煙三文魚、煎蛋、牛油果、脆皮腸、炒蘑菇同丹麥吐司。漢堡扒勁厚，切開好juicy帶滿滿嘅肉汁；丹麥吐司牛油香味好出，放上牛油果同煙三文魚一齊食，超滿足！🥞◖泰式梳乎芒果糯米飯◗ $138呢個疏乎厘配搭好新鮮，加上芒果色彩超吸眼球👀！疏乎厘動L鬆軟，外皮韌韌哋，裏面空氣感啱啱好好鬆軟，配上一匙芒果糯米飯，淋上椰漿食，同超甜嘅芒果好夾，好有熱帶風情！🥭◖糯米芒芒椰奶沙冰◗ $68芒果同椰奶打出嚟嘅沙冰，飲落幾清爽但會偏甜少少，仲用芭蕉葉包住一球椰汁糯米飯，係飲得嘅芒果糯米飯～🌿◖羅勒檸檬特飲◗ $52羅勒檸檬加梳打水，唔會甜，飲落帶淡淡嘅清香
🌟Encore指數：8.7/10…Read More

平日收工想搵間酒吧chill下，又唔鍾意酒吧個環境太嘈，又想有景睇，咁呢間銅鑼灣皇冠假日酒店頂樓嘅酒吧就啱晒👍！佢喺泳池邊，而且位於高層，裏面用上暗紫色系，景觀同個feel都唔錯，撞啱賽馬日仲可以睇馬🏇，啱晒收工同朋友過嚟微醺放鬆一下！-——————————————🥝◖Kiwicha◗ $140呢杯奇異果雞尾酒大推！奇異果加上檸檬汁同黑櫻桃利口酒，用vodka做底，果味幾出，而且呢個搭配飲落好清新，而且唔會好甜！🍑◖Grapefruitini◗ $140西柚味嘅酒都常見，呢杯雞尾酒仲加咗桃汁同檸檬汁，飲落酸酸甜甜頗有層次，加咗蛋白口感更加綿滑，同樣都係幾清新嘅一款選擇！🌭◖迷你熱狗配炸薯條◗ $118兩個迷你熱狗配上蜜糖芥末醬，食落酸酸地幾開胃；炸薯條啱啱炸起熱辣辣，口感軟綿，有啲似平時食開嘅扭扭薯條🍕◖焗火腿芝士香酥餅◗ $128用roti夾入火腿同芝士，食落酥脆鹹香，送酒都唔錯～
🌟Encore指數：8.8/10…Read More

呢間和牛燒肉想試好耐，佢有勁多部位可以選擇，作為JA全農團體旗下成員，感覺餐廳嘅食材用料都會有保證啲🤣～餐廳用上木系嘅日式裝修，全部都係卡位，超闊落，好啱同朋友慶祝生日或者拍拖！-——————————————🥗◖手撕雞沙律◗ 黑醋沙律配上手撕雞，酸酸地幾開胃🐟◖火炙拖羅壽司◗ 拖羅一啲筋都冇，輕輕火炙過，令到油脂嘅香氣更出，入口即化超好食！🐂◖特選日本產和牛西冷豪華燒肉拼◗ 一個拼盤可以試匀五款和牛：和牛西冷、和牛上等牛排肉、和牛肩胛肉、壽喜燒汁肉眼、厚切牛舌✨燒肉油脂雪花分布得好靚，放上燒網嗰度滋滋聲，燒到微焦，入口超濃牛味，入口即溶，勁邪惡🤤🦐◖海鮮石頭鍋飯◗ 石鍋飯熱辣辣上枱，加咗泡菜再淋上蟹膏忌廉，口感更濃厚～配料落咗帶子、蝦、魷魚，食到有脆卜卜嘅飯焦，整體味道幾鮮！🍑◖桃梳打◗ 🍈◖雪糕哈密瓜梳打◗ 兩杯嘢飲都好打卡able！顏色配搭都好靚，但飲落就偏甜少少～🌟Encore指數：9/10…Read More

