food_loverrrr's Profile

見到餐廳推出超抵價六道菜二人餐，被吸引了。餐廳喺四季酒店對面，入面環境舒適，感覺高雅。剛剛入座會送上麪包，配黑醋同橄欖油。六道菜晚市二人套餐香草魚茸薯仔沙律配檸檬醬味道清新微微檸檬香味，開胃澳洲M8和牛他他牛肉嫩滑野菌忌廉湯*2沒有苦味，輕微忌廉味配搭香濃磨菇味低溫慢煮雞胸扁意麵配冬陰公醬汁*2醬汁濃郁紅館姜母鴨皮煎到脆，熟度剛好，配合醬汁食可中和咸味法式香草焗鍋牛配薯茸薯茸重牛油味同超滑，配鍋牛食多一層滋味，員工很貼心，除咗提供叉，還額外俾牙籤，方便進食芒果拿破崙外皮酥脆，賣相吸引鮮果芝士撻芝士味濃，水果夠甜水果茶天然水果甜味茶，解膩鮮奶咖啡…Read More

見到呢間餐廳嗰賣點有超美海景，於是約咗4月生日嘅朋友仔慶祝，製造一個有儀式感的紀念同回憶。對於有選擇困難症嘅我，呢間餐廳嘅餐牌一目了然，朋友想食牛，我又鍾情海鮮，所以叫咗兩個主食，見到加28（好抵）可以有一杯嘢飲同乳酪，當然升級做套餐。M5和牛壽喜燒意大利飯呢個日式加意式嘅融合，牛肉大大塊，D飯粒粒都有芝士味同食到洋蔥粒北海道帶子明太子意粉帶子有微微燒過，唔會煮到過熟，意粉唔使自己再撈勻，調味恰到好處，唔會食到滯檸檬茶特飲估唔到幾好飲，乾檸檬味非常突出，比平時飲普通檸檬茶多咗回咁味乳酪杯乳酪個味好似日本乳酪，加咗蜜糖，唔會食到酸咪咪…Read More

已經食過幾次，好鍾意尼間啲芋泥食物，而家follow ig仲有9折，好低食。明明 我不是章魚燒睇落以為係章魚燒，原來係花枝丸扮章魚燒😂，中間仲有章魚，點左明太子口味，有啲明太子醬係面芋頭肉鬆脆皮蛋餅每次黎必點，蛋餅同其他台灣餐廳唔同，尼間啲皮係脆嘅脆炸鮮奶卷.古早芋泥二文治上次食過覺得好食，今次再encore香蔥紫菜手撕雞飯之前食略厭鹹左啲，今次再食啖返啲，味道啱啱好芋泥鮮奶芋泥奶都係每次去都必點，芋泥棉滑，奶味濃郁…Read More

之前經過已經俾店名吸引，原來呢個名係想以豆分享快樂，見到原材料用A級加拿大黃豆，而且每日石磨新鮮製造，夠曬健康👍🏻👍🏻店舖選擇多，有熱食吐司同多款吸引甜品或飲品。田園慢煮雞扒吐司個吐司似飛碟咁樣，即叫即整，返到屋企都仲熱，個皮好脆，雞扒好嫩滑，份量夠，味道天然用香草醬調味。椰乳仙草西米露啖啖仙草同西米，超足料好立克豆乳估唔到味道都幾夾奶蓋芋泥小丸子呢個必叫，奶蓋係豆味感覺更加健康，豆乳味濃郁…Read More

係全日本有多達50幾間分店，香港有3間分店，唔洗專登飛日本，係香港都食到日本百分百原味道。主打蕨餅、刨冰同埋啲特色飲品。今次同班朋友黎食，可以叫好多款嘢食開心share. 蕨餅係鋪頭signature，肯定要試下，試左原味蕨餅，之前睇media蕨餅係用左日本特別嘅蕨粉整，難怪食過咁軟糯，黃豆粉睇落平平無奇，原來有經過烘煎，增添左份香氣。而飲品就叫左熱手作抹茶、天空焙茶蕨餅同埋期間限定嘅可爾必思紫陽花蕨餅。很少見飲品入面都有蕨餅，用另一種方式黎品嚐蕨餅，都幾特別。可爾必思飲落酸酸甜甜，紫陽花蕨餅就食落似荔枝味，就咁睇名真係估唔到係咩味，出黎效果幾驚喜同埋特別。最後仲有order黃豆粉刨冰，刨冰綿密，啖啖都食到黃豆粉嘅味。…Read More

