Janiiice's Profile

餐廳有兩邊bar枱一邊做sushi omakase 一邊做鐵板燒就算坐鐵板燒枱都可以叫壽司食當日我哋4個人叫左一個1人餐一個2人餐再散叫咗啲壽司同日本黑豚肉薄燒師傅好細心將所有食材都儘量分4份等大家可以試到唔同嘅嘢所有海鮮都好新鮮上枱時仲有好靚嘅擺盤 鹿兒島和牛牛柳師傅推薦medium rare肉質嫩滑最驚喜係呢個日本煙肉炒飯厚切日本煙肉配埋隻太陽蛋睇到已經好吸引次次食鐵板燒食到炒飯已經好飽食兩啖就放棄嘅我今次係成碗食晒 🤭師傅超好我哋叫3個餐都整4碗俾我哋另外餐廳門口有幾個停車位俾食客泊車揸車嚟食超方便 🚙 下次會再嚟試Sushi Omakase 🍣…Read More

餐廳走法式小酒館路線氣氛輕鬆星期五晚嚟到坐無虛席當日叫咗3個AppertizersTruffle Cheese Croquettes 好好食非常香口仲有少少拉絲(張相有少少out fo 🥲)Escargot個蒜蓉香草牛油汁好正食完蝸牛仲用麵包點埋個汁🤭Traditional Onion Soup賣相唔錯但湯入面加咗d香料去煮個人覺得麻麻地Main Course 叫左Mussel 同 beef tartareMussel 普普通通有幾隻有少少腥反而beef tartare唔錯生牛肉mix埋蛋黃洋蔥等配料好軟滑好好食令人想食完一啖又一啖🤭總括嚟講都唔錯價錢亦唔貴有機會會想再黎試下其他菜色☺️…Read More

每次嚟荃灣都會心思思想嚟食米線星期一晚去開荃灣就決定黎碰下運氣睇下多唔多人大概7點去到前面只係有幾個人排緊隊店員派落單紙嘅時候已經會講定有乜嘢無貨揀好野食排左10分鐘度就入得☺️雖然係街市熟食中心入面但好夠冷氣由於米線係逐碗住所以入座之後都等左好一陣今次叫左麻酸辣湯底剩芽菜配酸菜牛腩, 招牌酥炸雞球同健康有營(有蕃茄,菜,豆卜同腐皮)男朋友唔食辣所以要咗清湯米線配肥牛蒜香椒鹽雞翼同野菌腐皮卷麻酸辣湯底好麻啱晒我呢啲平時食乜都揀多麻嘅人🤭第一次試酸菜牛腩有驚喜牛腩煮到好腍好入味炸物全部即叫即炸好出色唔會好油最鐘意炸雞球好juicy係每次嘅必選👍🏻…Read More

永光商業大廈有唔少日本餐廳今次就試咗呢間由日本人主理嘅居酒居Menu食物嘅選擇唔算多去居酒居當然要order幾個酒肴試吓炙烤鮭魚片同鹽辛烏賊味道偏濃襯返清酒啱啱好.炙烤鮭魚片 鹽辛烏賊南蛮炸魚片 - 魚片上淋上自家製嘅甜醋汁味道酸酸甜甜好開胃見menu寫刺身全部都係日本直送即刻order咗個兩人份嘅刺身拼盤有金目鯛, 烏賊, 北寄貝同海膽 (仲有一款魚唔記得叫乜嘢名 🙈🙈)5款刺身入面最鍾意海膽好新鮮味道鮮甜如果份量多啲就好另外仲叫咗雞串燒盛合、一夜干、天婦羅等食物味道不錯️…Read More

一直知道呢度嘅越南法包好出名今日終於有機會試到☺️餐廳主要做外賣入面無乜位可以堂食目測得一個立食位今日叫咗個4.5吋法包🥖法包入面有扎肉, 烤肉, 豬肉鬆, 甘筍, 醃蘿蔔, 青蔥,芫荽, 肝醬同蛋黃醬因為唔食芫荽嘅關係所以同店員講咗走青另外仲加多咗份蔬菜 (入面有椰菜, 冬菇同西蘭花) 兩樣嘢加埋都只係$38 Lunch嚟講真係好抵食法包好足料咁多樣材料加埋好match 外賣拎到返屋企都仲好好食一定一定會再食下次要試埋佢個湯😋…Read More