大時大節諗唔到食咩慶祝🎈，梗係要安排又睇得又食得嘅一餐！呢間鐵板燒套餐超多嘢食，一定夠飽，望住廚師喺面前即席製作料理，睇到廚師嘅功架，一路欣賞佢哋嘅廚藝表演👨‍🍳，又可以傾吓偈慢慢嘆，滿滿嘅儀式感😌，性價比極高！🈹🈹消費滿$1500就會送一隻大大隻斑馬瀨尿蝦，仲要爆曬膏，超正！-——————————————🦞◖晚市海鮮盛套餐◗ $888 pp🤎/凍鰹魚片首先上咗厚切嘅凍食嘅鰹魚片，夾住京蔥絲一齊，配合鰹魚醬油，先喚醒味蕾～🤍/澳洲鮑魚鮑魚成隻手掌咁大隻，鐵板煎完出嚟超香，配上乾瑤柱松葉蟹汁一齊食，好鮮甜～🤎/北海道帆立貝大大隻帆立貝，爽脆鮮甜，底下塾咗菠菜忌廉汁，令帆立貝帶上少少奶香🤍/鮑魚邊位鮑魚邊位口感比較軟腍，配上肝醬，嗰種鮮味出晒嚟，食落一啲都唔會韌🤎/蟶子 蟶子喺鐵板炒完之後，上碟磨上烏魚子碎，再用火槍輕微燒一燒佢，滿滿炙燒香氣，肉質爽口清甜，好食！🤍/龍蝦原隻龍蝦煎到半熟再拆殼，龍蝦頭另外燴煮成汁，上碟淋上龍蝦，嗰種鮮味特別有層次！🤎/銀鱈魚西京燒銀鱈魚魚肉嫩滑，外皮有些微焦脆，食落香口唔腥🤍/豚肉生薑燒薄餅先拎春卷皮煎過，再卷入生薑豚肉，咬落去勁脆，豚肉生薑燒啲肉汁唧晒出嚟，超惹味🤎/高菜炒飯炒飯炒到跳舞，粒粒分明，加入高菜同雞蛋，出嚟超香口，忍唔住成碗食晒😳🤍/炒雜菜炒雜菜望落好普通，主要係芽菜同椰菜，但炒出嚟意外地好食，又幾有鑊氣🍨/焦糖麵包w/豆腐雪糕麵包皮先加牛油烘到脆皮，再加上紅糖壓扁煎成焦糖皮，食落口感脆卜卜；豆腐雪糕偏濃奶味，夾埋個焦糖麵包食，又邪惡又幸福☺️🌟Encore指數：8.5/10…Read More

餐廳喺雙子匯12樓，一去到就俾佢嘅環境吸引咗，成個景觀幾開揚，坐擁成個啟德嘅夜景🌙，夜晚嚟超有情調勁浪漫😍！菜式都幾特別，有別於傳統西班牙菜，仲加入咗日式🇯🇵元素，選擇都幾多～晚晚去都係full booking，如果想試記得book定位🤙🏻！-——————————————🦐◖蒜片欖油大蝦◗ $128大蝦大隻彈牙，蒜油煮得夠入味，食落味道微辣，放上烘過嘅麵包一齊食，脆卜卜好好！🐂◖慢煮紅酒燴牛臉頰配椰菜花蓉◗ $208牛面頰炆煮到軟腍，一絲絲肉差唔多入口即化，配上帶有淡淡酒香嘅紅酒汁，同牛肉味道好夾！個底係椰菜花蓉，口感綿密帶有少少顆粒感，🍝◖軟殼蟹蟹肉辣蕃茄粗管通粉◗ $188超鍾意呢個粗管通粉！大大隻酥脆嘅軟殼蟹，咬落薄脆有鮮味，賣相已經超吸引！通粉煮得啱啱好好有咬口，醬汁甜酸帶有少少辣，粗管通粉超掛汁，食落味道好正！🍰◖開心果巴斯克蛋糕◗ $78開心果味同芝士嘅奶香可以兼顧，蛋糕裏面creamy軟心，面頭加上開心果碎，口感更豐富❤️🥭◖Mango Coco◗ $138加咗椰子油嘅冧酒底，加上芒果、西柚、檸檬汁，飲落帶有淡淡椰子香，同時又飲到芒果嘅甜香，香氣做得勁有層次🍑◖Peachy Blush◗ $138西柚同白桃味道碰撞，有種清新嘅感覺，配上紅茶底，唔會覺得甜膩
🌟Encore指數：9/10…Read More