港九新界都有分店嘅韓式燒肉店，位置好方便。店內裝修似韓國啲燒肉店，唔洗專登飛韓國都感覺置身於當地。點左烤牛排骨套餐，同其他韓國菜一樣，有多款前菜，好開胃。牛排骨肥瘦均衡，好易燒，餐廳會有職員幫手燒好，本身係連骨上，仲驚唔方便食，原來燒完會幫手剪開曬，睇番啲相回味番當時嘅味道，帶點油脂香味，未至於入口即溶，有啲咬口，唔會覺得好油膩。煎餅配有額外醬汁，睇落唔多材料，其實食落都唔少食材，賣相金黃色，煎得啱啱好。最後就係水冷麵，冬天食水冷麵感覺就似冬天食雪糕，好爽。水冷麵可以中和返燒肉嘅油脂，麵條爽口彈牙。…Read More

最近試左間新開張嘅上海餐廳。點嘅幾道菜都唔錯，有賣相之餘，味道都唔錯，而且價錢超抵，大部份唔洗$50就食到份主食。無去過上海唔肯定算唔算正宗，但味道幾啱我口味。一行4人，每人都叫左款主食，有清淡有濃味嘅，每樣都試啲。值得一提嘅係，尼間嘅排骨粗炒同其他上海餐廳有少少唔同，之前食開都係無乜肉，尼間好多肉，仲要都幾大塊，亦唔會太油。仲有江南菜飯套餐系列，有個前菜或者湯，仲有杯飲品。叫左款推介嘅鎮江排骨配酸辣湯，微酸都幾開胃。…Read More

酒店餐廳黎講 set lunch價錢好抵食，環境舒適，樓底夠高，service又好啲，值得一試～叫左個3 courses有前菜主菜同餐後小點，想再試多啲嘢可以揀個4道菜選擇。前菜我揀咗芝麻火灸吞拿魚沙律，吞拿魚肉質鮮嫩，火灸過後更加香口，沙律菜亦夠新鮮，配上芝麻醬簡直是完美配搭😋餐廳牛扒出名，就決定額外加錢order了肉眼扒，係美國Prime USDA扒，肉味特別濃，好大塊又厚又juicy，果然係貨真價實。薯條原來用左啤酒漿炸，食落特別脆口，另外仲有啲蘑菇配菜。食完嗰主菜已經少少飽，不過都係食埋飯後小食感覺比較完美。揀左時令鮮果碟，健康美味。有6款水果，水果自然甜香，食完薯條熱氣食物，食返啲水果可以滋潤下喉嚨。…Read More

讀書時期間中都會行下葵廣買衫，久未踏足，見到有間好多人食過嘅車仔麵，由於依家呢類舖都買少見少，一於嚟食下以前好易食到嘅小食，支持下港式小店。嚟到都差唔多滿座，一如既往，可以用紙叫餸揀麵。三餸麵包一杯熱飲，價錢尚可接受，呢度比較特別，平時只有麵可以揀，第一次見可以揀腸粉😯依家想食豬腸粉都幾難，一於叫三餸麵改叫腸粉。由於選擇幾多，最後叫咗四個餸，飲品加錢叫咗豆漿。上菜時腸粉燒賣同餸分開放，啲餸用公雞碗上，份量足夠。蘿蔔冇渣，軟硬適中，係有少少咸。魚蛋好夠陳皮味，唔係粉嘅魚蛋，口感非常好。牛肚煮得入味，唔韌。燒賣正常，食到魚味。腸粉嘅熱度啱啱好，食落嫩滑，食唔停👍🏼麻醬唔算多，但都夠味。…Read More

平日的觀塘人比車多，所以專登揀星期六去食好西。之前成日食壹.01，估唔到依家星期六夜晚仲有九折（like IG/FB），由於之前試過蛋餅同芋泥鮮奶都唔錯，太多嘢想食，叫套餐係抵食啲。今次外賣返到去賣相冇走樣，食物整體水準中上。薑蔥手撕雞飯真係成碟薑蓉咁多，雞髀肉夠嫩，配菜份量十足。薑蔥蜜汁酥炸排骨飯 個豬扒夠酥脆，甜味多咗少少，唔會太咸，大大份豬扒夠滿足。芋頭肉鬆脆皮麻糬蛋餅蛋餅夠脆，芋泥爆多，皮又唔會好厚，唯一唔好係肉鬆易跌，好食過之前喺台灣食嘅。脆炸鮮奶卷·古早芋泥二文治炸鮮奶好少見到，所以見到就叫嚟試下，中間係流心質感。二文治就係炸餅乾夾芋泥，切到細件易入口。特濃芝士奶蓋芋頭鮮奶（中）之前次次都會叫芋頭鮮奶，但加咗奶蓋係更好飲，有咸香味更易入口，最鍾意呢個飲品冇加冰飲到尾唔會淡。…Read More

