BellaSeto的個人專頁

某星期六早晨, 家人突然想食 Afternoon Tea, 因下午會去太古廣場附近, 我們就將下午茶地點定在金鐘附近嘅酒店, 逐間打電話去問. 電話打過去, 第一間沒位, 到第二間, 剛好還有位, 就訂了這間了下午兩點到達, 被安排坐在窗口位置. 我們叫了一個 Seasonal Autumn Afternoon Tea Set For Two. 茶我要了普洱, 因為想試試這個十年陳宮廷普洱散茶, 味道和平時飲嘅普洱沒有太大分別, 但加了數次熱水後, 茶味依舊, 沒有變淡等咗陣, 先來一盤 Scones. Scones 微暖, 口感鬆軟, 唔錯. 再來三層架. 第一層係甜點. 第二層係甜鹹點混雜, 第三層係鹹點. 鹹點比較多, 而且份量足, 整個下午茶給我們嘅感覺就係想質飽你一樣, 每款食物都好飽肚, 唔係麵包, 就係三文治, 或者曲奇. 如果細食, 我會建議兩個人只叫 Tea Set For One 和另加點飲品. 我們兩個叫了 Tea Set For Two, 食到一半已經好飽了, 剩餘的都係咬一兩口試試味, 有點浪費了  食物整體唔錯, 但不算突出, 另甜品外觀不夠細緻. 比較有印象嘅係: Alaskan crab meat roll with cream cheese and chives, 蟹肉和麵包都好食, 但芝士味太濃厚, 如果用比較輕盈的芝士, 應該會更好食Black truffle brie on walnut bread, 黑松露和芝士味極濃, 食落會覺得漏. 上面嘅合桃反而最好食, 又脆又香口, 而且帶點甜味Black forest tartlet with drunken cherries, 之前食 Afternoon Tea, 好少會食到有帶酒精嘅食物, 所以今次食到這個外層係朱古力, 內裡有濃烈酒精味道嘅櫻桃時, 有點驚訝. 我本身唔飲酒, 所以沒有食這個Torino chestnut cheesecake with wild rose compote, 這個放了一陣就開始有點溶, 中間 rose compote 帶酸味, 和栗子味唔係好夾服務方面, 整體都好滿意. 我們一坐低, 侍應就提供 Cushion 俾我哋. 而在下午茶期間, 更數次主動為水壺加熱水, 更主動幫我換走有點污漬嘅碟子. 環境方面, 地方唔算大, 但樓底高, 檯椅放得唔算迫, 現場有 Live Band 演奏, 係一個可以舒舒服服放鬆一下嘅地方…查看更多

屋企人生日, 就去了雅苑座食 DINNER BUFFET會選雅苑座, 一係價錢中等, 唔算貴. 二係屋企有人唔太食生冷野, 據聞這間熟食款式比較多, 所以就選了這間海鮮類雖然沒有新鮮生蠔食, 但食了長腳蟹, 蝦, 青口, 和煙三文魚, 味道幾鮮甜, 唔錯魚生吧有人負責分配魚生, 要了三文魚和油甘魚, 厚切, 幾肥美旁邊有人烚海鮮, 我點了三款, 貴妃蚌, 帶子和花螺. 貴妃蚌和帶子只給一個, 花螺就給了一大碟, 最後要分俾其他人食, 而味道方面, 覺得烚完沒咩味牛肉, 牛舌, 炸蠔, 哈密瓜火腿都 OK食到這裡已經開始飽了, 轉食甜品. 試了幾款芒果和朱古力的甜品, 幾好食 雪糕係 HAAGEN DAZ坐咗陣, 忍不住再去要多個 PANCAKE, 入面放咗雲尼拉雪糕和香蕉, 好香椰香味, 這個好食服務唔錯, 侍應收碟好快, 加水都快 …查看更多

係大澳的最後一站, 終於到了大澳文物酒店的 Tai O Lookout 先叫了兩杯紫貝天葵的特飲: 一杯有酒精的鸚鵡巢特飲, 和一杯沒酒精的紅樹林特飲. 飲品一到, 就見紅樹林特飲好顏色分明, 上層紫色係紫貝天葵汁, 下層黃色係蘋果汁. 除了蘋果汁有少少甜味, 整杯特飲都淡而無味, 味道好一般炸魚薯條配他他汁, 炸魚外層鬆脆香口, 內裡魚肉依然嫩滑鬆軟, 配上他他汁, 好食. 這餐最好食的, 就是這個了大澳一品炒飯, 用蝦膏炒的海鮮飯, 飯粒炒得幾乾身, 蝦膏味道不算太濃烈, 比較淡口, 食落都 OK大澳紫貝天葵芝士餅, 一層芝士, 一層紫貝天葵醬, 整體味道普普通通. 而中間那層醬, 明顯太酸了至於環境方面, 因為位處山邊, 所以環境清幽. 而餐廳用大量玻璃窗, 在日間時分, 陽光可以穿透進來, 懶洋洋的是一個適合休息和聊天的地方…查看更多