呢間韓國餐廳一向都有幫襯開，最鍾意佢韓式大排檔嘅裝修風格，好似真係置身韓國咁，超有feel！佢嘅韓國嘢菜式選擇都多，整體質素都唔錯，而家仲推埋放題，竟然可以任食醬油蟹，性價比極高🤩！-——————————————💕◖任食醬油蟹餐◗ $298任食有分$298蟹公同$348蟹乸🦀🦀，平時叫一碟醬油蟹都起碼$250起，今次加多少少，就可以瘋狂encore任食，一次過食返夠本！😝✨佢有幾個任食item：醬油蟹、烏冬炒年糕、炸雞、年糕香腸串、紫菜飯，罐裝飲品都任叫～🦀醬油蟹口感creamy爆曬蟹膏❤️，醃得鹹香唔會覺得腥，加落紫菜飯度一齊食，超送飯！🍗炸雞得原味可以揀，雞皮炸得好脆，雞肉都幾Juicy，要點上少少甜辣醬一齊食，先夠風味呢～🍢年糕香腸串輕微炸過，煙韌香口，加上甜辣醬，過下口癮都唔錯～🌟Encore指數：8.7/10…Read More

呢間日式料理已經屹立咗13年，除咗時令海鮮🐟、燒物、炸物，仲有多款壽司同定食🍱可以選擇，居酒屋嘅款式，但性價比好高‼️‼️今次揀生日同朋友去，仲有得提供畫碟服務，夠晒特別！🈹餐廳仲有啲指定item優惠🥳🥳👉活伊勢龍蝦刺身🦞6折割引$668➛$398👉北海道 活白象拔蚌刺身🐚半價割引 $680➛$338👉 全日生啤🍺 半價 $34起-——————————————🦞◖活伊勢龍蝦刺身◗ 6折後$398原價$668嘅龍蝦刺身，而家6️⃣折就可以試到！龍蝦新鮮生猛，見到隻龍蝦仲識郁😳，刺身擺盤超靚，食落口感好爽脆，配上柚子醋，食落唔會覺得腥，仲可以更好帶出龍蝦嘅鮮味～🐉◖海膽龍珠卷◗ $148之前omakase食過呢一道菜，一直念念不忘，估唔到呢度都食到！大大個飯卷裏面包住原個醬油漬蛋黃同海膽，食落口感超creamy好正，推薦！🍣◖旗本 壽司定食◗ $255佢定食套餐包沙律、味噌湯、五隻雞軟骨餃子同埋八件壽司，份量比想像中多～壽司整體都唔錯，同埋佢係用赤醋飯，更香；雞軟骨餃子都係脆卜卜，口感超正！🍰◖開心果巴斯克蛋糕◗ $55開心果同埋芝士嘅奶香好夾，隻labubu都畫得好可愛（雖然有10隻牙🙈）！生日仲有得免費畫碟，但記得提前一日預訂～🍺◖麒麟一番榨 黑白啤◗ 半價後$39黑白啤冇黑啤咁苦，但係又有佢濃郁嘅麥香，啱晒鍾意啤酒香，但又唔鍾意太苦嘅朋友仔…Read More

平時食放題都係去開大型連鎖，今次試咗呢間放題，除咗款式同性價比極高，一次過可以試晒蒸氣火鍋同日式放題嘅嘢食，$289起就可以試晒咁多嘢，有驚喜🤩！餐廳環境唔算大，但都有幾間房，如果一大班friend嚟或者慶祝生日🎈，呢到都可以安排到呢～-——————————————💕◖日式放題雞煲火鍋蒸氣海鮮◗ $319呢個價錢食如其名，咁多款都係任食，絕對值回票價！🈹🈹刺身全部大大片夠厚切，款式都好多！✨一次過食晒三文魚、甜蝦、有頭赤蝦、希靈魚、松葉蟹棒、厚燒玉子、帶子、角螺、泰式生蝦、赤蝦、北寄貝、八爪魚、赤貝、馬刀貝、墨魚同鯛魚‼️🥘可以叫埋火鍋，除咗雞煲、酸菜魚、花膠雞呢啲，可以揀返平時打邊爐嘅湯底，再叫啲配料打個邊爐都得！可以叫埋個蒸架，咁連蒸氣海鮮🦞都可以試埋😋！串燒同炸物都幾出色🍢牛舌、雞肉串、海蝦、羊架、粉絲元貝、三文魚骨、鰻魚、菠蘿、芝士年糕、榴槤炸彈，超多天婦羅🍤唔使講～✨仲有啲韓式炸雞、章魚小丸子呢啲小食🤰驚唔夠飽可以叫埋主食：烏冬、拉麵、辛辣麵，連麻辣燙都有😯🍮甜品同飲品就選擇冇咁多，以罐裝飲品Movepick雪糕為主～🌟Encore指數：8.5/10…Read More