YiuMingPhilipChan's Profile

昨晚，我從該店店舖外的櫥窗相片見到它推介馳名的魚蛋河，相片中有三粒魚蛋球和幾片魚蛋片，由於當時店舖內都好多人，我亦想嘗試它的牛腩，於是我就點了一碗「魚蛋河加牛腩」外賣，其中加牛腩是需要另加$10。但係，喺俾完錢之後，我就等左足足15分鐘都仲未攞得，於是我就跟一位服務員阿姐詢問：「阿姐，請問點解要等咁耐嘅？」點知嗰位服務員阿姐居然答我話：「個個都係咁等㗎啦！」跟住佢就唔睬我，冇幾耐，我見廚房裏面個哥哥就整咗碗魚蛋河加牛腩出嚟，但係我見到該碗外賣嘅「魚蛋河加牛腩」當中只有兩粒魚蛋，魚蛋片就更冇咗影，明顯與廣告的照片有出入，於是我又再問嗰位服務員阿姐：「請問點解得兩粒魚蛋咁小嘅？出邊個廣告張相明明有三粒㗎喎！仲有啲魚蛋片連半塊都冇，點解呢？」點知唔問由自可，一問個阿姐又發火說：「你知唔知啲魚蛋幾貴呀！係得兩粒架咋！」於是我就同佢講，我話：「阿姐唔係喎，出邊張相明明係有三粒㗎喎！」跟住佢就鬧番我轉頭，仲話：「你知唔知啲魚蛋幾貴呀？個個都係得兩粒㗎啦！」嗰一刻，頓時令我諗起劉德華嗰個廣告：「今時今日仲有咁嘅服務態度⋯」自此之後，我就決定以後都唔會再幫襯呢間店舖！…Read More