朋友排隊去買炭燒雞蛋仔時, 我就去了旁邊阿伯燒魷魚買燒魷魚食魷魚因魷魚大細有兩個價錢, 一個 $15兩隻, 一個 $10兩隻. 因朋友唔食魷魚, 就只買了 $10本來只有兩隻, 但伯伯可能覺得今日的魷魚比較細隻, 最後燒了三隻魷魚俾我味道方面, 燒魷魚不會燒得太干, 剛好, 而醬汁幾鮮味. 因為好食, 所以會不自覺一塊塊咁食落去 正如車仔上面塊牌寫的: 阿伯燒魷魚, 口講講唔到, 食過知道好…查看更多

和朋友離開蘇廬, 往回走, 就在同一條街見到這間大澳炭燒雞蛋仔叔叔這間的雞蛋仔在大澳好出名, 見門口只有兩個人在排隊, 就慕名一試帶住黑超整雞蛋仔, 型呀炭燒雞蛋仔, 外脆內軟, 有蛋香味, 係幾好食…查看更多

見到網上有團購, 可以用 $118 購買原價 $238 的紐約芝士蛋糕, 於是二話不說, 立即買了一個紐約芝士蛋糕, 芝士非常幼滑, 蛋糕本身的芝士味比較淡, 但薄薄一層的面層芝士, 味道卻非常濃郁. 紐約芝士蛋糕的質地應該比較結實, 但這個不是, 這個蛋糕質地比較軟身, 質感就好像食緊忌廉芝士, 或者食緊芝士 mousse 一樣. 如果喜歡這種口感的, 會喜歡這個蛋糕, 但我本身喜歡芝士蛋糕結實一點的, 就覺得這個蛋糕只是一般另, 這間所送的叉匙幾有特色…查看更多

家人因為經過, 而順便買回來的藍莓芝士蛋糕蛋糕大約六吋左右, 上層鋪滿原粒藍莓和藍莓醬藍莓芝士蛋糕, 芝士味濃, 質地有點結實, 唔算幼滑, 但食落 OK.  上層的藍莓醬, 酸酸咪咪, 幾開胃. 平時食芝士蛋糕, 食一件已經好漏, 但這個因為有藍莓醬中和, 食完都唔算好漏, 可以食多一件…查看更多

和朋友去佐敦食咖哩. 兩個人一到吳松街, 一見到門口寫住阿龍咖哩的店舖就入去, 完全不知道原來在同一條街道上, 有兩間阿龍咖哩, 最後, 我們入了這一間因為之前食了下午茶, 所以兩個人只叫了咖哩雞 + 薄餅  - 咖哩味幾香, 雞肉炆得好淋, 跟薄餅一起食, 幾好食. 另, 我本身唔食辣, 但這個咖哩都可以邊飲水邊食, 所以辣味唔重 牛腩絲薄餅  - 這個有牛腩絲的甜薄餅, 整個味道都是甜甜的, 甜度與牛腩絲唔夾, 食落怪怪的, 味道好一般另, 想說一下服務, 我們到達時, 因時間尚早, 只有我們這一檯客, 所以我們自己選了張四人檯坐下. 坐了一會, 侍應可能見我朋友著衫, 就過來說我們坐了個風口位, 只會愈坐愈凍, 建議我們轉位, 最後, 侍應幫我們將東西搬去另一張四人檯…查看更多

因事到了 MegaBox, 剛好午飯時間, 一個人就去食拉麵了Ramen Champion 內有數間拉麵店, 正考慮要食那一間時, 剛好停在無限大門面, 受到店員落力推介下, 試了他們店裡 No.1 的拉麵無限大特製拉麵 ($88) - 配料有四片叉燒, 一隻溏心蛋, 和芽菜. 首先說一下湯底, 偏鹹, 除了鹹味, 我食不出其他味道. 再食叉燒, 比湯底更鹹, 好像用鹽醃製出來, 肉質比較實. 而溏心蛋和麵質都一般, 配菜的芽菜就好新鮮. 這碗拉麵對我來說份量比較多, 亦可能因為偏鹹的原因, 最後我只食了大半, 還一邊食, 一邊飲了兩杯綠茶來降鹹味…查看更多