環境好靚，餐廳開到好夜，收左工去都可以慢慢食。位置好方便，係地鐵站隔離。食物種類好多，有魚生、串燒、定食等，價錢亦都合理，最近有優惠，埋單有8折，walkin嘅話串燒買一送一，所以我嗰晚就散叫左唔少串燒同其他嘢食。仲有其他優惠，唔洗300蚊就食到12道廚師法辦，尼個可能下次去試下。食左唔少嘢，主要點串燒食，其中幾樣比較深刻。串燒好夠火候，有灸燒味。八爪魚口感彈牙唔會好難咬開。左口魚肉質嫩滑，入口即溶金菇肥牛就食得多，五花腩配本菇就比較少食，五花腩唔會好油膩。…Read More

聽唔少朋友北上食探魚都大讚抵食兼味道好，依家香港近近地已經有，回鄉證過期嘅我終於可以食到。鮮青椒爽麻味烤魚落完冇耐已經上菜，可能啱啱開門，未有太多人。店員會問有冇酒精敏感，原來佢會加酒精之後點火，令到食魚都好有儀式感😂烤魚鋪滿青椒，仲有唔少豆花，豆花吸收醬汁的精華同青椒嘅麻味，味道夠又滑口，成個菜對食開清淡嘅嚟講，有少少咸，但整體唔錯，魚夠嫩骨又少，麻味十分過癮😋，後勁會有少少辣。香烤花菜切到細件好易入口，食落有香味唔乾身爆醬鴛鴦糍粑太早叫，搞到食魚前已經食咗，趁熱食好脆口，黑色嘅中間醬汁流心，金色可以玩下拉絲冰粉只要加六蚊就可以達到冰粉自由，我食咗三碗。配料同調味選擇夠，加椰奶味道會濃郁啲，個燕麥爆珠好過癮。…Read More

新一年新開始，要對自己好啲🥳最近搵到間環境好正嘅BBQ，可以望到青馬大橋全景，餐廳屬於酒店旗下餐廳，一個價錢全包，帶個人去就得，唔洗麻煩自己準備。叫左個最近做緊promotion嘅Chill極致海陸空活海鮮燒烤套餐，酒店餐廳黎講好抵食，一路燒一路望住出面一望無際靚景，配搭埋風藤椅，感覺似去左度假，好適合打卡✨食物方面，全部嘢食都係貴價食物，啲扒好大件，醃到好入味，肉質鮮嫩多汁，野生海虎蝦新鮮甜美，真係一分錢一分貨。雖然呢個係4人套餐，但因為好多肉，4個人都食唔曬。套餐包括越式香茅醃澳洲保濕豬鞍、有機露絲瑪莉醃紐西蘭羊扒、手造迷你澳洲和牛漢堡、香料蕉葉烤紐西蘭海鱸魚柳、蜜糖茄醬燒原隻緬甸野生海虎蝦、日式大葱醃鹿兒島無激素雞肶肉、美國穀飼安格斯肉眼牛扒，仲有啲蔬菜、麵包同飲品…Read More

依家係大角咀返工，呢區嘅舊區好多美食，梗係逐間食勻。今日揀咗日式餐廳，小店經營嘅拉麵🍜。經過門口，見到食物係少有嘅雞白湯拉麵，個價錢非常吸引，竟然可以唔使60蚊，同日本價差唔多，呢個價錢係香港真係好罕有。今次叫咗豚肉叉燒拉麵，為咗試下原味，叫咗鹽味湯底。店員先奉上胡麻醬沙律，菜新鮮。拉麵嘅賣相尚可，芽菜份量多，有蔥同生洋蔥，開頭有聞到少少腥味，食落完全冇腥。個湯底清得嚟夠甜，味道足，仲有少少濃厚感，食完唔滯，個口仲有少少回咁。呢個價仲有真材實料用心製作，實在難得。…Read More

依家出街食飯價錢都幾貴，平民式嘅日式餐廳選擇更少。好彩無意之中搵到九龍灣有間幾抵食嘅餐廳。牛肉壽喜燒見到好多枱都叫，梗係唔執輸，跟住嗌，平時食壽喜燒起碼二三百。牛肉好入味，唔會話好肥好滯，菜嘅份量好多👍🏼，未食粉絲已經夠飽肚🫣鰻魚便當個樣幾靚，又有配料。整體味道好，唔錯炸餃子放到凍咗先食，又冇好硬都脆，啖啖D汁冲繩黑糖奶茶雖然跟餐加15蚊，但好大杯，仲有層厚厚嘅奶泡，好有台式飲品feel😆冇叫少甜所以味道較甜…Read More