ssgt's Profile

經朋友推介，之前多數喺佐敦食巴基斯坦咖喱，今晚兩公婆抱著嘗試心態幫襯吓，其實位置近尖沙咀，晚飯時間七點半左右居然未滿立刻可以入座；餐廳裡面唔大，長枱為主，兩個人必然同其他人搭抬。夥計全部係南亞裔識英文廣東話，點咗一個沙律、半份babyback ribs、一份masala雞+薄餅，沙律新鮮、babyback ribs入味淋嫩、牛油鷄香料味地道配薄餅絕配，Happy hour時間至20：00飲咗叁杯黑啤，呢餐完全大滿足…Read More

茶餐廳界垃圾中嘅垃圾！首先成個場完全係環境狹窄迫夾！經常玩留位以為喺港澳碼頭係遊客區不愁冇生意；所有食物根本完全冇水準可言，茶記最基本係杯嘢飲，果杯咖啡完全啡唔係啡 茶唔係茶！早餐乜嘢蛋都係凍，嘢食冇一樣可取！侍應服務態度係極度差劣、未見過一間店舖係上下一心位位完全唔願做！永遠落單冇人應 個個都擰歪面，截住佢永遠果句等陣！一係態度惡劣唔耐煩咁行到埋嚟大大聲嗌食乜！永遠重覆又重覆反問個客，成間舖全部員工個個都係咁嘅惡劣服務態度！揾個有正常禮貌都冇！所以呢間嘢嘅員工晨早俾人問候唔好問點解！問候完即走！…Read More

簡簡單單日式食堂 環境地方整潔 食物水準新鮮足料 價錢合理 平常解決一餐半餐絕對推介之選 唯一冇酒牌 食日本餐冇酒確實係有點遺憾 店員服務態度爽掂快 絕對會再捧場 奸巴嗲 奸巴嗲 奸巴嗲…Read More

呢間酒樓喺午市封半邊俾大陸團包場，地方已經唔係大，又嘈又迫；午市夾硬加枱，四人迫喺張兩人枱兼且重要坐圓櫈，枱與怡迫到不堪，要褪位起身先開到茶執到位，條路迫到行都行唔到，大部份枱與枱之間背貼背同大排檔一樣坐圓櫈！環境衰過地踎茶樓同大排檔！！！調位坐路邊飲餐茶俾人撞幾鑊！！！食物質素完全垃圾！！！點心細行貨嘢，同7仔叮燒賣冇分別，炒嘢炒碟干炒牛河等同茘枝角快餐外賣炒定上碟，咁嘅酒樓環境同食物質素有相為証公諸各位。…Read More

馬交葡國菜食開黑沙海灘 法X度 山長水又遠越食越渣新口岸果間 新口岸葡X菜 又冇乜突出轉地頭嚟呢度有電話訂枱冧巴尾好易記唔生唔死言歸正轉講嘢食沙律新鮮牛柳骨入味有肉汁沙甸魚食過番尋味一句到尾可以轉場嚟呢度…Read More

得龍金錢鷄個朵幾吸引，一向對這種燒味難以抗拒，至於$40壹件未嘗過可試；另一樣花雕話梅豬手$88就真係好味，砵酒焗桶蠔未見突出但價錢$208就真係貴！陳皮醬柚皮蒸龍躉球$188同樣未見突出驚喜，另外年尾時候企堂服務一般(落咗單話唔改得)，整體來說中規中矩食一次無妨。…Read More

不知所謂龍閣喺11：55到攞位， 12：10俾到位叫咗茶後，完全冇侍應(班侍應出出入入去廁所)，淨得D傳菜送食物上枱；等開茶等到12：30壼茶先到，有個四眼大嬸著貌似部長行埋嚟話："係唔係你哋落單，張單劃D嘢冇喎 排骨飯賣哂。"我話茶你都係啱啱嚟！張單都未落！"佢跟著死狗咁走咗！到落單俾咗個待應，個四眼大嬸又行埋嚟自言自語，逐張枱問張單邊個落！咁嘅食肆咁嘅服務差唔多成粒鐘淨係咁擾擾攘攘，嘥我時間即走！究竟呢間嘢係員工有問題定係果個大嬸有問題！大家開飯友評吓理…Read More

大牌檔規範化入咗市政大廈一般係一)價錢唔係太平，二)行貨嘢，三)扮有鑊氣住黃埔咁耐，今晚兩條友即管試吓叫咗3味餸 3枝藍妹1個飯3味餸：一)沙拉骨$60(5分滿分值1分)無乜味靠沙律醬二)菓皮蒸泥鯭$80(5分滿分值2分)泥鯭尚算新鮮豉油搭夠味三)蒜蓉蒸茄子$50(5分滿分值1分)冇難度嘢蒜蓉略少整體係一間普通過唔普通嘅食店…Read More

新正頭開餐好地埗！只收加壹，樓面服務快，蝦餃皮薄爽口彈牙, 腐皮卷金黃香口鬆化燙口, 辣椒醬料適中, 座位坐得唔算密食品水準算中上,比起集團式酒樓的點心算最好。…Read More