在前去大澳文物酒店的石仔埗道上, 找到這間專賣糯米糍和茶果的小店舖. 這裡售賣的, 分別有眉豆咸茶果, 花生甜茶果, 豆沙甜茶果, 花生糯米糍和豆沙糯米糍.我們買了花生糯米糍. 花生糯米糍外皮軟糯, 煙煙韌韌, 咬起來好Q, 而餡料內的花生和椰絲很香口. 但略嫌糯米糍的外皮太厚, 餡料太少.每個糯米糍和茶果都獨立包裝. 5元一個.…查看更多

去過澳門數次, 都沒有食過瑪嘉烈的葡撻. 所以今次一到澳門, 就將瑪嘉烈列為第一站一到瑪嘉烈, 排隊人龍已經很長, 室外座位都坐滿了人在排隊買葡撻時, 在店內發生了一件事, 令我對瑪嘉烈的服務大打折扣因為店內狹窄人多, 當我買完葡撻離開時, 和另一個剛買完奶茶的女孩發生輕微碰撞. 我和女孩都沒有介意, 在互相道歉準備離開店舖時, 就聽到旁邊有人好大力拍檯, 我們轉頭望去, 就見收銀處的員工黑口黑面望著我們, 眼神語氣都怪我們太麻煩, 還差點弄跌奶茶淋到她我想說: 第一, 沒人想發生碰撞. 第二, 雖然發生碰撞了, 也只是我和那個女孩的事情. 第三, 我們沒弄跌手上的食物, 為什麼你可以假設女孩手上的奶茶會淋到你? 因為這樣, 就要俾說話客人聽了嗎? 新鮮出爐的葡撻, 外皮鬆化, 蛋黃嫩滑, 味道不錯. 但味道和 KFC 真的差不多雖然味道不錯, 但服務不行, 應該不會再去了…查看更多

如果沒細心留意, 你可能會錯過, 或者以為這是一間手信店我和朋友由大澳街市街轉入吉慶街, 由街頭行到街尾, 都找不到蘇廬, 就是傻傻的把它當成手信店了然後往回走, 終於看到門口的招牌店鋪門口, 有賣名信片, 和各種布類製品用餐地方, 有室內和室外. 為了欣賞大澳水道兩旁的棚屋景色, 我們選了室外的位置, 剛好, 還有一張二人檯因為等下要去食晚飯, 所以只叫了兩杯飲品: 蜂蜜柚子特飲 ($30) 和鹹檸蜜七喜 ($40)蜂蜜柚子特飲, 用一, 兩匙蜂蜜柚子加水拌勻, 再加一片檸檬. 味道方面, 和街外買到的台式蜂蜜柚子沒有兩樣. 飲品價錢偏貴, 可能加上環境分數旁邊有檯青年, 用木吉他伴奏, 唱起一首首輕快的英文舊歌. 而我們, 吹著海風, 一邊聽著英文舊歌, 一邊望著水道兩旁的棚屋景色, 感到舒服和寫意…查看更多

某平日, 一行三人, 去了現崇山商場二樓的彩晶軒飲茶攞飛時, 門口接待員會問: 要唔要搭檯? 搭檯會比唔搭檯的人更快入座. 我們不搭檯, 所以後來的人比我們早入, 但也只是等多十分鐘檯與檯之間不會太近, 環境幾舒適老干媽蒸金錢肚 - 醬汁入味, 金錢肚蒸得好淋, 這個不錯鮮竹牛肉球 - 普通鳳爪排骨煲仔飯 - 每間酒樓早點都會有蒸飯, 但這間不用蒸, 用煲仔原煲上. 煲仔外層用錫紙圍住. 因為用煲仔飯方式烹調, 所以煲邊有很多飯焦鳳眼餃拼潮州粉果 - 鳳眼餃上有蝦仁, 而下面是蛋白香芋金沙蘋果球 - 用香芋包住蘋果粒去炸, 味道好像麥記的蘋果批一樣 生哂臘味燸米飯 - 豉油味比較重, 配料少整體味道不錯, 價錢合理…查看更多